Едно лице загина, 25 се повредени во судар на брз воз и камион во Германија

Едно лице загина, а 25 се повредени, од кои шест потешко, во судар на брз воз и камион во предградието на германскиот град Хамбург, соопшти полицијата.

Во моментот на судирот во возот (ICE) имало 291 лице. Полицијата соопшти дека неповредените патници биле евакуирани и однесени со автобус до блиската станица.

Еден сопатник (55) починал на местото на настанот.

Не е утврдено што довело до несреќата. Возачот на камионот е приведен на распит.