Четириесет и еден отсто од лицата за јавни набавки по државните институции сметаат дека во набавките често има корупција. Најголем дел од нив велат дека најприсутна е корупцијата како последица на политичките интереси и оти поголем генератор на корупција се фирмите отколку луѓето во институциите, покажуваат наодите од истражувањето што ги спровел Центарот за граѓански комуникации.

Анализите на Центарот покажуваат и дека 51 процент од фирмите што учествуваат во јавните набавки сметаат во набавките има корупција, а со неа лично се соочиле 23 отсто од компаниите вклучени во истражувањето.

Јавните набавки во 2023 година достигнаа рекордно висока вредност и рекордно ниска конкуренција во последните 10 години. Склучени се договори за јавни набавки во вкупна вредност од 1,5 милијарда евра, што е 35 отсто повеќе од претходната година. Според мониторингот на јавни набавки, Просечниот број понуди по тендер изнесувал 2,7. Во една третина од тендерите е добиена само по една понуда. Отсуството на конкуренција е последица на фаворизирачки тендерски документации и загубена доверба на бизнис-секторот во фер натпревар на набавките, се вели во денешното соопштение од Центарот за граѓански комуникации во врска со спроведеното истражување.

Според Центарот, Индексот на рационалност открива големи разлики во цените по коишто институциите купуваат исти производи и услуги. Така, на пример, исти лиценци за компјутерски софтвер се купувани по цени од 6.185 до 23.100 денари.

Базата на податоци за јавните набавки на општините, пак, открива дека во 2023 година, општините за набавки потрошиле 40 отсто повеќе пари од претходната година и дека само десет фирми добиле 25 отсто од вредноста на сите тендери, покажуваат резултатите од истражувањето.

Извештаите и истражувањата се изработени во рамките на проектот „Мониторинг на јавните набавки“, што го спроведува Центарот за граѓански комуникации, а е финансиски поддржан од Фондацијата Отворено општество – Македонија. Изготвен е Извештај од редовниот мониторинг на јавните набавки, кој вклучува и анкети со фирмите и со претставниците на државните институции, Индексот на рационалност каде што се споредени цените по коишто различни институции набавувале сосема исти производи или услуги и Анализа и база на податоци за јавните набавки на општините за 2023 година.

The post Рекордно високи тендери во 2023 година вредни 1,5 милијарда евра, 35 отсто повеќе од претходната година appeared first on Република.

СДС и ДУИ и во здравството гледале само бизнис. За криминалните тендери на Венко Филипче јавноста е запознаена, но не само тој на централно ниво, туку така се однесувале лицата од СДС и ДУИ и по поединечни јавни здравствени установи, се вели во партиското соопштение на владејачката ВМРО-ДПМНЕ.

Контролите спроведени од надлежни институции во јавните здравствени установи покажуваат огромен број на неправилности. Од контроли во 24 јавни здравствени установи неправилности се утврдени во 23 и тоа во делот на јавни набавки. Оттука неправилности се констатирани во клиниките за Максилофацијална хирургија во Скопје, за Урологија, за радиологија за Нефрологија, за психијатрија, потоа во здравствените домови во Гостивар, во Ресен, во Струга, во Делчево, во Демир Хисар, во Велес, Пробиштип, како и во Клиничка болница во Тетово, во Институт за јавно здравје Скопје, во Општа болница во Струга, Општа болница во Струмица, Општа болница со проширена дејност во Дебар, Центар за јавно здравје во Скопје, Специјализирана болница за ортопедија и трауматологија Св.Еразмо во Охрид, истакнуваат од владејачката партија.

Власта предводена од СДС наместо за пациентите и здравствениот персонал се грижела за местење тендери. Одговорност ќе има за секое незаконско работење, додаваат од ВМРО-ДПМНЕ.

The post По примерот на Филипче работеле и останатите од СДСМ и ДУИ, неправилности се констатирани во 19 од 24 јавни здравствени установи appeared first on Република.

Коалицијата Вреди и денеска на прес-конференција продолжи да објавува информации за тендери поврзани со фирми на семејството на пратеникот Елми Азири од Европскиот фронт.

-Вчера објавивме информации за тендерите кои фамилијарно поврзаната фирма на пратеникот Елми Азири ги добила од Министерството за политички систем и односи со заедниците, во времето на главниот логистичар на ДУИ, Артан Груби. Денес продолжуваме со објавување нови сознанија за тоа како истата фирма, чиј сопственик е внук на сопругата на пратеникот Елми Азири земала тендери од Општина Липково, од средното училиште „Исмет Јашари“ во Липково, од гимназијата „Сами Фрашери“ во Куманово и ЈЗУ Здравствен Дом – Куманово, истакна Бујаре Абази од Коалицијата ВРЕДИ на денешната прес-конференција.

На овие четири тендери, нагласи, фирмата РИТРОН КОПИ ДООЕЛ увоз-извоз Куманово, дала понуди за набавка на компјутерска опрема за што и биле исплатени без малку 1 милион денари.

-Овие информации јасно покажуваат дека без разлика дали се работи за набавки од помала или поголема вредност, без амин на ДУИ ниту една фирма не може да добие ниту денар. Очигледно е дека ДУИ владеел како мафијашка структура која не се воздржувала да ги злоупотребува народните пари за остварување политичко влијание, посочи Абази.

Во мрежата на ДУИ, како што кажа, се фаќале сите политичари „кои ја сфаќаат политиката и како можност за лично и фамилијарно богатење“.

-Затоа, го охрабруваме раководството на опозицискиот Европски Фронт, добро да му објасни на своето членство зошто клучните поранешни функционери на Али Ахмети и Зијадин Села се под сомневање за политичка корупција, порача Абази...

OДГОВОР ОД ДУИ

Не престануваат скандалите со албанскиот јазик. 

Јавното претпријатие за државни патишта ги стопираше постапките за проектот на претходното раководство кој имаше за цел промена на сите сообраќајни знаци на автопатиштата, согласно законот за употреба на албанскиот јазик.

Ова е чекор без преседан и штетен за спроведувањето на законот кој гарантира јазична еднаквост.

И покрај тоа што заврши процесот на избор на фирма за реализација на проектот, сегашното раководство одлучи да ја прекине постапката.

Ова може лесно да се провери во електронскиот систем за јавни набавки, што отвора сериозни прашања за односот на оваа влада кон спроведувањето на овој закон.

Демократската унија за интеграција предупредува дека овие неуспеси се резултат на недостатокот на изборен легитимитет на оваа власт, нејзината јасна неспособност да управува со клучните процеси и нејзината зависност од политичките влијанија на ВМРО.

Овие постапки се неприфатливи и сериозно му штетат на процесот на институционална еднаквост во државата.

Наместо да се соочат со своите одговорности, губитниците на изборите се обидуваат да ги прикријат овие масовни неуспеси со неосновани политички напади и непотребни прогони.

Насилното, самоволно и вонинституционално отстранување на таблите на границата со Косово и враќањето на старите табли е уште еден показател за неспособноста на оваа власт да ги спроведе институционалните и правни стандарди.

Жално е што по повеќе од 100 дена владеење, ова моноетничко раководство сè уште се обидува да ги обвинува другите за своите постојани неуспеси.

Овие акции не само што ги поткопуваат државните институции, туку претставуваат и јасен чин на дискриминација на Албанците.

