Посетителите на забавен парк во Мексико останаа да висат речиси 61 метар во воздух поради страшен инцидент кој за малку ќе ги чинеше живот.

За време на невреме кое ненадејно се спуштило во градот, посетителите кои биле на вртелешка биле принудени да останат да висат во воздух, откако вработените во забавниот парк го исклучиле возењето поради лошото време.

Според снимениот материјал, заглавените посетители останале да висат додека околу нив се спуштал темен облак, а имало дожд и ветер. Наведено е дека дури 32 лица останале заглавени на возењето кое нормално се движи со брзина од околу 64 километри на час.

Почна да врне и останавме заглавени на небото“, вели еден од учесниците во настанот.

 

View this post on Instagram

 

A post shared by Daily Mail (@dailymail)

Не е јасно колку време поминале во воздух, висејќи од таа височина, но од забавниот парк наведуваат дека посетителите биле спасени по кратко време и дека немало повредени учесници.

Видеата набргу по драмата станаа вирални на социјалните мрежи, каде што повеќето корисници се согласуваат дека тоа „е луна парк од кошмарот“, додека има и такви кои се согласија дека самото возење е застрашувачко.

Тоа возење ме ужаснува. Чувствувам дека сигурносниот синџир е само една тенка нишка која лесно може да се скине“, пишува еден корисник под видеото.

The post Посетителите на забавен парк останале да висат 60 метри во воздух додека околу нив беснее невреме appeared first on Република.

Во забавен парк во струмичко с. Ново Село малолетник се здобил со тешки телесни повреди откако врз него паднал рефлектор.

Како што информираат од МВР, денеска во 00.30 часот во СВР Струмица, од Медицинскиот центар Струмица било пријавено дека кај нив со тешки телесни повреди бил донесен малолетник од струмичко.

Според пријавеното, малолетникот се здобил со повредите во забавен парк во с.Ново Село, откако врз него паднал рефлектор. Во врска со настанот од слобода бил лишен Б.К. (40) од Прилеп, се вели во соопштението од МВР.

Извршен бил увид од увидна екипа на СВР Струмица и по целосно расчистување и документирање на случајот ќе биде поднесена соодветна пријава.

The post Рефлектор во забавен парк паднал врз малолетник, тешко повредено момче во Ново Село appeared first on Република.

Пожарникарите спасиle 28 лица, заглавени висејќи 30 метри наопаку за време на возењето во забавен парк во Орегон, Соединетите Американски Држави.

Кога возењето престанало, вработените во паркот веднаш повикале брза помош, која пристигнала околу 25 минути подоцна. Работниците за одржување потоа можеле да го вратат нишалото на позицијата за евакуација неколку минути подоцна.

Едно лице е однесено во болница како мерка на претпазливост, се вели во соопштението објавено на социјалните мрежи од забавниот парк Оукс во Портланд.

Во соопштението се додава дека во инцидентот немало повредени.

People left dangling upside down for half an hour on Oregon theme park ride. https://t.co/OkVjDTuyJa pic.twitter.com/WWGTRQRWIt

— Sky News (@SkyNews) June 15, 2024

Крис Рајан вели дека тој и неговата сопруга, кои биле во паркот за неговиот роденден, требало да одат на возење кога виделе што се случува

Тој вели дека слушнал како луѓето велат: „О Боже, тие висат наопаку“.

Тој додава дека веднаш решиле да заминат поради „страшната ситуација“.

The post Драма во забавен парк: Луѓе заглавени висат наопаку од 30 метри, посетителите бегаат за да не го гледаат хоророт appeared first on Република.

Откако вчера повторно проработе забавниот парк кај „Борис Трајковски“ и посетитлите слободно уживаа на многубројните реквизити, доцна вечерта дошла полиција и повторно го затворила.

Се очекува дали вечерва дивиот луна парк пак ќе проработи или организаторите сериозно ќе ја сфатат забраната од страна на полицијата.

https://republika.mk/vesti/skopje/zabavniot-park-kaj-boris-trajkovski-pak-raboti/

The post Дивиот парк кај „Борис Трајковски“ отвори-затвори appeared first on Република.

Забавниот парк кај спортскиот центар „Борис Трајковски пак работи“. Неколку дена откако тој беше затворен од страна на полицијата луна паркот непречено функционира. Вчеравечер тој беше полн со посетители а пуштени се и сите реквизити, вклучително и оние најопасните.

Со ова е загрозена безбедноста на посетителите.

Погледнете каква е атмосферата.

The post Забавниот парк кај „Борис Трајковски“ пак работи appeared first on Република.

