Стотици Иранци излегоа на улиците на Техеран за да го прослават нападот во кој беа истрелани речиси 200 проектили кон Израел.

The post Во Техеран се слави на улиците поради нападот врз Израел appeared first on Република.

Со цел безбедно и непречено одвивање на предвидените активности, по повод претстојната посета на унгарскиот премиер Виктор Орбан и неговата делегација на Охрид, Секторот за внатрешни работи Охрид ги презема сите неопходни безбедносни мерки и активности.

Полициската станица за безбедност во патниот сообраќај ги известува сопствениците на патнички и други моторни возила дека е потребно да ги дислоцираат возилата од паркинг местата на булеварот „Туристичка“ и улиците „Коста Абраш“, „Цар Самоил“ и кеј „Македонија“. На 26 и 27.09.2024 година (четврток и петок), на улиците „Илинденска“ и „Коста Абраш“ ќе биде забрането запирање и паркирање на патнички и други моторни возила, а во тек на движење на возилата во состав на делегациите, привремено за сообраќај ќе биде затворен дел од магистралниот пат Кичево-Охрид, од аеродромот до клучката кај „Распаќе“, булеварите „Туристичка“ и „Македонски просветители“, улиците „Абас Емин“ и „Кирил и Методиј“ како и регионалниот пат Охрид-Св.Наум. На 27.09.2024 година, безбедносните мерки во сообраќајот ќе бидат преземани и на подрачјето на Пештани и Љубаништа, известува СВР Охрид.

Од СВР Охрид апелираат до граѓаните, да ги почитуваат насоките на полициските службеници кои, на овие сообраќајници, ќе вршат физичко регулирање на сообраќајот.

The post В четврток и петок во Охрид привремено затворени неколку улици, доаѓа Виктор Орбан со делегација од унгарската влада appeared first on Република.

Општина Велес целосно ги реконструира главните улици „Гоце Делчев“ и „Страшо Пинџур“ во центарот на Велес.

Како што информира градоначалникот Марко Колев, градежните зафати на овие две улици завршија, а му претходеше гребење на стариот асфалт и негово вадење и поставување на нов асфалт.

Тој информира дека во изминатите денови се изврши и хоризонтално бележење со цел целосна безбедност на сите учесници во сообраќајот.

Граѓаните, посебно оние во центарот на градот, се противат на предлогот на општината овие две главни улици од еднонасочни да се пренаменат во двонасочни.

The post Целосно реконструирани улиците „Гоце Делчев“ и „Страшо Пинџур“ во Велес appeared first on Република.

ЦУК информира дека Центарот за управување и контрола на сообраќајот на Град Скопје, известува дека на ул. Железничка во моментов е воведен времен режим на сообраќај и долж улицата не се одвива сообраќај од крстосницата со бул. Водњанска до крстосницата со ул. Антон Попов.

ЦУКС апелира до сите возачи да бидат внимателни ако се приближуваат кон овој потег и да ја прилагодат својата брзина на движење според условите на патот.

The post Времен режим на сообраќај во Скопје, затворени неколку улици appeared first on Република.

Стотици илјади луѓе се собраа во центарот на Техеран денеска за да му оддадат последна почит на иранскиот претседател Ебрахим Раиси, кој загина во хеликоптерска несреќа во неделата.

Врховниот водач ајатолахот Али Хамнеи ги водеше молитвите за време на прошталната церемонија за починатиот претседател и седум други, меѓу кои и министерот за надворешни работи Хосеин Амир-Абдолахиан, кој загина во несреќата.

Врховната власт на Исламската Република се поклони пред осум ковчези покриени со иранското зелено-бело-црвено знаме поставени еден до друг на Универзитетот во Техеран.

Врховниот лидер беше опкружен од водечки шиитски свештеници, членови на владата, вклучително и привремениот претседател Мохамад Мокбер, и високи членови на војската и на Револуционерната гарда.

Присутни беа и политичкиот лидер на палестинското исламистичко движење Хамас Исмаил Ханија и „бројот два“ на либанскиот Хезболах, Наим Касем.

Неколку странски земји како Русија, Турција и Ирак најавија дека ќе испратат претставници на погребот, но не и на ниво на шефови на држави.

Мавтајќи со ирански знамиња, десетици илјади Иранци се собраа во центарот на Техеран за да му оддадат последна почит на загинатиот ирански претседател.

Денешниот ден е прогласен за државен празник и жителите на Техеран добиваа пораки на нивните телефони во кои ги повикуваат „да дојдат на погребот на маченикот“.