The post Вреди и ДУИ се фатија за тендерите во Липково appeared first on Република.

Милионски тендери добивала фирмата „Еверест ЏД“ на Дрин Ахмети, внукот на лидерот на ДУИ, Али Ахмети за која пред некој ден заработи кривична пријава од МВР, бидејќи се сомничи дека како нејзин директор извршил злоупотреба на концесија за рудник кај Кичево и со тоа го оштетил буџетот за 1,6 милиони денари или околу 26.000 евра. Ова денеска го обелодени ВМРО-ДПМНЕ и прстот го впери кон поранешниот министер за економија Крешник Бектеши кој доаѓа од истата партија, бидејќи не ја одземал концесијата на фирмата за експлоатација на минерални суровини и со тоа овозможил да ги добива тендерите.

„Дрин Ахмети преку „Еверест ЏД“, со која експлоатирал минерални суровини повеќе отколку што пријавил и платил на државата, наместо да се соочи со санкција и одземена дозвола под закрила на Министерството за економија на Крешник Бектеши продолжил да работи, и како таков да ниже милионски тендери“, изјави Лефков.

Според податоците на Бизнис мрежа, фирмата „Еверест ЏД“ е формирана во 2005 година. Најпрвин имала седиште во село Зајас, кое е родно место на Ахмети, потоа во соседното Букојчани за од август лани да се префрли со адреса во Скопје. Дрин Ахмети станал нејзин директор и сопственик во 2017 година. Лани фирмата имала добивка од 129.000 евра.

Откако Дрин Ахмети ја преземал, тендер склучила со „Комуналец“ од Кичево во вредност од 47,500 евра за набавка на ризла и камен за ѕидање. Потоа ја започнала соработката со АД ЕСМ и добила договори за четири тендери во износ од речиси 125.000 евра. Последниот договор и е со „Водовод и канализација“ од Прилеп за над 15.000 евра.

„Власта на СДС и ДУИ и нивните луѓе во Министерството за економија знаеле дека концесионерот не доставувал геодетски елаборати со пресметка на откопаните количини на минерални суровини, предвидена во член од Законот за минерални суровини, како и дека не вршел исплата на концесиските надоместоци утврдено со склучениот договор, и покрај тоа му овозможиле на фирмата на Ахмети да ги користи придобивките од концесијата и непречено да остварува приходи“, додаде Лефков.

Дрин Ахмети вчера реагираше дека владеачката партија шири невистини кои и му штетат на личниот углед и на имиџот на фирмата, а притоа ги сподели и сите уплати на „Еверест ЏД“ за концесиски надоместок за простор и експлоатација за периодот 2016 до 2024 година.

Освен Дрин Ахмети, во кривичната пријава е опфатен и претходниот директор на фирмата, Бесиан Ахмети кој всушност ја отстапил „Еверест ЏД“ на неговиот брат. Тој вчера беше разрешен од неговата функција прв секретар на македонската амбасада во Брисел поради кривичната пријава против него. Пријави има и за неколкумина вработени во министерството за економија за несовесно работење, бидејќи биле должни да вршат надзор на концесијата. Обвинителството ги истражува наводите.

The post Фирмата концесионер на Дрин Ахмети добивала и милионски тендери appeared first on Република.

Веќе станува обичај секој ден во оваа наша напатена Македонија да се открива по некој нов бизнис. Склучен е договор по Јавна Набавка бр. 01-104/2023, со директно преговарање и без јавна објава за “Модернизација на топлинскиот дел од когенеративната постројка за зголемување на ефикасност со доградба на “SCR” за прочистување на издувните гасови и намалување на загадувањето за потребите на АД ЕСМ – подружница ЕНЕРГЕТИКА, велат од Комисијата за енергетика на ВМРО-ДПМНЕ.

Во нивното соопштение стои:

Оваа зделка добро е прикриена со допис од Бирото за Јавни набавки кое експресно за еден ден дало согласност за ваква набавка без оглас и со директно преговарање. Барањето е побарано и одобрено согласно Закон за Јавни Набавка по член 55 став (1) точка в). Овој член 55 став (1) точка в) алинеа 2 и 3 се применува во следни случаи:

Кога поради технички причини нема конкуренција за предметот на набавка и За заштита на ексклузивни права вклучувајќи права од интелектуална сопственост.

Во законот за Јавни набавки е посочено од експерти за јавни набавки од европската унија дури и експерти од Бирото за јавни набавки дека овој член е висококоруптивен и нема контролни механизми, па треба да се посвети посебно внимание и да се даде издржано образложение кога се бара негова примена.

Кое е тврдењето на ЕСМ во барањето за ваква одлука и дали тоа се сведува дека нема конкуренција за оваа набавка? Се поставува прашањето како е тоа утврдено?

Зошто ЕСМ побарала барање за понуда и тоа само од фирмата СПЕКТАРТЕРМО ДОО Скопје, која дала понуда на вредност од 179.879.163,00 денари без вклучен ДДВ. Предвидениот буџет изнесува 180.000.000,00 денари. Значи понудата е темпирана токму до граница на буџетот!.

Несомнено е дека ЕСМ-Скопје во 2023 година со СПЕКТАРТЕРМО ДОО Скопје воспоставила одлични бизнис релации. Веќе има други два договори со директно преговарање и без објава на оглас. На 10.02.2023 година склучила договор за набавка и монтажа на еден гасен мотор во ЕСМ- Енергетика во вредност од 174.735.108,00 денари со директно преговарање и без објава на оглас.

На 18.09.2023 година склучила договор со истата таа СПЕКТЕРТЕРМО за ремонт на гасни мотори во ЕСМ-ЕНЕРГЕТИКА во вредност од 112.100.000,00 денари, со директно преговарање и без објава на оглас.

Само овие три договори во постапка со директно преговарање и без објава на оглас во 2023 година имаат вредност околу 8.000.000,00 ЕВРА.

Ваков услов за договор е само ако СПЕКТАРТЕРМО е единствен способен за извршување на овој договор поради особено техничко знаење и капацитет. Но, нема никакви докази ниту образложение за ова.

Работите за кои само СПЕКТАРТЕРМО е способен да ги зврши и никој друг, според одговорните во АД ЕСМ се следните:

Демонтажа на димоводни канали, пригушувачи, командни уреди и опрема и прилагодување на SCADA опрема

Демонтажа и монтажа на фасаден лим во машинска хала и монтажа на метална конструкција за инсталирање на новата опрема

Испорака и монтажа на опремата за SCR катализатори и ставање во функција со поврзување на SCADA системот.

Јасно е дека всушност овие позиции можат да ги завршат многу други компании. Тоа се главно занаетчиски монтажни работи. Монтажа на уреди за прочистување на издувни гасови како и поврзување на управување со SCADA системот има многу. Само е прашање дали некој сакал тоа да се бара. Јасно е дека нема основа да се примени член 55 став (1) точка в) алинеа 2.

Правата за заштита на ексклузивни права и правата на интелектуална сопственост се однесуваат на права на патенти, авторски права и интелектуална сопственост. Тие не се однесуваат на правата за застапништво или дистрибуција на одредена опрема и не можат да се користат како основа за спроведување на постапката за преговарање без објава на оглас. Неопходно е да се докаже дека нема соодветен еквивалент на бараните технички карактеристики кој не може да го исполни ниеден економски оператор во целиот свет. Спрема ова нема основа да се примени член 55 став (1) точка в) алинеа 3.

