Шенген зона Archives - Република

Ќе влезе ли Бугарија во Шенген зоната

Игор Чавески — Tue, 05 Nov 2024 16:17:39 +0000

Австрискиот министер за внатрешни работи Герхард Карнер во Будимпешта ќе се сретне со колеги од Романија и Бугарија за да разговараат за проширувањето на Шенген, соопшти австриското Министерство за внатрешни работи.

Во соопштението од Министерството не се наведува каков ќе биде исходот од состанокот, иако весникот „Клајн Цајтунг“ претходно објави дека на состанокот најверојатно ќе се укине блокадата на Австрија и министрите за внатрешни работи на ЕУ ќе гласаат за проширувањето на Шенген зоната на 12 декември.

Весникот наведува дека средбата ќе се одржи на 22 ноември, а на неа ќе присуствуваат министрите за внатрешни работи Герхард Карнер од Австрија, Каталин Предоју од Романија, Атанас Илков од Бугарија, како и Шандор Пинтер од Унгарија.

На почетокот на годината беше постигнат договор за укинување на граничните контроли за воздушниот сообраќај, но сè уште се контролираат копнените граници

The post Ќе влезе ли Бугарија во Шенген зоната appeared first on Република.

Романија се надева дека ќе влезе во Шенген зоната

Билјана — Sun, 20 Oct 2024 07:03:54 +0000

Романскиот премиер Марсел Чолаку изјави дека е уверен оти неговата земја ќе влезе во Шенген зоната до крајот на годината.

– Како што сите знаете, изборите во Австрија завршија. Сè уште не формирале нова влада. Дозволете ми да ви кажам со 99,9 отсто сигурност дека Романија ќе се приклучи на Шенген оваа година – изјави Чолаку на новинарите.

На крајот на март, Романија и Бугарија делумно се приклучија на безвизната Шенген зона на ЕУ.

Поморските и аеродромските гранични контроли за овие земји се укинати и остануваат само контролите на нивните копнени граници.

За нивното укинување потребна е уште една одлука на Советот на ЕУ, која мора да биде едногласна.

Целосниот влез на Бугарија и Романија во Шенген зоната беше блокиран од Австрија, која стравува од зголемување на бројот на мигранти.

Бугарија и Романија ќе треба да докажат дека ги исполнуваат условите за полноправно членство во Шенген зоната, особено во областа на борбата против илегалната миграција.

The post Романија се надева дека ќе влезе во Шенген зоната appeared first on Република.

Бугарија загуби речиси 650 милиони евра поради одбивањето на приемот во Шенген зоната

Игор Чавески — Tue, 09 Jul 2024 10:27:51 +0000

Како последица на тоа што не беше целосно примена во Шенген зоната, Бугарија годинава загуби околу 648 милиони евра, од кои 423 милиони евра директни загуби и 225 милиони евра изгубени бенефиции, се наведува во извештај на Институтот за економски истражувања при Бугарската академија на науките (БАН).

Податоците во извештајот, изработен за потребите на бугарското Министерство за економија, се попесимистички од прогнозите на Сојузот на меѓународни превозници, кои предвидуваа загуби на годишно ниво од околу 500 милиони евра.

Според бугарскиот министер за економија Петко Николов, секое понатамошно одлагање на приемот на Бугарија во рамноправно членство во Шенген зоната ќе резултира со „поголеми загубени придобивки и за бугарската и за европската економија“.

Од крајот на март годинава на граѓаните на Бугарија и Романија им е овозможено слободно преминување на границите со членките на Шенген зоната само по воздушен и воден пат, додека и натаму се во сила граничните контроли на копнените премини на двете земји кон останатите држави од зоната. Ваквата одлука беше донесена на барање на Австрија, која сметаше дека двете земји не ги исполнуваат целосно условите за прием во Шенген зоната.

Николов оцени дека целосниот прием на Бугарија во Шенген зоната претставува „клучен момент за европската интеграција“, нагласувајќи дека укинувањето на контролите на копнените граници ќе доведе до заштеди од емисиите на јаглерод од транспортот во вредност од 3,75 милиони евра. Според Николов, целосното приклучувањето на земјата кон Шенген зоната ќе ги намали и гужвите на бугарските граници со Романија и Грција и ќе придонесе за зголемување на обемот на трговијата, намалување на трошоците за извозниците, скратување на времето на патување и на испорака, како и поедноставување на административните проверки, што ќе резултира со поголем потенцијал за развој на пограничните области и за помали штетни ефекти по животната средина од камионите кои чекаат на граничните премини.