Властите прогласија петдневна жалост низ целата земја, додека процесот за смена на Раиси, кој претседаваше со Иран од 2021 годин. Една од задачитена привремениот претседател Мохамад Мохбер (68) е подготовка на избори што ќе се одржат на 28 јуни.

Погребната церемонија, предвидена да трае до четврток, започна вчера во Табриз, голем северозападен град во близина на местото каде што се случи несреќата.

Раиси ќе биде погребан утре во Машхад (североисточниот дел на земјата), неговиот роден град.

Ултраконзервативецот Ебрахим Раиси важеше за еден од фаворитите за наследник на ајатолахот Али Хамнеи, кој има 85 години. Додека беше претседател се соочи со протестното движење во 2022 година, економска криза влошена од американските санкции и влошените тензии со Израел.

The post Стотици илјади луѓе излегоа на улиците во Техеран да се збогуваат од претседателот Раиси appeared first on Република.

Поради уличен дефект на ул. Црноризец Храбар 26б, денеска прекинато водоснабдување ќе имаат корисниците од следниве улици: Црноризец Храбар, Гаврил Константиновиќ, Детелин Војвода, Буковиќ, Аврора и трговскиот центар.

Водоснабдувањето ќе биде прекинато од 10:00 часот до завршување со санација на дефектот.

The post Неколку скопски улици денес без вода appeared first on Република.

Ако не се избере седмиот член на Државната изборна комисија (ДИК), ќе следуваат блокади на улици, најавува Европскиот сојуз за промени.

Се разгледува можноста за блокирање на Собрание, блокирање на улици пред Собрание и Влада. Организирање на секаков вид на искажување на револтот, со цел ДИК да биде комплетирана и сите граѓани во Македонија да имаат можност да гласаат за политичката опција во која веруваат“, кажа лидерот на БЕСА, Билал Касами.

И пратеникот Фадил Зендели денеска побара од новиот претседател на Собранието, Јован Митревски, итно да ѝ наложи на Комисијата за прашања на изборите и именувањата, да одржи седница и за член на ДИК пред Собраниеto да го предложи кандидатот на албанската опозиција. Доколку не го направи тоа, Зендели сметка дека Митревски ќе се докаже оти коалицијата СДСМ-ДУИ ќе ги фалсификува изборите.

И ВМРО-ДПМНЕ смета дека неизборот на седмиот член на ДИК остава простор за сомнежи, а предлагањето двајца кандидати од Комисијата за избори и именувања води кон ризик ниту еден од нив да не го добие неопходното двотретинско мнозинство.

Од СДСМ доаѓаат оптимистички тонови. Веруваат дека многу бргу, пред да се распишат изборите, ДИК ќе биде комплетирана.

Местото во ДИК е празно цела година, откако Кренар Лога стана министер за правда. Пред Нова Година, Комисијата за избори и именувања, изборот го сведе од 5 на две имиња: Абдуш Демири од Европскиот сојуз за промени и Зулфи Адили од Алијанса, но по предлог на Европската демократска партија на Аријанид Хоџа.

Изборот на член во ДИК ќе ги позиционира партиите: кои се двете најголеми владеачки а кои се двете опозициски партии. Освен членство во ДИК, неформалниот статус на втора опозициска, носи соодветна застапеност во избирачките одбори но и поделба на медиумскиот простор за платено политичко рекламирање.

Според сегашниот Изборен законик, 45 одсто од рекламното време го делат двете најголеми владеачки партии, а другите 45 одсто двете најголеми опозициски партии. 7 одсто ги делат другите парламентарни партии, а само 3 одсто добиваат вонпарламентарните. Освен ако законот не се смени.

The post Европскиот сојуз најавува блокада на улиците доколку не се избере член на ДИК appeared first on Република.

Во неделата еруптираше вулкан на југозападниот дел на Исланд, соопшти тамошната метеоролошка служба, што е петта ерупција на полуостровот Рејкјанес од 2021 година. Потврдено е дека лава тече кон градот Гриндавик и дека населението е евакуирано.

Ситуацијата по ерупцијата на вулканот станува подраматична. Имено, откако лавата стигнала до нив, почнале да горат две куќи, јавуваат исландските медиуми.

Службите за итни случаи испратија пораки до луѓето да не се приближуваат до Гриндавик. Првата куќа во градот се запали речиси веднаш откако лавата стигна до неа.

