Вчера во 10.30 часот во СВР Скопје било пријавено дека на паркинг простор на ул.„Македонски војски“ во Скопје, патничко возило „мерцедес“ со скопски регистарски ознаки, управувано од А.В.(58) од Скопје, удрило во пешакот Т.Н.(74) од с.Вратница, тетовско.

Во несреќата со тешки телесни повреди се здобила Т.Н. констатирани во Градската општа болница „8 Септември“, соопштија

Извршен бил увид од увидна екипа од СВР Скопје.

The post Жена прегазена на паркинг во Ѓорче appeared first on Република.

Во вторникот во 18.30 часот во СВР Скопје, било пријавено дека на паркинг простор во Скопје, на подрачјето на Карпош, по претходна расправија околу паркинг место, бил нарушен јавниот ред и мир со физичка пресметка помеѓу К.Ј.С.(44) и А.Н.(35), двете од Скопје.

По целосно документирање на случајот ќе следува соодветен поднесок, велат од МВР.

The post Скопјанки се истепале за паркинг appeared first on Република.

Од денеска наместо од 7 до 23 часот, зонското паркирање во Тетово во наредниве 30 денови ќе се наплаќа само до 21 часот, одлучиле општината и јавното претпријатие „Градски паркинг“. Намалувањето на времето за наплата е во знак на почит на иселениците, се вели во образложението на општината.

Сите граѓани сега можат да го користат бесплатниот паркинг после 21 часот. Оваа одлука ќе започне од 15 овој месец до 15 август. Сега е време кога нашите иселеници се на одмор во својата татковина и во знак на почит и чест решивме да го скратиме времето на зонското паркирање за два часа односно два часа повеќе ќе имаме бесплатен паркинг. Исто така, училишните дворови во Тетово сега се бесплатни. Поаѓајќи од овој факт, би било добро возачите да ги паркираат своите автомобили на овие соодветните паркинг места за да се избегне сообраќаен хаос, се вели во објавата од Општина Тетово.

Минатата недела, ЈП „Градски паркинг“ постави летоци на возилата паркирани на булеварите „Илинденска“ и „Благоја Тоска“ ЈП „Градски паркинг“ со барање да не се паркираат и со опомена дека истите ќе бидат отстранети со т.н. „пајак-возило“. Целта е да се ослободи сообраќајот во летниот период, е напишано на летокот.

Презедовме акција автомобилите кои се паркирани паралелно на булеварот „Илинден“ да се отстранат бидејќи го отежнуваат движењето на сообраќајот. Тие можат да се паркираат во училишните дворови, на паркинг места и на затворени паркинзи, појаснуваат од Општина Тетово.

Не се дозволува паркирање на „Илинденска“ од крстосницата со улицата „ЈНА“ кај судот па се до крстосницата со булеварот „Видое Смилевски-Бато“, додека на булевар „Благоја Тоска“ од крстосницата со улица „Борис Кидрич“ до крстосницата со „Браќа Миладинови“ кај текстилно училиште.

The post Од „почит кон иселениците“ зонско паркирање само до 21 часот во Тетово appeared first on Република.

Со почетокот на месец јули, во поширокиот Полошки регион, подрачје кое административно го покрива СВР Тетово, се забележува зголемениот интензитет на враќање на иселениците кои живеат и работат во странство, додека во втората половина од овој и почетокот на идниот месец се очекува нивниот број уште повеќе да се зголемува, поради што редовно се преземаат сите мерки и засилени активности за да се овозможи нормално и непречено одвивање на сообраќајот низ централните подрачја на градовите Тетово и Гостивар, а посебно околу превенирањето
и санкционирањето на погрешното и непрописното паркирање на возилата, велат од СВР Тетово.

Додаваат дека во соработка со локалните самоуправи веќе се отворени дворовите на неколку основни и средни училишта во централните градски подрачја за да се овозможи паркирање на
возилата и да се избегне двојното, односно паралелно паркирање, како и паркирање во зона на раскрсници, на тротоари, пешачки премини и слично.

