Ноќва во 03.20 часот во с.Доброште, тетовско, полицискислужбеници од Полициското одделение Теарце го лишиле од слобода Г.Ц.(52) од с.Мала Речица, тетовско, кој бил пријавен од лице од
тетовско дека го слушнал како пред неговата куќа разговара со друго лице и се договараат да му постават експлозивна направа кај неговата куќа.

Како што соопшти СВР Тетово, околу 10.15 часот покрај локалниот пат во близина на куќата на
пријавителот, полициски службеници пронашле две неексплодирани рачни бомби, кои биле безбедно подигнати.

Г.Ц. е задржан во полициска станица за понатамошна постапка и против него ќе следува
соодветен поднесок.

The post Ги слушнал како планираат да му фрлат бомба дома, полицијата ги фати со оружјето appeared first on Република.

На 25.09 во 08.00 часот во СВР Тетово, Ф.Р.(67) од с.Камењане, тетовско, пријавил дека додека ги напасувал овците во атарот на село Јеловјане, Тетовско, две лица со мотоцикли дошле до неговата штала и потоа слушнал неколку истрели од огнено оружје, при што бил оштетен ѕидот и вратата на објектот.

Од СВР Тетово велат дека се преземаат мерки за расчистување на случајот.

The post Непознати луѓе на мотори му дошле пред штала и почнале да пукаат appeared first on Република.

СВР Тетово поднесе кривична пријава против Н.В.(85) од с.Калиште, тетовско, поради постоење основи на сомнение за сторено кривично дело „напад врз службено лице при вршење на работи безбедноста“.

На 03.06.2024, пријавениот агресивно се однесувал кон вработен во Ургентен центар Тетово и физички нападнал полициски службеник кој извршувал службени дејствија.

The post Старец од 85 години нападнал вработен во Ургентен и полицаец appeared first on Република.

Три случаи на семејно насилство се регистрирани во Тетовско само во текот на вчерашниот ден. И во трите случаи се работи за нападната жена од страна на партнерот.

Прво во 17.30 часот, полициски службеници од Полициското одделение Галате го лишиле од слобода А.Ф.(37) од гостиварско село, кој во 17.00 часот бил пријавен од неговата 26-годишна сопруга дека физички ја нападнал и ја затворил во соба во семејната куќа. Тој е задржан во полициска станица и против него ќе следува соодветен поднесок.

Во 22.40 часот во Тетово, полициски службеници од СВР Тетово го лишиле од слобода Е.И.(33) од Куманово, постапувајќи по претходна пријава дека агресивно се однесувал, се заканувал со остар предмет и се обидел физички да ја нападне неговата невенчана сопруга во домот на нејзини роднини каде што била на гости.

Како што соопштуваат од тетовската полиција, и тој е задржан во полициска станица за понатамошна постапка и против него ќе следува соодветен поднесок.

Во 22.50 часот во ОВР Гостивар, 41-годишна жителка на гостиварско село пријавила дека околу 20.00 часот во семејниот дом, нејзиниот сопруг Б.Б. физички ја нападнал неа и нејзиниот татко.

По целосно расчистување и документирање на случајот, против Б.Б. ќе следува соодветна пријава, велат од СВР Тетово.

The post Ја натепал и затворил, ѝ извадил нож… – само вчера тројца мажи си ги нападнале сопругите appeared first on Република.

На 04.05.2024 година околу 19.30 часот полициски службеници од СВР Тетово – Полициско одделение Групчин, во тетовско Церово ги лишиле од слобода К.З.(62), Х.А.(33), Р.А.(27) и М.А.(62), сите од Церово. Според пријавеното, по кратка вербална расправија помеѓу К.З. и Х.А. во угостителски објект во селото, К.З. со огнено оружје испукал неколку куршуми, но бил спречен од присутните, а оружјето му било одземено.

Повредени лица нема, а приведените се задржани во полициска станица и се работи на расчистување не случајот, по што ќе биде изготвен соодветен поднесок, информираат од МВР.

The post Пукал во ресторан во тетовско, приведени неколку лица appeared first on Република.

Полициски службеници на СВР Тетово, вчера околу 16 часот го лишиле од слобода 24-годишниот тетовец М.Н., кој претходно бил пријавен од неговиот 48-годишен татко дека во семејниот дом физички го нападнал и му се заканил со остар предмет.

Тој е задржан во Полициска станица Тетово за расчистување и документирање на случајот, по што ќе му биде изготвен соодветен поднесок, велат од СВР Тетово.

