Следната недела авионски ќе се прска против комарци во Скопје

Градот Скопје ги известува граѓаните дека следната недела ќе се изврши авионската дезинсекција на подрачјето на градот Скопје, против ларви од комарци.

Дезинсекцијата ќе се реализира во вторник во раните утрински часови.

Доколку временските услови не го дозволуваат вршењето на дезинсекцијата, истата ќе се изврши првиот нареден ден, кога временските услови ќе бидат поволни, во истите термини.

Се известуваат пчеларите навремено да ги преземат потребните мерки за заштита на пчелите, се наведува во известувањето од Град Скопје.