Потенцираат дека возилата што го попречуваат нормалното одвивање на сообраќајот ќе бидат подигнати до општинските „пајак“ служби кои ќе бидат интензивирани активности и со подолго работно време.

Над 2.500 мерки се изречени во минатите шест месеци во однос на непрописно и погрешно паркирање на возила, а со „пајак служба“ биле подигнати над 1.000 возила кои директно го попречувале нормалното одвивање на сообраќајот, додека за прекршителите се издадени соодветни платни налози и тие ќе се соочат со парични казни предвидени со закон. Секторот за внатрешни работи Тетово, поради веќе дојдените иселеници и очекуваното зголемена фреквенцијата на сообраќајот, апелира до возачите да ги почитуваат правилата и законските прописи во сообраќајот за да се избегнат сериозни последици и застој во сообраќајот, да бидат свесни, да не ги паркираат нивните возила кај што ќе стигнат и да придонесат за нивната безбедност и безбедноста на другите учесници во сообраќајот, велат од СВР Тетово.

The post Иселениците ќе паркираат по училишните дворови, за да се избегне гужвата appeared first on Република.

Ако одите во Дубровник на одмор со вашето возило понесете повеќе пари за паркинг. Од почетокот на месецов во овој хрватски град важат нови цени за паркирање. Дневниот билет за паркирање зависно од зоната оди и до 200 евра, а за еден час паркинг во близина на стариот дел на градот се плаќа 10 евра.

Цените варираат во зависност од зоната и месецот во кој го посетувате овој град. Во нултата зона за еден час паркирање во сезоната (од мај до септември) гостите плаќаат 10 евра. Во првата и третата зона е 1,30 евра, наместо досегашните 0,70 евра. Во втората зона еден час чини 6,60 евра. Повеќечасовен билет до Пила (нулта зона) од 1 мај чини 199,08 евра.

Повеќечасовен билет во првата зона чини 17,25 евра, а во втората 132,70 евра. Пред еден месец беше 53,09 евра.

Во екот на сезоната дневниот билет  чини 199,10 евра, а претходно чинеше 106,20 евра. Во втората зона дневниот билет е 132,70 евра, а во третата 17,30 евра.

The post Нови цени за паркирање во Дубровник: Дневниот билет во зависност од зоната чини и до 200 евра appeared first on Република.

Граѓаните кои планираат да го поминат летувањето покрај црногорското приморје, ќе мора во буџетот да ги планираат и дневните наплати за паркинг место, без разлика што ќе престојуваат во хотел. Истото важи и за плаќањето на лежалки и чадори на плажа, без разлика што таа припаѓа на хотелот. За двете ставки треба да одвоите од 10 до 15 евра дневно, пренесува „Новости“.

За жал, ваквата практика на хотелиерите не е нова, а според директорот на Националната асоцијација на туристички агенции (ЈУТА), Александар Сеничиќ, не се ни крие.

Црна Гора има голем проблем со недостигот на паркинг места во текот на сезоната. Конкретно, на Словенска плажа во Будва одамна е актуелно плаќањето паркинг место, бидејќи има 400 соби, а хотелите користат дел од јавниот паркинг. Тие закупуваат само по дваесетина места за гостите, објаснува тој.

Според Сеничиќ, тоа е пракса секаде во светот, иако туристите сметаат дека паркингот на повеќе места е вклучен во цената.

Патниците често се изненадени, но во општите услови хотелот наведува што е вклучено во цената. Како одговорен купувач, туристот треба да ја прочита програмата пред да склучи договор со агенцијата, смета Сеничиќ.

Кога станува збор за користењето на лежалки и чадори, хотелиерите повторно мораат да изнајмат дел од плажата поради пребукирање. А, според Сеничиќ, за да ги вратат вложените пари - ќе ги бараат од туристите.

За 110 евра дневно колку што го плаќам хотелот, очекував барем бесплатно и да не го носам паричникот на плажа за да платам лежалки, се пожали Маја С, жителка на Белград.

Таа непријатно се изненадила кога сфатила дека и покрај „ол инклузив“ пакетот во еден од луксузните хотели во Будва, во него не е вклучен паркингот или бесплатно користење на лежалки на плажа.