Според последните статистики, во текот на минатата 2023 година на подрачјето на СВР Тетово евидентирани се вкупно 132 кривични дела поврзани со семејно насилство од кои 71 во тетовскиот регион, а 60 на гостиварското подрачје. Вкупната бројка е за 21 дело помалку во споредба со претходната година.

Повеќе од половината од овие дела (ТЕ-38 и ГВ-37) биле со нанесување телесни повреди. Во ланските кривични дела вкупно бил инволвиран, односно пријавен 131 сторител, а најголемиот број од нив се целосно расчистени и заокружени со 113 кривични пријави. Меѓу сторители и натаму се најбројни машките лица (122), претежно сопрузи, поранешни, вонбрачни сопрузи, татковци, синови и други, а се среќаваат и 9 женски лица-сторители на ваков вид насилство. Бројот на „жртвите“ на семејно насилство во овој период, пак, изнесувал 130, од кои дури 106 биле женски лица (сопруги, поранешни, вонбрачни, мајки, сестри), како и 24 машки лица, најмногу татковци и синови, вели портпаролот Марјан Јосифоски.

Според анализата на податоците за 2023 година најчести причини за овој вид насилство, според досегашните сознанија и професионални искуства на СВР Тетово, се нервните растројства, разните пороци, а пред сè алкохол, дрога и друго.

The post Уште еден син нападна татко во Тетово appeared first on Република.

Во пожарот во магацин тетовското село Фалише, изгореа 14 тони бои и лакови и други хемиски средства.

Директорот на Центарот за управување со кризи, Стојанче Ангелов вели дека поголем дел од магацинот бил железарија а мал дел за бои, лакови и други хемиски препарати.

„Од вчера до денес врне слаб дожд а во текот на ноќта дувал и слаб северен ветер кои помогнале ПМ честиците во воздухот да дојдат во нормални граници поради што немаме загадување на воздухот“, вели Ангелов и додава дека мерките што беа превентивно упатени вчера, сега веќе не важат. Граѓаните можат да бидат спокојни од аспект на загаденост на воздухот, рече тој.

Во текот на денот ќе бидат земени примероци од почвата и водата заради дополнително испитување.

Претходно денес, министерка за животна средина, Каја Шукова рече дека ќе има загадување и на почвите и водите, а спротивно на тврдењата на Ангелов, таа изјави и дека евидентно е оти ќе има и загадување на воздухот. Затоа уште вчера, вели Шукова, беше издадена препорака до граѓаните да не излегуваат без потреба, вратите и прозорците на домовите да бидат затворени. Препораката до граѓаните е да внимаваат и во следните неколку дена, кажа таа.

Шукова истакна дека доколку во тој крај има земјоделски култури, тие не треба да бидат во употреба.

https://youtu.be/HTzl1kwSeJE?si=ltqPgA7HtRXhyNkE

The post 14 тони бои и лакови изгореа во пожарот во тетовско Фалише, се испитува колку се загадени почвата и водата appeared first on Република.

Вчера во 14 часот и 45 минути во Тетово, полициски службеници на СВР Тетово го лишиле од слобода 60-годишниот тетовец Д.Б. кој претходно бил пријавен од неговата 56-годишна сестра дека во семејниот дом физички ја нападнал нивната 79-годишна мајка.

Тетовецот е задржан во Полициската станица Тетово и, како што соопштуваат од СВР Тетово, по документирање на случајот ќе му биде изготвен законски предвидениот поднесок.

The post Тетовец си ја истепа 79-годишната мајка appeared first on Република.

Вчеравечер во 23 часот полициски службеници на СВР Тетово го лишиле од слобода 27-годишниот О.М. од тетовско село, кој четириесетина минути пред тоа бил пријавен од неговата 24-годишна сопруга дека во семејниот дом физички ја нападнал.

Тој е задржан во Полициската станица Тетово, одземена му е ловечка пушка со 14 патрони и гасен пиштол, а по целосно документирање на случајот против него ќе следува поднесок.

The post Кај тетовец приведен за тепање на сопругата пронајдено оружје appeared first on Република.

Вчеравечер во 21 часот и 50 минути во СВР Тетово е пријавено дека во тетовската Kлиничка болница била донесена малолетничка од тетовско село со повреди од остар предмет и со други повреди по телото.

По преземени мерки било утврдено дека повредите ѝ ги нанела нејзината повозрасна сестра, исто така малолетничка, по нивна претходна расправија и физичка пресметка, соопшти СВР Тетово.

