Докторот и советник во Град Скопје, Никола Пановски, на социјалните мрежи реагира дека изчезначе 29 нови клупи поставени на кејот на Вардар.

Исчезнатите 29 нови клупи на кејот на Вардар во Градскиот Парк, голема мистерија!, пишува Пановски.

Во продолжение реакцијата на д-р Пановски во целост.

На 14.02. годинава мојот другар Николовски Теофил Тофо преку пост информираше дека недостасуваат клупи поставени лани летото. Имаше слика и од една клупа фрлена во Вардар. На 22.02. Претседателот на Советот на Град Скопје, Трајко Славевски лично проверил дека недостасуваат 29 клупи, па побара информација од службите на Градот и од ЈП Паркови и зеленило, поставувајќи ја оваа информација како прва точка на седницата на Советот закажана за 29.02.2024. Помина недела, почна седницата, на која НЕМАШЕ ни писмена ни усна информација. Градоначалничката ја немаше, секретар не е назначен, директорот на ЈП не дојде, сите останати присутни од градската администрација молчеа.

Во мојата дискусија ги предупредив одговорните во градот, а особено во ЈП Паркови и зеленило, дека прикривање на кривично дело (претпоставувам дека е кражба), е исто така кривично дело. На 29.02. Советот едногласно донесе одлука да побара од Градот и ЈП информација за клупите. Денес добив покана за 45седница на Советот закажана за 14.03.2024, со 32 точки на дневен ред. Информација за исчезнатите клупи НЕМА!!!

Претходно пишував за неодржување на седници за советнички прашања. Вакво игнорирање на граѓаните кои бараат одговор "Каде се клупите, како украле 29 клупи без никој да не ги види, ниту да пријави", преку нас советниците е невидена неодговорност. Кои им забрани на вработените да даваат изјави? Па клупите се на сите нас.

Подолу, првата слика, новите клупи.

Четвртата слика, старите клупи од ковано железо, вкопани длабоко во патеката, кои не можеа да се извадат, па се сечени долу кај ногарките за да се отстранат, па место да им ја сменат дрвенаријата, набавиле нови и ги прицврстиле со типли и штрафови од 10 см, кои двајца 'рмпалии за 5 секунди ги откорнуваат и товарат на возило..

Сликата долу лево, клупата ја нема, на патчето лево се товарани во возило, сликата долу во средина, вират штрафовите од откорнатата клупа.

На потезот од стадионот па се до мостот кај А.Палас недостасуваат 29 клупи, пред се на места каде има достапност со возило и не фаќаат камерите од „Калето“, значи како одите од стадион кон А.Палас ги има се поретко. Останати се клупи блиску до стадионот и кај кајакарскиот клуб, каде што нема пристап за возило.

Ги повикувм медиумите да побараат информации од јавен интерес согласно Законот.
На седницата на 29.02. советниците на ВМРО ДПМНЕ и коалицијата не гласаа да се примат донации во износ од 60.000 евра, од УНДП за институции од културата, единствено за инает на нивната како што ја нарекуваа „топ менаџерка во Европа“. Не гласаат за ништо што таа го предлага, па ни за донации. Со тешки маки, по барање за поединечно гласање, се засрамија или освестија пет, шест лица од нив, па некако донациите ги примивме, инаку ќе пропаднеа!!!

Ги повикувам граѓаните да побараат нови избори за градоначалник на 24.04. и за советници на Град Скопје, на 08.05.2024. Не е по Закон? Ок тогаш законски да си го изгубиме градот.
Клупиве се ситница, има многу покрупни проблеми, но ако за клупиве немаме месец дена информација, мислам дека е се јасно колку е страшно.

The post Исчезнати 29 нови клупи на кејот на Вардар во Градскиот Парк appeared first on Република.

Врвниот микробиолог, д-р Никола Пановски, во гостување на Канал 5, изјави дека скандалот на Онкологија нанесува голема штета на македонското здравство, а граѓаните ја загубија довербата, која може да се поврати само ако целосно се расветли случајот и има одговорност.

МВР и ОЈО требаше порано да влезат на онкологија бидејќи подолг период има информации за злоупотреби за кои известуваа и дел од медиумите. Има елементи кои укажуваат дека повеќе лица биле вмешани во скандалот. Тоа не би било возможно без знаење на надлежните на клиниката, финансии и сметководство, смета д-р Пановски.