Николов додаде и дека Софија го оценува како „исклучително позитивен“ фактот што меѓу приоритетите на претседавањето на Унгарија со ЕУ, во втората половина на оваа година, е и полноправното членство на земјата во Шенген зоната.

- Високо ја цениме поддршката на Унгарија за брзо, побрзо и би рекол спасоносно пристапување на Бугарија и Романија во Шенген зоната и се надевам дека до крајот на годината тоа ќе стане реалност, рече Николов.

Меѓутоа, бугарски европратеник Илхан Ќучук смета дека Бугарија најверојатно нема да стане полноправна членка на Шенген во текот на оваа година, имајќи ги предвид парламентарните избори во Австрија закажани за 29 септември

The post Бугарија загуби речиси 650 милиони евра поради одбивањето на приемот во Шенген зоната appeared first on Република.

За една недела Бугарија и Романија влегуваат во Шенген зоната

Александар Арсовски — Sun, 24 Mar 2024 09:18:58 +0000

Бугарија и Романија од 31 март годинава ќе бидат дел од Шенген зоната. На овој начин граѓаните од двете земји ќе можат слободно да се движат меѓу земјите-членки за околу 400 милиони граѓани.

Бугарија и Романија се членки на Европската Унија од 2007 година, а од оваа година и двете земји влегоа во Шенген зоната. Меѓутоа, бидејќи тие претходно не беа дел од безграничната област, патниците сè уште се обврзани да ги покажат своите пасоши при влез.

Патниците кои пристигнуваат по воздушен или морски пат од други земји од Шенген зоната повеќе нема да треба да ги покажуваат своите пасоши по пристигнувањето. Тоа значи дека патниците на летовите, крстарењата и траектите нема да бидат предмет на проверки, со што патувањето ќе биде многу полесно.

Меѓутоа, ако патувате со автомобил или пристигнувате со воз или автобус, сепак, ќе треба да ги покажете вашите документи. Ова е првенствено инсистирање на Австрија, бидејќи правилата со кои се регулираат копнените граници се уште не се воспоставени, објави „Еуроњуз“.

И двете земји, барем засега, нема да ги менуваат постоечките валути во евро, поради што меѓу другото не се очекува скок на цените. Исто така, зголемената конкуренција меѓу земјите би можела да ја спротивстави секоја тенденција за нагло зголемување на цените на најпосетуваните места, бидејќи патниците можат лесно да ги споредуваат цените, хотелите и другите бизниси сакаат да останат конкурентни.

The post За една недела Бугарија и Романија влегуваат во Шенген зоната appeared first on Република.

Бугарија и Романија влегоа во Шенген зоната

Сани — Sat, 23 Mar 2024 10:31:38 +0000

Бугарија и Романија од 31 март годинава ќе бидат дел од Шенген зоната.

На овој начин двете земји ќе можат слободно да се движат меѓу земјите-членки за околу 400 милиони граѓани.

Бугарија и Романија се членки на Европската унија од 2007 година, а од оваа година и двете земји влегоа во Шенген зоната. Меѓутоа, бидејќи тие претходно не биле дел од безграничната област, патниците сè уште се обврзани да ги покажат своите пасоши при влез.

Меѓутоа, ако патувате со автомобил или пристигнувате со воз или автобус, сепак ќе треба да ги покажете вашите документи. Ова е првенствено инсистирање на Австрија, бидејќи правилата со кои се регулираат копнените граници се уште не се воспоставени, пишува Euronews.

И двете земји, барем засега, нема да ги менуваат постоечките валути во евро, поради што меѓу другото не се очекува скок на цените. Исто така, зголемената конкуренција меѓу земјите би можела да ја спротивстави секоја тенденција за нагло зголемување на цените на најпосетуваните места. Бидејќи патниците можат лесно да ги споредуваат цените, хотелите и другите бизниси сакаат да останат конкурентни.

The post Бугарија и Романија влегоа во Шенген зоната appeared first on Република.

Oткако ја укинаа таксата за руски гас: Унгарија ќе дозволи Бугарија да влезе во Шенген зоната

Игор Чавески — Tue, 19 Dec 2023 17:44:57 +0000

Унгарија ќе го повлече својот приговор за пристапување на Бугарија во Шенген зоната, откако бугарскиот парламент официјално го потврди укинувањето на дополнителнителната такса за испораки на руски гас, изјави денеска унгарскиот министер за надворешни работи Петер Сијарто.