За потсетување, претходно денеска беше испратен хеликоптер на крајбрежната стража за да ја процени ситуацијата и точната локација, објави Агенцијата за цивилна заштита по ерупцијата на уште еден вулкан во Исланд.

Ерупцијата започна северно од рибарскиот град Гриндавик.

Лавата тече кон Гриндавик, неколку стотици метри северно од градот – тоа се 400 до 500 метри“, изјави Кристин Јонсдотир од Исландската метеоролошка служба за исландската телевизија RUV.

„Според првите снимки од надзорниот лет на крајбрежната стража, се отвори пукнатина од двете страни на одбранбените структури кои почнаа да се градат северно од Гриндавик“, објави Исландската метеоролошка служба (ИМО), пренесува Скај њуз.

Исландскиот претседател Гудни Јоханесон на социјалната мрежа Х објави дека „градот е успешно евакуиран во текот на ноќта и дека никој не е во опасност“. Тој додаде дека постои можност инфраструктурата да биде оштетена и дека нема прекин на распоредот на летови.

Последната ерупција на полуостровот започна во вулканскиот систем Сварценги на 18 декември по евакуацијата на сите 4.000 жители на градот Гриндавик и затворањето на геотермалната бања Blue Lagoon, популарна туристичка точка.

На крајот Гриндавик беше поштеден бидејќи лавата течела во различен правец од градот.

Лежејќи помеѓу евроазиските и северноамериканските тектонски плочи, двете најголеми на планетата, Исланд е сеизмичко и вулканско жариште на активност бидејќи двете плочи се движат во спротивни насоки.

Eldgosið er við Grindavík. pic.twitter.com/RmY3d9o51r

— Birkir (@birkirh) January 14, 2024

The post По ерупцијата на вулкан во југозападен Исланд, лава тече по улиците на градот Гриндавик appeared first on Република.

Вчера попладне во Кавадарци и околината имаше големо време, со пороен дожд и грмежи.

За кусо време, улиците на градот се претворија во поројни реки кои носат камења, дрва и секаков отпад. На повеќе улици и локални патни правци имаше одрони кои го отежнуваа сообраќајот, а општинските служби се ангажирани на чистењето.

На социјалните мрежи се појавија снимки кои ги покажуваат последиците од силното невреме:

The post Големо невреме во Кавадарци, улиците се претворија во реки appeared first on Република.

Градоначалникот на општина Гази Баба Бобан Стефковски, утрово поднесе Иницијатива до Градот Скопје за враќање на старите имиња на улиците во општина Гази Баба.

За иницијативата градоначалникот Стефковски информираше на својата официјална страна на фејсбук во која напиша:

Почитувани граѓани, Сакам да Ве информирам Вас и јавноста дека утрово поднесов Иницијатива до Градот Скопје со барање за враќање на старите имиња на 34 улици во општина Гази Баба. Имено на предлог на поранешниот градоначалник на Град Скопје Петре Шилегов, Советот на Град Скопје на својата 67ма седница оддржана на 30 Март 2021 година донел Одлука за определување и промена на имиња на улици, мостови и плоштади на подрачјето на Градот Скопје. Без никаква консултација и согласност со граѓаните на општина Гази Баба, тогашното раководство на градот донело одлука да се преименуваат 34 улици помеѓу кои: Фуштанска, Радован Ковачевиќ, краци од Благоја Стефковски, крак од улица Товарник и други улици на нашата територија. До мене како градоначалник, изминатиот период пристигнаа голем број на реакции од граѓаните што ги сметам за оправдани, бидејќи без дијалог и согласност од граѓаните не се донесуваат одлуки. Барањата на граѓаните се и мои барања. Некој воден од лични и политички причини во пресрет на тогашните локални избори спровел нетранспарентен процес и затоа барам истиот во целост да биде поништен. Од првиот ден на мојот мандат кажав дека секогаш ќе бидам на страната на граѓаните на општина Гази Баба, така било до сега и така ќе биде секогаш, напиша Стефковски.

The post Стефковски бара од Град Скопје да ги врати старите имиња на улиците во Гази Баба appeared first on Република.

Улиците во Скопје се претворени во „руски рулет“. Излегуваш од дома и не знаеш дали ќе се вратиш. Се молиш, некоја пијана или трезна будала да не те „собере“ на улица и да завршиш на КАРИЛ или може уште полошо.

За еден ваков настан раскажува скопјанецот Љупчо Ангелов на социјалните мрежи. Вели „за малку ќе не прегазеше еден човек на зелено уклучено за пешаци“ и додава дека е лут поради тоа што сме дозволиле да станеме „Див запад“ каде ништо не функционира и не се почитуваат законите.