Поради овие причини, постои основано сомневање за лукративни цели при склучување на ваков тип договори.

При промена на власта сето ова нема да помине неказнето. Ќе следат истраги кои ќе доведат до разрешување и казнување на оние кои го раскрчмуваат државниот имот на АД ЕСМ.

The post Комисија за енергетика: Во ЕЛЕМ не запираат „бонбона бизнисите“ поврзани со тендери во четири очи appeared first on Република.

До петти јануари идната, 2024 година ќе биде распишан тендер за КАТО систем, а што ќе содржи уште не се знае, кажа денеска министерот за здравство Фатмир Мецити кој беше во посетата на Клиниката за физикална медицина и рехабилитација каде што беше пуштен во употреба новиот апарат за роботска рехабилитација – Lokomat.

Одговорајќи на новинарско прашање рече дека тендерот би требало да биде спроведен некаде до јуни и дека нема информации што точно ќе содржи.

Навистина не би знаел. Милион работи. Јас најмалку разбирам распишување на тендери, за тоа има служби. Ќе ви пратиме соопштение точно ќе ви кажеме што е распишано да не згрешам нешто, не ми текнува и не сакам да се занимавам со овие работи, изјави Меџити.

КАТО системот се користел за контрола на терапиите на пациентите на Клиниката за онкологија и радиотерапија. Моментално не функционира, заклучен е во просторија во склоп на клиничка аптека. Системот бил купен во 2017 година и чинел повеќе од 350 илјади евра.

Во однос на обучениот персонал Меџити кажа дека има административни задачи на кои ќе треба да се работи наредниот период.

Има работи административни, а ова е малку потешка, покомплицирана работа бидејќи се работи за едуциран кадар кој треба квалитетно, ефективно да работи. И тој кадар што бил на времето веќе не е и сега ние се спремаме да бидеме сериозни за да почне ова да работи како што треба, да не се соочуваме после со непредвидени последици или работи што не сме ги планирале како треба. Затоа сакаме многу концизно да ги планираме работите за да кажеме дека навистина сме сериозни, посочи тој.

На прашање дали онколошките пациенти по Нова година ќе имаат терапија и дали постои ризик повторно да има недости министерот изрази надеж дека до тоа нема да дојде.

Ние работиме да не постои ризик како што беше и мислам дека ќе издејствуваме и од ФЗОМ и од сите да нема таков проблем. Но, знаете, на ниво на државата и на ниво на светот во глобално ниво секогаш има дефицит на некои материи на лекови и овие ни укажале дека може да се случи, но како и да е секогаш постои замена и ние сме тука, будно ги следиме сите препораки и од СЗО и да немаме ваков дефицит. Но, дали може да се случи – тоа е знак на прашање, истакна Меџити.

The post Јас најмалку се разбирам од распишување на тендери, не сакам да се занимавам со тие работи, рече Меџити кој најави дека до 5 јануари ќе биде распишан тендер за КАТО систем appeared first on Република.

Ова поскапување на парното не е резултат на тоа што има промени во цените на енергенсите, туку исклучиво е резултат на тоа што во еден изминат период компанијата која снабдува со топлинска енергија направи договор компанија која понуди цена на гасот повисока од таа која компанијата ја доби од македонска голема компанија, изјави потпретседателката на ВМРО-ДПМНЕ, Гордана Димитриеска Кочоска за „Тема на денот“ во Дневникот на Сител.

Таа истакна дека во тој период се направи тендер во 4 очи врз основа на кој се плаќа повисока цена.

Она што повеќе загрижува, владата имаше субвенционирање, трансфер на дел од средства од буџетот кон ЕСМ топлина која требаше да ги искористи средствата за да ги сервисира обврските, но ако ги погледнете податоците, ќе видите дека оваа компанија е една од најголемите должници, истакна Димитриеска Кочоска.

Димитриеска Кочоска посочи дека не може дас е оправда со енергетската криза, затоа што владата склучи таков договор.

Кога станува збор за струјата и таму состојбата е лоша. Позадински зошто растат трошоците е прашање кое треба да го поставиме, тие растат исклучиво како резултат на склучување на договори во 4 очи, особено кај производството на електрична енергија. Затоа имаме огромни трошоци денес. ЕСМ има добиено повеќе од 300 милиони евра последните години, пари од граѓаните од буџетот и со тоа се покриваат дупките во недомаќинското трошење, изјави таа.

Димитриеска Кочоска додаде дека прават трошоци, зголемуваат цена на електрична енергија, го вратија ДДВ-то, повторно трансферираат пари, ЕСМ постојано има недостиг на пари.

Од 2019 година до денес цената на електричната енергија е зголемена за повеќе од 50%, граѓаните плаќаат повисока цена. Како расте цената нас не принудија да штедиме и ако ги погледнеме сметките можеби изгледаат малку поголеми но, ако погледнеме колку трошиме како киловати, колку загреваме, ни го нарушија квалитетот на живот, а имаме повисоки сметки за струја заради тоа неодговорно однесување на владата, рече Димитриеска Кочоска.

The post Од 2019 година до денес цената на електричната енергија е зголемена за повеќе од 50%, тоа е резултат на тендери во четири очи и недомаќинско работење appeared first on Република.

Анализа во Министерството за информатичко општество и јавна администрација (МИОА) на 18. случајно избрани тендерски постапки за јавни набавки во периодот од 2021 до јуни 2023 година од страна на независна ревизија покажа дека дури 14. од нив ги добила една фирма.
Тендерите биле доделувани на оној кој ќе даде најниска цена, а вкупната сума за 18 анализирани тендерски постапки е 6,5 милиони евра.

Според министерот Азир Алиу, високиот процент на тендери само со една понуда, во вкупниот број на доставени понуди, влијае врз можноста за избор, што ги принудува институциите да плаќаат повисоки цени поради малата понуда.
Тој смета дека состојбата е таква затоа што компаниите немаат доверба во институциите, па затоа и не се пријавуваат на тендерите.

The post Една фирма за две години добила 14 тендери во Министерството за информатичко општество и јавна администрација appeared first on Република.

Приватните компании не им веруваат на државните институции и затоа не се јавуваат на јавните тендери, изјави денеска министерот за информатичко општество и администрација Азир Алиу.

Алиу кажа дека внатрешната ревизија што ја спровела Министерството за информатичко општество и администрација за периодот 2021 – 2023 година покажала дека компаниите не се заинтересиорани да аплицираат на јавни тендери, што значи дека довербата на приватниот сектор кон државните институции е намалена. На 14 од вкупно 18 анализирани тендерски постапки од јануари 2021 до јуни 2023, пријавена била само една компанија.

На средба со компаниите тие посочија дека една од причините за ова е што тендерската документација или не е јасна или е толку јасна што се гледа дека е направена за дел од приватниот сектор. Не сакам да верувам во тоа, зашто нашите колеги од МИОА се експерти и убеден сум дека може да имаме повеќе заинтересирани компании кои би аплицирале, рече Алиу.

The post Компаниите не им веруваат на државните институции и затоа не се јавуваат на јавните тендери appeared first on Република.

