Стотици патници останаа заглавени во своите возила на патиштата во централната германска покраина Хесен, откако снежните врнежи го покриа автопатот, предизвикувајќи сообраќаен метеж и линии возила кои се протегаа со километри.

Полицијата не можела да процени колкав е хаосот предизвикан од снегот и до кога ќе бидат блокирани автопатиштата, пренесува неделникот „Билд“.

Во сојузната држава Тирингија, покрај снег, на коловозот имаше и мраз, поради што голем број автопревозници ги одложија патувањата, а се известува дека состојбата може да се подобри во утринските часови.

Германската метеоролошка служба (ДВД) очекува повеќе снег и предупредува дека возачите од регионите Ајфел и Келн преку планините Ротар до Тирингија мора да се подготват за „постојани, а понекогаш и обилни снежни врнежи“. Во соседна Франција, особено во северните предели, останува на сила портокаловата метеоролошка тревога, а властите апелираат до возачите да не излегуваат на пат.

The post Снежно невреме во Германија, стотици летови откажани, патници заглавени во возила appeared first on Република.

Голема зимска бура донесе обилни снежни врнежи во многу делови на САД, попречувајќи го патувањето и оставајќи илјадници луѓе без струја. Невремето ќе биде придружено со силен арктички студ во текот на викендот, со температури околу -45 степени во некои области, објави „Би-Би-Си“.

Речиси 25 сантиметри снег падна во Ајова, каде што во понеделник почнуваат пратеничките групи за републиканските претседателски кандидати, поради што некои настани ќе бидат откажани.

Американската национална метеоролошка служба издаде предупредувања во речиси секоја држава, бидејќи денеска се прогнозира снег од Орегон на запад до Мејн на исток.

Повеќе од 70 милиони луѓе живеат во области погодени од метеоролошките предупредувања.

Поради екстремните временски услови, повеќе од 2.000 летови се откажани од петокот, од кои повеќето требаше да летаат надвор од Чикаго, според службата за следење летови „Флајт авеар“.

Речиси 200.000 луѓе останале без струја од петокот вечерта, а Мичиген и Висконсин се најтешко погодени.

The post Снежна бура во САД: Температурите паднаа на -45 степени, илјадници луѓе останаа без струја appeared first on Република.

Метеопрогнозерот Славчо Попоски објави дека најновите анализи направени со помош на најпрецизните нумерички модели во светот укажуваат дека на Балканскиот Полуостров му претсои многу активна зима, и тоа гледано по врнежите и по циклоните.

Тоа значи дека претстојната зима кај нас ќе биде исполнета со врнежи од дожд и снег, а ќе има и чести снежни бајки, како на повисоките места и на планините, така и на пониските места (градовите). Дури можна е појава и на снежно невреме и натпросечни снежни врнежи во регионот, но и кај нас во Македонија. Овие врнежи особено се очекуваат во месеците јануари, февруари и март – наведува Попоски.

Што се однесува до температурите, тие би можеле да бидат малку над просекот, но се очекуваат чести продори на поларниот вртлог од север кој би условил екстремно ниски температури на воздухот, дури и под -20 степени, што е добра верста за љубителите на снегот.

И најголемиот дел од Европа ќе има зима богата со врнежи, што значи дека снегот нема воопшто да недостасува, напротив, ќе го има во изобилие.

Европа уште од сега се соочува со многу снегови и студ. Снежната покривка во Алпскиот регион веќе надминува и 100 сантиметри, а зимата не ни започнала – додава метеопрогнозерот Попоски.

The post Од јануари на Балканот му се заканува снежно невреме appeared first on Република.

Натпреварот од 13 коло во германското фудбалско првенство меѓу актуелниот шампион Баерн Минхен и Унион Берлин, кој требаше да се игра денеска со почеток во 15:30 часот е одложен, поради обилни снежни врнежи во Баварија, објави Минхенската компанија за јавен превоз (МВГ).

Почитувани патници, фудбалскиот натпревар меѓу Баерн Минхен и Унион Берлин денеска од 15:30 часот е откажан“, соопшти МВГ.

