Во тек е конститутивната седница на Советот за безбедност што ја свика претседателката Гордана Сиљановска Давкова.

Членови на Советот за безбедност се претседателот на Собранието Африм Гаши, премиерот Христијан Мицкоски, министрите за внатрешни работи Панче Тошковски, за одбрана, Владо Мисајловски, за надворешни работи и надворешна трговија, Тимчо Муцунски, како и Џевдет Хајредини, поранешен министер за финансии, Малинка Ристевска Јорданова, експертка за евроинтеграции и експертот за климатски промени Владимир Спиридонов.

На седницата, покрај членовите на Советот на безбедност, на покана на претседателката Сиљановска Давкова треба да присуствуваат и началникот на Генералштабот на Армијата, генерал-мајор Сашко Лафчиски, директорката на Агенцијата за разузнавање, Габриела Јаковлева и директорот на Агенцијата за национална безбедност, Бојан Христовски.

Советот за безбедност е највисокото советодавно тело во Република Македонија, коешто ги разгледува прашањата поврзани со безбедноста и одбраната на државата.

Претседател на Советот за безбедност е претседателката Гордана Сиљановска Давкова, а начинот на неговата работа е определен со Деловник.

Седниците на Советот за безбедност се затворени. Во одредени случаи можат да бидат и јавни, а за тоа одлучува претседателот на Советот.

The post Во тек e конститутивната седница на Советот за безбедност appeared first on Република.

Претседателката Гордана Сиљановска Давкова свика конститутивна седница на Советот за безбедност, што ќе се одржи денеска, 4 ноември 2024 година, понеделник, со почеток во 15:00 часот.

Членови на Советот за безбедност се Африм Гаши, претседател на Собранието, Христијан Мицкоски, претседател на Владата, Панче Тошковски, министер за внатрешни работи, Владо Мисајловски, министер за одбрана, Тимчо Муцунски, министер за надворешни работи и надворешна трговија, Џевдет Хајредини, Малинка Ристевска Јорданова и Владо Спиридонов.

На седницата, покрај членовите на Советот на безбедност, на покана на претседателката Сиљановска Давкова ќе присуствуваат началникот на Генералштабот на Армијата, генерал-мајор Сашко Лафчиски, директорката на Агенцијата за разузнавање, Габриела Јаковлева и директорот на Агенцијата за национална безбедност, Бојан Христовски.

The post Сиљановска Давкова свика конститутивна седница на Советот за безбедност appeared first on Република.

Советот за безбедност на ОН денеска ќе одрржи итна средба за да ја разгледа ескалацијата на непријателствата на Блискиот Исток, соопшти ноќеска Швајцарија, која овој месец е претседавачот со Советот.

Закажавме состанок во 10 часот по њујоршко време (16:00 часот по средноевропско време), соопшти швајцарското претседателството.

Иран вчера истрела околу 200 балистички ракети кон Израел, што според соопштението на Револуционерната гарда е одмазда за убиствата на лидерите на Хезболах и Хамас.

Израел соопшти дека повеќето од ракетите биле пресретнати и најави дека ќе возврати.

The post Итна седница на Советот за безбедност на ОН за ситуацијата на Блискиот Исток appeared first on Република.

Претседателката Гордана Сиљановска Давкова за членови на Советот за безбедност ги именуваше Малинка Ристевска Јорданова - експерт за евроинтеграции, Џевдет Хајредини - поранешен министер за финансии и Владимир Спиридонов - експерт за климатски промени. Со именувањето на тројцата членови, како што информираат од Кабинетот на претседателката Сиљановска Давкова, Советот за безбедност на Република Македонија е во полн состав.

Претседател на Советот за безбедност е претседателката Гордана Сиљановска Давкова.

Членови на Советот за безбедност се претседателот на Собранието, Африм Гаши; претседателот на Владата, Христијан Мицкоски; министерот за внатрешни работи, Панче Тошковски; министерот за одбрана, Владо Мисајловски; министерот за надворешни работи и надворешна трговија, Тимчо Муцунски, како и Малинка Ристевска Јорданова, Џевдет Хајредини и Владимир Спиридонов, кои денеска беа именувани од претседателката, согласно нејзините уставни надлежности.

