Репрезентација на Шпанија го освои бронзениот медал на Светското првенство откако вечерва победи во мечот за третото место против домаќинот Шведска со 39:36.

Домаќините не успеаја до медал и покрај доброто прво полувреме и водството од 22:18 по 30 минути.

Второто полувреме Шпанците го отворија со серија од 4:0, а по водството со 24:23, веќе не му дозволија на ривалот да го врати резултатот во своја корист.

Претходно во текот на денот, Германија ја совлада Норвешка со 28:24 во меч за 5.место, додека Египет по продолженија ја совлада Унгарија со 36:35 во натпреварот за седмото место.

The post Шпанија освои бронза на ракометното СП 2023 appeared first on Република.

Ѓорѓи Начевски и Славе Николов, наши а светски, и покрај обидот на да бидат дискредитирани од скандинавските медиуми, добија доверба да го судат големото финале во Стокхолм вечерва на светското првенство.

Франција и Данска играат во 28. финале на светските првенства. Данска за трета титула и хет-трик, актуелен шампион е, додека Франција по 2017 година игра за нова светска круна, а вкупно седма во историјата.

Мечот ќе се игра вечерва во „Теле 2“ арената во Стокхолм, започнува во 21 часот.

The post Начевски и Николов ќе го судат финалето Франција -Данска appeared first on Република.

Македонската ракометна репрезентација ќе се соочи со Јужна Кореја во натпревар за пласман на 27/28 место на Светското првенство во Полска/Шведска.

Средбата ќе се игра во Плоцк со почеток во 18 часот.

Денес на Мундијалот ќе се одиграат и натпреварите од четвртфиналето:

Данска – Унгарија (18:00 часот)

Норвешка – Шпанија (18:00)

Франција – Германија (20:30)

Шведска – Египет (20:30). зс/

The post Македонските ракометари против Јужна Кореја во последниот настап на СП 2023 appeared first on Република.

Македонската ракометна репрезентација ќе се сретне со Тунис во второто коло од Групата-2 во Президент купот на Светското првенство во Полска/Шведска.

Со евентуална победа избраниците на селекоторот Кирил Лазаров многу веројатно ќе го обезбедат првото место во групата и ќе играат за пласман на 25. место.

Двете селекции во првото коло забележаа победи.

Натпреварот во Плоцк почнува во 18 часот, додека Алжир и Мароко кои се без освоен бод ќе играат од 15:30 часот.

На распоредот се и шест натпревари од Главната групна фаза:
Бахреин – Египет (15:30 часот)
Србија – Аргентина (15:30)
Хрватска – Белгија (18:00)
Катар – Норвешка (18:00)
Холандија – Германија (20:30)
САД – Данска (20:30).

The post Тунис втор противник на македонските ракометари во Президент купот appeared first on Република.

Македонската ракометна репрезентација вечерва со почеток од 18 часот во „Таурон арена“ во Краков ќе ја има последната шанса со победа над директниот конкурент Аргентина да обезбеди пласман во втората фаза на Светското првенство во Полска и Шведска.

Победата е единствена опцијата за македонските ракометари откако во двете воведни кола во рамки на групата Ф претрпеа убедливи порази со двоцифрена разлика од Норвешка (27-39) и Холандија (24-34).

Со триумф над Аргентина избраниците на селекторот Кирил Лазаров ќе го продолжат мундијалскиот настап во новоформираната група со Норвешка, Холандија, Германија, Србија и Катар, додека, нерешен резултат или пораз ќе ги однесе „црвено – жолтите“ во т.н. „президент куп“ во кои репрезентациите ќе разигруваат за пласман од 25. до 32. место.

Селекторот Лазаров на вчерашната прес – конференција нагласи дека со максимална концентрација и фокусираност Аргентина може да биде совладана.

Дојдовме тука со цел да ја минеме првата фаза и утре е главната битка за нас со Аргентина. Станува збор за екстра квалитетен противник кој и вчера со Норвешка покажа дека игра цврст и добар ракомет. Сметам дека сме тука некаде со квалитетот, доколку сакаме да победиме мора да одиграме максимално во сите шеесет минути, изјави Лазаров.

The post Вечерва мора победа, зошто и со реми одиме дома appeared first on Република.

По натпреварот на кој Македонија беше поразена од Холандија, ракометарите не ја криеја својата разочараност.

