Македонски
30 април е прогласен за Меѓународниот ден на џезот на 30 април, 2011 година од страна на УНЕСКО. Идејата потекнува од џез-пијанистот Херби Хенкок, кој е амбасадор на добра волја на УНЕСКО.
Овој ден се одбележува со концерти, работилници, едукативни програми и јавни настапи во повеќе од 190 земји ширум светот, обединувајќи ги заедниците, училиштата, уметниците и ентузијастите ширум светот. Џезот ја слави културната разновидност, промовира мир и меѓукултурен дијалог, поттикнува родова еднаквост и ја истакнува слободата на изразување.
Оваа година централната прослава на Денот на џезот ќе се случува во Абу Даби, Обединети Арапски Емирати. Настанот ќе биде предводен од легендарниот пијанист Херби Хенкок и воден од Оскаровецот Џереми Ајронс, а ќе настапат низа најреномирани џез артисти од светот меѓу кои Курт Елинг, Диди Бриџватер, Маркус Милер, Артуро Сандовал, Данило Перез и други.
Кај нас централниот настан по повод меѓународниот ден на џезот ќе се одвива на две локации: Паркот “Ибни Пајко” и Македонскиот народен театар – Скопје, во организација на Националниот џез оркестар.
Програма:
📍 Македонски народен театар:
18:00ч Brian Marsella Trio (USA)
(Концертот на американскиот пијанист Брајан Марсела и неговото трио е настан со кој нашата земја го одбележува 30 годишниот јубилеј од воспоставувањето дипломатски односи меѓу Република Македонија и САД.)
📍 Парк „Ибни Пајко“:
16:00ч. Џез за деца
19:30ч. Бојан Цветковиќ Квартет (SRB)
20:30ч. YoYo Band (BG)
21:30ч. Христијан Ристески Квартет (SL/MK/USA)
22:30ч. Trio Dragobert feat. Milagros Piñera (AU)
Во случај на неповолни временски услови, сите концерти ќе бидат префрлени во салата на Македонскиот народен театар.
***** Дизајнот на промо материјалите е изработен од страна на дизајнерката Маргарита Коцалева за што сме ѝ многу благодарни, како резултат на нашата соработка со Brainster .
Настанот е поддржан од нашите пријатели Halkbank AD Skopje и СКОПСКО.
BOJAN CVETKOVIC QUARTET (SERBIA)
Bojan Cvetkovic – пијано
Rastko Obradovic – саксофон
Nikola Banovic – тапани
Boris Stainovic – контрабас
Бојан Цветковиќ е еден од најангажираните пијанисти од поновата џез генерација. Дипломирал џез-пијано на ФМУ во Белград во класата на професорот Сава Милетиќ. Моментално настапува во неколку бендови, од кои најзабележителни се квартетот Бојан Цветковиќ и Drumbooty.
Својот прв албум со наслов „Joy“, го издава во 2022 година, а веќе на 16 октомври 2024 година го снима и вториот студиски албум “Бојан Цветковиќ квартет” кој ќе излезе во 2025 година. Од неговите позначајни настапи може да се извдвојат настапот со германскиот биг-бенд East West European Jazz Orchestra, настапот со биг-бендот на ЗЏМ и Луис Бонила, настапот во Њујорк на фестивалот Made in New York, како и шоуто во зградата на ОН во Њујорк со бендот Drumbooty. Понатаму, има настапувано со значајни имиња од џез музиката меѓу кои Уве Плат, Дијан Пративи, Пеѓа Милутиновиќ, Лука Игњатовиќ, Милан Николиќ и многу други…
Веќе две години учествува во организацијата на белградскиот џез клуб „Блуз и пиво“ со два организирани џез фестивали и “џем сешн” свирки секој вторник .
TRIO DRAGOBERT FT. MILAGROS PIÑERA (CUBA/AUSTRIA)
Milagros Piñera – вокал, гитара, перкусии (CUBA)
Georg Tausch (AUT) – тапани
Dragan Trajkovski (MK/AUT) – контрабас
Robert Sölkner (AUT) – пијано
Trio Dragobert feat. Milagros Piñera е латино џез квартет кој спојува различни стилови на латиноамериканска музика и ги претставува во нов контекст.
Ритам секција ја сочинуваат Georg Tausch на тапани (Професор по џез-тапани на Конзерваториумот во Инсбрук), Драган Трајковски – бас (главен басист на Тиролскиот симфониски оркестар) и Robert Sölkner – пијано (пијанист кој има соработуано со уметници како што се Robby Ameen, Tony Glausi и и предавач во Моцартеум Инсбрук).
