Македонски
Унгарскиот премиер Виктор Орбан изјави денеска дека неговата земја е подготвена да учествува во финансирањето на заедничката европска одбранбена политика, но дека силно се противи на задолжување од Европската унија за таа цел, пренесе Блумберг.
Ова прашање може да биде една од клучните теми на претстојниот самит на лидерите на ЕУ следната недела, каде што, според Орбан, се очекуваат „тешки“ преговори.
Дополнително, унгарските пратеници од владејачката партија веќе вметнаа одредба во уставот, со која се бара двотретинско мнозинство во парламентот за да се одобри заедничкото финансирање од ЕУ.
Овој став на Унгарија може да создаде нови предизвици за европските лидери во обидот да постигнат согласност за идните безбедносни стратегии на Унијата.