По целосно расчистување и документирање на случајот ќе биде поднесена соодветна пријава.

The post Девојче ја претепа и избоде помалата сестра по кавга во тетовско село appeared first on Република.

Центарот за управување со кризи (ЦУК) информираше дека повторно, втор ден по ред, активирана е и воздухопловна поддршка за противпожарните тимови за пожарот на планината Сува Гора во шумата над селото Милетино во Општина Брвеница. Денеска дејствуваат два противпожарни авиони „Ер-трактори“ и еден полициски хеликоптер.

Имаме активно горење на неколку краци. Пожарот гори ниско по тревата низ зимзелена шума, борова шума, предизвикува штета. Се надевам дека дрвјата ќе преживеат и нема да бидат исушени. Рано утрово почнавме со гасење со два „Ер-трактори“ на ДЗС, а дополнително ќе биде ангажиран и еден полициски хеликоптер, изјави директорот на ЦУК, Стојанче Ангелов.

Пожарот изби вчера во текот на пладнето, попладне беше изгаснат од пожарникари, но и три „Ер трактори“ и хеликоптер, но ноќта повторно се разгоре.

И покрај обидите за контрола врз овој пожар, тоа остана неуспешно. Ветрот, кој постојано дува, го менува својот правец, како и поради и сува вегетација, како овие шишарки на земја, дополнително го отежнува гаснењето на овој пожар, изјави Ангелов.

Од разденување се работи на гаснење на пожарот, а интервенираат и вработени во ЈП „Македонски Шуми“ подружница „Лешница“.

The post Втор ден пожарот на боровата шума во Тетовско покрај пожарникарите се гасне и со воздухопловна поддршка appeared first on Република.

Ноќеска, во 1.20 часот, 19-годишните А. Ш. и Б. Ш. од тетовско Глоѓи во СВР Тетово пријавиле дека околу 22 часот во парк во ова село физички биле нападнати од четири лица од тетовско Доброште и едно од тетовско Непроштено, кои ги познавале од порано, извести СВР Тетово.

Се расчистува и документира случајот.

The post Масовна тепачка во Тетовско, полицијата го расчистува случајот appeared first on Република.

Територијалната противпожарна единица Тетово вчера и денес повторно интервенира на повеќе пожари што се појавија на депонии, а најголема од сите која беше видлива дури од градот и автопатот кон Скопје беше кај Добарце, Општина Желино. Покрај Добарце, горат депонии и кај Јеловјане и Гајре.

Два дена трае борбата на пожарникарите кај Добарце, и покрај тоа што имаат помош од општината со механизација.

-Противпожарната единица Тетово само денес имаше 11 пожари, а од вчера се справуваме со пожарот кај депонија кај Добарце. Се ангажираше општината со фирми, донесоа багери и механизација, се трудиме да се гаснеме, со вода а тие потоа затрупуваат со земја. Навистина не можеме да се справиме со сите овие толку големи пожари. Цел Полог гореше, сите ние треба да ги изгасиме, ниедна институција не излегува на пресрет, за да ни помогнеме, ни ЦУК ни ДЗС, а сите се на отворено, информираше Авни Амети, командир на ТППЕ Тетово.

Според Амети, голема трагедија е спречена на пожарот на отворено над Тетово, односно улицата „146“.

-Најтешкиот беше на улица „146“ каде на отворено гореше,  голем пожар за малку ќе фатеше неколку куќи, а сите таму се залепени објекти. Денес беше чудо. Намерно палат за забава и оставаат огнови, па после ние се бавиме со шумски пожари. Ќе имаме тополи денови да не се палат огнови на отворено, се надевам на дожд затоа што е премногу за нас. Многу е ризично, сушно е, а не сфаќаат дека е сериозна работата, со палење на сметот по ниви и во шуми, изјави Амети.

Поради повеќето пожари на смет, повторно и низ Тетово се чувствува смрдеа, а има и чад.

The post Два дена пожари на нови депонии во Тетовско, подрачјето повторно се гуши во чад и смрдеа appeared first on Република.

На 9 септември во 19.30 часот во тетовско, полициски службеници од СВР Тетово лишиле од слобода пет малолетници и еден 18-годишник, сите од тетовско, постапувајќи по претходна пријава на жител од тетовско според која, тие со закана ја принудиле неговата малолетна ќерка на полови дејства.

По целосно документирање на случајот ќе биде поднесена соодветна пријава, велат од СВР Тетово.

The post Шест тетовски тинејџери силуваа девојче appeared first on Република.