„Бев информиран од мојот бугарски колега дека вчера бугарскиот Парламент го укина овој закон“, рече Сијарто во видеото објавено на неговата Фејсбук страница.

Тој додаде дека по објавувањето на законот во петок во бугарскиот „Службен весник“, Унгарија ќе се откаже од приговорот и ќе побара од Европската комисија да ја запре казнената постапка што ја покрена Будимпешта

The post Oткако ја укинаа таксата за руски гас: Унгарија ќе дозволи Бугарија да влезе во Шенген зоната appeared first on Република.

ЕК препорачува: Во Шенген наместо проверки на внатрешните граници – мобилни проверки на територијата на членките

Катерина — Thu, 23 Nov 2023 21:12:05 +0000

Земјите членки на Шенген зоната наместо да воведат проверки на внатрешните граници, треба да им дадат приоритет на мобилните проверки на нивна територија, наведува во препорака Европската комисија.

ЕК денеска испрати препораки до земјите-членки за засилена соработка меѓу земјите-членки во Шенген зоната, откако беше спроведена официјална консултативна процедура од мај до ноември 2023 година со земјите-членки кои повторно ги воведоа граничните контроли и земјите-членки погодени од таквите контроли.

Една од препораките е дека „земјите-членки треба да применуваат систематски проверки на внатрешните граници само во исклучителни ситуации и да им дадат приоритет на мобилните проверки на државната територија и подобро користење на современите технологии. Тие треба да го ограничат влијанието врз протокот на сообраќај и да обезбедат достапност на прекугранични сообраќајни врски“.

Препораките на Комисијата во осум области промовираат примена на алтернативни мерки наместо контрола на внатрешната граница, како и зголемена соработка и размена на информации доколку таа повторно се воведе.

Комисијата наведува дека Шенген, како област без внатрешни гранични контроли, е основата на слободата на движење за повеќе од 425 милиони граѓани на ЕУ и државјани на трети земји кои живеат во ЕУ или дошле да ја посетат. „Повторното воведување на надзорот на државната граница секогаш мора да биде исклучително, строго временски ограничено и како последна мерка во случај да се утврди сериозна закана за јавниот ред или внатрешната безбедност. Во Шенген зоната мора да се гарантира слободно движење на луѓе, стоки и услуги“, наведува Комисијата.

The post ЕК препорачува: Во Шенген наместо проверки на внатрешните граници – мобилни проверки на територијата на членките appeared first on Република.

Од следната година за влез во Шенген зоната ќе ни треба виза која нема да се нарекува виза

Игор Чавески — Thu, 05 Oct 2023 07:15:47 +0000

Македонските граѓани од следната година покрај проблемите со пасошите ќе се соочат и со други административни проблеми за патување во земјите на ЕУ.

Со системот ETIAS сите патници кои немаат пасоши од земјите на ЕУ ќе треба да добијат дозвола за влез во Европската унија, најверојатно ќе се применува од јануари 2024 година.

Европскиот систем за информации и овластување за патување (ETIAS) е планиран, целосно електронски систем за одобрување влез во Европската унија или земјите од Шенген, за патници од земји на кои моментално не им е потребна виза за влез во ЕУ.

Формуларот ќе се пополнува онлајн, а сите апликанти на возраст од 18 до 70 години ќе треба да платат такса од седум евра.

The post Од следната година за влез во Шенген зоната ќе ни треба виза која нема да се нарекува виза appeared first on Република.

Австрија смета дека ветото за Бугарија и Романија во Шенген зоната мора да остане

Nena — Thu, 03 Aug 2023 13:10:03 +0000

Австрискиот министер за внатрешни работи Герхард Карнер изјави дека ветото за пристапување на Бугарија и Романија во Шенген зоната мора да остане за да се одржи граничната контрола на ниво на ЕУ, пренесува mediapool.bg. Студениот туш од Австрија за Софија и Букурешт повторно доаѓа од министерот во австриската влада, кој лани во декември беше главниот глас за наметнувањето на вето за пристапувањето на двете членки на ЕУ во Шенген зоната.