Советот за безбедност е највисокото советодавно тело во Република Македонија, коешто ги разгледува прашањата сврзани со безбедноста и одбраната на Републиката и дава предлози на Собранието и на Владата.

Начинот на работа на Советот за безбедност на Република Македонија, начинот на остварување на правата и исполнувањето на должностите на членовите на Советот, свикување и одржување на седниците, спроведувањето на заземените ставови, поведените иницијативи и дадените мислења и предлози, информирањето за својата работа, како и други прашања во врска со организирањето и начинот на работа на Советот, се определени со Деловник за работа на Советот за безбедност на Република Македонија.

Седниците на Советот се затворени. Во одредени случаи седниците можат да бидат и јавни за тоа одлучува претседателот на Советот.

The post Комплетиран Советот за безбедност, Сиљановска Давкова ги именуваше Малинка Ристевска Јорданова, Џевдет Хајредини и Владимир Спиридонов за членови appeared first on Република.

Претседателката Гордана Сиљановска Давкова во моментов не планира да го свика националниот Совет за безбедност во врска со наводите за постоење индиции за дестабилизација на државата. Најави дека седница на Советот може да биде одржана по неговото комплетирање, а темите, како што посочи, ќе бидат она за што денес се расправа глобално и во Европа, а тоа е каде оди и што се слулува во светот.

Индиции за дестабилизација се едно, закани за дестабилизација се друго, но реалноста е поинаква. Реков дека нема да го свикам Советот зашто мислам дека во ова време неверем кога треба да се справуваме со пожарите како стихија, ние се соочуваме и со други закани под наводници. Не гледам дека тие закани се реалност во моментов, изјави Сиљановска Давкова, одговорајќи на новинарски прашања во Охрид каде што учествуваше на отворањето на 57. Летна школа на Меѓународниот семинар за македонски, јазик, литература и култура при Универзитетот „Св. Кирил и Методиј“ - Скопје.

Затоа, вели, нема намера да свика седница на Советот за безбедност, но тоа може да се случи по неговото доекипирање.

Мислам дека е дека е добро еден член да биде некој кој нема ништо со политика и партии, туку е експерт за климатски промени и климатска заштита, и тоа веќе се согласи. Другиот да е експерт за евроинтеграции бидејќи се што правиме е врзано со нашето враќање во Европа каде што ни е местото. И третиот треба да е експерт за глобализацијата, која веќе не е само американизација, туку гледаме мултиполарен свет, а се соочуваме и со војна што е пораз за целото човештво и за сиот свет, бидејќи и европскиот проект е мировен проект, ОН се мировен проект, рече Сиљановска Давкова.

Најави дека по комплетирањето Советот за безбедност би свикала седница за да се расправа за она за што денес сиот свет го рзгледува - а тоа е каде оди светот, што се случува денес, тема која годинава ќе биде главна и на Генералното собрание на ОН, за мирот бидејќи, како што наведе,„ да ветуваме вечен мир, а да се сочиме со војна во 21 век е пораз човештвото и на мировната идеја на ОН“.

The post Сиљановска Давкова во моментов не планира да свика седница на Советот за безбедност за наводите за дестабилизација на државата appeared first on Република.

Првиот заменик на постојаниот претставник на Русија во ОН, Дмитриј Пољански, изјави дека Москва побарала состанок на Советот за безбедност на ОН за агресијата на НАТО врз Југославија во 1999 година, но оти руските дипломати се уште го чекаат одговорот на претседавачот со Советот.

Како што јави РТС, Советот за безбедност на Обединетите нации во понеделникот ја отфрли расправата за 25 години од почетокот на НАТО бомбардирањето на СРЈ, бидејќи за дневниот ред не гласаа доволно амбасадори на земјите-членки.

Дмитриј Пољански изјави дека Русија на 25 март испратила официјално писмо до јапонската мисија која претседава со Советот за безбедност на ОН, во кое бара што е можно побргу да се одржи состанок на Советот за безбедност на ОН посветен на 25-годишнината од агресијата на НАТО врз Југославија.

– Писмото е испратено до сите членки на Советот за безбедност и чекаме официјален одговор, рече Пољански на седницата на Советот за безбедност на ОН.

The post Русија повторно побара седница на Советот за безбедност за НАТО бомбардирањето на СРЈ пред 25 години appeared first on Република.