Од Бундеслигата го потврдија одложувањето на натпреварот, прецизирајќи дека сопственикот на „Алијанц Арена“, „го затворил пристапот до стадионот поради обилните врнежи од снег“.

https://republika.mk/vesti/svet/paralizirani-avionskiot-i-zheleznichkiot-soobrakaj-silno-nevreme-od-sneg-i-mraz-vo-bavarija/

The post „Алијанц арената“ затрупана со снег: Одложен натпреварот меѓу Баерн Минхен и Унион Берлин appeared first on Република.

Обилните снежни врнежи во текот на ноќта и студеното врме ги парализираат воздушните и железничките врски во јужната германска покраина Баварија, оставајќи заглавени илјадници патници, некои од нив во возови запрени поради лошото време, пренесува ДПА.

И другите делови од земјата се зфатанеи од снег и мраз, а дополнително влошување на временските условите се очекува во сабота навечер.

Поради снегот во застој е авиосообраќајот на аеродромот во Минхен. До денеска изутрина беа откажани 320 од 760 закажани летови. На патниците им е препорачано да го проверат статусот на нивниот лет пред да пристигнат на аеродромот.

https://republika.mk/vesti/svet/haos-na-aerodromot-vo-minhen-poradi-obilniot-sneg-otkazhani-okolu-130-letovi/

Лоштото време ги наруши и железничките услуги во Баварија, а главната железничка станица во Минхен привремено беше надвор од функција.

Привремено беа суспендирани железничките врски кон другите германски градови, но и кон австриските градови Салцбург и Инсбрук. Некои патници во Минхен и Улм мораа да преноќат во возовите.

Германската железница им препорача на патниците денеска да ги одложат патувањата до и од Минхен.

Полицијата го повика населението да остане дома додека итните служби и службите за чистење снег работат на враќање на нормалниот живот.

Подземната железница, автобусите и трамваите, исто така, првично престанаа да сообраќаат во главниот град на Баварија. Регистрирани се и бројни сообраќајни несреќи на патиштата, од кои според полицијата повеќето се со материјална штета.

Германската метеоролошка служба очекува неповолните временски услови да продолжат, и од југот на Германија да се прошират на север, а температурата да се спушти до -15 степени.

Во делови од соседната покраина Баден-Виртемберг во текот на ноќта паднаа и до 40 сантиметри снег, поради што многу дрвја се соборени, а има и блокирани патиштата.

Според полицијата, 54-годишен возач загинал кога неговото возило се завртело и се судрило со комбе синоќа во градот Еминген-Липтинген. Возачот на комбето не е повреден.

На северот од земјата, Хамбург објави свеж снег од неклку антиметри, а се очекуваат обилни снежни врнежи на бреговите на Северното и Балтичкото Море, како и во внатрешноста.

The post Парализирани авионскиот и железничкиот сообраќај: Силно невреме од снег и мраз во Баварија appeared first on Република.

Шеесет населени места во романскиот округ Констанца се уште се без струја. Повеќе од 63.000 корисници се погодени по обилните снежни врнежи и невремето на крајот на минатата недела, соопштија локалните власти.

Проблематично е и водоснабдувањето. Оштетувања на водоводната мрежа има во 45 населени места.

Во округот откажани се 17 возови – осум кои требаше да заминат од Констанца и уште девет што требаше да пристигнат.

Во меѓувреме, метеоролозите издадоа жолти и портокалови кодови за предупредувања за снежни виулици во неколку области на земјата – Јужен Банат, Југозападна Трансилванија и Источна Мунтенија.

На планините се очекува значително количество снег. Налетите на ветерот ќе достигнат до 75 километри на час. Видливоста ќе биде намалена под 50 метри.

За деновите пред Божик, метеоролозите прогнозираат температури пониски од нормалните.

The post Снежно невреме во Романија, десетици населени места без струја и вода appeared first on Република.

Зимското невреме, проследено со ледена бура, вчера парализира поголем дел од САД, предизвикувајќи откажување на повеќе од 1.700 летови низ земјата, запирање на сообраќајот на меѓудржавниот автопат низ Арканзас и предизвикувајќи сериозни сообраќајни несреќи во Тексас, сојузна држава што не е навикната на мраз.

Додека ледената бура вчера се движеше кон исток, од западен Тексас сè до западна Вирџинија беа издадени предупредувања за опасност од невреме. И во текот на денешниот ден се очекуваат неколку серии мешани врнежи, вклучувајќи и замрзнат дожд и лапавица, што значи дека некои региони би можеле да бидат погодени од невремето повеќе пати предупреди Федералната метеоролошка служба.