Според него, лошата ситуација во македонското здравство е резултат, пред сè, на партизацијата.

Партиското поставување директори на клиники е сериозен проблем и дополнително придонесува за ваквите лоши состојби. Се поставуваат целосно несоодветни кадри, со несоодветни струки за директори на клиники. Потребен е целосен ремонт и департизација, но притоа мора да се има предвид дека тоа нема да биде возможно без жртви, вели д-р Пановски.

The post Пановски: МВР и ОЈО требаше одамна да влезат во Онкологија appeared first on Република.

Скандалот на Онкологија нанесе голема штета на македонското здравство, граѓаните ја загубија довербата, која може да се поврати само ако целосно се расветли случајот и има одговорност – рече во гостување на Канал 5 врвниот микробиолог д-р Никола Пановски.

– МВР и ОЈО требаше порано да влезат на онкологија бидејќи подолг период има информации за злоупотреби за кои известуваа и дел од медиумите. Има елементи кои укажуваат дека повеќе лица биле вмешани во скандалот. Тоа не би било возможно без знаење на надлежните на клиниката, финансии и сметководство – смета д-р Пановски.

Според него, лошата ситуација во македонското здравство е резултат, пред сè, на партизацијата.

– Партиското поставување на директори на клиники е сериозен проблем и дополнително придонесува за ваквите лоши состојби. Се поставуваат целосно несоодветни кадри, со несоодветни струки за директори на клиники. Потребен е целосен ремонт и департизација, но притоа мора да се има предвид дека тоа нема да биде возможно без жртви – рече Пановски, одговатррајќи на прашање за можноста да се подобрат состојбите во македонското здравство.

The post Пановски: МВР и ОЈО требаше одамна да влезат во Онкологија appeared first on Република.

По отворената предистражната постапка на Јавното обвинителство околу написите дека онколошката терапија наменета за пациенти на Универзитетската клиника за радиотерапија и онкологија се препродавала на црниот пазар, докторот Никола Пановски во утринската емисија за Телевизија 24 вели дека тешко ќе биде да се докаже како, односно дали биле користени скапите ампули.

„Најнехуман тип на кражба е, полошо е само кога има војни и концентрациони логори. Дури и Менгеле во своите експерименти може направил нешто за цивилизацијата. Каде завршила една ампула од 4.000 евра тешко може да се открие, треба да се открие зошто е тргнат системот. По овој притисок претпоставувам дека никој не се плаши да каже од вработените, да бидат вклучени како заштитен сведок. Не е лесна постапката гледано од страна“, смета професорот.

The post Пановски: Тешко ќе се докажe што се случувало на Онкологија appeared first on Република.

Случајот е пријавен пред повеќе од десет месеци, но досега никој од надлежните институции не се потруди ништо да направи. Никој не откри која е фирмата која седи во позадина, иако на телефон се јавувале локални оператори од Македонија. Тоа значи, дека се уште чекам“, изјави кардиологот Сашко Кедев кој пред неколку месци се најде на листата на злоупотребени за побрза заработувачка.

На непознат портал беше објавено интервју, наводно со него, во кое тој промовира лек за прочистување на вени.

Тој лани, при средината на мај, случајот го пријавил во Министерството за внатрешни работи, но како што вели од таму се уште нема повратни информации, објави Фокус.

„За  Сашко Кедев известено е Основното јавно обвинителство за веб страните што биле посочени. Страните повеќе не постојат и се чекаат насоки од ОЈО за постапување“, тврдат од МВР за „Фокус“.

На непознат портал беше објавено интервју, наводно со него, во кое тој промовира лек за прочистување на вени. Интервјуто беше јавно достапно, а поголемиот дел од граѓаните можеа да прочитаат и да се излажат да порачаат лек, кој докторот Кедев воопшто не го рекламира.

И микробилогот проф. д-р Никола Пановски е жртва на интернет реклама и демантира дека рекламира чај за паразити, лек или лековито средство.

Тој е револтиран од институциите во држвата што со години не преземаат ништо против лажните реклами во интернет просторот.

