Основното јавно обвинителство Скопје донесе Наредба за спроведување истражна постапка против едно лице за кое постои основано сомнение дека сторило – Тешки дела против безбедноста на луѓето и имотот во сообраќајот согласно член 300 став 2, а во врска со член 297 став 1, но и кривично дело – Неукажување помош на лице повредено во сообраќајна незгода според член 301 став 2 од Кривичниот законик.

Осомничениот 46-годишен скопјанец, на 2 ноември, управувал автомобил „хонда“ под дејство на опојна дрога. Во селото Марино возел со брзина поголема од дозволената и неоприспособена спрема условите на патот, така што кога се доближил до раскрсница меѓу две улички не забележал дека на коловозот има жена-пешак. Неможејќи навреме да запре, со автомобилот удрил во телото на жената, која се здобила со тешки телесни повреди и починала. Осомничениот, по несреќата, веднаш го напуштил местото на настанот и се обидел да го прикрие стореното кривично дело, се вели во обвинението.

Јавниот обвинител до судијата на претходна постапка достави предлог за определување мерка притвор за осомничениот.

Како што соопшти МВР претходно, на 02.11.2024 година во 17.25 часот во СВР Скопје било пријавено дека на крстосницата од ул.„500“ и ул.„401“ во село Марино, скопско, патничко возило „Хонда цивик“ со скопски регистарски ознаки, управувано од И.С. (46) од населба Илинден, скопско, удрило во пешакот В.Н.(78) од село Марино, а потоа возилото го напуштил местото на настанот.

Полициски службеници од Полициското одделение Петровец по преземени мерки го пронашле возачот и сопственикот на патничкото возило.

The post Издрогиран скопјанец со голема брзина прегазил жена и избегал appeared first on Република.

Утрово во 08.40 часот во СВР Тетово било пријавено дека на магистрален пат Стража – Гостивар, патничко возило „спарк“ со скопски регистарски ознаки, управувано од Л.А.(74) од Скопје, излетало од коловозот.

Како што соопштуваат од СВР Тетово, од здобиените повреди, Л.А. починала на местото.

Лекар од Итна медицинска помош констатирал смрт, а увид на местото на несреќата извршиле екипа од ОВР Гостивар и јавен обвинител, по чија наредба телото на починатата било дадено на обдукција.

The post Утрово несреќа на Стража, загина жена appeared first on Република.

Вчеравечер во 23.55 часот во СВР Струмица било пријавено дека на регионален пат Струмица - Валандово, пред село Костурино, струмичко, патничко возило „фолксваген пасат“ со струмички регистарски ознаки, управувано од К.М.(46) од село Куклиш, струмичко, удрило во пешакот Р.С.(44) од село Јосифово, валандовско.

По несреќата Р.С. била пренесена во Медицински центар Струмица, каде што од лекар била констатирана смрт, соопшти МВР.

Увид на местото на несреќата извршила екипа на Полициската станица Струмица.

The post Загина 44-годишна прегазена жена appeared first on Република.

Моника Лукровска, доктор специјализацант, е 40-годишната скопјанка која загина во тешка сообраќајка која се случи во средата, доцна вечерта на магистралниот пат Скопје – Блаце.

https://republika.mk/vesti/crna-hronika/skopjanka-zagina-petmina-povredeni-megu-koi-i-detsa-po-tezhok-sudir-na-patot-skopje-blatse/

Информацијата за смртта беше објавена на социјалните мрежи на Геронтолошкиот завод од Скопје, каде Моника била дел од тимот на доктори.

Нејзините колеги велат дека  Моника била професионалец, пријател и колега со срце и милост.

Остави траги и многу спомени зад себе.Денес сите не смрзна,сите не замолчи во еден миг. Во еден миг застана се и само погледи се ширеа со силна воздишка и солза меѓу нас а без глас. Добриот човек секогаш ќе се памти, стои во Фејсбук објавата каде додаваат дека Моника секогаш зрачела со позитивна енергија без разлика на секојдневието.

