На 25.10.2024 околу 21:30 часот било пријавено дека во стражарска просторија лоцирана во кругот на ОВР Пробиштип, полициски службеник при чистење на службениот пиштол испукал еден куршум при што се повредил во пределот на левата дланка.

Тој бил пренесен во Клиничката болница Штип за укажување на лекарска помош.

Известен е јавен обвинител и извршен бил увид од увидна екипа од ОВР Пробиштип.

The post Полицаец си пукал во рака додека го чистел службениот пиштол appeared first on Република.

На 18.09.2024 во 12.27 часот во СВР Скопје, Д.Д.(50) од с.Бојане, скопско, пријавил дека околу 12.00 часот во неговиот угостителски објект во с.Арнакија, скопско, поради претходна расправија, М.С., му се заканил со пиштол. Увид бил извршен и по целосно документирање на случајот, Единицата за насилен криминал при СВР Скопје ќе поднесе соодветна пријава.

The post Се заканувал со пиштол пред кафеана appeared first on Република.

Во вторникот во 16.17 часот во СВР Скопје, од Комплексот клиники „Мајка Тереза“ било пријавено дека кај нив со повреда бил донесен малолетник од Скопје.

Според пријавеното, тој се здобил со повредата околу 15.00 часот во неговиот дом на подрачјето на Кисела Вода, додека со негов малолетен другар биле во домот, а другарот случајно испукал од воздушен пиштол и го погодил.

Се преземаат мерки за расчистување на случајот.

The post Малолетник застрелан во домот во Кисела Вода – другар му случајно го погодил со воздушен пиштол appeared first on Република.

На 28.07.2024 во 03.00 часот, полициски службеници од полициското одделение во кичевското село Зајас го лишија од слобода Б.У.(46) од кичевското село Бачишта, на привремена работа во Австрија. Тој, претходно, на семејна веселба во истото село неовластено испукал повеќе куршуми од пиштол „Смит и Весон“, сопственост на неговиот татко Р.У.(64) од истото село, кој го поседувал со дозвола. Притоа, Е.Е.(33), М.Р.(57) и една малолетничка, сите од селото Бачишта, кои биле на веселбата, се здобиле со повреди и биле пренесени во Итната медицинска помош во Кичево, каде им биле констатирани тешки телесни повреди. Од Р.У. бил одземен пиштолот и 300 куршуми, кои ги поседувал со дозвола. По целосно документирање на настанот, ОВР Кичево ќе поднесе соодветни пријави.

The post Инцидент во Зајас: Пукал со пиштол на семејна веселба, ранил три лица, меѓу кои и дете appeared first on Република.

Министерот за внатрешни работи, Панче Тошковски соопшти дека ќе се поднесе кривична пријава за „предизвикување на општа опасност“ против лице од Карбинци.

Вчера во 01.50 часот во Штип, полициски службеници од СВР Штип во координација со Одделот за криминалистичка полиција го лишиле од слобода Г.П.(22) од с.Козјак, општина Карбинци, постапувајќи по претходна пријава дека на социјална мрежа биле објавени фотографии на кои едно лице, во урбана средина, држел пиштол во рацете, информираше Тошковски.

По преземени оперативни мерки лицето било пронајдено и приведено, а по извршениот увид на местото кое го посочил биле пронајдени чаури. Во врска со настанот од М.Т.(27) од Штип бил одземен пиштол „Зораки“, кој по наредба на јавен обвинител бил даден на вештачење.
Г.П. бил задржан во полициска станица и во координација со Основното јавно обвинителство Штип, по целосно документирање на случајот против него ќе биде поднесена кривична пријава за „предизвикување на општа опасност, посочи Тошковски.

The post Дваесет и две годишник од Карбинци кривично ќе се гони, објавил фотографија на која едно лице држи пиштол во раце appeared first on Република.

Секторот за внатрешни работи Битола – Отсек за општ криминал при СВР Битола денеска (20.06.2024) поднесе кривична пријава против Г.Т.(42) од Битола поради постоење основи на сомнение за сторено кривично дело „загрозување со опасно орудие при тепачка или караница“, казниво по член 133 од Кривичниот законик. На 18.06.2024 во 22.30 часот на бензинска пумпа во Битола, по претходна расправија со вработените во агенција за обезбедување во објектот, пријавениот им се заканувал со огнено оружје.

The post 42-годишен се заканувал со пиштол на бензинска пумпа во Битола appeared first on Република.

Новинарот Фуркан Салиу денеска е уапсен од скопската полиција, на фудбалски натпревар, пишува порталот НетПрес.