Ревизорскиот извештај за периодот јануари 2021 - јуни 2023 година покажува дека на 14 од 18 случајно избрани и анализирани тендерски постапки за јавни набавки во Министерството за информатичко општество и администрација (МИОА) се пријавила само една компанија. За три постапки имало по две понуди, а за една постапка биле доставени три понуди. Во голем дел од постапките, сумата за одредена набавка што била предвидена во планот за јавни набавки на МИОА, била иста со сумата што ја понудила одредената компанија, соопшти денеска министерот за информатичко општество и администрација Азир Алиу.

На прес-конференција по средбата со стопанските комори, Алиу рече дека вкупната сума за 18-те постапки е 6,5 милиони евра. Предметите опфатени со ревизијата биле по случаен избор, а ги анализирал независен ревизор, од отворање на тендерската постапка до финална исплата за реализираните активности. Некои од нив, потенцира, се со висок ризик од можни злоупотреби.

Министерот ги информирал коморите за Извештајот и побарал од нив да кажат зошто мал број компании аплицираат на тендерите. Му одговориле дека „се соочуваат со тендерска документација која, ако се прочита, е очигледно за која компанија е напишана“.

Затоа, најави Алиу, за секоја наредна тендерска постапка, при истражување на пазарот, МИОА ќе свикува прес-конференција. Целта е да ги увери компаниите во транспарентноста, како и детално да ги информира кои се потребите на Министерството. Веројатно така, нагласи, ќе се намали недовербата која е веќе креирана меѓу јавниот и приватниот сектор.

Не сум правник за да кажам дали сето ова е законски или не, а и во Извештајот не е нотирано нешто незаконско, но нотирано е дека има ризици од злоупотреба. Има институции кои понатму треба да ги следат и анализираат овие процеси. Од една страна, одредени компании ги злоупотребуваат процесите и сами креираат политики врз основа на своите бизнис интереси, а од друга, голем дел од компаниите, поради одредени причини, не се јавуваат на јавните повици на државните институции. Ова влијае на конкурентноста и можноста за поголем избор, односно државните институции се принудени да плаќаат повисоки цени поради малата понуда од компаниите. Затоа, потребно е системско решение кое ќе ги спречи сите потреби за злоупотреби и ќе ја зголеми понудата на добра и услуги кон државните институции, истакна министерот.

Тој најави дека МИОА за четири до пет месеци повторно ќе излезе со ваков извештај, но за десетгодишен период.

На денешната средба, ги известив коморите за ревизорскиот извештај и побарав од нив да кажат зошто се случува ова, кои се постапките, процедурите и методологијата со која ние ќе се подобриме за тие да аплицираат. За жал, нивниот одговор, на повеќето компании, беше дека немаат доверба во јавните институции и затоа воопшто не трошат ресурси за да аплицираат. На моето прашање, дали ќе се поодбри тоа ако одржуваме прес-конференција во фаза на анализа на пазарот на трудот и дали тогаш би се пријавиле, одговорија потврдно, дека, да, тоа е една од можностите за да бидат сигурни и да знаат однапред што се слуќува и кои се барањта. Според нив, сега се соочуваат со тендерска документација која, велат, ако ја прочитате, ќе видите дека е очигледно за која компанија е напишана. Тоа е фидбекот што го добив денеска од приватниот сектор, истакна Алиу.

Ревизорскиот извештај е јавно достапен на веб страницата на МИОА.

Сакаме да бидеме транспарентни и одговорни кон граѓаните, како и да ги подобриме тендерските процеси во земјава. Затоа, МИОА во наредниот период ќе организира средби на кои навреме ќе ги информира сите компании заинтересирани да учествуваат во натамошните постпаки и да одговараат на нашите повици. Има многу точки во кои ние треба да се подобриме како институција, а ни ги дава Ревизорскиот извештај. На пример, да се подели Работната група која пишува тендерска документација со Работната група која ги следи процесите и таа што дава извештај за имплементација на проектите, подвкече министерот

The post Алиу: Компаниите немаат доверба во институциите, ретко се јавуваат на тендери зашто мислат дека се наместени appeared first on Република.

Вкупно 25 меѓународни добавувачи одговорија на нашиот втор тендер за заедничка набавка на гас, со понуди за снабдување со вкупно 15,19 милијарди кубни метри. Сакам да им се заблагодарам на добавувачите кои ги доставија своите понуди, изјави денеска потпретседателот на Европската комисија за меѓуинституционални односи и проекции, Марош Шефчович.

Добивме понуда за речиси 16 милијарди кубни метри, што е за над четири милијарди кубни метри повеќе во споредба со првиот тендер. Заедно на двата тендера имаме двојно поголема понуда од барањата поставени од Советот за целата година. Морам да нагласам дека овие резултати ги надминаа нашите очекувања, истакна Шефчович.

Тој потсети дека првиот тендер за заедничка набавка на гас преку Енергетската платформа на ЕУ беше распишан во април годинава, вториот на 26 јуни, а најави дека ќе следи и трет по летните одмори.

Шефчович посочи дека Еврокомисијата направила одредени измени во тендерот за дополнително да се зголеми ефективноста на заедничката набавка на гас, додавајќи дека резултатите од вториот тендер покажуваат дека постои потреба од здружување на силите за да се гарантира стабилно и прифатливо снабдување со гас на пазарот на ЕУ.

Сега е важно да го зачуваме овој модел што функционира. Механизмот за заедничка набавка да стане редовна точка за поврзување на европската индустрија и добавувачите. Исто така, верувам дека сега треба да работиме на проширување на овој модел и за набавка на други стоки, вклучувајќи обновливи енергенси, водород и стратешки суровини, додаде Шефчович.

Со вториот тендер, кој траеше од 7 до 10 јули, се бараше обезбедување на гас за потребите на 49 компании од ЕУ за периодот од август 2023 година до март 2025 година. Речиси половина од бараните количества на енергенсот се однесуваа на течен природен гас (ЛНГ).

Проектот за заедничка набавка на гас во ЕУ е дел од Планот за диверзификација на изворите на енергенси и зајакнување на енергетската безбедност пред следната зима. На овој начин на компаниите им се овозможува да настапат со заедничка побарувачката за гас и да се усогласат со конкурентните понуди за снабдување на глобалниот пазар.

Механизмот, во кој досега се вклучени над 150 компании, е отворен за субјекти од сите членки на ЕУ и од земјите опфатени со Енергетската заедница.

The post На вториот заеднички тендер на ЕУ за набавка на гас се пријавија 25 компании appeared first on Република.

The post На секој трет тендер со само еден учесник потрошени 427 милиони евра appeared first on Република.

Денес ќе откриеме нови детали, кои отвораат сомнеж дека Ковачевски и Груби го местеле тендерот за надзор на изградбата на Коридорите 8 и 10д, истакна во неделата за медиумите Бојан Стојаноски, пратеник од редовите на ВМРО-ДПМНЕ.

Откако министерството за транспорт и врски дава потврда на ЕПТИСА за надзор при изградба, по веќе претходна забрана од страна на владата, за што зборувавме вчера, сега ќе обелодениме информации како се менувани условите во тендерската постапка, за на крај ЕПТИСА да биде фирмата која ќе ги исполни и ќе го добие тендерот.

7 дена пред истекот на рокот за поднесување на понудите од страна на заинтересираните фирми за вршење на надзорот тежок 22 милиони евра, власта го продолжува рокот од 17.10.2022 на 25.10.2022, односно за цели 8 дена.