Контролата на границите е дел од успесите, затоа ситуацијата останува непроменета“, изјави министерот Карнер за австриските медиуми, сигнализирајќи дека Австрија размислува да го задржи ветото за влез во Шенген зоната.

Карнер беше еден од архитектите на ветото што им беше поставено во декември 2022 година на Романија и Бугарија. Министерот за внатрешни работи е влијателен член на Народната партија на австрискиот премиер Карл Нехамер, кој исто така го поддржа задржувањето на ветото за време на неговата посета на Бугарија пролетва.

Австрија инсистира на ниво на ЕУ, најпрво да се изгради нова, посигурна гранична ограда долж бугарско-турската граница за спречување на влезот на мигранти, пред да размисли за укинување на своето вето.

Инаку, членството на Бугарија во Шенген зоната лани беше блокирано од Холандија и Австрија, а Романија беше блокирана само од Австрија.

Наспроти австрискиот став за задржување на ветото, Бугарија пак се надева дека ветото за влез Шенген зоната ќе биде укинато оваа година поради спроведените реформи.

The post Австрија смета дека ветото за Бугарија и Романија во Шенген зоната мора да остане appeared first on Република.

Eвропскиот парламент повика Бугарија да влез во Шенген

Игор Чавески — Wed, 12 Jul 2023 12:19:45 +0000

Со 526 гласа „за“, 57 „против“ и 42 воздржани, Европскиот парламент денеска во Стразбур гласаше за поддршка на новиот повик за прием на Бугарија и Романија во Шенген. Ова е вторпат европратениците да инсистираат Советот на ЕУ да постигне едногласност, откако во 2011 година беше објавена подготвеноста на двете земји.

ЕП смета дека непридржувањето на Бугарија и Романија кон Шенген претставува важен социјален и економски товар за компаниите и граѓаните на двете земји; дека сите граѓани на Бугарија и Романија се дискриминирани бидејќи се соочуваат со одложувања, прекумерни бирократски оптоварувања и дополнителни трошоци кога патуваат или работат во странство во споредба со граѓаните на земјите од Шенген; дека ветото за пристапување на Романија и Бугарија во Шенген зоната може да доведе до антиевропски чувства и руска пропаганда во овие земји и до намалување на довербата во ЕУ и нејзините институции; дека проверката на идентитетот ги зголемува трговските трошоци за стоки за приближно 0,4 проценти до 0,9 проценти од вредноста на трговијата на секоја шенгенска граница.

Европската комисија, исто така, го повика Советот на ЕУ без понатамошно одлагање да ги донесе сите неопходни одлуки за Бугарија и Романија да станат полноправни членки на Шенген зоната. Се додава дека годишно се испуштаат 46.000 тони јаглерод диоксид поради проверките на бугарската и романската граница. Се забележува дека Бугарија и Романија пријавиле значителни финансиски загуби во последните 11 години.

ЕП наведува дека недостигот на едногласност во Советот на ЕУ е поврзан со националните политички кампањи, а не со реалните услови за пристапување.

Европратениците ја повикуваат ЕК да ги процени можните прекршувања на договорот за ЕУ и да побараат од Советот на ЕУ да ги исполни своите обврски за лојална соработка.

Според ЕП, неприфаќањето на двете земји доведува до повреда на Повелбата за основните права на ЕУ во однос на правото на човечко достоинство, слобода и безбедност, еднаквост пред законот, заштита на животната средина и слобода на движење. Упатен е повик следното гласање во Советот на ЕУ да биде пред крајот на годината, избегнувајќи ја можноста за злоупотреба на вето.

ЕК е поканета да ги процени финансиските загуби, изгубените придобивки и еколошката штета што ја претрпеа Бугарија и Романија по 2011 година и да предложи опции за финансиска компензација

The post Eвропскиот парламент повика Бугарија да влез во Шенген appeared first on Република.

ЕК: Бугарија и Романија да влезат во Шенген

Александрија — Tue, 16 May 2023 11:59:36 +0000

Европската комисија денеска го претстави новиот извештај за состојбата во Шенген зоната, во кој уште еднаш ја изразува својата поддршка за пристапување на Бугарија и Романија до крајот на годината, пренесува БТА.