Повеќе сообраќајни несреќи беа пријавени во Остин, Тексас, со најмалку една жртва, регистрира противпожарната служба во Остин. Во округот Тревис, Тексас, кој го опфаќа Остин, полицијата на секои три минути добивала повици за несреќи, соопштија локалните власти.

Само вчераутро во Тексас биле пријавени околу 7.000 прекини на електричната енергија,а тоа се должело на мраз на далноводите или соборени дрвја.

Флота од возила за итна помош беше испратена на дури 1.600 и патишта под мраз.

Во Арканзас, републиканската гувернерка Сара Хакаби Сандерс. вчера прогласи вонредна состојба поради ледената бура и кажа дека лошите услови на патиштата ја запреле утринската испорака на намирници до продавниците.

Училиштата и колеџите во Тексас, Оклахома и Арканзас најавија дека ќе бидат затворени, а наставата ќе се изведува онлајн.

The post Ледена бура предизвика колапс во САД – откажани летови и тешки сообраќајки appeared first on Република.

Обилниот снег предизвика прекин на електричната енергија и бројни сообраќајни несреќи во саботата во Чешка, Полска и Словачка.

Во чешкиот град Хертвиковице, мотоциклист загинал кога врз него паднало дрво.

Во полското село Ваврска, југоисточно од Краков, 70-годишна жена останала без потребна залиха од чист кислород и поради тоа починала. Противпожарното возило кое требало да и достави ново боца со кислород излетало од патот поради снег и не стигнало навреме.

Во Полска 100.000 домаќинства останаа без струја поради снежното невреме.

Слично е и во Словачка, каде што илјадници домаќинства вчера беа отсечени поради снежните врнежи. Полицијата извести за бројни сообраќајни несреќи во таа држава предизвикани од лошото време

The post Снежно невреме во Чешка, Полска и Словачка appeared first on Република.

Ендел Тејлор, 22-годишна Американка, е една од загинатите како последица на моќната снежна бура што ги зафати САД. Тејлор починала откако не можела да излезе од својот автомобил поради обилните снежни врнежи во Бафало, Њујорк.

Нејзиното замрзнато тело е пронајдено минатиот викенд, а британски Телеграф пишува дека таа испратила видео до семејството непосредно пред нејзината смрт. Таа била заробена во своето возило цели 18 часа, а била опкружена со околу 130 сантиметри снег.

Американката преку Вацап им кажала на нејзините дека е преплашена и им испратила две видеа на кои се гледа интензитетот на невремето среде кое се наоѓала. Таа им го покажала завеаното ветробранско стакло на нејзиното возило.

https://twitter.com/MikeSington/status/1607708731822964737?ref_src=twsrc%5Etfw%7Ctwcamp%5Etweetembed%7Ctwterm%5E1607708731822964737%7Ctwgr%5E79b903be44b1c92d43d4c51716cf883e495dc019%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F4078290%2Fzastrasujuce-poslednji-snimak-amerikanke-pre-smrti-poslala-porodici-poruku-pa-se-smrzla-u-automobilu-video

Не е познато дали Тејлор починала од хипотермија или труење со јаглерод моноксид. Снегот ја затнал издувната цевка на нејзиниот автомобил, а таа ја оставила вклучена за да се обиде да се загрее.

Од нејзиното семејство, кое живее во Шарлот, Cеверна Каролина, за медиумите изјавиле дека не биле свесни колку е силна бурата што ги погоди Њујорк и источните делови на САД.

Не сум сигурна дека некој од нас знаеше колку е сериозна ситуацијата. Не ги видовме вестите, не знаевме што се случува во Бафало. Имам чувство дека сите што се обиделе да и помогнат биле заглавени. Пожарникарите, полицијата... сите биле заглавени“, вели Шонеква Браун, сестрата на Тејлор.

Службите за итни случаи во Бафало пронаоѓаат мртви во автомобили, во нивните домови и во огромни снежни наноси. Некои загинале додека го расчистувале снегот, а други затоа што службите не успеале навреме да ги извлечат од неволја. На Американците им беше кажано да се подготват за повеќе снег, но и за повеќе жртви. Телеграф наведува дека во циклонските бомби досега загинале над 60 лица.

https://republika.mk/vesti/svet/sad-brojot-zaginati-vo-nevremeto-zgolemen-na-63/

The post Последна фотографија на Американка пред смртта: На семејството му испратила порака, па се смрзнала во автомобилот appeared first on Република.