The post Моника Лукровска е младата докторка што загина во сообраќајката на патот Скопје-Блаце appeared first on Република.

Вчеравечер во 21.45 часот во СВР Скопје било пријавено дека на магистралниот пат Скопје - Граничен премин Блаце се случила сообраќајна несреќа помеѓу патничко возило „опел“ со скопски регистарски ознаки, управувано од М.Л.(40) од Скопје и патничко возило „фолксваген голф“ со скопски регистарски ознаки, управувано од Р.В.(52) од с.Сарај, скопско.

Од здобиените повреди на местото починала М.Л., а смрт констатирал лекар од Итна медицинска помош.

Со тешки телесни повреди се здобиле возачот Р.В. и неговата сопатничка А.И.(25), а со телесни повреди се здобиле сопатничката З.В.(47) и двајца малолетни сопатници, сите од возилото „фолксваген голф“, констатирани во Комплексот клиники „Мајка Тереза“.

Извршен бил увид од јавен обвинител и увидна екипа од СВР Скопје.

The post Скопјанка загина, петмина повредени меѓу кои и деца по тежок судир на патот Скопје-Блаце appeared first on Република.

Косовската полиција соопшти дека попладнево странска државјанка загинала во зимскиот туристички центар Брезовица, на косовската страна на Шар Планина, јави дописникот на МИА од Приштина.

Во соопштение за медиумите на косовската полиција се вели дека најверојатно една жена, за која се вели дека е странска државјанка, но не се наведува земјата на нејзиното потекло, загинала во ски-центарот во Брезовица, како последица на снежна лавина на местото наречено „Орловско гнездо“.

Портпаролот на полицијата за регионот на Урошевац, Канун Весели изјави за медиумите дека жртвата е жена на 54-годишна возраст, а потрагата по неа продолжува.

На 13.02.2024 година околу 15:35 часот добивме информација дека едно лице се сомничи дека починало додека скијало во ски-центарот во Брезовица, на местото наречено „Орловско гнездо“. Се претпоставува дека причина за инцидентот е лизгање на снежна лавина. Полицијата и спасувачките екипи се таму и навреме ќе ве известиме за повеќе информации. Жртвата е жена, странска државјанка, на возраст од околу 54 години, се вели во изјавата на Весели за медиумите.

The post Жена загина од лавина на косовската страна на Шар Планина appeared first on Република.

Ева Таво, ќерка на Ванѓел Таво, поранешен пратеник и поранешен министер за здравство во Албанија, загина во несреќа во Македонија. Веста на социјалните мрежи ја потврди и самиот Таво. Таво вели дека „ова се најтешките зборови што ги напишал во животот“.

„Ова се најтешките зборови што сум ги напишал во животот. Мојата најстара ќерка Ева почина во цутот на младоста, во најубавата возраст, каква што беше и самата. Погребот ќе се изврши во четврток на 30 ноември во 11:00 часот во Јоргукат, Ѓирокастро“, напиша Ванѓел Таво.

Веста ја потврдија и од МВР. Несреќата се случила во реонот на селото Ласкарце, на патот од Тетово кон Скопје.

„На 28.11.2023 година во 14:00 часот во СВР-Скопје било пријавено дека на автопатот „Мајка Тереза“ во правец од Тетово кон Скопје, во реонот на с.Лласкарце, патничко возило „Ауди“ со Албански регистерски таблички, кој го управувал албанскиот државјанин В.М.(40), излетал од патот. Од здобиените повреди во незгодата на лице место починала сопатничката Е.Т.(24) од Р.Албанија, додека лекар од Итна медицинска помош констатирала смрт. Во меѓувреме, возачот на В.М е тешко повреден“, соопшти македонското МВР.

The post Ќерка на поранешен министер во Албанија e загинатата во сообраќајната несреќа кај Ласкарци appeared first on Република.

Едно лице загина, едно е тешко, а шест полесно повредени во судирот што се случи вчера попладне на крстосница од магистрален пат Скопје – ГП Долно Блаце и сервисна улица која го поврзува патот со обиколницата околу Скопје.

