Македонски
7 НОЕМВРИ (ПЕТОК) 20:00ч
Во сеќавање на Клаудија Кардинале
ИЗГУБЕНА КОМАНДА
(Lost Command)
Игран филм, САД
1966, 130 мин., колор, ДЦП
Режија: Марк Робсон (Marc Robson)
Сценарио: Нелсон Гидинг (Nelson Giedding)
Улоги: Ентони Квин, Ален Делон, Клаудија Кардинале (Anthony Quinn, Alain Delon, Claudia Cardinale)
Филмот „Lost Command“ (1966), во режија на Марк Робсон, е епска воена драма базирана на романот The Centurions на Жан Лартеги. Во него играат: Ентони Квин, Ален Делон, Џорџ Сегал и Клаудија Кардинале, која со својот карактеристичен шарм и интензитет внесува човечка топлина и морална димензија во оваа сурова приказна за колонијалните војни.
Дејството започнува со поразот на Французите во битката при Диен Биен Фу (1954), кога полковникот Расиер (Ентони Квин) и неговите војници се повлекуваат од Индокина и подоцна се вклучуваат во новиот конфликт — Алжирската војна за независност. Среде политички и идеолошки хаос, тој се соочува со морални дилеми околу честа, насилството и бесмисленоста на окупацијата.
Ликот на Аиша (ја игра Клаудија Кардинале) — интелигентна и горда Алжирка, која претставува глас на отпорот и совеста. Нејзината врска со францускиот офицер (Ален Делон) внесува емотивна тензија и го поставува прашањето за можноста на разбирање меѓу завојуваните страни.
„Lost Command“ е динамичен и политички набиен филм, кој преку спектакуларни сцени на битки и психолошки портрети ја истражува цената на империјализмот и човечкото страдање. Клаудија Кардинале, иако нема доминантна улога во однос на воените ликови, внесува силна емотивна противтежа — симболизирајќи го достоинството и отпорот на потчинетите.
Филмот е типичен пример за холивудска интерпретација на историски трауми од времето на деколонизацијата, каде што личните драми и моралните конфликти се ставаат во прв план пред геополитиката.
Возрасна категорија: 16 години
Влезница: 150 денари