Според „НетПрес“ Салиу бил приведен откако, според првичните информации, наводно нападнал полицаец – припадник на Единицата за брзо распоредување (ЕБР). По инцидентот полицијата извршила претрес на Салиу и на неговото возило, при што нашла еден пиштол во неговиот ранец.

По ова Салиу бил однесен во полициската станица Гази Баба.

The post Кај приведениот новинар Фуркан Салиу е најден пиштол appeared first on Република.

Вчера во 16:45 часот во СВР Тетово пријавено е дека 33-годишен вработен во тетовско основно училиште, на спортско игралиште во кругот на училиштето, пронашол пиштол.

Пиштолот е подигнат за вештачење и се преземаат мерки за расчистување и документирање на случајот, велат од СВР Тетово.

The post Пиштол пронајден во дворот на тетовско основно училиште appeared first on Република.

Денеска во 01 часот полициски службеници од СВР Куманово го лишиле од слобода Д.М.(30) од Свети Николе поради тоа што во Општата болница Куманово агресивно се однесувал кон вработените и носел пиштол.

Како што соопшти МВР, тој бил задржан во полициска станица, пиштолот му бил одземен и по целосно документирање на случајот ќе следи соодветна пријава.

The post Маж ноќва со пиштол се заканувал на вработените во кумановската болница appeared first on Република.

- На Граничниот премин „Меѓународен аеродром Скопје“, вчера во 18.00 часот од оператор на обезбедување при ТАВ Македонија било пријавено дека при рентген контрола на багаж на летот за Цирих, Швајцарија, во еден куфер бил пронајден пиштол.

Полициски службеници, во придружба на рентген операторот, информираа денеска од МВР, извршиле увид и во куферот на И.М.(76) од Гостивар пронашле пиштол „Ekol Jackal Dual“.

- Со И.М. бил извршен разговор, при што таа изјавила дека пиштолот припаѓа на нејзиниот син и заборавила дека е во куферот. Пиштолот бил одземен и по целосно документирање на случајот ќе биде поднесен соодветен поднесок, појаснуваат од МВР

The post Гостиварец сакал преку аеродромот во Скопје да пренесе пиштол во Швајцарија appeared first on Република.

Ученик во осмо одделение во основно училиште во село Прељина во Чачак, Србија денеска со лажен пиштол им се заканувал на соучениците имитирајќи пукање.

Момчето со години ги малтретира другите ученици. Во повеќето случаи децата се плашат од него и не смеат ниту да го пријават ниту да сведочат. Тој беше санкциониран со намалена оценка за поведение, но тоа не влијаело и нема да го засега. Загрижена сум за своето дете и секој ден со страв го праќам на училиште, вели загрижена мајка за РИНА.

Откако се случил овој инцидент, дежурниот полицаец веднаш реагирал и му го одзел лажниот пиштол на момчето, а потоа во училиштето дошла полициската патрола.

Директорот на училиштето Радојло Чоловиќ според тамошните медиуми не сакал да го коментира случајот.

Не даваме изјави за такви работи. Тоа е интерна процедура на училиштето, вие немате врска со тоа. Се најдобро, кратко изјавил Чоловиќ.

Инцидентот се случил во петокот, истиот ден кога едно девојче внело нож во друго основно училиште во Чачак.

The post Момче со лажен пиштол им се заканувало на coучениците appeared first on Република.

Седумгодишник застрела и уби петгодишно дете во дом во источен Кентаки.

Прелиминарната истрага покажа дека пукањето во понеделникот вечерта во домот во Меки било несреќен случај, соопшти денеска државната полиција на Кентаки.

Преземени се мерки за спасување, но судскиот вештак во округот Џексон констатирал смрт на детето на местото на настанот. Според полицијата, истрагата продолжува, а засега не се соопштуваат имињата на инволвираните во инцидентот.

Досега оваа година имало повеќе од 150 ненамерни пукања од деца во САД, што резултирало со најмалку 58 смртни случаи и 101 повреден.

Кентаки нема закон со кој се наметнуваат казни за оние кои нема да обезбедат или оставаат огнено оружје без надзор. Меѓутоа, државата забранува секому „намерно, свесно или непромислено“ да му дава пиштол на малолетно лице, освен ако малолетникот е законски овластен да поседува пиштол.

The post Седумгодишник со пиштол убил петгодишно дете во источен Кентаки appeared first on Република.

Како што пренесуваат босанските медиуми, поранешниот ученик кој отворил оган во основното училиште во Лукавац и во таа прилика тешко ранил работник, пред неколку месеци бил избркан од училиштето поради лошо однесување.

„Аваз“ дознава дека утрово дошол во училиштето со пиштол и го побарал вработениот во училиштето, а потоа пукал.