ГОЛ.МК пренесува изјава на Филип Кузмановски кој го анализира поразот од „лалињата“.

„Многу спремни отпатувавме на овој шампионат. Се тренираше многу напорно и посветено на подготовките. Но, навистина не знам што се случи вечерва. Исто како и против Норвешка. Игравме само 20 минути и потоа ништо не покажавме. Сега сум под емоции, не знам што да кажам. Едно договараме, друго играме. Повеќе нема стари и млади во селекцијата, има само добри и лоши. Момците што ќе влезат од клупата мора да ни помогнат, не може цел товар да биде само на одредени ракометари. Ова не треба да биде изговор за високиот пораз. Сакам да им се заблагодарам на нашите навивачи што дојдоа во ваков број да не бодрат“, рече Кузмановски.

The post Кузмановски: Едно договараме, друго играме appeared first on Република.

Пораз број два за македонската ракометна репрезентација на Мундијалот. Очекувавме подобра игра против Холандија, но сликата беше поинаква. Поразот не е проблем, туку бројните технички грешки.

Кирил Лазаров, предводникот на нашиот најдобар национален тим, потенцира дека не е задоволен од она што го виде на теренот, но истовреме кажа дека Македонија веќе не е таа истата.

„Честитки до Холандија, ја заслужија победата. Не сум задоволен, дојдовме да направиме една победа, имаме уште една шанса, против Аргентина. Не сум задоволен од Норвешка И Холандија овој момент се подобри од нас. Ја сменивме генерацијата дојдовме со млад тим, не со ѕвездите со кои игравме пред пред шест месеци. Ќе се мобилизираме, мора да победиме против Аргентина. Ќе заборуваме со играчите, видовме каде сме, тоа е ситуацијата, Мора да се одмориме и да пробаме да се пласираме во главната рунда.

Можеме да научиме многу, Холандија е подобра, но не со десет гола разлика. Мора да играме тимски, како што игравме денеска. Во 43 минута беше четири гола разлика, исто беше со Норвешка, се повтори. Можеме да изгубиме еден меч, но мора да имаш карактер. Тоа го немавме во двата меча, мора да се смениме за следната средба“, изјави Лазаров на прес-конференцијата по мечот.

The post Лазаров: Видовме до каде сме! Ќе се мобилизираме против Аргентина! appeared first on Република.

„Играме катастрофално, тоа што го кажав пред натпреварот се исполни. Кажав, ако играме како против Норвешка ќе загубиме со десет гола и тоа се исполни“.

Ова го истакна ракометарот Дејан Манасков по поразот кој Македонија го доживеа од Холандија вечерва.

-Очигледно немаме квалитет за вакви натпревари. Овие средби се играат со памет и срце, а без мотивација и со загубени глави не се игра. Во периодот кога колку-толку се вративме, пак ги направивме истите грешки како претходно. Мислам дека тоа се должи на неискуството на одредени играчи, имаме доста дебитанти, што и не е оправдуввање. Ќе собереме сили, ќе се обидеме да ја победиме Аргентина и да се пласираме во вториот круг, барем достоинствено да се простиме од СП, а таму со Бог напомош, рече Манасков.

The post Манасков: Играме катастрофално, очигледно немаме квалитет за вакви натпревари appeared first on Република.

Македонската ракометна репрезентација го претрпе и вториот поразвна Светското првенство во Полска. Мечот со Холандија кој е втор во рамките на групната фаза, го загубивме со 34-24. Шансата за пласман во следната фаза од Мундијалот ќе ја бараме против Аргентина во последното коло.

Холанѓаните заслужено дојдоа до високата победа. Најслаба алка во нашиот состав е одбраната, но не функционираше ниту нападот. Младите македонски ракометари имаа сила само во првите неколку минути, кога водевме со 3-2. Следуваше серија од 5-0. Македонија успеа да дојде до негатива од два разлика 9-11, но следуваше уште една серија на Холанѓаните, овојпат од 6-1. ПРвиот дел од натпреварот заврши 18-11.

И првите минути од вториот дел им беа наклонети на Македонците, кога успеавме да намалиме на четири гола негатива. Но тоа кратко траеше.До крајот на мечот го зголемија водството за конечни 34-24.

Најдобри стрелци за Македонија беа Кузмановски и Пешевски со по четири гола, Манасков и Костески дадоа по три. Во составот на Холандија Кај Смитс беше незадржлив со десет голови.