Комисијата повторно го повикува Советот на ЕУ да им дозволи на двете земји целосно да се приклучат на Шенген, се наведува во текстот. Веќе пред 12 години, комисијата потврди дека Бугарија и Романија се подготвени да станат целосно дел од просторот без гранични проверки. Во ноември 2022 година, ЕК ја потврди подготвеноста на овие земји да се приклучат. Инспекциите во двете земји минатата есен не само што ги потврдија заклучоците од 2011 година дека Бугарија и Романија ги исполнуваат релевантните услови, туку покажаа дека и двете земји правилно ги спроведуваат најновите промени на правилата на Шенген и се клучни придонесувачи за доброто функционирање на Шенген зоната. ЕК.

Комисијата забележува дека одржувањето на граничните контроли има важни негативни последици за економијата и животната средина, како и за бугарските и романските граѓани и за ЕУ како целина. Зголеменото време на чекање на границите води до долги редици за возила и високи трошоци, намалена конкурентност за бизнисите, нарушување на синџирите на снабдување и намалени приходи за туризмот. Неизвесноста поврзана со доцнењето на границите и бирократијата може да ги одврати странските инвестиции и да ја поткопа економската и социјалната кохезија меѓу земјите на ЕУ, се вели во извештајот. Комисијата наведува бројки кои покажуваат дека контролите на внатрешните граници во ЕУ доведуваат до ослободување на 46.000 тони јаглерод диоксид секоја година.

Комисијата тесно соработува со шведското и претстојното шпанско претседателство со Советот на ЕУ за да подготви одлука за укинување на проверките што е можно поскоро оваа година. Романија и Бугарија постојано делуваа како главни учесници во континуираниот развој на правото на Шенген. Крајно време е ЕУ да ја исполни својата заложба да им даде полноправно членство во Шенген зоната и дополнително да го зајакне европското единство на овој начин, велат од Комисијата.

The post ЕК: Бугарија и Романија да влезат во Шенген appeared first on Република.

Хрватска од денеска нема гранични контроли на летови во рамките на Шенген

Катерина — Sun, 26 Mar 2023 18:40:05 +0000

На 1 јануари Хрватска стана членка на Шенген, со што ги укина контролите на внатрешните копнени и поморски граници.

Примената на шенгенските правила на аеродромите од технички причини беше најавена за 26 март, кога почнува летниот распоред на летови.

Министерството за внатрешни работи соопшти дека денеска девет меѓународни аеродроми во Хрватска започнале со целосна имплементација на шенгенските правила. Тоа се аеродромите во Загреб, Дубровник, Сплит, Задар, Пула, Риека, Осиек, Мали Лошињ и Брач.

Во соопштението на МВР на Хрватска, се нагласува дека од вкупниот број на патници во авиопревозот, во просек 70 отсто ќе бидат патници во Шенген зоната, а 30 отсто надвор од таа зона. Исклучок е аеродромот во Дубровник, каде што бројот на двете групи патници е еднаков.

Од МВР додаваат дека на аеродромите ќе се спроведат сите транзициски планови и ќе се направат сите неопходни инфраструктурни корекции за да се дефинира протокот на патници, односно раздвојување на шенгенските и нешенгенските летови.

The post Хрватска од денеска нема гранични контроли на летови во рамките на Шенген appeared first on Република.

Совет на амбасадори: Воведување дигитални овластувања за патување во Шенген зоната и плаќање влезна такса е сериозен чекор наназад

Катерина — Mon, 23 Jan 2023 19:58:59 +0000

Советот на амбасадори со голема загриженост ги следи најавите кои што доаѓаат од Брисел и од главните градови на земјите–членки на Шенген Зоната за почеток на применување на Европскиот систем за информации и овластувања за патување (ETIAS) од 23 ноември 2023 година за граѓаните на државите од Западниот Балкан,( вклучувајќи ја тука и Македонија), кои што имаат целосна визна либерализација со земјите од шенгенскиот простор.

Визната либерализација претставуваше и претставува клучна придобивка за граѓаните на Македонија во досегашниот процес на европската интеграција.

Слободата на патување отвори неброени можности за личен развој, деловни врски, студиски патувања и друг вид на размена помеѓу жителите на регионот и граѓаните на Европската Унија. Воведувањето на дигитални овластувања за патување во Шенген зоната и плаќањето влезна такса од седум евра по човек е сериозен чекор наназад и повторно подигнување на нови и непотребни бариери кои ќе го нарушат слободниот проток на луѓе помеѓу Европската Унија и земјите – кандидати.

