Кремљ: Тричасовната средба меѓу Виткоф и Путин беше „корисна и конструктивна“

dam-bortnowski-from-pixabay

Советникот за надворешна политика на Кремљ, Јуриј Ушаков, изјави дека тричасовната средба меѓу специјалниот пратеник на САД, Стив Виткоф и рускиот претседател Владимир Путин била „корисна и конструктивна“.

Разговорите меѓу Виткоф и Путин доаѓаат само два дена пред истекот на крајниот рок даден од американскиот претседател Доналд Трамп за Русија да договори прекин на огнот во Украина или да се соочи со нови санкции.

Ушаков за руски телевизиски канал изјави дека двете страни разговарале за конфликтот во Украина и потенцијалното подобрување на односите меѓу САД и Русија.

Тој додаде дека Виткоф добил одредени „сигнали“ за украинското прашање, а Москва добила релевантни пораки од американскиот претседател Трамп.