Последниот натпревар од групата го играме против Аргентина во вторник со почеток од 18 часот.

The post Македонските ракометари имаа лош меч против Холандија – загубија десет гола разлика appeared first on Република.

Селекторот на македонската ракометна репрезентација Кирил Лазаров за утрешниот натпревар од второто коло на Светското првенство нема да може да смета на услугите на десниот бек Томислав Јагуриновски поради повреда.

Јагуриновски предвреме го напушти теренот на средина од првото полувреме на вчерашниот натпревар против Норвешка и според информациите од македонскиот табор станува збор за повреда на скочниот зглоб.

На негово место дополнително е повикан ракометарот на шампионот Вардар 1961, Давид Савревски.

Македонската репрезентација го почна настапот на Светското првенство со висок пораз вчера во Краков од Норвешка од 39-27, а во второто коло во рамки на групата Ф утре од 18:00 часот ќе игра против Холандија.

The post Лазаров против Холандија со Савревски наместо Јагуриновски appeared first on Република.

Селекторот на македонската ракометна репрезентација, Кирил Лазаров денес го објави поширокиот список на ракометари за Светското првенство 2023.

„Црвено-жолтите“ на претстојниот Мундијал кој ќе се игра во Полска и Шведска, е дел од групата Ф заедно со репрзентациите на Холандија, Норвешка и Аргентина.

На списокот на Лазаров се наоѓаат:
1. Марко Кизиќ
2. Мартин Томовски
3. Благојче Трајкоски
4. Никола Митревски
5. Васил Гогов
6. Мартин Серафимов
7. Томислав Јагуриноски
8. Давид Савревски
9. Мартин Велковски
10. Ненад Костески
11. Гоце Георгиевски
12. Мартин Поповски
13. Александар Петковски
14. Жарко Пешевски
15. Костадин Петров
16. Кристијан Симоноски
17. Михаил Аларов
18.Никола Маркоски
19. Марко Стојковиќ
20. Гоце Ојлески
21. Дејан Манасков
22. Петар Атанасијевиќ
23. Цветан Кузманоски
24. Иван Џонов
25. Павле Атанасијевиќ
26. Филип Талески
27. Едвин Омерагиќ
28. Михајло Младеновиќ
29. Емилијан Ѓоргоски
30. Марко Мишевски
31. Филип Кузмановски
32. Марио Танкоски
33. Марко Митев
34. Игор Ѓоргиев
35. Мартин Карапалевски

Македонската репрезентација на 13 јануари 2023 ќе игра со Норвешка, два дена подоцна со Холандија, а на 17 јануари со Аргентина.

The post Лазаров го објави поширокиот список на ракометари за Мундијалот во Полска appeared first on Република.

Селекторот на македонската машка ракометна репрезентација, Кирил Лазаров, ја коментира ждрепката за Светското првенство кое ќе се одржи од 12-ти до 29-ти  јануари во Полска и Шведска, а во фазата по групи Макединија ќе се соочи со Норвешка, Холандија и Аргентина.

„Многу интересна и тешка група за нас. Не можам да бидам објективен, затоа што нашата репрезентација првпат ќе настапи без ракометари од калибарот на Миркуловски, Стоилов, Лазаров.. Ме загрижува и неиграњето на Вардар во Лигата на шампионите, затоа што некои од нашите репрезентативци остануваат без потребните силни натпревари во текот на сезоната и пред почетокот на Светското првенство.Не ни останува ништо, освен да почнеме да го оформуваме ликот на новата репрезентција на Македонија. Длабоко во себе верувам во невозможни мисии и работа и само така можеме да одиме напред.

За Норвешка не треба да трошиме зборови, Холандија беше хит на последното Европско првенство. Аргентина со години знаела да прави големи проблеми и на посилни репрезентации од нашата. Ќе се фокусираме на себе и нашата селекција и ќе работиме на тоа што подобро да се подготвиме за настапот на Мундијалот“, изјави Лазаров.

Македонија го отвора Светкото рП 2023 против репрезентацијата на Норвешка. Мечот е закажан на 13 јануари. Сите дуели на „црвено-жолтите“ на овој Мундијал ќе се играат од 20:30 часот.

The post Лазаров верува во „невозможни мисии“, групата е тешка и интересна appeared first on Република.

Македонија на Светското првенство во Полска и Шедска ќе се натпреварува во Ф-групата, во Краков, против Норвешка, Холандија и Аргентина.

