Ложата на Алијанц Арената врие од познати личности од фудбалот, но и надвор од него, а една од поинтересните двојки се легендарните тренери Жозе Мурињо и Сер Алекс Фергусон.

Мурињо и Фергусон беа ривали, но и големи пријатели, отсекогаш имале почит еден кон друг, а имаа и традиција да пијат вино по нивните меѓусебни натпревари. Денеска сигурно има што да си кажат.

Мурињо средбата со Ферги ја објави и на својот инстаграм профил:

 

View this post on Instagram

 

A post shared by Jose Mourinho (@josemourinho)

The post Мурињо и Фергусон заедно го гледаат првиот меч на Европското првенство appeared first on Република.

Тренерот на Фенербахче, Жозе Мурињо ги прогласи фаворитите за Европското фудбалско првенство 2024, кое ќе започне на 14 јуни во Германија.

- Тоа се Португалија, Англија, Франција, а потоа следат Германија и Шпанија. Може ли Италија да стане европски шампион? Не верувам. Тие немаат многу талентирана генерација, не верувам дека повторно ќе победат, рече Мурињо во интервју за „РТП 3“.

Италија го освои последното првенство, победувајќи ја Англија на пенали во финалето.

Во групната фаза на Евро 2024, Италија ќе се сретне со Албанија, Шпанија и Хрватска

The post Oвие репрезентации се фаворите за ЕУРО според Мурињо appeared first on Република.

Португалскиот тренер Жозе Мурињо ќе добива годишна плата од 10,5 милиони евра на чело на турскиот гигант Фенербахче.

Информации за бонусите на основната плата на стручњакот не се објавени.

Целта за Португалецот е освојување на турската лига. Фудбалерите на Фенербахче една деценија не триумфирале во локалниот шампионат и сега управата на клубот бара промена.

Мурињо за прв пат по 20 години ќе предводи тим кој не е дел од топ 5 европските првенства.

Во својата долга тренерска кариера, Жозе Мурињо беше на чело на некои од најголемите клубови на Стариот континент, вклучувајќи ги Бенфика, Порто, Интер, Реал Мадрид, Манчестер Јунајтед, Челси, Тотенхем и Рома.

The post Фенербахче го „позлатува“ Мурињо appeared first on Република.

Португалскиот фудбалски стратег Жозе Мурињо (61) изминатата вечер доживеа спектакуларен пречек на стадионот „Улкер“ во Истанбул, каде пред илјадници воодушевени навивачи беше претставен како нов тренер на Фенербахче.

Мурињо беше без тренерски ангажман од јануари кога доби отказ од Рома.

Свеченото потпишување на договорот со трофејниот португалски тренер се одржа на стадионот на Фенер пред илјадници навивачи кои го скандираа неговото име и пееја навивачки песни.

„Вообичаено, тренерите се сакаат по победите, а во овој случај таа љубов веќе ја чувствувам и тоа е голема одговорност што ја чувствувам. Ви ветувам дека од овој момент припаѓам на ова семејство, овој дрес е мојата кожа“, рече Мурињо во своето обраќање до навивачите, мавтајќи со дресот на Фенербахче.

The post Mурињо: Овој дрес сега е моја кожа appeared first on Република.

Фенербахче очекувано го објави назначувањето на Жозе Мурињо за тренер на тимот.

Според информациите, договорот ќе биде на две години со можност за уште 12 месеци.

Денеска напладне Специјалот тргна од Лондон за Истанбул. Синоќа гостуваше на финалето на Лигата на шампионите, а уште тогаш потврди дека ќе ги преземе „фенерите“.

Мурињо вечерва ќе биде претставен на навивачите на клубот.

Искусниот менаџер ќе има задача Фенербахче да стане шампион на Турција, нешто што не се случило десет години. Болката кај навивачите на клубот е уште поголема бидејќи во последните три изданија на првенството тимот остана втор.

The post Фенербахче и официјално се пофали со Мурињо appeared first on Република.

Португалскиот фудбалски стратег Жозе Мурињо ќе седне на клупата на турскиот гигант Фенербахче, објави денеска италијанскиот новинар Џанлука Ди Марсио.

Според изворот, назначувањето на 61-годишниот Португалец може да биде објавено уште денеска, а Мурињо ќе потпише двегодишен договор со турскиот клуб.

Мурињо е без тренерски ангажман од јануари кога му беше врачен отказ во Рома.

Фенербахче минатата сезона заврши на второто место во турскиот шампионат, а титулата ја освои градскиот ривал Галатасарај.