Рекордните снежни врнежи во многу делови на Јапонија предизвикаа смрт на 17 лица, повеќе од 90 повредени, а стотици домаќинства оставија без струја, соопшти Јапонската агенција за управување со пожари и катастрофи.

Од минатата недела, снегот силно паѓа, особено во северните делови на Јапонија, предизвикувајќи голем сообраќаен метеж на автопатите.

Божиќниот викенд донесе уште повеќе снег, а бројот на загинати се искачи на 17, додека 93 лица биле повредени. Во еден момент на северот од земјата поради обилните врнежи од снег без струја останаа околу 20.000 домаќинства.

The post Најмалку 17 загинати и над 90 повредени во рекордните снежни врнежи во Јапонија appeared first on Република.

Силна снежна бура ја погоди американската сојузна држава Њујорк во последните неколку дена. Две лица починале од срцеви компликации додека чистеле отпадоци пред своите домови.

Снежната покривка во градот Бафало на места достигна речиси 2 метри. Властите ги затворија автопатите и воведоа забрана за патување во одредени области.

Откажани се десетици летови. Во расчистувањето на снегот се вклучи и жандармеријата. Ветровите со брзина од околу 70 километри на час придонесоа за условите за замрзнување во регионот на Големите езера.

Денеска се на сила предупредувањата за тешки временски услови за 6 милиони луѓе во четирите северни сојузни држави Мичиген, Охајо, Пенсилванија и Њујорк.

The post Силно снежно невреме го зафати Њујорк, две лица починаа appeared first on Република.

Зимска бура со обилни снежни врнежи зафати делови од државата Њујорк, при што се пријавени најмалку двајца загинати. Во текот на викендот се очекува да се интензивираат проблемите во сообраќајот и снабдувањето со електрична енергија.

Снежната бура од езерото Ири и езерото Онтарио донесе еден до 1,5 метри и повеќе снежни наноси во некои области, а властите пријавија два смртни случаи од срцев удар поврзани со физичкиот напор за отстранување на снегот во погодената област Ири.

Поради ниските температури, првото големо снежно невреме го зафати регионот во четвртокот, но тоа се засили во текот на ноќта во петок. Националната метеоролошка служба прогнозира дека врнежите ќе траат до утре.

До синоќа, метеоролошката служба пријави 1,7 метри снег измерени во Орчард Парк, округот Ири, а вчера попладне имало и наноси од повеќе од еден метар на неколку соседни локации, додека во Бафало, град со 278.000 жители и втор по големина во оваа американска држава, вчера беа измерени 36 сантиметри снег.

Снежни врнежи од вакви размери не се невообичаени за западен Њујорк во ноември, кога релативно топлите води на Големите езера се мешаат со студениот воздух од горните слоеви на атмосферата што се спушта од Арктикот, потсети метеоролошката служба.

The post Најмалку две жртви во снежно невреме во Њујорк appeared first on Република.

Американските метеоролози предупредуваат дека големо снежно невреме ќе ги зафати САД во следните 24 часа, поради што температурите на места ќе бидат и до 30 степени под просекот.

Националната метеоролошка служба (НМС) соопшти дека постои ризик од обилен снег, дожд и силно невреме на територија од сојузната држава Тенеси до Охајо, а во периодот до среда.

Некои градови ќе бидат во поларна арктичка клима во следните 48 часа - соопштија од НМС.

Во известувањето се наведува дека „комбинацијата од снег и леден дожд може да дојде во два брана во одредени региони“, како и дека снежната бура може да предизвика и до 2,5 сантиметри снег на час.

Температурите ќе бидат од 20 до 30 степени под просекот во северноамериканските држави - посочуваат од НМС.

The post САД се подготвува за силно снежно невреме и бран на арктичка клима appeared first on Република.

Во текот на ноќта и утрото Њујорк го зафати снежна бура која целосно го парализираше животот во еден од најголемите градови во светот.

Иако направија се за да се подготват, надлежните сепак ги предупредија граѓаните да избегнуваат да ги напуштаат домовите, додека повеќето административни институции беа затворени.