Не рекламирам ни чај за паразити, ниту некогаш ќе рекламирам некој лек или лековито средства, вели д-р Пановски.

https://republika.mk/vesti/makedonija/d-r-nikola-panovski-zrtva-na-internet-reklama-ne-reklamiram-chaj-za-paraziti-aram-da-vi-e-platata-mvr-ujp-malmed/

The post Кедев: Повеќе од 10 месеци надлежните институции не открија кој ми го злоупотреби името appeared first on Република.

Професорот д-р Никола Пановски, јавно реагира дека огласите што се појавуваат на интернет и на социјалните мрежи, а во кои се вели дека тој промовира одредени производи се лажни.

Д-р Пановски истакнува дека реагирал до надлежните, но дека тоа не донело резултат.

Драги пријатели, една молба до сите вас! Ве молам споделувајте го овој пост со мојов текст кои следи:

 

АКО ВИДИТЕ РЕКЛАМА, ТЕКСТ, ФОТО, ИНТЕРВЈУ СО МЕНЕ НИКОЛА ПАНОВСКИ ЗА БИЛО КАКОВ ПРОИЗВОД, ЧАЈ, ЛЕК ИТН. ЗНАЈТЕ ДЕКА Е ЛАГА, НЕ КУПУВАЈТЕ ВЕ МОЛАМ!!!

 

Минаа 5 дена од кога реагирав овде со пост, на вести на Телма, Сител, откога пријавив во МВР, а нови реклами излегуваат секој ден.

 

Ве молам помогнете со тоа што ќе ја разоткриеме оваа лага и криминал, сите нека разберат, друг начин не знам.

 

СПОДЕЛЕТЕ!!! Ви благодарам, апелира д-р Пановски.

The post Д-р Пановски апелира: Ако видите реклама со мене за каков било производ, не купувајте – ЛАГА е!! appeared first on Република.

Микробилогот проф. д-р Никола Пановски на својот профил на фејсбук објави дека е жртва на интернет реклама и демантира дека рекламира чај за паразити, лек или лековито средство.

Тој е револтиран од институциите во држвата што со години не преземаат ништо против лажните реклами во интернет просторот.

Не рекламирам ни чај за паразити, ниту некогаш ќе рекламирам некој лек или лековито средства, вели д-р Пановски.

Тој во статусот на фејсбук објаснува дека на интернет се видел со слика и со текст.

Еве и мене ми дојде редот. Се видов со слика и текст. И до сега сум реагирал за да ги заштитам моите колеги. Група хохштаплери и криминалци од најдолен вид, со години, преку социјалните мрежи злоупотребуваат угледни доктори, професори, дел постојат, дел се измислени. Неовластено користат нивни фотографии, нивното име и титула, постираат нешто што тие не го кажале, па потоа продолжуваат со измислени пациенти, како тоа средство им помогнало итн. На крајот производот го продаваат онлајн, за висока цена. Неовластено се богатат злоупотребувајќи го нашиот углед стекнат со децении. Јавно лажат!, пишува д-р Пановски.

Тој објаснува дека овој тренд трае со години, а институциите во државата не мрдаат со прст да ги казнат.

Ова трае со години, на очиглед на десетина институции кои ние ги плаќаме да не заштитат: пациентите од лажни и непроверени производи, нас како стручни лица, злоупотребени на најдрзок начин. Ги прашувам зошто постојат, арам да ви е платата што ја примате: Агенција за аудиовизуелни медиуми, Агенција за заштита на лични податоци, Агенција за заштита од дискриминација, Антикорупциска комисија, УЈП,МАЛМЕД, Министерство за здравство, Обвинителство, Народен правобранител, МВР. Господине Оливер Спасовски, под итно уапсете ги овие криминалци, што е проблемот? Прекршуваат јавно, секој ден, десетици закони, се ви е на тацна, спасете си го угледот ваш и на Владата, заштите не нас и пациентите!, пишува д-р Пановски.

The post Д-р Никола Пановски жртва на интернет реклама: Не рекламирам чај за паразити, арам да ви е платата МВР, УЈП, МАЛМЕД appeared first on Република.

Професорот Никола Пановски кој е советник во Советот на град Скопје од редовите на ЛДП, преку коментар на социјалната мрежа Фејсбук вели дека Арсовска не ги почитува советниците како и граѓаните на градот Скопје.