The post Истанбул ќе гори-Мурињо потпишува за Фенербахче appeared first on Република.

Португалскиот фудбалски стручњак Жозе Мурињо би можел седне на тренерското место во Фенербахче.

Според „Сабах“, клубот од Истанбул бара замена за актуелниот тренер Исмаил Картал и е заинтересиран за Португалецот. Забележано е дека Мурињо „топло реагирал“ на понудата на Фенербахче.

Последната работа на Жозе беше во Рома, од која доби отказ во јануари.

Претходно во текот на својата кариера, трофејниот Мурињо ги предводеше Тотенхем, Манчестер јунајтед, Челзи, Реал Мадрид, Интер, Порто, Униао де Леира и Бенфика

The post Истанбул ќе гори: Мурињо преговара со Фенербахче appeared first on Република.

 Поранешниот тренер на Рома, Жозе Мурињо би можел да води еден од клубовите од Премиер лигата.

Според „TEAMtalk“ Вест Хем е заинтересиран за услугите на 61-годишниот стручњак, сметајќи го Португалецот како можна замена за Дејвид Мојс, чиј договор истекува на крајот од сезоната 2023/24.

Мурињо претходно во кариерата тренираше тимови како Челзи, Манчестер јунајтед и Тотенхем во Премиер лигата. Тој стана трикратен шампион на Англија. Беше отпуштен од Рома во јануари оваа година.

Вест Хем моментално се наоѓа на осмото место во табелата во Премиер лигата со 48 бодови од 33 натпревари

The post Можно ли е: Mурињо во Вест Хем? appeared first on Република.

Тренерот на Рома, Даниеле Де Роси беше воодушевен од победата над Феенорд по пенал рулетот и пласманот на неговиот тим во осминафиналето на Лига Европа. Ова беше и прв успех на младиот тренер на меѓународна сцена.

Тој на шега изјави дека неговиот тим уште еднаш победил на препознатлив начин, предизвикувајќи срцев удар на нивните поддржувачи.

-Беше неверојатно, секогаш ќе се сеќавам што се случи вечерва. Тоа беше мојата прва европска вечер во Рим во оваа улога. Среќен сум што заврши како што заврши. Мислам дека заслуживме да победиме, имајќи предвид се што направивме за време на натпреварот. Победивме на типичен начин - предизвикувајќи неколку срцеви удари! Имаме добар тим, одличен стадион и среќен сум, изјави Де Роси по мечот на „Олимпико“

The post Рома игра како нова по заминувањето на Мурињо appeared first on Република.

Португалскиот тренер Жозе Мурињо изјави дека би сакал Реал Мадрид да ја освои Лигата на шампионите оваа сезона.

- Би сакал Реал Мадрид повторно да ја освои Лигата на шампионите. Вклучувајќи го и Карло Анчелоти. Баерн Минхен може да го направи тоа, исто како и Пари Сен Жермен, кажа Мурињо, цитиран од „Caught Offside“.

Потсетуваме, во јануари оваа година италијанска Рома го отпушти Мурињо од функцијата тренер на тимот. Португалецот ги водеше „волците“ од 2021 година.

Мурињо беше тренер и на Тотенхем, Манчестер Јунајтед, Челси, Реал Мадрид, Интер, Порто, Леирија и Бенфика.

Во првиот натпревар од осминафиналето на Лигата на шампионите за сезоната 2023/2024, Реал на гостински терен го победи РБ Лајпциг со 1:0

The post Мурињо сака Реал Мадрид да ја освои ЛШ appeared first on Република.

 Жозе Мурињо го врати прстенот добиен од фудбалерите на Рома по освојувањето на Лигата на конференции минатата сезона. Португалскито фудбалски стручњак верува дека играчите на Рома го изневериле.

Да потсетиме, римскиот клуб го отпушти Мурињо од тренерската функција на 16 јануари. Португалецот е во тимот од 2021 година и ја освои Конференциската лига.

Како што пренесува „TuttomercatoWeb“, повикувајќи се на „Il Messaggero“, тренерот се чувствувал предаден од неговите играчи и клубот, кој веднаш го назначил Даниеле де Роси за негова замена.

Мурињо прстенот го остави во шкафчето на капитенот на тимот Лоренцо Пелегрини. Ова е силен гест да се нагласи дека се чувствувал предаден од тимот и неговите играчи. Според тренерот, фудбалерите не се однесувале како мажи и ја одобрил одлуката на клубот да го отпушти.