Според официјалните информации, во престрелката нема повредени деца.

Престрелката се случила околу осум часот утринава. Според информациите на „Аваз“, насилникот е уапсен. Со прострелна рана во пределот на вратот во УЗ Тузла е хоспитализиран ранетиот пациент со иницијали О.Н.

„Пациентот е интубиран, операцијата во моментов е во тек“, велат од болницата.

The post Детали за несреќата во БиХ: Го избркале од училиште поради лошо однесување, се вратил со пиштол appeared first on Република.

На 19.05.2023 година, околу 11.20 часот во двор на основно училиште на подрачје на Чаир, полициски службеници од Полициската станица Чаир лишиле од слобода малолетник од Скопје.

Според пријавеното, тој претходно со закана со пиштол одзел пари од друг малолетен ученик во училиштето.

Со малолетникот бил извршен службен разговор и по целосно документирање на случајот ќе биде поднесена соодветна пријава.

The post Во основно училиште во Чаир, малолетник со закана со пиштол му зел пари на друг малолетник appeared first on Република.

Директорот на одделението за психијатрија во болницата во Лесковац, Србија, Горан Тојага поднесе оставка, откако јавнота остро реагираше на фотографиите на кои тој позира со оружје.

Ги отстранив сите фотографии од мрежите, не се вистински пиштоли. Тоа се фотографии од пред неколку години, рече тој и најави оставка.

Ваквата одлука ја донел по интервенција на министерката за здравство Даница Грујичиќ.

Оставка поднесе и српскиот министер за образование.

Иако поминаа три години откако првата детска амбасада „Меѓаши“ реагираше што лидерот на „Достоинство“ и директор на ЦУК, Стојанче Ангелов, се фали дека го научил да пука десетгодишниот син, денеска тој сè уште е на функцијата.

Ангелов на социјалните мрежи тогаш сподели фотографија на која објасни дека син му испукал пет куршуми, како дел од спортското стрелаштво, со дозвола и поддршка од него како родител.

Она што уште повеќе ја шокираше јавноста беше видеото на кое тој го учи да пука еден од најследените јутјубери од младите во Македонија во тој момент, јутјуберот Џипи. Таму Ангело објави и понуда за бесплатно да обучува деца над 16 години за работа со оружје.

Сакам да направам една специјална понуда заради тебе, луѓе кои што имаат 16 години, кога ќе заврши ова со короната, бесплатна обука со пиштол, само да си ги платат куршумите.

https://youtu.be/TKjXD6yZOv8

Видеото е прегледано над 312 илјади пати.

The post Ангелов кој се пофали дека го научил 10-годишниот син да пука уште е директор, Тојага даде отказ appeared first on Република.

По случувањата изминативе три дена во Србија каде 13 годишен ученик усмрти 8 ученици и чувар на училиштето, а следниот ден 21 годишно момче изврши масакр убивајќи 8 и ранувајќи 14 лица, Македонија ги бележи првите инциденти.

Курир објави дека ученик од скопско основно училиште вчера на училиште дошол со пластичен пиштол кој го вперил кон ученици.

Инцидентот се случил околу пладне, во училиштето кое се наоѓа на територија на Чаир. Потврда за овој настан има и од Министерството за внатрешни работи.

-На 05.05.2023 во просториите на основно училиште на подрачјето на Чаир, Скопје, полициски службеници во присуство на родители, педагог, психолог и директорката на училиштето извршиле службен разговор со малолетник-ученик во училиштето, постапувајќи по претходна пријава од директорката на училиштето дека извадил пластичен пиштол (играчка) и го насочил кон други ученици, а потоа и го предал на неа. Известен е дежурен јавен обвинител за малолетници, велат од МВР за Курир.

Порталот објавува уште еден инцидент кој се случил вчера во средното медицинско училиште „Панче Караѓозов“. Извори за Курир велат дека список со имиња бил забележан во една од паралелките, по што се јавила вознемиреност кај учениците. Во одговорот кој го добиле од МВР, е наведено дека четири средношколки објавиле содржина со закана на социјална мрежа.

-На 05.05.2023 полициски службеници од ПС Центар при СВР Скопје извршиле службен разговор со Е.Р. (18) и три 17-годишни малолетнички, сите ученички во средно училиште во Скопје, на кој присуствувале и нивните родители, по добиена пријава од вработени во училиштето дека ученичките на социјална мрежа постирале содржина со закана кон ученичка во истото училиште и други лица. Известен е јавен обвинител и се преземаат мерки за расчистување на случајот, одговорија од МВР.