Ова не е единствена измена, покрај продолжување на рокот за поднесување, е изменет и условот со кој се бара понудувачот да приложи Извештај за билансна состојба и податоци од биланси за 2019, 2020 и 2021 година, кои треба да бидат позитивни и да бидат издадена од странска реномирана институција, регистрирана за вршење на ревизија. Со измената се брише позитивни и се бараат само билансни состојби, но не и повторувам позитивни, туку тие може да бидат и негативни, т.е. фирмата која ќе го земе 22 милионскиот тендер за надзор владата смета дека може да биде и во загуба 3 финансиски години по ред.

Сомнежите се дека овие измени се направени за фирмата ЕПТИСА, која и го добива тендерот од 22 милиони евра, бидејќи според податоците до кои дојдовме истата во 2019 година работела со загуба од 6.7 милиони евра, 2020 година со 6.9 милиони евра, а 2021 година со 8.5 милиони евра минус.

Со менувањето на условот понудувачите да не треба да имаат позитивни биланси последните 3 финансиски години, се отвора можност фирмата ЕПТИСА да учествува. И истата таа на 01.12.2022 е избрана како добитник на тендерот тежок 22 милиони евра.

Дали владата смета дека на тендер од 22 милиони евра за надзор не може и нема да се јават фирми со позитивни биланси, па мора да овозможи на истиот да се јават и загубари? Ковачевски и Груби свесно го минираат проектот за изградба на автопати со фирми и бизнис шеми со фирми во загуба, со сомнителни средства и текови.

Дали тендерските услови се менувани токму за ЕПТИСА? Дали владата мести тендер и зошто?

ЈО не смее да молчи. Одговори веднаш.

The post Дали власта ги измени тендерските услови за Коридорите 8 и 10д за да го намести 22 милионскиот тендер за „Ептиса“? appeared first on Република.

Две новоформирани микрокомпании од Скопје, веќе трет месец учествуваат во спасувањето на Македонија од последиците на светската енергетска криза преку милионски договори склучени со државната компанија Електрани на Македонија (ЕСМ) за увоз на јаглен за РЕК Битола. Тие се вклучени во планот на државата да го зголеми домашното производство на струја за 20 отсто, пишува Призма.

Кога станува збор за набавките на јаглен и на други енергенси, претставници на ЕСМ не пропуштаат енергично да нагласат дека „компанијата спроведува транспарентни постапки, иако не е законски обврзана на тоа“, имено Законот за јавни набавки го иззема ЕСМ од обврската јавно да ги објавува огласите и одбраните компании. Меѓутоа, ЕСМ истовремено е имател на информации од јавен карактер и како таков подлежи на Законот за пристап до информации од јавен карактер. Сепак, транспарентноста со која се гордее компанијата најголем огласувач ја снемува кога договорите за увозот треба да се објават или да се овозможи увид во нив, како податоци од јавен карактер.

Целиот текст овде.

The post Тендерите јавни, договорите скриени: Кој е гарант на мистериозните мали фирми што носат јаглен во Македонија за милиони евра? appeared first on Република.

Најголемиот македонски производител на струја, термоелектраната РЕК „Битола“ во изминатите години доделила серија тендери на фирмата „Компас МСФ“, чијшто единствен клиент е државната компанија, пишува Радио Слободна Европа (РСЕ).

„Компас МСФ“, чијашто сопственичка и нејзиниот сопруг се вработени во РЕК Битола не престанува да добива договори од државната компанија, и покрај очигледниот конфликт на интереси, а досега има добиено тендери вредни околу милион и 900 илјади евра, пишува РСЕ.

Последниот договор, потпишан на 28 јуни, е за набавка на електроосигурувачи и држачи за осигурувачи во вредност од 542.800 денари или околу 8800 евра.

Фирмата е за производство, трговија на големо и мало и формирана во јуни, 2009 година во Битола. Нејзин сопственик, според податоците на Централниот регистар, е Летка Фидановска, која е вработена во РЕК Битола. Нејзин сопруг е Менде Фидановски, кој не само што е вработен, туку е и претседател на синдикалната организација на РЕК Битола.

Седиштето на фирмата и адресата на Фидановска се на истo место, на улица „Цветан Димов“ бр.181, каде се наоѓа куќа на два ката без никакаква трага од Компас МСФ. На сите договори со РЕК Битола како директор на фирмата до март 2020 година е потпишана Летка Фидановска. Потоа таа фигурира само како сопственик на фирмата, а директор станува Мартин Фидановски, кој исто така има иста адреса на живеење како Летка Фидановска и како седиштето на фирмата.

Директорот на АД ЕСМ, државната компанија-мајка на РЕК „Битола“, Васко Ковачевски, вели дека во случајот нема прекршување во законските одредби. Според него, ниту можат ниту смеат да ограничуваат кои компании ќе се пријават на тендерите и работат транспарентно и отчетно.

Доколку има било каков пропуст или во работењето на АД ЕСМ или РЕК Битола или пак во работењето на споменатата компанија, еве повикувам сите надлежни институции или истражни органи да проверат дали тие постапки биле спроведени согласно законите и процедурите и дали има било какво прекршување, вели Ковачевски на прашањето на РСЕ дали има конфликт на интереси во тендерите.

Од Државната комисија за спречување на корупцијата велат дека ќе го разгледаат прашањето дали постои конфликт на интерес во доделувањето на тендерите на „Компас МСФ“.

Летка Фидановска во 2020 година, според Службениот гласник на општина Битола, била именувана за член на избирачкиот одбор за избирачкото место 0028 на предлог на владејачката партија СДСМ. Една година подоцна, нејзиниот сопруг Менде исто така бил именуван на истото избирачко место за заменик член по предлог на СДСМ.

Фидановски во 2018 година станува првиот човек во борбата за унапредување на првата на работниците во РЕК Битола додека директор е Васко Ковачевски. Оттогаш е најплодна соработката на рударско енергетскиот комбинат со фирмата на неговата сопруга која добила 43 тендери. Нивната вкупна вредност е околу 1 милион и двеста илјади евра.

Од 2013 година наваму, „Компас МСФ“ добила вкупно 86 тендери, а само еден договор не е поврзан со од РЕК „Битола“, пишува РСЕ.

The post РЕК „Битола“ доделил десетици тендери на свои вработени блиски до СДСМ appeared first on Република.

Ќе превземе ли некој одговорност за рушењето на таванот на градинката „Мајски цвет“ во Тафталиџе 2, прашува Роберт Велјановски, Советник од ВМРО-ДПМНЕ во Советот на општина Карпош.

Пред само малку повеќе од година и полововина, целиот врв на Социјалдемократскиот сојуз направи најмалку 5 настани поврзани со Детската градинка Мајски цвет во Тафталиџе. За сликање се наредија тогашниот премиер Зоран Заев и тогашниот градоначалник Стефан Богоев, па потоа Богоев и тогашниот министер Мила Царовска, по неколку месеци Заев, Богоев и министерот Јагода Шахпаска, итн. Сите настани беа поткрепени со прес конференции и воспевања како и колку СДСМ квалитетно гради и колку многу се грижи за децата од предучилишна возраст. Тврдеа дека несигурната монтажна барака на Детската градинка Мајски цвет во Тафталиџе 2 ќе прерасне во супер сигурен објект за престој на децата во супер сигурна тврда градба. Исплатија милиони денари, пари на граѓаните на Карпош, и го постигнаа следниот резултат - плафонот во неколку простории на градинката, по неполна година и половина, се урна!