Вчеравечер околу 21:20 часот полициски службеници на СВР Тетово-Одделение за внатрешни работи Гостивар го лишиле од слобода 31-годишниот В.Б. од гостиварско село, кој бил пријавен од неговиот 28-годишен брат дека околу 21 часот во семејниот дом физички го нападнал.

Се расчистува и документира случајот, велат од СВР Тетово.

Ноќеска, пак, десетина минути по полноќ, полициски службеници на СВР Тетово го лишиле од слобода 36-годишниот тетовец Б.Б. кој претходно бил пријавен од неговите родители дека
околу 22 часот во семејниот дом се однесувал агресивно и им се заканувал.

Тој е задржан во Полициската станица Тетово за расчистување и документирање на случајот.

The post Еден си ги нападнал родителите, друг брат му appeared first on Република.

Полициски службеници на СВР Тетово вчера (28 мај) околу 14 часот го лишиле од слобода 38-
годишниот А.А. од тетовско село, кој половина час пред тоа бил пријавен од неговата 33-годишна сопруга дека физички ја нападнал.

Тој е задржан во Полициската станица Тетово за целосно расчистување и документирање на случајот, по што ќе му биде изготвен поднесок, велат од СВР Тетово.

The post Уште една нападната жена во Тетовско appeared first on Република.

Полициски службеници на СВР Тетово-Одделение за внатрешни работи Гостивар, вчера околу 10.15 часот го лишиле од слобода Б.Т.(48) од Неготино, полошко, кој десетина минути пред тоа
бил пријавен дека агресивно се однесувал во објект на општина Врапчиште во Неготино, во кој бил сместен Секторот за урбанизам.

Според пријавеното, тој во една просторија ги заклучил вработените и го оштетил инвентарот и опремата во другите канцеларии на објектот.

Набргу потоа, со судска наредба, извршен е претрес во неговиот дом, при што биле пронајдени три парчиња огнено оружје ( две ловечки пушки и пиштол) за кои поседувал соодветни дозволи.

Б.Т. е задржан во Полициската станица Гостивар и по целосно расчистување и документирање на случајот ќе биде изготвен соодветен поднесок.

The post Маж ги заклучил вработените и кршел низ канцеларија – тежок инцидент во Секторот за урбанизам appeared first on Република.

Полициски службеници од СВР Тетово - Полициско одделение Групчин ја пронашле А.Б.(24) од тетовско Церово, за која на 7-ми месецов нејзината мајка С.Б.(45) пријавила дека се оддалечила
од домот.

Како што соопштија од СВР Тетово, со неа бил извршен разговор, при што изјавила дека самоволно заминала од дома и не сака да се врати.

The post Пронајдена исчезната девојка од Тетовско, рекла дека не сака да се врати дома appeared first on Република.

На 29 март, околу 20:40 часот, полициски службеници на СВР Тетово го лишиле од слобода К.К.(41) од тетовско село, кој претходно бил пријавен од неговата 35-годишна сопруга дека физички ги нападнал неа и неговата мајка.

Според пријавеното, во нападот користел и метален предмет.

Тој е задржан во Полициската станица Тетово и против него ќе следува поднесок.

The post Со метален предмет мавал по сопругата и по мајка ѝ appeared first on Република.

Во изминатите два и пол месеци од оваа година Секторот за внатрешни работи Тетово ги интензивираше континуираните активности за справување со „неовластеното производство и пуштање во промет на наркотични дроги, психотропни супстанци и прекурсори“, но и со „овозможување употреба на наркотични дроги“, информираат оттаму.

Во овој период во педесетина случаи евидентирани на тетовските простори регистрирани се вкупно 80 лица кои биле лишени од слобода и на кои по расчистување и документирање на случаите изготвени им се соодветни поднесоци, а 15 лица на гостиварските простори.

Кај најголемиот број од нив биле пронајдени и одземени марихуана и кокаин, а во само неколку случаи хероин и амфетамин. Претежно станува збор за млади лица на возраст од 15 до 45 години, кои лично користеле вакви опијати, но се среќаваат и поединци кои им ги продавале на други, велат од СВР Тетово.

Секторот за внатрешни работи Тетово и во наредниот период ќе презема контролни и други активности во чие средиште ќе бидат лицата кои поседуваат, користат или продаваат наркотични средства и адекватно ќе ги санкционира со изготвување на законски предвидените поднесоци.

The post Марихуаната и кокаинот најраспространети во Тетовско, со дрога фатени и 15-годиници appeared first on Република.