Советот за безбедност на Обединетите нации денеска не ја усвои американската нацрт-резолуција за прекин на огнот во Газа.

За резолуцијата гласаа 11 членки на Советот за безбедност, а Русија, Кина и Алжир беа против, додека Гвајана беше воздржана.

Американската абасадорка во ОН, Линда Томас Гринфилд, по гласањето изјави дека Русија и Кина не сакале да гласаат за американската резолуција само да го видат неуспехот САД.

-Русија уште еднаш ја стави политиката над напредокот, рече амбасадорката, пренесува Би-Би-Си.

Во американската нацрт-резолуција се наведува дека „императив е итен и траен прекин на огнот во војната меѓу Израел и Хамас во Газа“ со цел да се заштитат цивилите и да се овозможи доставување хуманитарна помош до повеќе од два милиони прегладнети Палестинци

The post СБ на ОН не ја усвои американската нацрт-резолуција за итен прекин на огнот во Газа appeared first on Република.

Заменикот на постојаниот претставник на Русија во Обединети нации, Дмитриј Пољански изјави дека Москва побарала на 22 март да се одржи седница на Советот за безбедност на ОН посветена на Украина.

Тој оцени дека голем број неодговорни европски политичари сакаат ескалација на украинскиот конфликт и да го доведат на ново ниво, односно веќе не индиректен, туку директен конфликт меѓу Русија и НАТО.

Полјански смета дека е тешко да се протолкуваат зборовите на францускиот претседател Емануел Макрон за потребата од распоредување на трупи на НАТО во Украина за да се спречи колапсот на режимот во Киев.

Рускиот дипломат оцени и дека неодамнешниот пресретнат разговор на германски офицери за испорака на ракети Таурус во Украина и можноста за бомбардирање на мостот на Крим потврдува дека американски, британски и европски војници веќе се на територијата на Украина и ѝ помагаат на украинската армија.

– За сите овие прашања сакаме да разговараме со нашите западни колеги на 22 март, на посебна седница на СБ, потенцира Пољански.

The post Русија побара седница на Советот за безбедност на ОН за Украина appeared first on Република.

САД повторно ставија вето на предложената резолуција на Советот за безбедност на Обединетите нации за итен прекин на огнот во Појасот Газа, третпат од почетокот на војната на 7 октомври.

Од 15 членки на Советот за безбедност на ОН, 13 гласаа за резолуцијата предложена од Алжир, додека Велика Британија беше воздржана.

Гласањето ЗА нацрт-резолуцијата е глас за поддршка на правото на живот на Палестинците. Спротивно на тоа, гласот против е поддршка за бруталното насилство и колективната казна што им е нанесена, изјави алжирскиот амбасадор во ОН, Амар Бенјама.

Американската амбасадорка Линда Томас Гринфилд изјави дека секоја акција преземена од Советот за безбедност би значело мешање во „чувствителните, тековни преговори“.

Сметаме дека резолуцијата ќе има негативно влијание врз преговорите. Барањето итен, безусловен прекин на огнот, без договор кој бара од Хамас да ги ослободи заложниците, нема да донесе одржлив мир и само ќе го продолжи конфликтот, изјави Гринфилд.

Наместо тоа, САД предложија своја нацрт-резолуција со која се повикува на привремен прекин на непријателствата и се изразувајќи противење на плановите на американскиот сојузник Израел за копнена офанзива во Рафа, пренесе БТА. Вашингтон прецизираше дека нема да брза резолуцијата да ја предложи за гласање за да обезбеди време за преговори.

Резолуцијата предложена од Алжир, на која САД ставија вето, не го обврзува склучувањето на привремено примирје со ослободување на заложниците и содржи само повик за итен хуманитарен прекин на огнот и итно и безусловно ослободување на заложниците.

The post САД повторно блокираа резолуција во Советот за безбедност за прекин на огнот во Газа appeared first on Република.

Министерот за надворешни работи на Србија, Ивица Дачиќ изјави дека на шефот на руската дипломатија Сергеј Лавров му пренел дека Србија поднесе барање за итна седница на Советот за безбедност на ОН поради ситуацијата на Косово и додаде дека Лавров му ветил поддршка.