Среќа во целата несреќа е што “во целосно новиот објект” оваа немила случка се случи за време на викенд, кога ниту едно дете не престојува во градинката, вели Велјановски.

Ако за несреќата во модуларната болница во Тетово виновен беше кабелот, додава тој, за рушењето на таванот на градинката, веројатно, ќе го обвинат олукот.

СДСМ никогаш нема да бара виновници онаму каде што се во прашање и каде што се засегнати нивните бизнис интереси, вели Велјановски, потенцирајќи дека за СДСМ јавниот интерес и безбедноста на граѓаните, се апсолутно не важни.

Оттука, поставуваме неколку прашања:

1. Ќе превземе ли некој одговорност за рушењето на таванот на градинката?

2. Дали покрај изведувачот на реконструкцијата, фирма миленик на ДУИ, тендер за изведба на санација на објектот Детска градинка Мајски цвет, во Тафталиџе 2 добила и фирмата миленик на СДСМ која во општина Ѓорче Петров продаваше машина за перење алишта за 20.000 евра?

3. Дали и колку други тендери им се дадени на овие две фирми од претходното раководство на општина Карпош?!

4. Вредат ли профитот и бизнис релациите на СДСМ и ДУИ повеќе од безбедноста на најмладите жители на општина Карпош?!

https://youtu.be/VzdrcgconOo

The post Градинката „Мајски цвет“ е реконструирана од фирма миленик на ДУИ? appeared first on Република.

Веќе повеќе од една година, во Македонија дејствува ИТ-компанија од групацијата што се смета за блиска до најмоќниот и највлијателен политичар во Република Српска и Босна и Херцеговина, Милорад Додик, кој, во поширок геостратегиски и безбедносен контекст, стана особено интересен за анализа по избивањето на војната во Украина поради неговите релации со Русија, објавува најновиот број на „Фокус“. Неделникот открива дека не само што овој конгломерат поврзан со семејството Додиќ го проширил бизнисот и во Македонија, туку нивниот огранок во земјава, за период од околу една година, успеал да добие над 10 тендери од разни државни институции, чија вкупна вредност, според официјалните податоци, изнесува околу 1,5 милион евра.

За какви договори станува збор и со кои институции се склучени?

Станува збор за компанијата „ИнфинитиЕнерџи ИТ Солушнс“, која, според податоците од Централниот регистар, е формирана во октомври 2020 година. Но, веќе во април следната 2021 година, или само половина година по нејзиното основање, оваа фирма го добива првиот тендер, и тоа во постапка со еден понудувач.

Патем, пишува „Фокус“, не се работи за некој минорен тендер од безначајна вредност, туку за договор за набавка на хардверска и софтверска опрема во износ од 130.000 евра, што оваа компанија, здружена со „Интек Систем“, го склучила со Дирекцијата за технолошки и индустрискиразвојни зони.

Само два месеца подоцна, истата фирма го добива и вториот тендер во земјава, кој е уште повреден од првиот. Имено, друштвото, исто така во постапка со еден понудувач, овојпат во група со „Сага МК“, склучило договор со Катастарот на недвижности за информатичка и компјутерска опрема од околу 156.000 евра.

Набргу потоа, двете страни склучуваат уште еден договор, кој се однесува за превентивно и адаптивно одржување на ОССП-порталот, чија вредност изнесува речиси 114.000 евра. Во рамки на тендерската постапка, која повторно е спроведена без конкуренција, македонската „Инфинити“ учествува заедно со сестринската компанија од Бања Лука - „Проинтер“.

Како единствен понудувач, капитално поврзаните „ИнфинитиЕнерџи ИТ Солушнс“ и „Проинтер“ добиле тендер и од Владата, која, во име на повеќе институции, склучила договор за државни испити од 125.000 евра. За потсетување, ова е истата работа, која претходно ја вршеше компанија поврзана со екс генералниот секретар на Владата, Драги Рашковски, кој сега е на обвинителна клупа.

Што се однесува до македонската „Инфинити“, таа добила уште неколку релативно помали ИТ-тендери од скопски „Водовод и канализација“, Фондот за здравствено осигурување, МАРНЕТ... Сепак, убедливо најголемиот тендер, компанијата го добила од Министерството за внатрешни работи, каде што, за разлика од претходните случаи, се одржал конкурентен натпревар, пишува „Фокус“.

Највредниот тендер

Што велат податоците од Бирото за јавни набавки? МВР и „Инфинити“ во јануари годинава склучиле договор за набавка на компјутери, печатачи, скенери, машини за печатница, во вкупна вредност од 60 милиони денари, или над 975.000 евра, што претставува две третини од вкупната вредност на договорите за јавна набавка што ги склучила компанијата во државава.

Во рамки на оваа тендерска постапка учествувале уште 4 понудувачи: „Неоком“, „Доајен Дата“, „Лирекс“, „Ланком компјутери“. На крајот, најдобар понудувач испаднала „Инфинити“, чија конечна и победничка понуда била 10 милиони денари пониска цена од проценетата вредност на набавката.

Токму преку милионскиот тендер склучен со МВР, во јавноста беше актуализирана компанијата „ИнфинитиЕнерџи ИТ Солушнс“ од страна на потпретседателот на опозициската ВМРО-ДПМНЕ Александар Николоски, кој отворено ја поврза оваа фирма со членот на претседателството на БиХ и лидер на владејачкиот Сојуз на независните социјалдемократи - Додиќ.

Значи, од една страна, (СДСМ и владата) зборуваат за прозападни вредности, а од друга страна, си прават бизнис и го нарушуваат безбедносниот сектор на Македонија со компании кои се директно поврзани со Милорад Додик, изјави Николоски за време на еден телевизиски настап.

Потоа, експресно стаса реакција од МВР на чело со министерот Оливер Спасовски. Од таму потврдија дека склучиле договор за јавна набавка на персонални компјутери со „Инфинити“, посочувајќи дека тие биле најповолен понудувач по спроведената електронска аукција. Арно ама, демантираа дека тендерската постапка била незаконска, како и дека во прашање била доведена безбедноста на државата.

При евалуација на избраниот понудувач, констатирано е дека ги доставил сите барани документи согласно Законот за јавни набавки и истиот немал изречено забрана за учество по никој основ. Сите услови и спецификации што се побарани во јавната набавка се исполнети и не постои никаква можност за злоупотреба, тврдат од полицијата.

Мрежа од компании

Воедно, тогаш реагираа и од самата компанија „Инфинити“, од каде што посочија дека ги испочитувале сите законски процедури и на транспарентен начин го добиле тендерот за набавка на компјутери за МВР, кој, како што потенцираат од таму, се спроведувал во соработка со американската компанија и светски познатиот бренд - „Делл“.

Остро ги отфрламе и наводите дека синот на Милорад Додик е сопственик, или, пак, некогаш бил сопственик на „ИнфинитиИнтернешнел Груп“. Мнозински сопственик на „ИнфинитиЕнерџи и ИТ Солушнс“ е „ИнфинитиИнтернешнел Груп“, која има транспарентна сопственичка структура, која во секое време може да се провери преку увид во судскиот регистар, се вели во соопштението од компанијата.