Како што е пријавено во СВР Скопје во 15 часот се случила сообраќајна несреќа помеѓу минибус „мерцедес“ со косовски регистарски ознаки, управуван од Р.Х. (63) од Косово и патничко возило „голф“ со скопски регистерски ознаки, управувано од Ф.И. (19) од Скопје.

Возачите Ф.И. и Р.Х., како и патниците од минибусот, К.А. (67) и В.А.А.(33) од Скопје, Г.М.(45) и Е.М. (75) од Косово биле пренесени во Комплекс клиники „Мајка Тереза“ за укажување на помош, а Ш.Ш. во ГОБ „Св. Наум Охридски“.

На Ф.И., Р.Х., В.А.А., Е.М. и Г.М. им се констатирани телесни повреди, на Ш.Ш. тешки телесни повреди, а К.А. починала од здобиените повреди.

Извршен е увид од СВР Скопје и известен јавен обвинител, а возачот Ф.И. е лишен од слобода.

The post Загина патничка во судир на минибус и „голф“ на патот кон Блаце, уапсен 19-годишник appeared first on Република.

Вчера во СВР Охрид е пријавено дека во куќа во селото Требеништа, општина Дебрца, сопственост на Б.Н.(77) од истото село, настанал пожар, во кој таа го загубила животот, а смрт констатирал лекар од Итна медицинска помош.

Според пријавеното, во куќата се наоѓале и нејзиниот сопруг Б.Т.(79) и нејзината сестра Б.Н.(70), која се здобила со повреди, по што со возило на Итна медицинска помош е пренесена во Општата болница во Охрид.

Во гаснење на пожарот интервенирала Територијалната противпожарна единица од Охрид, а увид на местото извршила увидна екипа предводена од јавен обвинител.

The post Жена загина во пожар во нејзиниот дом, повредена и нејзината сестра appeared first on Република.

Вчера во 15.00 часот во СВР Скопје било пријавено дека на автопат-обиколница на град Скопје, во близина на надвозник за Раштански пат, патничко возило удрило во пешакот Р.И.(80) од Скопје и го напуштило местото.

Од здобиените повреди на местото на несреќата Р.И. починала, а смрт констатирал лекар од Итната медицинска помош.

Извршен бил увид од увидна екипа од СВР Скопје.

The post Почина прегазена жена во Скопје, се бара возачот кој избега од местото appeared first on Република.

Основното јавно обвинителство Битола поведе постапка против едно лице од Ресен за кое постои основано сомнение дека сторило кривично дело – Тешки дела против безбедноста на луѓето и имотот во сообраќајот од член 300 став 2 во врска со член 297 став 1 од Кривичниот законик, соопштија оттаму, во врска со тешката сообраќајка кај Ѓавато во која загина 57-годишна жена возач.

https://republika.mk/vesti/crna-hronika/vo-teshka-nesreka-kaj-gavato-zagina-zhena/

Осомничениот, на 23 април, како учесник во сообраќајот на магистралниот пат А3 Битола – Ресен, управувал автомобил „Mерцедес“ со ресенски регистарски таблички во насока од Битола кон Ресен. Но, притоа не се придржувал кон одредбите за безбедност на сообраќајот на патиштата, односно возилото го управувал со недозволено количество на алкохол од 0,67 промили алкохол во крвта. Освен ова, тој не го држел автомобилот во движење блиску до десниот раб на коловозот.

 

Кога дошол на критичното место, на околу 700 метри од местото викано „Кај чешмите“, со возилото преминал преку надолжната средишна неиспрекината линија на левата коловозна лента, гледано во насока на неговото движење. Во таа коловозна лента во спротивна насока, движејќи се од Ресен кон Битола, наидувало возило „Сеат Ароса“ со ресенски регистарски таблички во кое имало две лица.

 

При судар на двете возила оштетената – возач на автомобилот „Сеат Ароса“ се здобила со тешка телесна повреда од која веднаш починала, додека нејзиниот совозач се здобил со телесна повреда, се вели во соопштението на ОЈО Битола.

