Македонски
Facebook/Benjamin Netanyahu
Израелскиот премиер Бенјамин Нетанјаху ја одложи посетата на Азербејџан планирана за идната недела, делумно поради најновите случувања во Појасот Газа и Сирија, пренесоа агенциите, повикувајќи се на Кабинетот на Нетанјаху.
Од Кабинетот, исто така, го истакнаа и неговиот „зафатен дипломатски и безбедносен распоред“, додавајќи дека посетата ќе биде презакажана за подоцнежен датум, без да прецизира датум.
Нетанјаху требаше да го посети Азербејџан од 7 до 11 мај и да се сретне со претседателот Илхам Алиев.
Израел и Азербејџан имаат блиски врски во областа на безбедноста и енергетиката.