The post „На 110 евра дневно и за ова ли треба да плаќам?“: Туристите во Црна Гора се жалат на скапотијата appeared first on Република.

По повод Македонските претседателски и парламентарни избори, од ЈП Паркинзи на општина Центар известуваат дека денеска паркиралиштата со кои стопанисува јавното претпријатие ќе бидат без наплата за сите граѓани.

Дирекцијата на ЈП Паркинзи на Општина Центар во катната гаража „Судска палата“ нема да работи, а сите услуги можат да се користат електронски на www.poc.mk.

Редовната наплата за паркирање на паркиралиштата и работењето на дирекцијата ќе продолжат од утре со вообичаено работно време.

The post Паркингот во Центар денеска е бесплатен appeared first on Република.

Паркинг простор во близина на Вонделпарк, најголемата зелена површина во Амстердам, се продава за речиси половина милион евра, што е шокантна цена дури и за Холандија, каде што цените енормно се зголемија поради тешката станбена криза.

Местото ставено на оглас за 495.000 евра е со површина од 18 квадратни метри и, според агенцијата за недвижности „J. Heule“, се наоѓа во затворен комплекс и „на најпознатата и ексклузивна шопинг улица во Холандија“. Исто така може да се изнајми за 750 евра месечно.

Огласот ја шокираше Холандија, која е погодена од тешка станбена криза. Бараната цена на паркингот е повисока од просечната цена на стан во Холандија, која според извештајот објавен на крајот на 2023 година изнесува 430.000 евра.

Покрај скокот на цените, холандски РТЛ истакнува дека во Холандија се затворени многу паркинзи во центрите на градовите за да бидат помалку атрактивни за автомобилите.

The post Станбена криза во Холандија зема замав: Паркинг простор во Амстердам достигна 495.000 евра appeared first on Република.

Во срцето на мадридскиот кварт Шамбери соседи здружно се кренале против комшијата кој неговиот автомобил секогаш го паркирал на заедничката површина во подземниот паркинг. Иако тој тврдел дека негово право е да се паркира таму секој ден, Советот на станари постојано го предупредувал на спротивното - тоа е простор наменет за заедницата.

Кога не се разбрале со зборови, соседите се решиле за подрастични мерки - преку ноќ да го заѕидаат тој дел од просторот, со се автомобилот внатре.

На снимката објавена на социјалните мрежи се гледа сопственикот кој со помош на чекан го руши ѕидот изграден преку ноќ за да го „ослободи“ неговото БМВ.

@telemadridoficial🚘 Un vecino de Marqués de Lema número 7, en Chamberí, se ha encontrado su coche emparedado♬ sonido original - TelemadridOficial

The post Соседите преку ноќ му го заѕидале „БМВ-то“, паркирал кај што не треба appeared first on Република.

Вчера во 14.00 часот во СВР Скопје било пријавено дека на паркинг простор на ул.„Бранислав Нушиќ“ во Скопје, патничко возило „форд“ со скопски регистарски ознаки, управувано од Г.Г.(45) од Скопје удрило во пешакот Ц.Н.(75) од Скопје.

Во несреќата со тешки телесни повреди се здобила Ц.Н. констатирани во Комплекс клиники „Мајка Тереза“.

Извршен бил увид од увидна екипа од СВР Скопје.

The post Жена прегазена на паркинг во Карпош 1 appeared first on Република.

АД за стопанисување со станбен и деловен простор почна со наплата на паркирањето околу стадионот „Тодор Проески“ во Скопје. Од пред една недела со рампи е заграден просторот околу стадионот кој досега беше слободен за паркирање.

Според ценовникот, еден час паркирање чини 50 денари, а има 260 паркинг места. Се издаваат и месечни паркинг карти, кои за физички лица чинат 2.500, а за правни 3.000 денари.

На улицата околу стадионот наплата за паркирање врши и ЈП „Паркинзи Општина Центар“. Во септември, на улицата се воведе еднонасочен режим на сообраќај и беа обележани паркинг места. Еден час паркирање чини 50 денари.

The post Укинат бесплатниот паркинг околу Стадионот appeared first on Република.