Тој во коментарот вели дека Арсовска доцнела на седницата, а потоа седнала во задниот ред во галеријата, споредувајќи како премиерот да седне во галеријата во Собранието при пратенички прашања.

Пишува дека 10 месеци се случува истото ова, а локалната власт конечно сфатила каква личност им подметнала на граѓаните.

The post Пановски: Арсовска покажа некултура, омаловажување и непочитување и си замина среде Совет, после прашање на советник appeared first on Република.

Никаква средба не сме имале со градоначалничката Арсовска во смисла на работењето на градот, истакна Никола Пановски советник во Град Скопје, во вечерашното гостување во емисијата „24 Анализа“ на Телевизија 24.

„Состојбата за мене како највозрасен член на Советот е неразбирлива, јас стварно не разбирам што се случува овие 3 дена, бидејќи на самиот совет немало расправии и дебата да се отвори за ова претпријатие дека се има проблем или да викне советници, па да побара поддршка таа или директорот да побара дека има проблеми па да расчистиме“, рече Пановски.

Пановски посочи дека имало квартални, полгодишни извештаи каде мнозинството фалеше еве како треба да се работи, дека феноменално се работи и се заштедиле пари. Тромесечните, шестмесечните извештаи на јавните претпријатија беа пофалени, имаше критики од опозицијата, но меѓутоа навистина како да имаме ренесанса во тие претпријатија.

„Градоначалничката тоа го слуша или го чита и не реагира, администрација во градот не реагира дека тоа не е така и одеднаш сега по двајца на ден од јавни претпријатија се разрешуваат заради неработење“, посочи Пановски.

Пановски го разбира директорот на водовод зошто не постапил по нејзини барања, тој образложи, но од неа не знае зошто нема одговор дали тоа е така или не е така. Тој е сосема затечен и ова за граѓаните не е добро, не беше идеално и пред тоа меѓутоа ова што се случува овие 3 дена ме загрижува.

The post Пановски: Го разбирам Перински за реакцијата, јавните претпријатија доживеаја ренесанса во последните 6 месеци appeared first on Република.

Никаква средба не сме имале со градоначалничката Арсовска во смисла на работењето на градот, истакна Никола Пановски советник во Град Скопје, во вечерашното гостување во емисијата „24 Анализа“ на Телевизија 24.

Состојбата за мене како највозрасен член на Советот е неразбирлива, јас стварно не разбирам што се случува овие 3 дена, бидејќи на самиот совет немало расправии и дебата да се отвори за ова претпријатие дека се има проблем или да викне советници па да побара поддршка таа или директорот да побара дека има проблеми па да расчистиме - рече Пановски.

Пановски посочи дека имало квартални, 6 месечни извештаи каде мнозинството фалеше еве како треба да се работи, дека феноменално се работи и се заштедиле пари. Тромесечните , шестмесечните извештаи на јавните претпријатија беа пофалени, имаше критики од опозицијата но меѓутоа навистина како да имаме ренесанса во тие претпријатија.

Градоначалничката тоа го слуша или го чита и не реагира, администрација во градот не реагира дека тоа не е така и од еднаш сега по двајца на ден од јавни претпријатија се разрешуваат заради неработење - посочи Пановски.

Пановски го разбира директорот на водовод зошто не постапил по нејзини барања, тој образложи, но од неа не знае зошто нема одговор дали тоа е така или не е така. Тој е сосема затечен и ова за граѓаните не е добро, не беше идеално и пред тоа меѓутоа ова што се случува овие 3 дена ме загрижува.

The post Пановски: Го разбирам Перински за реакцијата, јавните претпријатија доживеаја ренесанса во последните 6 месеци appeared first on Република.

Бројот на заразени со Ковид е десетина пати поголем од официјалната статистика, а процентот на позитивни е многу висок околу 50 проценти зошто граѓаните веќе не се тестираат за патување, смета професорот Никола Пановски, пренесе СИТЕЛ.

Според него многу од младите не ни знаат дека биле заразени, поминале без симптоми или многу лесно. Тој е категоричен дека не треба да се враќаат дел од задолжителните мерки кои би предизвикале отпор кај луѓето зошто нема потреба од одложување на овој бран кој поминува, а болници се речиси празни.