Како што објави белградска Политика, Дачиќ изјави дека разговарал со уште неколку министри за надворешни работи, од земји кои ја „признаваат и не ја признаваат таканаречената самопрогласена независност на Косово“. Како што наведе Дачиќ, меѓу другите, разговарал и со министри од Словенија, Малта, Сиера Леоне, Мозамбик и други.

Тој објасни дека барањето за итна седница на Советот за безбедност на ОН е поднесено поради општата ситуација на Косово, теророт врз Србите, обидите за укинување на динарот и се што претставува кршење на резолуцијата 1244 и сите други меѓународни документи поврзани со Косово.

Дачиќ рече дека образложението на барањето за итна седница ја содржи целата хронологија и опис на актуелната состојба на Косово.

Наскоро ќе имаме одговори на сите овие прашања. Амбасадорот на Гвајана сигурно ќе свика состанок на кој ќе се разговара за ова прашање. Зборував со моите колеги и разговарав со претседателот (Вучиќ). Делот што сега е на ред е она со што се занимава МНР. Се останато подготвија канцеларијата за Косово и Метохија и преговарачкиот тим предводен од претседателот Вучиќ, со што ќе одиме на седницата, изјави Дачиќ.

The post Дачиќ: Лавров ми вети дека ќе ја поддржи Србија во Советот за безбедност на ОН appeared first on Република.

Советот за безбедност на Обединетите Нации соопшти дека во среда ќе ја разгледа одлуката на Меѓународниот суд на правдата, кој го повика Израел да спречи каков било можен чин на геноцид во Газа. Состанокот ќе се одржи во 16 часот по локално време, на барање на Алжир.

Алжирското Министерство за надворешни работи соопшти дека состанокот треба да даде „обврзувачки ефект на одлуката на Меѓународниот суд на правдата за привремените мерки наметнати на израелската окупација“.

Највисокиот суд на Обединетите нации вчера не нареди прекин на огнот во Појасот Газа, но побара од Израел да ги преземе сите мерки за да ги спречи неговите сили да извршат геноцид во палестинската енклава.

Процесот против Израел за геноцид го покрена Јужна Африка, која побара од Меѓународниот суд на правдата да му нареди на Израел да ја прекине својата воена операција во Појасот Газа.

Меѓународниот суд на правдата одлучи да не го отфрли случајот и нареди шест таканаречени привремени мерки за заштита на Палестинците во Газа.

Израел ги отфрла обвинувањата за геноцид и бара од судот да го стори истото.

The post Советот за безбедност на ОН во среда ќе ја разгледа одлуката на Меѓународниот суд на правдата за Израел appeared first on Република.

Русија побара специјална седница на Советот за безбедност на ОН по украинскиот напад врз градот Белгород, во кој загинаа најмалку 14, а повредени се над 100 цивили.

Терористичкиот напад врз Белгород ќе биде предмет на постапка во Советот за безбедност на ОН. Зад терористичкиот напад стои Велика Британија, која во координација со САД го поттикнува режимот на Киев на терористички акции, бидејќи препозна дека контраофанзивата на украинските вооружени сили не успеа, изјави портпаролката на руското Министерство за надворешни работи, Марија Захарова.

Руските власти соопштија дека најмалку 14 лица загинале во украинскиот ракетен напад врз Белгород, меѓу кои и две деца. Бројот на повредени е 108.

https://republika.mk/vesti/svet/granatirani-novogodishen-panagur-i-prepolno-lizgalishte-vo-krvav-ukrainski-napad-vrz-belgorod-zaginaa-14-a-povredeni-se-stotina-tsivili/

The post Русија бара состанок на Советот за безбедност на ОН за крвавиот украински напад врз Белгород appeared first on Република.

Безбедносната состојба во државата е стабилна и нема индиции кои укажуваат на можно нејзино загрозување. Како членка на НАТО, Македонија е во редовна координација со Алијансата и сојузниците по однос на активности кои се преземаат за зајакнување на безбедноста во евро-атлантскиот простор.

Ова се главните заклучоци од предмалку одржаната седница на Советот за безбедност во претседателската вила на Водно на која покрај претседателот Стево Пендаровски и членовите на Советот за безбедност, присуствуваа и директорот на Агенцијата за национална безбедност, Зарко Милошевски и директорот на Агенцијата за разузнавање, Еролд Муслиу

Седницата започна во 13 часот со пристугнување на членовите на Советот и траеше цели два часа во претседателската вила.