Настанот се случил на булеварот „Митрополит Теодосиј Гологанов“, во петокот 15 минути после 21 часот.

Си прелета на црвено без око да му трепне. Да не изреагиравме бргу и да се вратиме назад на тротоарот, ќе не смачкаше како муви“, раскажува Љупчо.

Toj додава дека тој е сведок на вакви настани кои секојдневно се случуваат, и не само тука, туку на булеварите „Партизански одреди“ и „8-ми септември“.

Не може никој на овие мајмуни да им објасни дека колата, џипот или моторот не е за демонстрирање сила, односно лечење фрустрации, туку е средство кое треба да те пренесе од точка А, до точка Б. Безбедно, како за тебе и тие што ги возиш, така и за останатите учесници во сообраќајот“, вели Љупчо во својата фејсбук објава.

Се чини дека освен брзото и лудо возење има уште една затрашувачка појава, а тоа е зголеменото насилство во сообраќајот. Полициските билтени, секојдневно се полнат со мали и поголеми инциденти поврзани со предност и несогласување на улиците. Многу често читаме за физички пресметки и обид за убиство. За ова пишува тој во својот фејсбук статус.

Да не зборам дека ако му дигнеш рака со негодување на некој таков, може да искочи од кола и да те претепа, а нема да ме зачуди и пиштол да извади и да ти го стави на глава“, додава тој во својата фејсбук објава.

На крајот на својот фејсбук Љупчо удира директно во сржта на проблемот.

ОВА ЛУДИЛО МОРА ДА ПРЕСТАНЕ ВЕДНАШ! Апсолутно не ме интересира дали Таравари или некој друг ќе влезе или нема да влезе во владата. Не ме интересира ни Пендиков, ни Мендиков, ништо повеќе не ме интересира од мојата лична безбедност и безбедноста на моите блиски. Уште сум избезумен и многу, многу лут што дозволивме да станеме „Див запад“, каде што не владее законот, туку „колтот“, односно „посилниот“, заклучува тој.

Целиот фејсбук статус:

The post Улиците во Скопје се „руски рулет“: На овие мајмуни не може да им се објасни дека џипот или моторот не е за демонстрирање сила appeared first on Република.

Во општина Бутел оваа година ќе се асфалтираат 35 улици, најави градоначалникот на општина Бутел Дарко Костовски.

-КАКО НИКОГАШ ДО СЕГА, ОВАА ГОДИНА ЌЕ АСФАЛТИРАМЕ 35 УЛИЦИ

Најавуваме голема градежна офанзифа во делот на уличната инфраструктура на територија на Општина Бутел. Одреден број на улици за прв пат ќе добијат асфалт, додека одреден број оштетени улици ќе бидат целосно реконструирани.

Убеден сум дека веќе докажвме наша врвна цел е интересот на граѓаните, затоа во оваа градежна офанзива ќе бидат опфатени улици во сите населени места. Со оваа динамика на работа во делот на уличната инфраструктура Општина Бутел до крајот на мојот мандат нема да има неасфалтирана улица, додека најголем број од оштетените улици ќе добијат нов асфалт.

Асфалтирањето ќе се одвива во две фази, првата ќе започне за многу скоро, втората веднаш кога ќе биде готова проектната документација која е во тек.

Реализираме повеќе од ветеното, пишува Костовски во својата објава на Фејсбук.

The post Голема градежна офанзива во општина Бутел: Ќе се асфалтираат 35 улици appeared first on Република.

Од ЈП Водовод и канализација-Скопје известуваат дека денеска (вторник) поради реконструкција на водоводна мрежа ф-150 мм на крстосницата бул. Митрополит Теодосиј Гологанов/Аминта Трети, прекинато водоснабдување ќе имаат корисниците на дел од булеварот (потегот од Амбасада на Република Бугарија до Никола Тримпаре) и дел од Аминта Трети.

Водоснабдувањето ќе биде прекинато од 09:00 часот до завршување со работните активности.

The post Без вода неколку улици во Скопје appeared first on Република.

На 29.11. и 30.11.2022 (вторник и среда) во официјална посета на Македонија ќе пристигне делегација предводена од Претседателот на Сојузна Република Германија Франк - Валтер Штајнмајер.

Од тие причини, СВР Скопје ќе преземе мерки за посебен режим на сообраќајот по сообраќајниците на поширокото централно подрачје на град Скопје.