Од 1 јануари поскапува паркингот на Меѓународниот аеродром Скопје.

Како што информира концесионерот „ТАВ Македонија“, остануваат истите цени од 100 денари за еден час, 150 денари за два часа и 200 денари за три часа. Затоа, пак, за 50 денари поскапува паркирање на аеродромот за три до четири часа, односно наместо 250 ќе чини 300 денари, 400 денари ќе биде паркирање од 4-6 часа, 500 денари од 6-8 часа, а 1.000 наместо 850 денари од 8-24 часа.

За 1.000 денари поскапува паркирањето на неколку дена, па така од три до пет дена паркирањето ќе чини 3.500 денари, од пет до седум дена 4.500 денари, а за секој нареден ден ќе се плаќа по 400 денари.

И понатаму останува бесплатно паркирање од 10 минути пред терминалната зграда, каде е овозможено кратко застанување за испраќање и пречекување патници. Доколку возилото се задржи повеќе од 10 минути се плаќа билет од 500 денари.

На Меѓународниот аеродром Скопје има 1.200 обележани места за паркирање автомобили и 6 обележани места за автобуси. Плаќањето за паркинг услугите се врши преку автоматски машини.

The post Од денеска поскап паркингот на скопскиот аеродром appeared first on Република.

Од 1 јануари поскапува паркингот на Меѓународниот аеродром во Скопје.

Како што е објавено на официјалната веб-страница на аеродромот „Скопје“, остануваат истите цени од 100 денари за еден час, 150 денари за два часа и 200 денари за три часа.

Поскапување за 50 денари има за паркирање на аеродромот над три часа, односно од 250 на 300 денари, 400 денари ќе биде паркирање од 4 до 6 часа, 500 денари од 6 до 8 часа, а 1.000 денари место 850 денари од 8-24 часа.

За 1.000 денари поскапува паркирањето на неколку дена. Од три до пет дена паркирањето ќе чини 3.500 денари, од пет до седум дена 4.500 денари, а за секој нареден ден ќе се плаќа по 400 денари.

И понатаму останува бесплатно паркирање од 10 минути пред терминалната зграда, каде е овозможено кратко застанување за испраќање и пречекување патници. Доколку возилото се задржи повеќе од 10 минути се плаќа билет од 500 денари.

На Меѓународниот аеродром во Скопје има 1.200 обележани места за паркирање автомобили и шест обележани места за автобуси. Има вкупно 20 паркинг-места за лица со попреченост, каде користењето на паркингот е бесплатно во рок од 24 часа.

Плаќањето за паркинг услугите се врши преку автоматски машини.

The post Од 1 јануари поскапува паркингот на скопскиот аеродром appeared first on Република.

На 1 и 8 јануари, односно Нова година и прв ден Божик, на јавните површини наменети за паркирање (зонско) со кои стопанисува ЈП „Градски паркинг“ – Скопје, т.е. на зоните А, Б, Ц и Д, нема да се врши наплата, известуваат од јавното претпријатие.

Од ЈП „Градски паркинг“ – Скопје нагласуваат дека редовна наплата ќе се врши на следните паркиралишта:

- Зона А0- Водно,

- Катни гаражи: „Беко“ и „26ти Јули“ и

- Јавните паркиралишта: Кочо Рацин, Треска, Градска Болница, Нова Македонија, АМСМ, Народен фронт и клинички центар Мајка Тереза.

ЈП „Градски паркинг“ - Скопје на сите граѓани им ги честита новогодишните празници со желби за добро здравје, мир и благосостојба.

The post На 1 и 8 јануари бесплатно паркирање во Скопје во зоните А, Б, Ц и Д appeared first on Република.

Неформалната група „На Точак“ сподели информација за „чудо“ што се појавило во Тафталиџе. Станува збор за велосипедска патека на улицата „Лондонска“ која се протега помеѓу булеварот „Партизански одреди“ и улицата „Митрополит Теодосиј Гологанов“.

„Лондонска“ е една од најфреквентните улици во овој дел од Карпош, а велосипедската патека беше ветувана десетина години. По улицата се движат ученици од околните основни и средни училишта, луѓе кои пазарат на зелениот пазар во Тафталиџе или трите околни трговски центри, студентите кои живеат во студентскиот дом Гоце Делчев и илјадниците жители во околните згради и куќи.