Овие музичари се реномирани фигури на џез-сцената во Австрија, а за проектот Trio Dragobert feat. Milagros Piñera им се приклучува и Milagros Piñera како фронтмен на бендот, вокал, на гитара и перкусии. Нејзиниот препознатлив глас му дава на квартетот уникатен микс на кубанска елеганција од една страна и непогрешлива стилска автентичност од друга страна. Како мулти-инструменталист, таа го додава последниот “шмек” на неодоливиот “groove” на нејзините тројца колеги од бендот.
BRIAN MARSELLA (USA)
Brian Marsella – пијано
Trevor Dunn – контрабас
Kenny Wollesen – тапани
Brian Marsella e пијанист, композитор, бендлидер и едукатор од Њу Џерси. Роден во Филаделфија и активен на сцената во Њу Јорк од 1998 година. Марсела има има издадено повеќе од 30 албуми како лидер и „сајд-мен“. Активно соработува со врвни имиња, како неговите триа со Christian McBride/Anwar Marshall и Kenny Wollesen/Trevor Dunn; John Zorn, Ches Smith, Jorge Roeder, Julian Lage, Nels Cline и многу други.
Во рамки на својата богата кариера, Марсела има настапувано во светски реномирани фестивали меѓу кои Montreal Jazz Festival, North Sea Jazz Festival и има одржано концерти во концертни сали и , како Village Vanguard, Jazz at Lincoln Center, The Kimmel Center, Elbphilharmonie, и многу други.
HRISTIJAN RISTESKI QUARTET (MK/USA/SLO/CRO)
Hristijan Risteski (Macedonia) – саксофон/кларинет
Marko Churnchetz (Slovenia) – piano
Chris Smith (USA) – тапани
Hrvoje Kralj (Croatia) – контрабас
Христијан Ристески, роден во Македонија, дипломец на KUG Jazz Institute – Грац, Австрија. Саксофонист и кларинетист, активен член на џез сцената во Грац. Квартетот ќе свири оригинални композиции и аранжмани на класични дела и џез стандарди. Овој пат на сцена со високо етаблирани џез музичари на европската џез сцена.
Marko Churnchetz (Словенија/САД) е еден од најетаблираните и највиртуозните модерни пијанисти во светски рамки. Повеќе од 10 години дел од сцената во Њу Јорк. Професор на факултетите во Љубљана и Клагенфурт.
Chris Smith (САД) – професор по џез тапани на KUG Jazz Institute – Грац. Соработки со светск
и имиња, како Dick Oats, Randy Brecker, Vanguard Jazz Orchestra и Birdland Big Band.
Hrvoje Kralj (Хрватска/Австрија) – еден од најактивните басисти во Автрија. Соработки со врни имиња, како Don Menza, Dena De Rose, Jim Rotondi, Harry Allen, Alex Sipiagin и многу други.
YO-YO BAND (BULGARIA)
Mihail Yossifov – труба
Arnaud Garofe Faras – саксофон
Steve Hamilton – пијано
Daniele Febo – бас
Hristo Yotsov – тапани
Проектот „Yo-Yo Band“ е основан во 2021 година од Христо Јостов. „Јо-Јо“, поради Јостов и Јосифов, јадрото на бендот. Проект со флексибилна постава, со интернационални и домашни гости. Бендот изведува оригинални композиции на Јосифов и Јостов, како и дела на гостите кои свират со нив. Многу енергија, акцент на ритам и сола кои нема да ве остват рамнодушни.
Христо Јостов (тапани) е еден од најетаблираните музичари на бугарската, како и европската џез сцена. Тапанар, композитор и аранжер со бројни концерти и албуми зад себе. Професор на Националната музичка академија „Професор Панчо Владигеров“. Соработувал со многу звучни имиња од домашната и интернационалната сцена и има издадено над 30 албуми за бугарски и странски изведувачи.
Михаил Јосифов (труба), еден од најуспешните современи бугарски професионални музичари. Трубач, композитор, аранжер и едукатор со голема креативна енергија. Дел од проектите на Јосифов – Mihail Yossifov Sextet, Sentimental wingers, RomaNeno Project, Brazz Association COMBO и многу други. Соработка со интернационални имиња, како Mike Stern, Dave Weckl, Mezzoforte, Dephazz, Peter Herbolzheimer, Karen Bernod, Randy Brecker, Michel Camilo, и Patti Austin. Јосифов е професор по труба на музичката академија во Софија.