– Не мора задолжително, ќе имаше отпор меѓу луѓето, акко препорака е во ред и гледам дека некои носат маски. Точно е дека бранот нема да расте, за некој ден ќе почнат да се намалува бројот и воопшто мерките при вакви респираторни инфекции се прават да се заштитат болниците. Точно е дека не ги заштитивме матичните, малку потешко поминаа овој месец, меѓутоа болниците се сеуште празни. Нема зошто да се одложува, што ако го одложиме за 2 недели, сите мора да го поминеме на некој начин, освен постарите, поризичните кои успеваат да се скријат. Што ќе добиеме ако го одложиме па во септември да продолжи пак бранот. Вака е подобро, изјави за сител професорот по микробиологија Никола Пановски.

Професорот Пановски смета дека нема потреба граѓаните сами да се тестираат и да се изложуваат на трошоци, туку ако почувствуваат симптоми да се изолираат неколку дена.

-Во однос на тестовите јас воопшто не би тестирал, освен епидемиолозите и ние микробиолозите да имаме некоја слика каква е состојбата со инфекцијата. Пациентите, народот никаков ефект нема од тестирањето освен финансиска загуба. Дали е Ковид или параинфлуенца, респираторен или ентеровирус за нив ништо не значи и за едното и за другото треба да се изолираат. Точно е дека некои се тестираат да добијат боледување, меѓутоа и за други болести треба да се добие боледување и никаква разлика нема дали бил Ковид или не бил. Дури да можам да бирам меѓу Ковид и ангина, јас би избрал Ковид или стрептококна ангина кое е потешко заболување за младите. Така да мислам дека тестирањето и не значи ништо, смета професорот Никола Пановски.

Инаку вчера Комисијата за заразни болести не препорача дополнителни Ковид мерки туку апелираа повозрасните и хронично болните да избегнуваат гужви, да носат маски во затворени простории и да се вакцинираат

The post Пановски советува: Не фрлајте пари за тестирање appeared first on Република.

Мајмунските сипаници не заслужуваат никакво внимание, освен научно-истражувачко и епидемиолошко значење. Мајмунските сипаници се покс сипаници. Тоа се кога излегува меурче. Ова со децении трае. Стручен назив е вариола вера, но Англичаните го викаат смол покс. Нашите новинари, а понекогаш и стручните лица го преведуваат како мали сипаници. Кај нас малите сипаници најчесто ги викаме морбили, додека смол покс и ние и Србите, Хрватите, Русите ги викаме големи сипаници, појаснува во Утрински брифинг микробиологот, проф. д-р Никола Пановски за фамата која се крева околу мајмунските сипаници.

https://youtu.be/DwgxNiFfmp8

Низ годините имало појава на спорадични случаи на мајмунски сипаници, но вакцините од мали сипаници, пружаат голема заштита од оваа болест.

Пред некој ден слушав дека СЗО вели ако сте вакцинирани од мали сипаници, 85% ќе бидете заштитени од мајмунски сипаници. Кога би било тоа вистина, би било одлично, бидејќи од мајмунски сипаници се сите вакцинирани, додека од вариола вера кои се големи сипаници, вакцинирани се оние кои се постари од 51 година. Значи Југословените два пати, а останатите во светот еднаш. Сите останати не се вакцинирани. Манки покс за првпат е изолиран во 1958 во Копенхаген. Слична покс сипаница е варичелата, што ние ја викаме овчи сипаници, а врска нема со овци. Во иста фамилија спаѓаат вариола вера, мајмунски сипаници и вакциниа. Вакциниа е болест на кравите од која се разболуваат луѓето. Фамата се крена бидејќи во последниот месец се појавија стотина случаи. Но за разлика од вариола вера, мајмунските сипаници не предизвикуваат смрт, рече д-р Пановски и објасни дека меурчињата се опасни само ако се инфицираат од бактерии.

The post Пановски: Никој во Европа не умрел од мајмунски сипаници appeared first on Република.

Професорот Пановски Никола, за ТВ Телма, во телефонски разговор изјавил дека првенствено го оценил како несоодветен начинот на обраќање преку Фејсбук и вели дека главен услов според него е да се укинат сертификатите за да биде дел од Комисијата.

