Македонски
Велат дека љубов на прв поглед не постои, но постои привлечност што се случува за само една секунда. И додека личноста и карактерот се одлучувачки на подолг рок, научните истражувања, но и искуствата на жените, покажуваат дека постојат одредени физички карактеристики кои веднаш го привлекуваат погледот и оставаат прв впечаток. Еве што жените најчесто прво забележуваат кај мажот:
- Очите
Очите често се првото што се забележува бидејќи откриваат карактер и емоции. Погледот може да биде топол, заводлив или самоуверен, а токму тоа најчесто остава силен прв впечаток. Не е ни чудо што многу жени велат дека се „изгубиле“ во нечиј поглед. - Насмевката
Искрената насмевка открива пристапност и позитивен став. Маж кој не се плаши да се насмевне остава впечаток на ведра и самоуверена личност. Освен тоа, насмевката лесно создава чувство на блискост и топлина. - Висината
Иако висината сама по себе не е пресудна, многу жени признаваат дека високите мажи веднаш им паѓаат во очи. Се работи повеќе за впечаток на заштита и сила што висината симболично го носи, отколку за самите сантиметри. - Рамената и држењето
Широките рамена и исправеното држење се поврзуваат со машкост и самодоверба. Маж кој стои исправено остава впечаток на сила, сигурност и стабилност – особини што многумина ги сметаат привлечни. - Рацете
Без разлика дали се работи за цврст стисок на рака или начинот на кој мажот гестикулира, рацете често го привлекуваат вниманието. Тие можат да откријат сила, нежност, но и чувство за детали – нешто што за многу жени има големо значење.