Пелегрини, заедно со другите соиграчи, се обиделе да му објаснат на Мурињо дека не знаеле за намерите на Фридкинс

The post Навистина е специјален: Mурињо се почуствувал изневерен од играчите на Рома, им го вратил прстенот за освоената Конференцска лига appeared first on Република.

Поранешниот менаџер на Манчестер јунајтед, Жозе Мурињо би сакал повторно да раководи со 20-кратниот шампион на Англија, објави „Daily Mail“.

Шеесет и едногодишниот Португалец верува дека има незавршена работа со  „црвените ѓаволи“. Тој е заинтересиран повторно да биде на чело на Јунајтед доколку му се укаже шанса.

Мурињо би сакал да соработува со новите косопственици на клубот од Манчестер, кои неодамна купија 25 отсто од акциите на тимот од „Олд Трафорд“.

Португалецот беше тренер на Манчестер Јунајтед од 2016 до 2018 година. Со „црвените ѓаволи“ еднаш го освои Лига купот и трофејот во Лига Европа.

Во јануари италијанската Рома објави отказ за Португалецот. Мурињо во текот на кариерата ги водеше и Тотенхем, Челзи, Реал Мадрид, Интер, Порто и Бенфика

The post Има незавршена работа: Mурињо сака да се врати на „Олд Трафорд“ appeared first on Република.

- Жозе Мурињо го одби Ал Шабаб, чека опција која ќе го мотивира.

Според новинарот на „COPE и Marca“, Педро Мората, Мурињо ја потврдил информацијата дека нема да работи со саудискиот клуб.

Сега тренерот паузира и чека опција за продолжување на кариерата која ќе го мотивира.

До неодамна Мурињо беше тренер на Рома. Италијанскиот клуб го отпушти Португалецот и на негово место го донесе Даниеле де Роси.

Во својата кариера, пред Рома, Мурињо ги предводеше Тотенхем, Манчестер јунајтед, Челзи, Реал Мадрид, Интер, Порто и Леира

The post Клубот од Саудиска Арабија не е доволно мотивирачки за Мурињо appeared first on Република.

Сега веќе поранешниот тренер на Рома, Жозе Мурињо на својата страница на социјалната мрежа објави проштално видео за навивачите на римскиот тим.

- Пот, крв, солзи, радост, тага, љубов, братство, историја, срце, вечност, напиша Мурињо во описот на видеото.

Мурињо е во Рома од 2021 година. Тој го предводеше тимот до победа во Конференциската лига во 2022 година и стигна до финалето на Лига Европа минатата сезона.

Во тековната сезона од италијанското фудбалско првенство, Рома е на 9. место со 29 бода на 20 натпревари

The post Господин човек: Мурињо се прости од навивачите на Рома appeared first on Република.

Тренерот на Рома, Жозе Мурињо се огласи пред натпреварот против Милан во 20. коло на Серија А.

Оваа сезона имавме два тешки периоди: првиот беа првите три натпревари во првенството, кога можевме да освоиме девет бода, земавме само еден. Сега заостануваме четири бода зад зоната на Лигата на шампионите, токму како последица на тој период. Вториот период е сегментот во кој со скратен состав играме против Фиорентина, Аталанта, Јуве, Лацио, Милан. Неправедно е ако некој не сака да го нарече ова тешкотија. Заборавањето на моменталните тешкотии е лудост. Дури и мечот што го добивме против Кремонезе... Како го добивме? Со која линија на одбрана? Кристенсен кој не е дефанзивец, Манчини е повреден и не игра во центарот на одбраната, Хасен е уште дете, Љоренте можеби ќе може да игра утре, но е неизвесен. Имаме тренер чие име е доволно да ги натера луѓето да мислат дека се вика Жозе Хари Мурињо Потер. Ова го подига нивото на барања и очекувања, но не сум семоќен, изјави Мурињо.

Португалецот најави голема борба против Милан и покрај големите проблеми со повредени фудбалери со кои се соочува римскиот клуб.

Штета што ќе бидам на трибина, а не на клупата. Но, јас ќе ја работам мојата работа, а имам уверување дека момците ќе дадат максимум, изјави Мурињо.

Натпреварот Милан - Рома ќе се игра утревечер со почеток во 20:45 часот на „Сан Сиро“ во Милано.

The post Мурињо: Не сум Хари Потер, не сум семоќен appeared first on Република.

Тренерот на Рома, Жозе Мурињо може да го напушти тимот, тврди „FootMercato“.

