Македонски
Повредените се вратија од 20 земји од 30 различни медицински центри и 30 различни протоколи како да се третираат. Ќе останеме посветени се дури не закрепене и последниот повреден од трагедијата во Кочани, вели во интервју за „Република“ Сашо Клековски, директор на Фондот за здравствено осигурување на Македонија.
Во втората половина на јули ќе почне со рехабилитација втората група на пациенти повредени од пожарот во Кочани кои се сместени во одморалиштето на МВР на Пониква.
Во Пониква во моментов е првата група. Таму со нив се и 5 физиотерапевти кои работат по програми, специјалист физијатар и општ хирург.
Со Клековски разговаравме за Пониква, рехабилитацијата, ресоцијализацијата, психолошката поддршка, евалуацијата на повредените, како оди заздравувањето, колку државата се вложила во лекувањето на пациентите.