Надлежниот јавен обвинител уште при извршениот увид на лице место даде наредба за обдукција на телото на починатата и други наредби потребни за обезбедување на трагите и доказите.

Основното јавно обвинителство Битола до судијата на претходна постапка достави предлог за определување мерка куќен притвор за осомниченото лице, поради опасност од бегство, можност да влијае врз сведоците и вештаците и можност да го повтори кривичното дело.

The post Имал пиено, па возел на средината на патот: Обвинение против возач за судирот на Ѓавато appeared first on Република.

Во разорниот земјотрес што ја погоди Турција, актерката Емел Атичи (Атичи), која имаше епизодна улога во серијата „Горка земја“ (Бир замелан Чукурова), беше потврдена од продуцентската куќа „Тимс&Б“.

Бројни колеги преку социјалните мрежи се збогуваат со Емел Атиџа.

Bir Zamanlar Çukurova dizimizin değerli oyuncusu Emel Atıcı ve sevgili kızına, depremde hayatını kaybeden tüm vatandaşlarımıza Allah’tan rahmet, ailelerine ve sevenlerine başsağlığı diliyoruz... pic.twitter.com/ArbNUFSjKN

— TIMS&B Productions (@timsandb) February 10, 2023

Актерката загина во Адана, а во земјотресот загина и нејзината ќерка Ханде Пурјан Атичи.

analitikum.mk

The post Актерката од „Горка Земја“, Емел Атичи, загина со својата ќерка во земјотресот, колегите се простуваат од неа appeared first on Република.

Вчера во 13.40 часот во ОВР Кичево пријавено е дека во куќа на улицата „Љубица Богеска“ во Кичево врз С.И.(66) од Кичево паднала таванска конструкција, по што таа починала на местото.

Лекар од Итна медицинска помош констатирал смрт без видливи траги на насилство, а по наредба на Јавен обвинител, телото на почината било дадено на обдукција.

The post Жена од Кичево загина откако врз неа падна таванот од домот appeared first on Република.

Во тешка сообраќајна несреќа која се случила утринава околу 02.45 часот на автопатот Градско – Велес, во близина на местото каде се наоѓаше старата патарина, животот го изгуби млада жена, државјанка на соседна Србија. Таа заедно со сопругот и малолетното дете се враќала од летувањето во Грција.

Според првичните информации, автомобилот на семејството удрил првин во сообраќаен знак, а потоа и во дрва, и се претпоставува дека возачот, односно сопругот на починатата жена заспал додека возел.

На 21.07.2022 околу 02.45ч во СВР Велес било пријавено дека на автопатот А1, правец Градско-Велес, патничко возило „рено“ со српски национални ознаки, управуван од Г.Ј.(41) од Република Србија, излетало од коловозот. Во несреќата, од здобиените повреди починала сопатничката С.П.(36) од Србија, а Г.Ј и малолетен сопатник се здобиле со телесни повреди констатирани во Општа болница Велес. Увид на местото извршила увидна екипа од СВР Велес, соопштија од СВР Велес.

Синот и сопругот кои поминале со полесни повреди, веќе заминале во Србија.

The post Се враќале од одмор, сопругот најверојатно задремал: Млада жена загина во тешката несреќа кај Градско appeared first on Република.

Државјанка на Македонија починала вчера во Клиничкиот универзитетски центар на Косово, како последица на повредите здобиени во неодамнешна сообраќајна несреќа, јави дописникот на МИА од Приштина.

Во кратката информација во 24-часовниот извештај на косовската полиција се наведува дека несреќата во која настрадала жената се случила на 3 јануари на националниот пат Приштина – Урошевац.

По налог на надлежен обвинител, телото на покојната жена, за чиј идентитет нема податоци, е пренесено во Институтот за судска медицина за обдукција.

The post Македонска државјанка подлегна на повредите по сообраќајка пред девет дена во Косово appeared first on Република.