Советот на амбасадори ги поздравува досегашните напори направени од надлежните институции и надлежните владини ресори за спречување на овој непосакуван развој на настаните токму во овој деликатен момент за иднината на континентот.

Совет на Амбасадори, граѓанско и невладино здружение, кандидатскиот статус како и отворениот процес на преговори со ЕУ го сметаме за разумен аргумент за невоведување рестриктивни шенген мерки кон македонските граѓани

Советот на амбасадори повикува на национален консензус околу ова прашање со иницијатива за заеднички регионален настап на земјите од Западниот Балкан во Брисел и во главните градови на Шенген – зоната.

The post Совет на амбасадори: Воведување дигитални овластувања за патување во Шенген зоната и плаќање влезна такса е сериозен чекор наназад appeared first on Република.

Внимавајте ако патувате во Хрватска: Влезот во Шенген зоната создаде километарски гужви на границите

Игор Чавески — Sun, 08 Jan 2023 12:48:37 +0000

Влезот на Хрватска во Шенген зоната создаде километарски гужви на сега надворешните граници на ЕУ со соседите. Патници од Србија и Македонија се жалат дека седат и по десет часови на граница и дека немаат каде да купат ниту вода.

На граничните премини со Србија се чека и до шест часа, а ништо не е подобро при влез во Хрватска од БиХ, каде се чека и до четири часа.

Километарски сообраќаен метеж што се формира на излезот од Загреб Исток се прелеа на автопатиштата околу пладне, а ХАК пишува дека сообраќајот е зголемен на автопатот А2 Загреб-Мацељ во правец на Мацље и на А3 во правец кон Брегана, каде што се формираат редици.

На автопатот А3 Брегана-Липовац кај наплатната рампа Загреб-Исток во правец на Брегана, редот е околу 500 метри, а на автопатот А2 Загреб-Мацељ кај наплатната рампа Тракошчан во правец кон Словенија, редот е околу Долга 800 метри.

Бројните патници кои ги поминаа празниците во земјите околу нас, сега се враќаат на границите каде ги чека шенгенската контрола, но потоа го продолжуваат своето патување без граници кон Европа.

Но, на граничните премини со Србија, Црна Гора и Босна и Херцеговина се создаваат редици при влез во Хрватска, а на некои гранични премини чекањата траат и по неколку часа.

The post Внимавајте ако патувате во Хрватска: Влезот во Шенген зоната создаде километарски гужви на границите appeared first on Република.

Леб, колачи, бисквити, вафли, десет литри гориво: Еве што можете да внесете по влезот на Хрватска во шенген зоната

Игор Чавески — Wed, 04 Jan 2023 11:53:23 +0000

Со влезот на Хрватска во шенген зоната патниците од т.н трети земји . БиХ, Србија, Црна Гора, Албанија и Македонија можат да внесат во земјата до 2 килограми млеко во прав за доенчиња и специјална храна што се користи од здравствени причини и за воведување храна за домашни миленици што се користи од здравствени причини, со условот да не бара складирање во фрижидер пред да се отвори.

Без ограничување или во количина за лична употреба, сите патници можат да внесат во Хрватска леб, колачи, бисквити, вафли и наполитанки, двојно печен леб, тост леб и слични тост производи со помалку од 20% преработени млечни производи и производи од јајца кои се на полица -стабилна на собна температура.

Додатоци во исхраната спакувани за крајниот потрошувач кои содржат мали количини (вкупно помалку од 20%) преработени животински производи може да се увезуваат без ограничување, како и маслинки полнети со риба, тестенини и тестенини, концентрати за супа и засилувачи на вкус.

Што се однесува до горивото, можете да носите до 10 литри гориво идентично со она во вашето возило во канистрите, така што нема транспорт на дизел ако возите бензин.

Воведувањето на готови лекови за лични потреби на патниците е можно во количини потребни за максимум едномесечен третман (со услов да се одобрени од надлежните органи на земјата на производство) и со поседување на соодветни медицинска документација (препис од медицинска историја, лекарска потврда).

The post Леб, колачи, бисквити, вафли, десет литри гориво: Еве што можете да внесете по влезот на Хрватска во шенген зоната appeared first on Република.

Холандија остана на блокадата: Нема шенген зона за Бугарија

Игор Чавески — Thu, 08 Dec 2022 14:32:51 +0000

Хрватска ќе биде полноправна членка на Шенген од 2023 година и ќе ги ужива сите привилегии на безграничната област Бугарија и Романија се блокирани. Ова денеска го решија министрите за внатрешни работи на земјите членки на самитот во Брисел.

