Мерц ја откажа посетата на Осло и итно оди во Брисел да ја убедува Белгија за замрзнатите руски средства

Facebook/Friedrich Merz

Германскиот канцелар Фридрих Мерц го откажа планираното патување во Осло и наместо тоа патува во Брисел на разговори со белгискиот премиер Барт де Вевер и претседателката на Европската комисија, Урсула фон дер Лајен, за запленување на замрзнатите руски средства.

„Блумберг“ објави дека Мерц ќе се обиде да изврши притисок врз Белгија да го прифати неговиот план.

Белгија оваа недела го отфрли предлогот на ЕУ за запленување на замрзнатите руски средства и нивно користење за поддршка на Украина.

Мерц претходно ги повика земјите од ЕУ да „ги споделат ризиците“ од претворањето на тие руски средства во заеми за Киев.