The post Ученик од скопско училиште вперил пластичен пиштол кон соученици appeared first on Република.

Полицијата во Обреновац го уапси таткото на малолетниот ученик кој утрово во ОУ „Јефимија“ во Обреновац, Белград извади пластичен пиштол и со него мавташе низ училницата.

Претходно, откако школскиот полицаец го пријавил случајот, полициски службеници го одвеле детето во станица.

https://republika.mk/vesti/balkan/uchenik-so-plastichen-pishtol-deneska-mavtal-niz-uchilnitsa-priveden-e-v-politsija/

Инцидентот се случи утринава кога по едноминутно молчење, со кое започна наставата, наставникот ги оставил децата во училницата неколку минути за да се утврди дали сите деца влегле во нивните училници, односно дали се во ходниците на училиштето за да започне наставата. За тоа време овој ученик извадил пластичен пиштол кој му го покажал на друг. Тој другар му го зел пластичниот пиштол најверојатно со намера да го фрли во канта, но трето момче му го зело и почнало да мавта со него низ училницата, пренесуваат српските медиуми.

Децата кои биле во училницата биле преплашени, известен е класниот раководител како и Центарот за социјална работа, а едно од овие момчиња со својот родител било предадено на припадници на МВР кои веднаш реагирале по повикот. .

Во Србија е прогласена тридневна жалост, а наставата во сите училишта утрово почна со едноминутно молчење, со цел да им се оддаде почит на учениците и на вработените во основното училиште „Владислав Рибникар“ во Врачар.

The post Уапсен таткото на детето што извади пластичен пиштол утрово во училница appeared first on Република.

Покрај убиениот чувар, наставничка и три деца се повредени во пукањето во училиштето во Белград утрово, пренесуваат српските медиуми. Претходно од српското МВР беше потврдено дека уапсен е 14-годишник, ученик во седмо одделение во училиштето „Владислав Рибникар“ на Врачар, населба во Белград.

https://republika.mk/vesti/balkan/14-godishen-uchenik-pukal-vo-uchilishte-vo-belgrad-go-ubil-chuvarot-ima-i-raneti-detsa/

Тој со пиштол кој го зел од татко си oтворил оган утрово околу 8 часот.

Засега не се познати причините зошто.

The post Чуварот убиен, наставничка и три деца повредени откако седмоодделенец пукаше во училиште во Белград appeared first on Република.

Битолското Основно јавно обвинителство издаде наредба за спроведување истражна постапка против едно лице осомничено за разбојништво во две аптеки и обложувалница во Битола.

Осомничениот, на 11.04.2022 година маскиран влегол во аптека на улицата „Солунска“ и на вработената и се заканил со пиштол, туркајќи ја кон магацинскиот простор. Одзел 40.500 денари спакувани во три книжни кеси и избегал. На 16.05.2022 година осомничениот повторно маскиран влегол во обложувалница на улицата „Филип Втори Македонски“ и се упатил кон пултот за наплата. На вработената и се заканил со нож, директно насочувајќи го кон неа и принудувајќи ја да му даде 207.000 денари и 200 евра, се наведува во соопштението од ЈО.

Оттаму дополнуваат дека при последниот настан, на 18.04.2023 година, осомничениот маскиран се заканил со нож на вработена во аптека на улицата „Димитар Илиевски - Мурато“.

Ја натерал да му го отвори сефот и ги одзел хартиените пликови внатре, сметајќи дека одзел пари. Всушност, во пликовите имало сметки и други документи. Осомничениот ја натерал оштетената да влезе во тоалетот, ја затворил внатре и избегал, велат оттаму.

Надлежниот јавен обвинител до судијата на претходна постапка од Основниот суд во Битола доставил предлог за определување мерка притвор за осомниченото лице, бидејќи оценил дека постои опасност од бегство, можност да го повтори делото и да влијае врз сведоците и оштетените. Судијата го прифатил ваквиот предлог и му определил притвор во траење од 30 дена.​​

The post Со нож и пиштол им се заканувал на вработените и го земал прометот: Битолчанец ограбил две аптеки и обложувланица appeared first on Република.

Триесет и едногодишниот Ф.Ш. од тетовски Порој вчера во 16:30 часот во СВР Тетово пријавил дека еден час пред тоа во неговата фабрика во атарот на тетовско Добарце, едно лице физичко го нападнало и му се заканило со огнено оружје.

Напаѓачот со уште три други лица претходно пристигнале во фабриката со возило со скопски регистарски ознаки, а поради одредени деловни недоразбирања.

Се преземаат мерки за расчистување на случајот.

The post Со пиштол му дошол на работа, му се заканувал со уште тројца другари appeared first on Република.