Холандија ја поддржа кандидатурата на Романија, но се спротивстави за Бугарија. Австрија реши да ги блокира двете земји.

Хрватска доби едногласна поддршка и ќе се приклучи на Шенген зоната од јануари 2023 година.

Негативниот заклучок, кој наголемо се очекуваше, е болен политички пораз и за Романија и за Бугарија, кои се приклучија на ЕУ шест години пред Хрватска.

The post Холандија остана на блокадата: Нема шенген зона за Бугарија appeared first on Република.

Бугарската Влада подготвена за одмазднички мерки кон Холандија и Австрија за вето за Шенген

Марина — Mon, 05 Dec 2022 12:55:45 +0000

Бугарската Влада е подготвена за одмазднички мерки доколку Холандија и Австрија наметнат вето за влез во Шенген, изјави техничкиот премиер Гулаб Донев по средбата со министрите за внатрешни, за надворешни работи и за правда Иван Демерџиев, Николај Милков и Крум Зарков.

Како што јави дописникот на МИА од Софија, Донев изјавил дека сите мерки ќе бидат насочени и во одбрана на националниот интерес на Бугарија, која никогаш не се залагала за позиции на поделеност и двојни стандарди во однос на која било земја од ЕУ и очекува ист став од другите земји-членки.

Според бугарскиот технички премиер, повеќе од очигледно е дека позициите на премиерот на Холандија и на канцеларот на Австрија се диктирани од внатрешно-политички размислувања, а не од фактички идентификувани недостатоци во спроведувањето на шенгенските правила од страна на Бугарија.

Донев кажа дека има сомнежи за примена на двојни стандарди, особено од страна на Холандија.

Според него, во својата позиција, канцеларот на Австрија ги истакнал недостатоците на Шенген системот во целина, кои во никој случај не се одговорност на бугарската страна, додека премиерот на Холандија прибегнал кон недостојни сугестии, кои во Бугарија малку е веројатно дека наскоро ќе бидат заборавени. Тој потсети и на улогата на тројцата бугарски гранични полицајци кои загинаа чувајќи ја надворешната граница на ЕУ во последните три месеци.

The post Бугарската Влада подготвена за одмазднички мерки кон Холандија и Австрија за вето за Шенген appeared first on Република.

Холандија ќе ја блокира Бугарија за влез во шенген зоната поради корупција и организиран криминал

Билјана — Sat, 03 Dec 2022 07:41:55 +0000

Холандија следната недела ќе го блокира обидот на Бугарија да се приклучи на безвизната Шенген зона на Европската унија. Холандија смета дека е „сè уште прерано“ за влез на Бугарија во Шенген зоната, рече вчера вицепремиерот Вопке Хоекстра по седницата на владата во Хаг и додаде дека холандската влада ќе се согласи со пристапувањето на Романија и Хрватска.

Романија и Бугарија чекаат повеќе од една деценија да бидат пуштени во Шенген. И покрај исполнувањето на сите технички критериуми, тие се соочија со отпор од некои членки бидејќи ЕУ постојано ги критикуваше поради судските реформи и владеењето на правото.

Холандскиот кабинет „ќе ја охрабри бугарската влада да продолжи со реформите и зајакнувањето на владеењето на правото, справувањето со корупцијата и борбата против организираниот криминал“, напиша Хоекстра во посебно писмо до парламентот.

Холандија „ќе побара од бугарската влада да покаже видливи и конкретни резултати, за да може да се увери дека граничните контроли се обезбедени“.

Двете земји се обидоа да добијат позитивно гласање од земјите-членки, заедно со Хрватска, со цел да се приклучат на Шенген на почетокот на следната година, но секоја одлука ќе треба да биде едногласна. Бугарската влада работи на постигнување полноправно членство со гласањето на 8 декември, рече минатата недела бугарскиот заменик-министер за надворешни работи Костадин Коџабашев.

ЕУ треба заедно да гласа за пристапот на Романија и Бугарија и одделно да одлучува за кандидатурата на Хрватска. Холандија побара од ЕУ да го раздвои гласањето за Романија и Бугарија, но барањето беше одбиено.