Проверките што „Фокус“ ги извршиво Централниот регистар покажуваат дека „ИнфинитиИнтернешнел Груп“ поседува мнозински пакет или удел од 51 процент во македонската „Инфинити“, додека другите 49 отсто ги поседува македонскиот државјанин Милан Мисосављевиќ. Управител на друштвото, пак, е Дејан Кекеновски.

Дејан Кекеновски, управител на македонската „Инфинити“

Брзото етаблирање е резултат на експертиза и искуство

„ИнфинитиЕнерџи и ИТС“ е компанија, која го става квалитетот во фокусот на своето деловно работење, вели за неделникот „Фокус“ управителот на друштвото, Дејан Кекеновски.

Во одговорите што ги испрати до „Фокус“, тој посочува дека компанијата е регистриран партнер на „Мајкрософт“, со кој, како што посочува, има воспоставено одлична соработка, додека за хардверскиот и софтверскиот дел соработуваат со компаниите „Cisco“, „DELL“, „EMC“, „HPE“, „Lenovo“, „Fujitsu“, „Veeam“, „Bitdefender“, „Veritas“, „SOPHOS“, „FORTINET“.

Нудиме вендорскирешенијa за софтвер ,САП кои се воедно и наш златен партнер, DMS - HylandOnBase, CRM- Microsoft Dynamics 365 и др. Дополнително, располагаме и со неколку сопствени софтверски решенија за DMS, Тикетинг, Eлектронска наплата и други, објаснува Кекеновски.

Тој додава дека поголемиот дел од приходите на компанијата се врз основа на соработки со други компании, меѓутоа изминатата 2021 година реализирале значајни проекти и за некои од јавните институции.

Бројките се само показател дека за време на нашето релативно кратко дејствување, можеме да се пофалиме со повеќезначајни проекти, но секако нашето брзо етаблирање се должи и на високата експертиза и искуство на групацијата Инфинити, вели Кекеновски.

Според него, компанијата за 2021 година регистрирала вкупни приходи од 825.000 евра, од кои 390.000 евра се базираат на јавни набавки.

Воедно, тој истакнува дека создале висококвалификуван тим, кој во моментов брои 23 вработени, меѓутоа, како што порачува, целта е до крајот на 2022 година овој број да се удвои.

Она што треба да се истакне, според „Фокус“ е дека „ИнфинитиИнтернешнел Груп“ е чадор, кој обединува повеќе компании, а уште една од нејзините фирми-ќерки е веќе споменатата „Проинтер“, која настапила во заеднички конзорциум со сестринската „Инфинити“ во тендерски постапки спроведувани од македонски институции.

Моментално, „Проинтер“ е под капата на ИИГ, меѓутоа таа е постара компанија од нејзиниот денешен сопственик. Според податоците од босанскиот трговски регистар, „Проинтер“ е основана во 2015 година, додека ИИГ е основана во 2020 година. Веднаш потоа, уште во текот на истата 2020, ИИГ влегува во сопственичката структура на „Проинтер“.

Денес, под чадорот на ИИГ спаѓаат и „ИнфинитиМедиа“, „ЕП Мобиле“, како субјекти во други соседни и странски држави. Додека, нејзината најпозната фирма-ќерка - „Проинтер“, поседува друга група на фирми, како што се „К-2 Аудио услуги“, „Иновативна корпорација“,„Алтернатива“, „Уна“...

Јавно признание

Во однос на овие меѓусебно поврзани фирми што важат за блиски до семејството Додик, веќе неколку години интензивно пишуваат босанските медиуми. Всушност, ваквите написи датираат од 2015 година, кога е формирана веќе споменатата компанија за информатичка технологија „Проинтер“.

„Фокус“ појаснува како хронолошки течеле промени во сопствеништвото на ова фамозно друштво.

Првично, „Проинтер“ е основана од Синиша Мијатовиќ и Дејан Илиќ, истакнати членови на СНДС на Додиќ. Заедно, тие поседувале 50 отсто од друштвото, а другата половина ѝ припаѓала на истоимената белградска компанија, чиј формален сопственик бил Слободан Квргиќ, меѓутоа во заднина стоел Славиша Кокез, некогашен телохранител на српскиот претседател Александар Вучиќ.

Сепак, белградската „Проинтер“ на Квргиќ, односно Кокез, се задржува во структурата на истоимената бањалучка компанија до 2020 година, кога нивниот удел од 50 отсто преминува во рацете на тазе формираната „ИнфинитиИнтернешнел Груп“, чиј формален сопственик е Ѓорѓе Ѓуриќ, додека управител е Бојан Вујчиќ, кој порано бил директор на „Проинтер“.

Во текот на овие 7 години, „Проинтер“ го доби епитетот фирма-шампион според соработката со јавните институции и претпријатија во Република Српска. Фаќајќи го бранот на дигитализација на институциите, оваа фирма досега преку повеќе од 600 јавни проекти инкасирала јавни пари во вредност од над 150 милиони конвертибилни марки, валута која денес се користи во федерацијата БиХ, каде што Р.Српска е посебен ентитет.

За цел овој период, непрекинато се пишува и говори дека „Проинтер“ е блиска до семејството на Милорад Додик. Впрочем, по долгогодишни прозивки и провокации од страна на новинарите, но и од страна на претставниците на опозицијата, Додиќ во 2019 година во парламентот признава дека неговиот син Игор Додик е поврзан со оваа фирма.

Мојот син (Игор Додик) се образуваше во странство. Се врати како економист и се занимава со нови технологии. Не е ниту сопственик, ниту управител во таа фирма (се говори за „Проинтер“), ама е соработник на фирмата и од тоа има приходи, рече Додиќ пред околу 3 години, говорејќи за „успесите“ на своите деца.

Кумовите во поход

Во меѓувреме, овој можен систем успева да ја заземе телевизијата Алтернатива, која се сметаше за една од малкуте оази на независното новинарство во земјата. Во 2017 година, телевизијата ја купи Слободан Станковиќ, кум на Милорад Додик и сопственик на „Интеграл инженеринг“, која гради автопати во БиХ и Србија. За мнозински пакет од 56 проценти, Станковиќ плати 4,5 милиони КМ (околу 2,25 милиони евра).

Понатаму, дел од акциите на Алтернатива беа во сопственост на Славиша Круниќ, сопственик на фирмата „Сектор секјурити“, кој пред да биде убиен во 2019 година му го продаде својот дел на Миле Радишиќ, исто така кум на постариот Додик. Дел од сопственоста, односно 20 отсто, имаше и фирмата „К-2 аудио сервис“ на работници на телевизијата, но и тоа го купи кумот Радишиќ.

На крајот, „Проинтер“ ја презеде целосната сопственост на АТВ, а Игор Додик во еден период дури се појавува и на средби со новинарите. Во тоа време, како што велат тамошните новинари, телевизијата добивала многу тендери за разни промоции, реклами и слично, откако претходно уредувачката политика драстично се промени, за веќе да може да се квалификува како прорежимска телевизија без никакви новинарски стандарди, пренесува „Фокус“.