Но, како што велат од „На точак“, за жал лошата изведба на столпчињата кои се ставени на преголемо растојание придонесоа „чудото“ да трае само 24 часа, па вчера целата велосипедска патека беше окупирана со неправилно и непрописно паркирани возила.

The post Се појави „чудо“ во Тафталиџе – траеше само 24 часа appeared first on Република.

Во близина на Поликлиниката „Бит-пазар“ во Скопје денеска полициски службеници од Единицата за економски и компјутерски криминал при СВР Скопје, Државниот пазарен инспекторат и Управата за јавни приходи извршија контрола поради постоење основи на сомнение за сторени кривични дела „узурпација на недвижности“ и „бесправно градење“.

Како што соопшти МВР, на местото се затекнати две лица, кои незаконски наплатувале паркинг услуги. По документирање на случаите, ќе следат соодветни поднесоци до ОЈО Скопје.

The post Фатени две лица што наплаќале паркинг кај Бит-пазар appeared first on Република.

По повод 11 Октомври - Денот на народното востание, денеска во Скопје јавните паркиралишта ЗОИЛ, Тутунски комбинат и 8 Септември, ќе бидат слободни за паркирање, односно нема да се врши наплата.

Како што соопштија од ЈП „Градски Паркинг“ - Скопје, јавните површини наменети за паркирање (зонските паркиралишта), исто така ќе бидат слободни за паркирање, освен зона А0 (Водно), каде што продолжува со редовно работно време 09:00 - 16:00 часот, додека, пак, јавните паркиралишта: Дом на печат, Народен фронт, АМСМ, Кочо Рацин, Градска болница, Клинички центар „Мајка Тереза“, Треска, како и катните гаражи „Беко“ и „26 Јули“, ќе работат со редовно работно време од 00:00 до 24:00 часот.

ЈП „Градски паркинг“ – Скопје, на сите граѓани им го честита 11 Октомври.

The post Сите паркинзи во Скопје денеска се бесплатни освен тој на Средно Водно appeared first on Република.

Во групата Live from Greece, во која туристи од цел Балкан ги споделуваат своите искуства со летувањето во Грција, Србинка објави дека во вторникот им бил украден автомобилот во Солун.

Сакам да ги предупредам луѓето да не оставаат автомобили во Солун во продавницата Џамбо во близина на автопатот и Лидл без надзор. Ни го украдоа автомобилот со сите работи во вторникот на паркингот во продавницата Џамбо. Се јавивме во полиција и пријавивме, дојдоа но се уште нема информации, се јавивме и во амбасада и конзулат, пријавивме но не можеа да помогнат. Среќа што ги имавме нашите пасоши со нас. Во Србија дојдовме со комби превоз живи и здрави, што го најдовме на Интернет. Со нас имаше и деца, вели членката на групата.

The post Не го оставајте автомобилот на паркинзите кај „Џамбо“ и „Лидл“, нè ограбија appeared first on Република.

Вчера се случила тепачка меѓу две лица на паркингот пред Меѓународниот аеродром Скопје.

На 31.05.2023 во 14.30 часот во СВР Скопје, В.В.(44) од Скопје пријавил дека околу 14.00 часот на паркинг во склоп на Меѓународен аеродром Скопје, по претходно недоразбирање, бил физички нападнат од А.Н.(41) од Скопје, информира МВР.

По целосно документирање на случајот ќе следува соодветен поднесок.

The post Тепачка на паркингот пред Меѓународниот аеродром Скопје appeared first on Република.

Ноќва во 02.00 часот, полициски службеници од СВР Куманово го лишиле од слобода Д.А.(25) од Куманово.

Тој бил затекнат на булеварот „Трета македонска ударна бригада“ како врши оштетување на паркирано патничко возило, велат од МВР.

Додаваат дека по целосно документирање на случајот против Д.А. ќе следува соодветна пријава.

The post Кумановец фатен на дело како крши паркирано возило appeared first on Република.