Ракометниот мундијал ќе се игра од 12 до 29 јануари наредната година. Учество ќе земат 32 репрезентации поделени во осум групи. По три селекции од секоја група ќе ги продолжат натпреварите во гчавната фаза.

Македонија првиот меч ќе го одигра против главниот фаворит во групата Норвешка на 13 јануари, два дена подоцна противник на нашите ракометари ќе им биде Холандија, а на 17 јануари Македонија ќе игра против Аргентина.

Сите натпревари Македонија ќе ги одигра во терминот од 20.30 часот.

The post Прв противник на Македонија на СП во ракомет ќе ѝ биде Норвешка appeared first on Република.

Ракометната репрезентација на Македонија одново ја израдува нацијата и ја оствари зацртаната цел по лошиот настап на последното Европско првенство. Нашите избраници пред себе имаа две пречки за пласман на следниот Мундијал, но немаа проблеми против Романија и Чешка и по осми пат ќе играат на едно Светско првенство.

Во пресрет на бараж двомечот, Ракометната федерација на Македонија реши да ѝ даде дополнителен поттик на репрезентацијата. Имено, со успехот и пласманот на собирот во Шведска и Полска, репрезентативците и стручниот штаб ќе поделат премија од 50.000 евра.

„За одредување на парична награда за македонската сениорска машка ракометна репрезентација за пласман на Светското првенство 2023 година во Полска и Шведска, федерацијара одлучи да додели награда во висина од 50.000 евра нето износ“, пред двомечот со Чешка известија од федерацијата.

По ремито во Злин, на реванш средбата во Скопје македонскиот состав одигра на ниво и со победата од 27-25 заслужено патува во друштво на најдобрите во светот.

The post Ракометарите добиваат премија од 50.000 евра за пласманот на СП appeared first on Република.

Машката репрезентација на Македонија славеше против Чешка со 27-25 и обезбеди место на Мундијалот во Полска и Шведска што ќе се игра слендата година.

Нашата селекција ќе биде во вториот шешир пред ждрепката, а тоа носи можност за убав успех на осмото учество на СП.

Викендов финишираа европските квалификации, па ќе остане да се одиграат уште првенството на Северна Америка и Кариби од 26 јуни до 1 јули во Мексико и првенството на Африка од 11 до 18 јули во Египет.

Ждрепката е закажана на 2 јули.

шешир 1: Данска, Шведска, Норвешка, Франција, Шпанија, Исланд, Германија, Африка 1

шешир 2: Хрватска, Катар, Белгија, Португалија, Бразил, Црна Гора, Полска, Македонија

шешир 3: Србија, Унгарија, Аргентина, Бахреин, Саудиска Арабија, Африка 2, Чиле, Африка 3

шешир 4: Уругвај, Африка 4, Африка 5, Иран, Јужна Кореја, Северна Америка и Кариби 1, вајлд карта 1, вајлд карта 2

Домаќините на СП, Полска и Шведска, веќе распределија дел од репрезентациите што имаат обезбедено мундијалски билет по градовите домаќини. Шпанија и Норвешка ќе играат во Краков, додека Полска во Катовице. Шведска ќе игра во Гетеборг, додека Данска во Малме. Исланд е домаќин во Јончепинг, Германија во Катовице, додека Хрватска ќе игра во Кристијанштад.

Мундијалот во Полска и Шведска ќе се игра од 11 до 29 јануари.

група А (Краков) – Шпанија
група Б (Катовице) – Полска, Франција/Африка 1
група Ц (Гетеборг) – Шведска
група Д (Јончепинг) – Исланд
група Е (Катовице) – Германија
група Ф (Краков) – Норвешка
група Г (Кристијанштад) – Хрватска, Франција/Африка 1
група Х (Малме) – Данска

Извор: Ракомет 24

The post Македонија во втор шешир, ждрепката на 2 јули appeared first on Република.

Ракометната репрезентација на Македонија е поблизу до пласман на Светското првенство во Шведска и Полска, откако по првите триесет минути во Скопје нашите избраници имаат позитива од два гола против Чешка (14-12), во последнот натпревар од баражот за следниот планетарен собир.

По почетните 2-2, Чесите преку Кашпарек и Чип стигнаа до највисоки плус два, 2-4 но следуваа серија одбрани на Митревски и пет гола во серија за Македонија, па по десетина минути беше 7-4.