МВР апелира до сите граѓани учесници во сообраќајот да се почитуваат наредбите кои ќе ги даваат униформираните полициски службеници.

The post Во вторник и среда дополнителен хаос по скопските улици, доаѓа претседателот на Германија во посета appeared first on Република.

Утре без електрична енергија ќе останат:

– во периодот од 09:00 до 11:00 часот, дел од корисниците на улица Палмиро Тољати од број 12 до број 60.. Сингелиќ.( општина Гази Баба )

– во периодот од 09:00 до 12:00 часот, ул. Даскал Камче бр. 1А влез 5. ( општина Карпош )

– во периодот од 09:00 до 13:00 часот, Викано место Падарица.(општина Сопиште)

-во периодот од 09:00 до 14:00 часот, дел од корисниците на ул.Франц Прешерн(општина Карпош)

– во периодот од 09:00 до 13:00 часот, стопанските објекти на : Стил Железо, Европа 92, Момин поток СИЗ Македонија.( општина Карпош ), информираат од ЦУК.

The post Утре без струја повеќе улици во неколку скопски општини appeared first on Република.

Главниот град на Украина, Киев, смени имиња на 95 улици како дел од кампањата за „прочистување“ од руските и советските називи, објави градоначалникот на Киев, Виталиј Кличко.

Новите имиња треба да го овековечат сеќавањето на значајните историски настани на Украина, како и на познати личности и херои кои ја прославија Украина и се бореа за независноста на нашата земја - објави Кличко на Телеграм.

Според него, процесот на отстранување на руските имиња е далеку од завршен и вети дека ќе продолжи со таква кампања.

Една од главните улици на Киев сега се нарекува Лондон, додека друга беше наречена Преродба на Украина.

Улица во Киев веќе го носи името на националистичкиот баталјон Азов.

Улиците во главниот град на Украина именувани по руските писатели од 19 век, како што се Александар Пушкин, Лав Толстој, Антон Чехов, Иван Тургенев и Михаил Лермонтов, добија нови имиња. Истата неславна судбина ги снајде дури и филозофите со германско потекло, Карл Маркс и Фридрих Енгелс, по кои беа именувани многу улици низ Советскиот Сојуз.

Други имиња кои повеќе не ги красат улиците на главниот град на Украина се оние на советските воени водачи од Втората светска војна, како и оние кои се однесуваат на руските градови како Москва, Ростов-на-Дон и Магнитогорск. Иако е роден во Киев, без улица остана и рускиот писател Михаил Булгаков, еден од најголемите писатели на Советскиот Сојуз.

The post Им пречат Пушкин, Толстој, Чехов, Булгаков…: Киев отстранува руски и советски траги од имињата на улиците appeared first on Република.

ЦУКС известува дека во овие утрински часови поголем број на возила се забележува долж:
-бул. Кочо Рацин кон ул.11 Октомври,
-ул. 11 Октомври кон Центар,
-ул. Пролет кон ул.11 Октомври,
-бул. Кузман Јосифовски Питу кон Центар,
-бул. Партизански Одреди кон Центар,
-ул. Свети Кирил и Методиј кон бул. Водњанска,
-бул.Свети Климент Охридски кон бул. Партизански Одреди,
-мост Гоце Делчев кон бул. ВМРО

The post Возачи, избегнете ги овие скопски улици appeared first on Република.

Од денес, 12 –ти јули до 18-ти јули, Прилеп заради потребите на Пиво – фестот 2022, воведува нов сообраќаен режим, во централното градско подрачје.

За сите оие кои планираат да го посетат Прилеп овие 7 дена, но и за прилепчани кои сакаат да ги корисат своите автомобили, поради организирање на манифестацијата „Пиво фест“ и поставување и монтирање на штандовите на пиварниците и угостителите , во наредните 7 дена, почнувајќи од денеска, дел од Булеварот „Гоце Делчев“ од крстосницата со ул. „Кузман Јосифоски“ до крстосницата со ул. „Прилепски Бранители“ ќе биде затворен, а сообрајќајот ќе се пренасочи кон околната улична мрежа.

Воедно, оние кои пак планираат да го посетат фестивалот на пивото и скарата од другите градови во четирите фестивалски денови, паркинг простор ќе има доволно, зашто се обезбедени над 12.000 паркинг места. Цената на дневниот билет за паркинг простор ќе изнесува 80 денари , од која Советот на Општина Прилеп едногалсно донесе одлука 30 денари да одат за хуманитарни цели.

The post Воведен сообраќаен режим поради Пиво Фест, а овие улици се затворени appeared first on Република.