„Одлази циркус из нашег лепог града“ е позната песна од Ѓорге Балашевиќ. И нашиот „циркус“ што беше „паркиран“ пред спортскиот центар „Борис Трајковски“ денеска се размонтира. Организаторите ги вадат реквизитите и за неколку дена може да се очекува целосно да се дислоцира.

Ова следува откако надлежните контатираа дека т.н забавен парк работи без дозвола и оти е доведена опасноста на посетителите.

The post „Циркусот“ си заминува: Се размонтира забавниот парк кај „Борис Трајковски“ appeared first on Република.

Надлежни институции, постапувајќи по допрен глас дека се поставуваат реквизити за забавен парк без соодвети дозволи и документација на локација во општина Карпош, вчера излегле на терен. По направениот увид се најавуваат конкретни мерки во насока на отстранување на неправилностите, престанување со вршење на активноста, како и дислоцирање на реквизитите.

Постапувајќи по допрен глас дека во Скопје, на подрачјето на Општина Карпош, поточно пред спортскиот центар Борис Трајковски без соодветни документи и потребни дозволи се поставени реквизити за забавен парк меѓу кои и панорамско тркало, на 20 мај 2024 година единицата за економски и компјутерски криминал при СВР Скопје во координација со службени лица од Државниот пазарен инспекторат, Управата за јавни приходи и градежен инспектор од Општина Карпош излезе на лице место и презема конкретни соодветни мерки и активности од делокругот на својата надлежност и овластувања, информираат денеска од МВР.

Оттаму појаснуваат дека од страна на инспекциските служби по преземените мерки и активности и констатираната фактичка состојба изготвени се записници за констатирана состојба, додека од страна на овластен градежен инспектор од Општина Карпош поведена е постапка за констатираните неправилности.

По ова велат од МВР, ќе бидат преземени конкретни мерки во насока на отстранување на неправилностите, престанување со вршење на активноста, како и дислоцирање на реквизитите.

The post МВР: Ќе се преземат соодветни мерки за дислоцирање на реквизитите за забавен парк во Каропш appeared first on Република.

Постапувајќи по допрен глас дека во Скопје, на подрачјето на Општина Карпош, поточно пред спортскиот центар Борис Трајковски без соодветни документи и потребни дозволи се поставени реквизити за забавен парк меѓу кои и панорамско тркало, на 20.05.2024г, напиша на Фејсбук техничкиот министер за внатрешни работи Панче Тошковски.

Единицата за економски и компјутерски криминал при СВР Скопје во координација со службени лица од Државниот пазарен инспекторат, Управата за јавни приходи и градежен инспектор од Општина Карпош излезе на лице место и презема конкретни соодветни мерки и активности од делокругот на својата надлежност и овластувања. Имено, од страна на инспекциските служби по преземените мерки и активности и констатираната фактичка состојба изготвени се Записници за констатирана состојба додека од страна на овластен градежен инспектор од Општина Карпош поведена е постапка за констатираните неправилности, по што ќе бидат преземени конкретни мерки во насока на отстранување на истите, престанување со вршење на активноста, како и дислоцирање на реквизитите - истакна Тошковски.

The post Ќе се затвори импровизираниот „Луна парк“ пред СЦ „Борис Трајковски“ appeared first on Република.

Сите што викендов поминуваа покрај спортискиот центар „Борис Трајковски“ не можеа да не забележат дека има никнато вистински забавен парк. Просторот пред базенот е претворен во панаѓур. Трешти „евтина“ музика, паркирани автомобили насекаде.

Монтирани се реквизити, лулашки, „баунти“ брод, „колички“, панорамско тркало и има редици да се купи билет. Посетителите најчесто доаѓаа од другата страна на Вардар и добро се забавуваат.

Зад овој „вашар“ наводно стои фирма од Чаир, регистрирана пред само еден месец без соодветни документи и дозволи, без потребна документација која гарантира безбедност.

https://republika.mk/vesti/skopje/firma-od-chair-registrirana-samo-pred-eden-mesets-na-divo-montira-panoramsko-trkalo-vo-karposh/

The post Скопје и Карпош добија „вашар“ на отворено appeared first on Република.

Седумнаесетгодишно момче загина, а 19-годишна девојка е тешко повредена во несреќа што се случила вчеравечер во забавен парк во близина на градот Безиер на југот на Франција, соопшти државниот обвинител Рафаел Баланд.

https://youtu.be/qqKmtWsBjTc?si=Iq6SeDnVgNvP5Hyr

Забавниот парк во Кап д'Агде, во близина на Безиер, беше затворен утрово, а полицијата ја опколи областа околу него.