Сообраќајот се одвива многу отежнато, а температурата се спушти до 8 степени под нулата, додека субјективното чувство е минус 18 степени поради силниот ветер.

Снежната покривка за само еден ден достигна висина од 40 сантиметри. Дури и познатата фонтана во паркот Брајант целосно замрзна, што е глетка која многу ретко се гледа, но доволно говори за размерите на студениот бран што го зафати овој простор.

Улиците се речиси пусти бидејќи повеќето граѓани се двоумат дали да одат некаде по проблемите што се случија при последното слично невреме, кога стотици возила со часови беа заглавени во снегот.

Метеоролозите најавуваат дека врнежите ќе почнат да слабеат во текот на ноќта.

Владите на сојузните држави Мериленд, Масачусетс, Њу Џерси, Њујорк прогласија вонредна состојба, предупредија на можен прекин на електричната енергија и апелираа до граѓаните да не патуваат денеска.

Getting real here in #Gloucester ! #mawx @foxweather @FoxNews #foxweather #noreaster pic.twitter.com/NtsEDzpf8c

— Robert Ray (@RobertRayWx) January 29, 2022

The post Снежно невреме го парализира Њујорк: Пусти улици, воведена вонредна состојба appeared first on Република.

Поради невремето „Елпида“ и снегот што предизвика сериозни проблеми, иако снежната покривка не надминува половина метар, во поширокиот регион на Атина и денешниот ден, исто како и вчера е прогласен за неработен ден.

Оваа одлука важи и за уште пет други грчки региони, меѓу кои и Кикладските острови, Крит и Евија.

Од вчера наутро во Атина запреа обилните врнежи од снег, меѓутоа останаа проблемите.

Повеќе атински населби над 24 часа се без електрична енергија, улиците сè уште не се целосно исчистени, а околу 500 возила и понатаму се наоѓаат на автопатот што ги поврзува атинските предградија, каде што возачите ги оставија откако беа заглавени поради снегот.

Процените се дека на конкретниот автопат биле заглавени околу 4.500 лица и 2.500 возила, а за помош интервенираше и војската, која и рано утрово го чистеше снегот.

За сериозните проблеми што снегот ги создаде во поширокиот дел на Атина, се очекува грчкиот премиер Кирјакос Мицотакис да излезе со став за време на владина седница.

The post Повеќе населби без струја, стотици возила се уште заглавени: Во Атина прогласен втор неработен ден поради снегот appeared first on Република.

Заглавени возачи со часови на улици и булевари, полесно повредени патници на воз, паднати дрва, прекини во снабдувањето со електрична енергија, остави зад себе невремето „Елпида“, снежната бура што од вчера наутро ја зафати областа Атика поширокиот дел на Атина, а денеска, со одлука на грчката Влада е неработен ден за јавниот и приватниот сектор.

Особено тешка беше ситуацијата на автопатот што ги поврзува атинските предградија, каде што стотици автомобили над 12 часа останаа заглавени и синоќа беше активирана војската која во текот на целата ноќ интервенираше за да им помогнат на возачите, а операцијата продолжи и утрово.

https://twitter.com/EUROMILeurope/status/1485900638735192071

Непознат е точниот број на возила заглавени, веројатно се над 1.000, а некои и 20 часа подоцна, сè уште не се отстранети.

Дел од возачите во обид да стигнат на друг начин до нивните домови ги напуштиле возилата, дел биле пренесени во локални хотели за да ја поминат ноќта.

Конкретниот автопат е во сопственост на приватна компанија и министерот за климатска криза и цивилна заштита Христос Стилијанидис изјави дека целата одговорност за хаосот на автопатите ја носи компанијата.

https://twitter.com/antirinfo/status/1485912690941964292

Слични проблеми имаше и на булевари во Атина, со заглавени возила.

Поради снегот, воз што сообраќаше од Атина кон Солун, запре во близина на градот Ливадија, а во обид да биде извлечен, дошло до мал судир со влечната машина поради лизгавите шини, при што најмалку девет лица се здобиле со полесни повреди.

https://twitter.com/Brave_spirit81/status/1485893235050520578

Противпожарната служба на Грција за 24 часа добила 964 повици за помош во поширокиот регион на Атина.

