Сијарто: Зеленски почна грда кампања против Унгарија

Унгарскиот министер за надворешни работи, Петер Сијарто, изјави дека претседателот на Украина, Володимир Зеленски, почнал „грда кампања“ против Унгарија на меѓународната сцена во последните денови.

Сијарто додаде дека, сепак, „не треба да се паѓа на провокациите на Зеленски“.

Унгарскиот шеф на дипломатијата истакна дека е за жалење што „американските демократи и западноевропските либерали почнале жесток напад во последен обид да ги фрустрираат мировните напори на идниот американски претседател Доналд Трамп“.

Крајно време е западноевропските лидери да сфатат дека Доналд Трамп е сериозна личност, истакна Сијарто.