Инаку последен пат Советот за безбедност одржа седница во јануари годинава, кога беа одржани разговори за безбедносната состојба во земјата. Тогаш исто така беше разговарано за состојбата во Косово, како и за односите со Бугарија и за процедурата во Собранието за донесување на уставни измени.

Освен претседателот Пендаровски, членови на Советот за безбедност на Македонија се Талат Џафери, претседател на Собранието, премиерот Димитар Ковачевски, министерот за внатрешни работи Оливер Спасовски, министерката за одбрана Славјанка Петровска, министерот за надворешни работи Бујар Османи, како и универзитетските професори Ненад Марковиќ и Ветон Љатифи.

Претходно Пендаровски најавувајќи ја денешната седница, наведе дека поволна околност за Македонија е тоа што е членка на НАТО и дека со тоа редовно добива брифинзите за развојот на состојбата во однос на конфликтот Хамас – Израел.

Меѓутоа Советот за безбедност секако ќе биде свикан, не само за последниот развој на настани на Блискиот Исток, туку и за случувањата на северот на Косово и војната во Украина“, изјави Пендаровски неодамна.

The post Нема ризик за дестабилизација на Македонија, смета Советот за безбедност appeared first on Република.

- Претседателот Стево Пендаровски за денеска со почеток во 12:00 часот закажа седница на Советот за безбедност, соопшти кабинетот на шефот на државата.

На дневен ред на седницата што ќе се одржи во вила „Водно“, ќе биде безбедносната состојба во државата и евроатлантскиот регион.

На седницата, покрај членовите на Советот за безбедност, ќе присуствуваат и директорот на Агенцијата за национална безбедност, Зарко Милошевски и директорот на Агенцијата за разузнавање, Еролд Муслиу

The post Седница на Советот за безбедност appeared first on Република.

Русија има намера да иницира нов состанок на Советот за безбедност на ОН на кој ќе се разговара за решавање на палестинско-израелскиот конфликт, најави првиот заменик постојан претставник на Русија во Светската организација, Дмитриј Пољански.

Дефинитивно ќе свикаме нов состанок на Советот за безбедност. Како што покажа практиката, никој освен нас не се осмелува да го направи тоа, изјави Пољански за ТВ каналот „Соловјев“.

Според него, 10. вонредна специјална седница на Генералното собрание на ОН за палестинско-израелскиот конфликт треба да продолжи следната недела бидејќи има колективен апел од арапските и исламските земји да продолжи седницата.

Многу е важно секоја држава да може да го искаже својот став, рече Пољански.

Во средата, САД ставија вето на усвојувањето на нацрт-резолуцијата на Советот за безбедност на ОН за палестинско-израелскиот конфликт предложена од Бразил.

Русија беше воздржана затоа што СБ ги отфрли руските амандмани на бразилскиот документ.

За време на гласањето воздржана беше и Велика Британија, а за усвојување на резолуцијата гласаа останатите 12 членки на Советот за безбедност на ОН.

The post Русија бара нов состанок на Советот за Безбедност на ОН за израелско-палестинскиот конфликт appeared first on Република.

Според најавите на претседателот на државата, Стево Пендаровски, до крајот на месецов треба да биде свикан Советот за безбедност на кој ќе се разгледа безбедносната состојба во земјава по последните случувања во Израел и војната во Украина. Првите луѓе на министертвата за одбрана и за внатрешни работи уверуваат дека безбедносната состојба се следи и дека нема реална закана.

Пендаровски во четвртокот изјави дека поволна околност е тоа што државата е членка на НАТО и дека добива информации од Советот за безбедност на Европската Унија.

Секако дека Советот за безбедност ќе биде свикан, не само за последниот развој на настаните на Блискиот исток. Моите луѓе во Кабинетот правеа напори да ги усогласат агендите на првите луѓе од Владата бидејќи тие мора да бидат присутни. Претпоставувам дека до крајот на овој месец ќе имаме седница на која ќе зборуваме и за северот на Косово каде имаме контингент којшто сакаме да го зголемиме по барање на НАТО. На дневен ред ќе биде и Украина и Блискиот исток, рече Пендаровски за емисијата „Клик плус“ на Телевизија 21.

Според министерката за одбрана, Славјанка Петровска, во моментот нема лоцирано закани по безбедноста на државата.