Гласањето за Бугарија и Романија можеби нема да се одржи бидејќи Австрија во моментов има закана со вето за овие две земји. Австрија се спротивстави на пристапувањето на двете земји поради зголемениот имиграциски притисок во последните месеци. Канцеларот Карл Нехамер треба да разговара за ова прашање со романскиот претседател Клаус Јоханис на состанокот на конзервативните европски лидери викендов во Грција.

The post Холандија ќе ја блокира Бугарија за влез во шенген зоната поради корупција и организиран криминал appeared first on Република.

Холандија ќе ја блокира Бугарија да влезе во Шенген зоната

Катерина — Fri, 02 Dec 2022 21:07:34 +0000

Холандија смета дека е „сè уште прерано“ за влез на Бугарија во областа, изјави денеска вицепремиерот Вопке Хоекстра по состанокот на владата во Хаг. Холандската влада ќе се согласи со пристапувањето на Романија и Хрватска, рече Хоекстра, пренесе Блумберг.

Холандскиот кабинет „ќе ја охрабри бугарската влада да продолжи со реформите и зајакнувањето на владеењето на правото, справувањето со корупцијата и борбата против организираниот криминал“, напиша Хоекстра во посебно писмо до парламентот. Холандија „ќе побара од бугарската влада да покаже видливи и конкретни резултати, за да може да се увери дека граничните контроли се обезбедени“.

Двете земји се обидоа да добијат позитивен глас од земјите-членки, заедно со Хрватска, со цел да се приклучат на Шенген на почетокот на следната година, но секоја одлука ќе треба да биде едногласна.

Бугарската влада работи на постигнување полноправно членство со гласањето на 8 декември, рече бугарскиот заменик-министер за надворешни работи Костадин Коџабашев минатата недела.

ЕУ треба заедно да гласа за пристапот на Романија и Бугарија и одделно да одлучува за кандидатурата на Хрватска. Холандија побара од ЕУ да ги раздвои гласовите на Романија и Бугарија, но барањето беше одбиено, според лице директно вклучено во ова прашање.

Гласањето за Бугарија и Романија можеби нема да се одржи бидејќи Австрија во моментов има закана со вето за овие две земји, рече лицето.

Австрија се спротивстави на пристапувањето на двете земји поради зголемениот имиграциски притисок во последните месеци. Канцеларот Карл Нехамер треба да разговара за ова прашање со романскиот претседател Клаус Јоханис на состанокот на конзервативните европски лидери во Грција во петок и сабота.

The post Холандија ќе ја блокира Бугарија да влезе во Шенген зоната appeared first on Република.

Австрија: Хрватска, Бугарија и Романија не се подготвени за влез во Шенген-зоната

Катерина — Fri, 18 Nov 2022 18:39:25 +0000

Австриското Министерство за внатрешни работи соопшти дека земјата се противи на укинување на проверките на границите на Бугарија, Хрватска и Романија, кои се членки на ЕУ, јави ДПА, повикувајќи се на весникот Курир.

Еврокомесарката за внатрешни работи, Илва Јохансон, неделава и официјално предложи трите земји да се вклучат во безвизната европска Шенген зона, во која нема гранични проверки.

Сега, кога системот на надворешни граници не функционира, не е добро време да се гласа за проширување на Шенген зоната, изјави за весникот Курир австрискиот министер за внатрешни работи, Герхард Карнер, кој доаѓа од конзервативната Австриска народна партија.

Австрија во моментов се соочува со зголемен број бегалци, кои пристигнуваат низ други земји на ЕУ по таканаречената „Балканска маршрута“ за влез во земјава. Според податоците на австриското МВР, од почетокот на годинава до австриската граница стигнале над 90.000 лица. Од нив, 75.000 не биле претходно регистрирани во ниту една друга земја на ЕУ.

Гласањето за пристапување на трите земји во Шенген зоната е закажано за 8 декември. Одлуката мора да биде донесена едногласно.

Во Шенген зоната, која обединува 26 земји, во голема мера нема гранични проверки, а тоа им овозможува на луѓето да патуваат, работат и живеат во друга земја без визи или дозволи.

Бугарија, Романија, Хрватска, Ирска и Кипар се единствените земји од ЕУ кои не се дел од Шенген зоната, додека во зоната се земји кои не се членки на ЕУ, како Исланд, Норвешка, Швајцарија и Лихтенштајн.

The post Австрија: Хрватска, Бугарија и Романија не се подготвени за влез во Шенген-зоната appeared first on Република.