По 8-5, Сабате мораше да бара тајм-аут, по што неговите избаници постигнаа два гола во серија за 8-7. Во продолжение се играше гол за гол, но откако Пирох погоди за 10-9 во 20 минута, Чешка влезе во црна дупка.

Кузмановски реализираше пенал, погодија уште Миркуловски и Лазаров, па Македонија се одлепи на 12-9. Беше и 13-10, имавме напад за плус четири, но Мрква го запре ударот на Кузмановски.

Младеновиќ заработи исклучување, а тоа го искористија гостите кои намалија на 13-12 преку Пацел. Кузмановски погоди за 14-12, а потоа имаше по еден неискористен напад на двете страни.

Нашиот селектор направи една измена во својот состав во однос на натпреварот во Злин. На местото на Митев шанса за докажување доби членот на Охрид, Младеновиќ, додека на спротивната страна една промена направи и Хавиер Сабате. Во тимот се најде Леос Петровски, а од комбинација отпадна Даниел Режнички.

Кузмановски и Талески со по три гола се најпрецизните во нашиот табор, а по два постигнаа Лазаров, Миркуловски и Пешевски.

The post На полувреме заминуваме со два гола предност appeared first on Република.

Македонската ракометна репрезентација успеа да се пласира во втората фаза од баражот за пласман на Светското првенство 2023 година, каде ја очекува двомеч со Чешка откако успешно ги мина дуелите против Романија. Клучен беше триумфот (30:22) во Скопје, со оглед дека избраниците на Кире Лазаров денеска во Букурешт загубија со 24:22.

Првото полувреме беше скромно со голови, двете селекции многу повеќе внимание посветија на одбраната, а по 30 минути на семафорот беше 12:12. Македонија ја задржа предноста од првиот меч во Скопје.

На стартот од второто полувреме, Романците тргнаа на се или ништо, создадоа три гола предност, но никогаш сериозно не ја загрозија позитивата што Македонија ја обезбеди на дуелот во Скопје. На крајот, пирова победа за Романија и радост за македонските ракометари.

Капитенот и селектор, Кире Лазаров, беше најдобар стрелец во македонскиот национален тим со шест постигнати гола. Кузмановски беше стрелец на три гола. Томовски имаше девет, а Митревски две одбрани.

Македонската ракометна репрезентација на 13. и на 16. април ќе има двомеч против Чешка во втората фаза од мундијалскиот бараж.

The post Македонија со пораз се пласираше во втората фаза од баражот за СП 2023 appeared first on Република.

Украинската ракометна репрезентација поради руската инвазија на земјата го откажа настапот на претстојните мундијалски квалификации во кои следната седмица требаше да игра против Финска, потврди денеска Европската ракометна федерација (ЕХФ).

– Ракометната федерација на Украина нè извести дека националниот тим се откажува од квалификациските натпревари за пласман на Светското првенство 2023, кои требаше да ги игра против Финска на 16 или 17 март, како и реваншот на 20 март, бидејќи не е во можност да се подготви и да патува, се наведува во соопштението на ЕХФ.

Двата натпревари се регистрирани со службена победа од 10-0 на Финска, која директно се пласираше во втората квалификациска фаза во која за место на Мундијалот ќе игра против Хрватска.

The post Украина го откажа настапот во ракометните мундијалски квалификации appeared first on Република.

Македонската ракометна репрезентација денеска ќе го добие противникот во првиот бараж за Светското првенство 2023 година кое ќе се одржи во Полска и Шведска. Кирил Лазаров и неговите избраници се носители пред извлечувањето на двојките заедно со Австрија, Босна и Херцеговина, Белорусија, Литванија, Португалија, Украина, Словенија и Словачка.

Можни ривали на македонските ракометари се Белгија, Естонија, Фарски Острови, Финска, Израел, Грција, Италија, Романија и Швајцарија. Бараж дуелите ќе се играат на 14 и 20 март.

Ова е првиот пат кон пласман на Мундијалот. Вториот дел е потежок, тука Македонија ќе има тешка задача нема да биде во носителите пред ждрепката, па ќе игра против селекции како Хрватска, Чешка, Германија, Унгарија, Србија и Русија, Црна Гора, Холандија и Исланд.

Ждрепката е закажана со почеток во 14:30 часот, ќе се одржи во Будимпешта.

The post Македонија го добива противникот за првиот бараж за СП 2023 appeared first on Република.