Во седум региони од Грција меѓу кои и Атика, поширокиот регион на Атина, денесшниот ден е прогласен за неработен, ќе останат затворени јавниот и приватниот сектор, а повторно има силна препорака до граѓаните да избегнуваат непотребни движења.

https://twitter.com/daphnetoli/status/1485664259820474369

The post Снегот целосно ја парализира Атина, прогласен неработен ден appeared first on Република.

Поради снежни врнежи во Истанбул, променето е работното време во јавните установи и организации, а прекинати се и меѓународните летови. Влезот на возила во градот во голема мера е запрен, а огромен метеж има на постојките на јавниот превоз.

https://twitter.com/snnyldzTR/status/1485670189899341827

Во Истанбул повремено продолжуваат обилните снежни врнежи. Летовите во градот се главно откажани. Имаше многу сообраќајни несреќи на замрзнатите коловози. Во несреќа во Арнавуткој се судриле 30 возила.

На некои места во градот сообраќајот целосно е запрен. Дел од граѓаните ги оставиле возилата покрај патот и продолжиле пеш.

https://twitter.com/ragipsoylu/status/1485628463734214657

Поради обилни снежни врнежи и неповолни временски услови во Истанбул се затворени сите градинки и дневни центри.

https://twitter.com/ragipsoylu/status/1485692358142443522

Летовите на аеродромот во Истанбул се прекинати до 04:00 часот до 25 јануари, меѓу кои и летовите за Скопје.

https://twitter.com/yhyustun/status/1485614155356901379?ref_src=twsrc%5Etfw%7Ctwcamp%5Etweetembed%7Ctwterm%5E1485614155356901379%7Ctwgr%5E%7Ctwcon%5Es1_&ref_url=https%3A%2F%2Ftelma.com.mk%2F2022%2F01%2F24%2FD181D0BDD0B5D0B6D0BDD0B0-D0B1D183D180D0B0-D0B3D0BE-D0B7D0B0D184D0B0D182D0B8-D0B8D181D182D0B0D0BDD0B1D183D0BB-D0BBD0B5D182D0BED0B2D0B8%2F

Гувернерот на Истанбул Али Јерликаја објави дека работното време на трговските центри е променето поради обилните снежни врнежи.

Поради обилните снежни врнежи и неповолните временски услови во нашиот град, од оваа вечер трговските центри ќе бидат затворени во 19.30 часот. Им благодарам на моите сограѓани за трпението и разбирањето - објави Јерликаја.

https://twitter.com/AliYerlikaya/status/1485612264271093760?ref_src=twsrc%5Etfw%7Ctwcamp%5Etweetembed%7Ctwterm%5E1485612264271093760%7Ctwgr%5E%7Ctwcon%5Es1_&ref_url=https%3A%2F%2Ftelma.com.mk%2F2022%2F01%2F24%2FD181D0BDD0B5D0B6D0BDD0B0-D0B1D183D180D0B0-D0B3D0BE-D0B7D0B0D184D0B0D182D0B8-D0B8D181D182D0B0D0BDD0B1D183D0BB-D0BBD0B5D182D0BED0B2D0B8%2F

Според соопштението на Генералната дирекција за автопати, запрен е целиот сообраќај од Сакарија за возила кои одат кон Истанбул од страна на Анадолија, само сообраќајот на тешки возила од Коџаели и целиот сообраќај од Јалова кон Истанбул и Измир.

Гувернерот на Истанбул најави дека излезите на Есенлер, Харем и сите мобилни автобуски станици се стопирани до утре до 08:00 часот.

https://twitter.com/AliYerlikaya/status/1485620911285936133?ref_src=twsrc%5Etfw%7Ctwcamp%5Etweetembed%7Ctwterm%5E1485620911285936133%7Ctwgr%5E%7Ctwcon%5Es1_&ref_url=https%3A%2F%2Ftelma.com.mk%2F2022%2F01%2F24%2FD181D0BDD0B5D0B6D0BDD0B0-D0B1D183D180D0B0-D0B3D0BE-D0B7D0B0D184D0B0D182D0B8-D0B8D181D182D0B0D0BDD0B1D183D0BB-D0BBD0B5D182D0BED0B2D0B8%2F

The post Снежно невреме во Истанбул: Аеродромот затворен, сообраќајот во целосен колапс appeared first on Република.