Бајрами си нашол адвокат, каде се наоѓа уште е тајна

Перпарим Бајрами, поранешен директор на Државната Лотарија, за свој правен застапник го ангажира адвокатот Антонио Апостолски од Скопје. Полномошното, потпишано од Бајрами, било предадено вчера на адвокатот преку близок роднина на осомничениот, откако судот изрече мерка притвор против него.

Сепак, пред судот, адвокатот Апостолски изјавил дека не располага со информации за актуелната локација на својот клиент.

Се појавија шпекулации дека, слично како и во случајот со Артан Груби, Бајрами можеби избегал во Косово или Албанија. Судските органи засега немаат потврда за овие тврдења, а потрагата по осомничениот продолжува.

Се очекува во текот на денот МВР да ги објави меѓународните потерници по Артан Груби и Перпарим Бајрами.