Македонски
Македонската машка кадетска ракометна репрезентација ја совлада селекцијата на Фарски острови со 34:32 на Европското првенство што се одржува во Белград, Србија. Ова беше натпревар за пласман од 9-16.место. Утре македонската репрезентација во натпревар за пласман од 9-12 место ќе игра против селекцијата на Португалија, која ја победи Шведска со 32:28.
Македонската репрезентација имаше постојано водство и на полувреме предноста изнесуваше 18:13. На стартот од вториот дел по водство на македонскиот тим со 24:17 противникот направи серија од 7-0 за првото и единствено изедначување на резултатот – 24:24. Сепак избраниците на селекторот Горан Кузманоски се вратија и постигнаа три гола за нова предност која ја зачуваа до крајот на дуелот.
