Македонски
Риалити ѕвездата Ким Кардашијан конечно откри зошто пред 18 години решила да го скрати своето име, пишува „Пипл“.
Во неодамнешно интервју, зборувајќи за својата нова MasterClass работилница посветена на „новите правила на бизнисот“, Ким откри интересен и досега малку познат детал од раните денови на семејното шоу „Keeping Up with the Kardashians“.
Кардашијан објасни дека, кога во 2007 година се емитуваше првата сезона на оригиналното риалити, таа се претставувала исклучиво со своето целосно име — Кимберли. Тоа значи дека на 27-годишна возраст, речиси никој не ја викал со кратенката по која денес е препознатлива.
„Секогаш бев Кимберли, сè додека не го потпишавме договорот за риалити шоуто. Кога го погледнав своето име Кимберли Кардашијан на кајронот, си помислив: ‘Мислам дека ова ќе биде предолго за луѓето. Ајде да го скратиме на Ким.’ Тоа беше толку чудно, затоа што сите мои пријатели од детството и средно училиште, па и татко ми, отсекогаш ме викаа Кимберли,“ се присети таа.
По премиерата во 2007 година, „Keeping Up with the Kardashians“ се емитуваше уште 14 години. Една година по завршувањето, во 2022 година, семејството се врати на малите екрани со серијата „The Kardashians“, чија седма сезона е во тек.
Ким уште како дете сонувала за риалити кариера
Кардашијан откри и дека желбата да се појави во риалити формат постоела уште од најрана возраст.
„Навистина сакав да бидам дел од риалити шоу од моментот кога „Ем-ти-ви“ го објави ‘The Real World’. Го гледав со мојата најдобра другарка. Се свртев кон неа и ѝ реков: ‘Ова ќе го правам и јас.’ А таа ми рече: ‘Јас ќе ти бидам менаџерка.’ Мислам дека имавме околу 11 години“, откри Ким.
Интересно, судбината подоцна навистина ги споила Кардашијанови со истите продуценти кои работеле и на „The Real World“, што го означило почетокот на нивната глобална риалити империја.