На одлуката на 60-годишниот фудбалски стручњак може да влијае заминувањето на спортскиот директор на Рома, Тијаго Пинто, кој ќе го напушти клубот во февруари. Пинто беше иницијатор на поканата на Мурињо во римскиот клуб.

Во оваа насока, Мурињо сè уште не го продолжил договорот со Рома, кој истекува на лето.

Дополнително, се известува дека Рома веќе подготвила скратен список на можни замени за Мурињо. Во него се вклучени Рафаеле Паладино (Монца), Џан Пјеро Гасперини (Аталанта), Иван Јуриќ (Торино), како и Антонио Конте и Игор Тудор, кои моментално се без ангажман.

Рома е на осмото место во италијанската Серија А со 29 бодови по 19 кола.

The post Мурињо размислува за заминување од Рома appeared first on Република.

Тренерот на Рома, Жозе Мурињо истакна дека во иднина може да ја продолжи кариерата во Саудиска Арабија.

-Мислам дека еден ден ќе се приклучам на лигата на Саудиска Арабија. Мислам дека ќе одам таму да тренирам. Но, овој ден нема да се случи утре или задутре, изјави Мурињоза „RAI 1“.

Шеесетгодишниот Португалец е на чело на Рома од летото 2021 година. Во сезоната 2022/23, Римјаните станаа победници на Лига Европа.

Мурињо оваа пролет доби понуда од 120 милиони евра од Саудиска Арабија, но ја одби

The post Mурињо призна дека му е желба да оди во Саудиска Арабија appeared first on Република.

Тренерот на Рома, Жозе Мурињо ќе го напушти клубот на крајот на сезоната, објави „Sky Sports Italia“.

Според италијанскиот ТВ канал, 60-годишниот Португалец и клубот нема да го обноват договорот, не се водат ниту се планирани никакви преговори.

По осум натпревари Рома е на 10. место во италијанската Серија А со 11 бодови.

Мурињо е предводник на Рома од 2021 година. Во текот на својата богата тренерска кариера работеше и во Тотенхем, Манчестер јунајтед, Челзи, Реал Мадрид, Интер, Челзи, Порто, Леира и Бенфика

The post „Специјалниот“ си оди од Рома appeared first on Република.

Португалскиот стратег Жозе Мурињо не го криеше разочарувањето од катастрофалниот почеток на сезоната во италијанското првенство, откако Рома синоќа загуби од Џенова и го претрпе третиот пораз во шестиот натпревар.

Рома загуби со 1-4 на гостувањето во Џенова, која ја забележа првата победа во меѓусебните дуели по пауза од девет години.

По воведните шест кола во Серија А, Рома е на 16 место со само пет бодови, што го става под голем притисок тимот кој под водство на Мурињо ја освои Конференциската лига во 2022, а минатата сезона загуби во финалето на Лига Европа од Севиља.

„Вистина е дека ова е најлошиот почеток на сезона за Рома и за мене како тренер, но исто така е вистина дека Рома никогаш во својата историја немала можност да игра европски финалиња две години по ред“, рече Мурињо.

Рома в недела ја очекува нов предизвик во Серија А против Фросиноне на домашен терен.

„Ова е екипата која ја имаме и во добро и во лошо. Мораме да одиме напред, немаме време за жалење“, посочи португалскиот тренер

The post Мурињо го има најлошиот старт на сезоната appeared first on Република.

Тренерот на Рома, Жозе Мурињо го сподели своето мислење за исклучувањето во европските натпреварувања и Серија А по конфликтите  со судиите.

- Овде во Италија се чувствувам како да сум мета. Во ситуацијата со Чифи се почувствував навреден, мојата слобода беше нарушена. За него го кажав истото што го кажа Модриќ за Орсато, но последиците беа различни. Мене ме жигосаа, изјави Мурињо за „Марка“.

Португалскиот стручњак ќе пропушти два воведни натпревари од италијанското првенство, почнувајќи од 1. коло. Исто така, тренерот ќе треба да плати казна од 50 милиони евра. Истата сума ќе треба да ја плати и Рома.

Мурињо за судијата Даниеле Чифи, по мечот со Монца на крајот на минатата сезона рече: „Ова беше најлошиот судија кој сум го видел во мојата кариера, а верувајте сум се соочил со многу лоши судии“.

На 21 јуни и УЕФА го суспендираше Мурињо на четири натпревари поради навреда на судија во финалето на Лига Европа

The post Мурињо: Во Италија се чувствувам како да сум мета appeared first on Република.