Македонски
Рускиот претседател Владимир Путин и началникот на Генералштабот Валериј Герасимов вчера објавија заземање на источноукраинскиот град Северск, отворајќи го патот за понатамошни офанзиви, објави ДПА.
-Ова значи дека сега се можни и други успешни напади во други насоки во источен Донбас, рече Путин за време на состанокот, емитуван на државната телевизија и делумно преку видео врска.
Украинската страна првично официјално не коментираше за наводното предавање на градот.
Руската војска соопшти дека нејзина следна цел е да го заземе градот Славјанск, кој бил дом на повеќе од 100.000 луѓе пред почетокот на војната во 2022 година.
Стратешката иницијатива е целосно во рацете на руската армија, рече тој, додавајќи дека заземањето на регионите Донецк, Луганск, Херсон и Запорожје напредува.
Путин не ги спомена тековните разговори за завршување на војната или мировниот план на американскиот претседател Доналд Трамп, забележа ДПА.
Тој претходно ги опиша предлозите на Трамп како основа за преговори, но јасно стави до знаење дека Русија може да ги постигне своите цели на бојното поле ако Киев ги отфрли условите на Москва за договор.
На пример, Путин бара Украина да го предаде целиот источен дел од Донбас во замена за прекин на огнот – со други зборови, Киев да се повлече од териториите што сè уште ги контролира. Украина отсекогаш категорично го отфрлала ова барање.
На вчерашниот состанок, Путин ја потврди целта за „протерување на украинските формации од нашата територија и враќање на мирниот живот на земјата Донбас“