Институциите, службите, безбедносно - разузнавачката заедница будно ги следат случувањата во Израел и Украина, разменуваат информации и на национално ниво и во рамки на НАТО Алијансата и соодветно се подготвуваат доколку се лоцира предизвик да се реагира, изјави вчера Петровска во Охрид.

Според неа, координацијата на безбедносните и разузнавачките служби и информациите што се разменуваат покажуваат дека закана нема, независно дали се работи за припадници на една заедница или кон некакви објекти.

Но, тоа не значи дека институциите остануваат само на таа информација. Ќе ги следиме случувањата и доколку е потребно и се укаже некакво вид безбедносна закана, не само Евреите, туку секој еден граѓанин на нашата држава ќе биде соодветно заштитен, уверува Петровска.

Петровска вели дека секогаш кога се отвора нов конфликт низ светот, тој предизвикува одредени пореметувања во постојаното функционирање на државите, независно дали е тој поблиску или подалеку.

Што поскоро завршат воените дејствија, час поскоро може да се седне на маса и да се разговара за сите проблеми што ги поттикнале конфликтите. Знам дека многу од проблемите се тешки, причините за случувањата се проблематични, меѓутоа ништо не е повредно од човечките животи, вели Петровска.

И министерот за внатрешни работи, Оливер Спасовски, уверува дека безбедносните служби се консолидирани и се во постојана координација со цел да се сочува безбедноста и стабилноста на државата.

Сите случувања на геостратешко ниво сериозно влијаат на безбедносната состојба, а и случувањата во регионот бидејќи ние сме кревок регион во однос на безбедноста. Имаме отворени прашања коишто треба да се решат преку дијалог. За жал, во 21 век имаме руска агресија врз Украина, а во моментот имаме и нова безбедносна криза во Израел. Сето тоа имплицира дека мораме да бидеме многу внимателни, да работат консолидирано сите безбедносни служби. Следиме од час во час и сите активности се анализираат, истакна Спасовски во емисијата „Трилинг“ на Телевизија 24.

По воениот конфликт на Блискиот исток и терористичкиот напад во Брисел, голем дел од европските држави го подигнаа нивото на безбедност.

The post Конфликтот во Израел ја подигнува внимателноста: До крајот на месецот ќе биде свикан Советот за безбедност appeared first on Република.

Белорусија повика на прифаќање на предлогот за проширување на постојаните членки на Советот за безбедност на ОН со земјите од Азија, Африка и Латинска Америка.

Проширувањето на категоријата на постојаните членки со вклучувањето на големите земји во развој од Азија, Африка и Латинска Америка е императив на времето. Причина за задоволство е што Кина и Русија поддржуваат таква реформа на Советот за безбедност, како што постојано изјавуваа“, изјави министерот за надворешни работи на Белорусија, Сергеј Алејник за време на генералната политичка дискусија на 78. сесија на Генералното собрание на ОН.

Тој додаде дека останатите постојани членки на Советот за безбедност (Британија, САД и Франција) мора да ја „препознаат новата реалност“ и да ги прифатат промените кои таа ги одразува.

Три од петте постојани членки се претставници на Западот. Тие не се заинтересирани за промена на статус-кво во светот. Како резултат на тоа, Советот за безбедност не ја исполнува својата функција за одржување на меѓународниот мир и безбедност. Само еден попретставителен и подемократски орган може да ја исполни таа задача, додаде Алејник.

The post За попретставително и подемократско тело: Белорусија повика на зголемување на бројот на постојани членки на Советот за безбедност на ОН appeared first on Република.

Албанскиот премиер Еди Рама, чија земја претседава со состанокот на Советот за безбедност на ОН посветен на војната во Украина, се скара со рускиот амбасадор за тоа зошто прв зборувал украинскиот претседател.

Рама прво објасни дека темата е војната во Украина и оти тоа е причината, дека е така според правилата.

Сакаме да ве прашаме - врз основа на што решивте да му дадете збор на претседателот на Украина, Володимир Зеленски, пред да зборуваат членовите на Советот за безбедност, од кои многумина се претставени овде на ниво на претседател и премиер?, праша рускиот амбасадор во ОН, Василиј Небензја.