Поради одржување оперативно-тактичка вежба денеска во Скопје ќе биде воведен посебен сообраќаен режим, а сообраќајот ќе се пренасочува по околните сообраќајници.

Оперативно-тактичката вежба ќе се одржува во периодот од 9:30 до 12 часот од страна на МВР и во координација со Амбасадата на САД.

Во овој период затворени ќе бидат улиците „Лазар Личеновски“ и „Самоилова“ и булеварот „Никола Карев“, на потегот од улицата „Македонско-косовска бригада“ до улицата „8 Септември“.

Од МВР апелираат граѓаните да ги почитуваат наредбите на полициските службеници.

The post Обрнете внимание каде возите, повеќе улици ќе бидат затворени appeared first on Република.

За разлика од претходно, сега јавните претпријатија во овие 4 месеци работат 3 пати повеќе во рамки на своите надлежности и можности. Кога дискутираме во однос на градскиот превоз за ЈП сообраќај Скопје, градоначалничката на Град Скопје има начин како тоа да биде уште по ефикасно и подобро. За многу краток период набавката која ќе ја направиме на нови модели на автобуси и обновување на возниот парк ќе значи многу за Градот Скопје и за жителите на Скопје“, истакна Ѓоко Велковски, генерален секретар во Град Скопје на денешната трибина насловена „Затекнато – реализирано во Град Скопје“, во организација на ВМРО-ДПМНЕ.

Велковски во однос на градските улици во Скопје, посочи дека во скоро сите општини во Градот Скопје улиците ќе бидат реконструирани или санирани.

Веќе се започнати постапки во Гази Баба за Ул. „Перо Наков“ улица која повеќе од 40тина години не е направена. На Ул. „Бутелска“ веќе тендерската документација е спремна за објавување која 30тина години е во многу ужасна состојба. Следуваат и многу други улици во сите други општини, она што го ветуваме како Град Скопје е да нема ниту една заборавена општина и населба“, кажа Велковски.

Велковски истакна дека дивите депонии за многу брзо односно за неполни 82 една беа исчистени дивите депонии и постојат две стратегии откако ги исчистивме дивите депонии.

Првата стратегија откако ги исчистивме дивите депонии е започнување со запирање на креирање на дивите депонии и втората стратегија е изградба на 5 мега паркови во оние општини каде се соочувавме со вакви диви депонии“, рече Велковски.

Во текот на трибината се обрати и Мартин Стојановски кој што е Советник во кабинетот на градоначалничката Арсовска. Тој се осврна во однос на средбите кои ги имаше тимот од Град Скопје во делот на детектирање на проблемите кои ги имаат граѓаните.

Градот Скопје имаше можност директно да ги слушне проблемите на граѓаните преку тие средби. На тие средби беа детектирани главните проблеми на граѓаните сѐ со цел граѓаните од прва информација до нас ги споделат нивните проблеми кои ги имаат во нивните урбани и месни заедници. Градот Скопје веќе ги детектираше тие проблеми и веќе се започнати со реализација за да се решат тие проблеми. Веќе е направен систем и структура која ги решава тие проблеми и се во фаза на повеќе од 50 проценти во нивна реализација“, истакна Стојановски.

Во текот на трибината се обрати и Филип Јаневски кој што е Советник во Град Скопје. Тој се осврна во однос на посетите во претпријатијата и информациите од претпријатијата.

Тоа се организирани посети, најчесто минимум 2 посети во месецот имаме во одредено јавно претпријатие. Голем дел од ЈП имаат проблем со своите човечки капацитети бидејќи голем дел се оставени без правници, економисти, сметководители и со тоа имаат огромни потешкотии при функционирањето“, посочи Јаневски.

Во текот на трибината свое обраќање имаше и Емилија Ангелова, која што е советничка во Советот на Град Скопје. Таа посочи дека состојбата во градот Скопје е на многу лошо ниво затекната.

Иако состојбата во Градот Скопје е на многу лошо ниво, сепак постои план за реализација на проекти, унапредување, план за градот Скопје повторно да стане модерен град со оглед на тоа што менаџментот раководството и сите служби се на услуга на граѓаните. Градот Скопје повторно ќе биде модерно Скопје и во иднина ќе имаме задоволни граѓани кои ќе даваат само позитивни нешта а сите негативности ќе бидат санирани и завршени“, кажа Ангелова.

The post Горливиот проблем на скопјани се решава, улиците во сите општини во Градот Скопје ќе бидат реконструирани или санирани appeared first on Република.