Две лица загинаа додека се наоѓаа во атракцијата „Адреналина“. Седумнаесетгодишникот им подлегна на повредите, а 19-годишна девојка итно е пренесена во болница во Монпеље, изјави Баланд.

Отворена е и судска истрага за убиство и ненамерна повреда, а четворица мажи, меѓу кои и управителот на забавниот парк, се приведени синоќа во три часот за да се разјасни што се случило.

The post Тинејџер жртва во тешка несреќа во забавен парк во Франција appeared first on Република.

Во забавен парк во Мексико се случила несреќа во која 6-годишно детенце паѓа од зиплајн. За среќа, паднало во езеро и ги избегнало повредите, но поради несоодветно обучените вработени, постоела голема можност да се удави, објави „Дејли мејл“.

На социјалните мрежи е објавено и видео од незгодата во забавниот парк „Фундидора“ во Мексико, а на него се гледаат маж и мало дете на зиплајн. Како што се спуштаат, безбедносното јаже на детето се кине и тоа паѓа од височина од 12 метри.

За среќа, 6-годишното детенце паднало во езеро и ги избегнало сериозните повреди. Сепак, постоела опасност да се удави. Подоцна неговата сестра открила дека некој човек веднаш скокнал во езерото за да го извади детето, а и тој, речиси се удавил додека го спасувал.

https://www.youtube.com/watch?v=vDzMUFZpHC8&embeds_referring_euri=https%3A%2F%2Fwww.crnobelo.com%2F&source_ve_path=MjM4NTE&feature=emb_title

Сестрата истакнува и дека во паркот воопшто не се грижеле за безбедноста.

Во паркот немаат луѓе кои се тренирани за вакви ситуации, никој од нив не можеше да му помогне да излезе од водата. Ужасен парк. Неверојатно е како може да се случи нешто катастрофално додека да трепнете“.

Роднина на момчето потврдува дека никој во паркот не бил соодветно обучен.

Бидејќи бевме во близина, можевме да го извадиме навреме. Поради несоодветниот тренинг на вработените во паркот, сè можеше да заврши многу полошо“.

„Дејли мејл“ пренесува дека момчето е во добра состојба и по инцидентот си заминало дома со родителите и семејството.

Од паркот, пак, изјавиле дека зиплајнот бил затворен и дека ќе разгледале дали некој треба да сноси одговорност.

The post Дете падна од зиплајн од 12 метри: Морничава несреќа во забавен парк appeared first on Република.

Еден човек загина, а неколку други се повредени откако воз на смртта кој се движел со брзина до 56 км/ч излетал од шините, пишува DailyMail.

Трагедијата се случила во „возот на смртта“ во забавниот парк Грона Лунд во Стокхолм.

Го испразнивме паркот и почнавме истрага – изјави портпаролот на полицијата.

„Возот на смртта“ со челични шини достигнува брзина до 56 км/ч и висина од околу 30 метри, превезувајќи повеќе од милион посетители секоја година, објави забавниот парк на својата веб-страница.

Се случи тешка несреќа на Џетлајнот. Соработуваме со спасувачките служби. Паркот засега е затворен - стои на страницата на забавниот парк.

Очевидци за јавната телевизија СВТ изјавија дека возот на смртта делумно излетал од шините.

Имаше многу врескање. Никој не знаеше што се случува - изјавила Корнелија која била на возење со синот и додала дека луѓето само во еден момент почнале да трчаат.

The post Трагедија во забавен парк во Стокхолм: Ролеркостер излета од шините, еден загинат appeared first on Република.

На местото на прочуениот забавен парк „Тошимаен“ кај Токио, којшто беше затворен 2020 година по 94 години, се отвора тематски парк „Хари Потер“. Студиото „Ворнер брос тур“ веќе ги пресоздаде култните филмски локации, како што се „Задната улица“ (Back Street) и „Министерството за магија“ (Ministry of Magic).

- Местото близу јапонската престолнина е идеално, особено имајќи предвид дека светскиот туризам се зголемува по Ковид-пандемијата, изјави Торбен Јенсен, потпретседател и генерален менаџер на „Ворнер брос“ за Токио.

Тој рече дека сега на азиските обожаватели „им се нуди нова димензија“ на „Хари Потер“ филмовите. Влезниците за возрасни чинат 42 евра, а Јенсен рече дека билетите до август се веќе распродадени.

The post Отворен забавен парк „Хари Потер“ кај Токио appeared first on Република.