Поради очигледните конекции со Додик, оваа телевизија директно потпадна под санкциите на САД, кои го опфатија и лично најголемиот моќник во Р.Српска. Во извршната наредба потпишана од американскиот претседател Џо Бајден, стои дека Додиќ со своите потези го загрозува територијалниот интегритет и стабилноста на федерацијата БиХ

Дестабилизирачките коруптивни активности на Милорад Додик и обидите да го разбие Дејтонскиот мировен договор, мотивирани од неговиот сопствен интерес, ја загрозуваат стабилноста на Босна и Херцеговина и на целиот регион, истакна потсекретарот на Министерството за финансии за тероризам и финансиско разузнавање на САД, Брајан Е. Нелсон.

Како што појаснува „Фокус“, засега, друго лице од опкружувањето на Додиќ и друг правен субјект од неговата бизнис-империја официјално не е мета на американските санкции. Меѓутоа, факт е дека одлуката на Вашингтон да ги прошири санкциите веднаш предизвикаа домино-ефект, имајќи предвид дека беше објавена информација оти американски „Мајкрософт“ го раскина партнерството со „Проинтер“, што, се разбира, од оваа компанијата го демантираа.

Одбиена тужба

Босанскиот портал „Журнал“ пишуваше дека и светски реномираниот провајдер „ИБМ“ во 2019-2020 година, во неколку наврати барал од „Проинтер“ објаснување во врска со наводите дека добива наместени тендери. Дури, ИМБ го раскинал договорот, по што следуваше нервозното признание на Додиќ дека неговиот син има врска со „Проинтер“, ама само како соработник.

Авторка на овој и на дузина текстови поврзани со одливот на јавни пари кон „Проинтер“ поради поврзаност со семејството на Додиќ е Жана Гаук, која заработи и тужба од компанијата. Арно ама, Судот во Бања Лука ја отфрли тужбата на компанијата, со што ги потврди објавените информации.

Како ќе се развива оваа приказна и дали ќе фати сличен терк и во Македонија?, прашува „Фокус“.

The post Што го поврзува Додик со ИТ-фирма која го „освојува“ македонскиот пазар? appeared first on Република.

Поранешниот пратеник на ВМТО-ДПМНЕКрсто Мукоски, кој ги поддржа уставните измени, а потоа гласаше и за промена на името на Република Македонија, а за послушноста беше амнестиран за случувањата на 27 април, целосно исчезна од политичката сцена. Но не и од доходовните бизниси со државата.

https://republika.mk/vesti/ekonomija/kompanijata-atrium-na-semejstvoto-mukoski-dobila-tender-od-uhmr-od-3-milioni-denari/

Според податоците од Бирото за јавни набавки, во јануари годинава друштвото „Атриум“ склучило договор со АД за изградба и стопанисување со станбен простор и со деловен простор, или поранешен ПИУК, за тековно и инвестиционо одржување на објектите со кои стопанисува друштвото во државна сопственост, пишува Фокус.

https://republika.mk/vesti/makedonija/potvrdeno-firmata-na-mukoski-za-eden-tender-dobiva-1-3-milioni-evra-od-drzavata/

 

Покрај тоа, „Атриум“ кон крајот на ланската 2021 година склучила и два договори со Министерството за образование. Едниот за реконструкција во ОУ „Никола Карев“ во Кочани, чија вредност е над 9 милиони денари. Другиот, пак, за комплетна реконструкција на ОУ „Сандо Масев“, село Добрејци, Општина Струмица, и неговата вредност е 6,7 милиони денари, пишува Фокус.

https://republika.mk/vesti/makedonija/semejnata-firma-na-krsto-mukoski-dobila-nov-milionski-tender/

Извор: Фокус

The post Мукоски замина, тендерите стоо appeared first on Република.

Дури 14 тендери успеала да добие фирмата ДАКА сервис со лажни ИСОсертификати - обкави ТВ 24. Информацијата ја потврдил сопственикот Димче Поповски, кој вели дека во ниту еден од овие тендери не знаел дека аплицира со лажен сертификат. Поповски вели дека е оштетен и бара расветлување на случајот.

„Од вкупно 14 тендери, 7 ги добивме во 2019 а додека останатите 7 во 2020. последен пат од оваа фирма извадив во 2019 година и тој трае 2 до 3 години и со истиот аплицирав на тендерот во градската болница 8ми септември.

Еуроцент дооел е фирмата која издавала лажни сертификати, со седиште во скопски Аеродром, објави ТВ 24. На адресата на која е регистрирана фирмата наместо сопственикот ја затекнавме неговата мајка. Еуроцент доел според официјалните документи со одлука престанува да работи на 25.06.2021 година.

ТВ 24 ја пронајде фирмата која издавала лажни ИСО сертификати, се наоѓа во станбената зграда зад мене, а на адресата каде била регистрирана живеат родителите на сопственикот.

Откако антикорупционерите ја откриваат аферата со лажни сертификати, сопственикот на фирмата Еуроцент која ги издавала, му испратила на Поповски емаил со извинување и парите му биле вратени.

ТВ 24 се обидела да го исконтактира директорот на болницата 8 септември, Христијан Костов, со прашањата кога откриле дека станува збор за лажен сертификат и дали некаде пријавиле, но одговор не добиле. Премиерот Димитар Ковачевски пак, ги повика сите надлежни институции да ги препознаат, но и казнат сите видови на корупција во земјава.

Од опозициската ВМРО-ДМПНЕ пак прашуваат кој од власта дозволил фирма со фалсификувана лиценца да издава лажни сертификати за безбедност на лифтови на државни институции. Од ДКСК во текот на утрешниот ден велат дека ќе ја достават иницијативата за кривична одговорност до ОЈО.

Според информациите на ТВ 24 се чешлаат сите јавни набавки досега на кои стои потпис од фирмата Еуроцент.

The post Една од фирмите која работи со лифтови добила дури 14 тендери со лажни сертификати appeared first on Република.

Во државава има институции што купувале многу скапи велосипеди, по илјадници евра, но тоа е дополнително истражување што ќе го правиме, рече во вечерашната „Топ тема“ Герман Филков од Центарот за граѓански комуникации кои со години прават истражувања за јавните набавки на возила. Потенцира дека треба да се направи некаква класификација со класи на возила во релација со одговорноста на функцијата.

Не може градоначалник да вози возило од 50.000 евра. Никој не може да ме убеди дека му треба такво возило на градоначалник. Ние со години ги правиме овие анализи и секоја следна набавка, двогодишна, е поголема од претходната. Сега за короната не беше така, но повторно гледаме дека за 40 отсто се поскапи, рече Филков.

Претседателката на антикорупциската комисија Билјана Ивановска посочи дека има многу запленети возила кои скапуваат и не се користат.

Може и тие да се употребат. Дали некому му е под чест да се вози во такво возило, тоа е друга работа. Мора да се биде порационален, сите тие средства може да бидат пренасочени во јавниот сообраќај, во инфраструктура за државата, за да можеме во оваа мала држава од едниот до другиот крај да стигнеме брзо со јавен сообраќај. Да се овозможи сите граѓани да ги почувствуваат благодетите од тие средства преку јавниот сообраќај, потенцираше таа.

Филков потсети дека иако поранешниот премиер Зоран Заев во јули минатата година ветил дека инситуциите и владата ќе купуваат само хибридни возикла, но до сега само неколку такви биле набавени.

The post Никој не може да ме убеди дека на градоначалник му треба возило од 50.000 евра, се купувале велосипеди по илјадници евра appeared first on Република.