Морам да кажам, кога целата оваа лекција за кршење на правилата во оваа зграда доаѓа од вас, тоа навистина е импресивно. Но, бидејќи неколку пати повторивте дека прекршувањето е тоа што претседателот Зеленски зборува пред да зборуваат членовите на Советот, имам решение за тоа, ако се согласувате. Вие запрете ја војната и претседателот Зеленски нема да зборува. Она што него го направи овде важен и зошто е важно прво него да го слушнеме па потоа да разговараме, за тоа сте заслужни вие, а не ние, му одговори Еди Рама.

The post Рама се скара со рускиот амбасадор во ОН околу говорот на Зеленски appeared first on Република.

Генералниот секретар на ОН, Антонио Гутереш изјави дека е неопходно да се реформира Советот за безбедност на ОН и системот Бретон Вудс за да бидат релевантни за современите глобални политички и економски трендови.

Денешните глобални структури на управување го одразуваат вчерашниот свет. Тие главно беа создадени по Втората светска војна, кога со многу африкански земји сè уште владееле колонијални сили. Ова особено се однесува на Советот за безбедност на Обединетите нации и институциите на Бретон Вудс“, изјави Гутереш на самитот на БРИКС и во Јужноафриканската Република.

Тој нагласи дека мултилатералните институции мора да се реформираат за да останат универзални и да ја одразуваат денешната моќ и економска реалност, а не таа по Втората светска војна.

Во отсуство на таква реформа, фрагментацијата е неизбежна. Не можеме да си дозволиме свет со поделена глобална економија и финансиски систем со различни стратегии за технологија, вклучително и вештачка интелигенција, и со конфликтни безбедносни рамки“, нагласи Гутереш.

Тој изјави дека во Јоханесбург дошол со едноставна порака: во поделен свет преплавен од кризи, едноставно нема алтернатива за соработка.

Мораме итно да ја вратиме довербата и повторно да го оживееме мултилатерализмот за 21 век. Ова бара храброст за компромис за општото добро“, нагласи генералниот секретар на ОН.

Договорот Бретон Вудс е меѓународен договор постигнат на конференција на претставници на 44 земји одржана во средината на 1944 година во Бретон Вудс (во американската држава Њу Хемпшир), за решавање на повоените монетарни и финансиски проблеми. На конференцијата беа формирани Меѓународниот монетарен фонд и Меѓународната банка за обнова и развој.

The post Mултилатералните институции мора да се реформираат за да останат универзални: Гутереш бара промени во Советот за безбедност на ОН appeared first on Република.

Ерменија го покани Советот за безбедност на ОН да одржи итен состанок поради влошената хуманитарна ситуација во регионот Нагорно-Карабах во Азербејџан, кој главно е населен со Ерменци.

Во писмото до претседателот на Советот за безбедност на ОН, кое Министерството за надворешни работи на Ерменија го испрати синоќа и го објави денеска, ерменскиот амбасадор во ОН Мхер Маргарјан рече дека народот на Нагорно-Карабах „се наоѓа на работ на целосна хуманитарна катастрофа“.

Од декември, Азербејџан го блокираше единствениот пат што води од Ерменија до Нагорно-Карабах, сериозно ограничувајќи ја испораката на храна и медицински материјали во регионот со околу 120. 000 луѓе.

„Ерменската влада бара интервенција на Советот за безбедност на ОН за да спречи масовни злосторства, вклучувајќи воени злосторства, етничко чистење, злосторства против човештвото и геноцид“, напиша Маргарјан.

Жалбата на Ерменија дојде откако поранешниот главен обвинител на Меѓународниот кривичен суд во вторникот предупреди дека Азербејџан подготвува геноцид врз етничките Ерменци во својот регион Нагорно-Карабах и го повика Советот за безбедност на ОН да го поднесе предметот пред Меѓународниот трибунал.

Нагорно-Карабах е регион во Азербејџан кој беше под контрола на етничките ерменски сили поддржани од ерменската војска во сепаратистичките борби кои завршија во 1994 година.

Ерменските сили, исто така, презедоа контрола на значителна територија околу регионот.

Во конфликтот во 2020 година, ерменската армија беше поразена, а Азербејџан постигна значителни територијални придобивки.

The post Ерменија бара итен состанок на Советот за безбедност на ОН за ситуацијата во регионот Нагорно-Карабах appeared first on Република.