Не треба министерот да ме назначува за советник, јас сум на располагање 24 часа под услов сето тоа да биде бесплатно бидејќи сум рекол дека за пандемијава ќе работам волонтерски. Ако гледаме колку трае ситуацијата со омикрон, сигурно 30 денови по 10.000 заразени, сигурно веќе 300.000 луѓе ја поминале болеста, така што мислам дека уште еден месец и населението во Македонија ќе го помине вирусот, па ако не се јави некоја нова мутација - ќе има релативно мал број на случаи околу 500 во март, а ако е смртноста помала како што е случај тоа со омикрон, тогаш тоа би било подносливо и не би личело на епидемија туку повеќе на ендемија - вели проф. Пановски за Телма.

The post Пановски: Укинете ги вакциналните сертификати, па ќе дојдам во Комисијата за заразни болести appeared first on Република.

По самостојниот синдикат за образование, наука и култура со барање за онлајн настава излезе и првата детска амбасада во светот „Меѓаши“, како и опозициската ВМРО-ДПМНЕ.

Инаку и микробиологот Никола Пановски во утринската програма на Канал 5 телевизија,  предлага распустот да се продолжи за две недели или 10- на дена, или наставата да се одвива онлајн, додека не падне кривата со новозаразени лица.

The post Пановски: Распустот да се продолжи за две недели или 10 дена, или наставата да се одвива онлајн appeared first on Република.

Канал 5 се обиде да добие став од тројцата доктори во однос на поканата на министерот Сали.

Пановски забележува на начинот на кој е поканет, односно преку социјалните мрежи.

Се знае каков е начинот за тоа, прво се разговара, па се објавува. На Фејсбук тој може што сака да пишува, вели Пановски за Канал 5.

Сличен став има и доктор Марковски. Нагласува дека е несериозно да се покануваат експерти преку Фејсбук. Тој додава дека Комисијата е советодавно тело на министерот, без суштинско влијание на било какви мерки.

Јас во 2020 година предложив Комисија за Ковид-19 како владино тело чии одлуки ќе бидат задолжителни, вели Марковски за Канал 5.

Доктор Даниловски неодамна соопшти дека нема намера да биде дел од Комисијата и да ја жртвува својат автономија, појаснувајќи дека Комисијата нема ингеренции да носи извршни одлуки, туку само заклучоци, кои му ги предлага на министерот.

За Сител телевизија, пак,  Д-р Пановски рекол дека нема да ја прифати оваа покана, Д-р Даниловски изјавил дека не сака да ја жртвува својата автономија. Не прифаќа да биде ниту дел од комисијата ниту советник на министерот бидејќи не функциониртаат автономно а нејзините одлуки не се извршни, а Д-р Марковски рекол дека Комисијата е советодавна на министерот без суштинско влијание на било какви мерки.

The post Пановски: Се знае како се поканува, прво треба да се разговара, па потоа се објавува appeared first on Република.

Министерот за здравство, Беким Сали, попладнево преку објава на Фејсбук ги покани професорите Драган Даниловски, Никола Пановски и Вело Марковски во новата Комисија за заштита на населенито од заразни болести.

Според најавите, а во согласност со законските надлежности, како министер за здравство на Република Македонија, наскоро ќе ја формирам Комисијата за заразни болести. Таа е советодавен орган во чиј состав се истакнати експерти кои преку научни толкувања ќе ни овозможат ефикасно, навремено и ажурно да предлагаме мерки во согласност со епидемиолошката состојба. Непобитен факт е дека сегашните околности бараат засилено и координирано дејствување, врз основа на стручни и реалистични проценки, објави попладнево на својот Фејсбук профил министерот за здравство, Беким Сали.

Тој додава:

Оттука, како министер најавував дека промените во ова тело ќе бидат во насока на проширување и дополнување на неговиот состав, со нови, професионални, кадри од повеќе области. Заради ефективност и успешност на овој процес, би сакал јавно да ги поканам и угледните професори д-р Драган Даниловски, д-р. Никола Пановски и д-р Вело Марковски да се приклучат како членови на Комисија за заразни болести и со тоа да придонесат во нејзината работа.

Чест и задоволство ми е јавно да го упатам повикот до овие експерти врз основа на внимателното следење на јавната дебата околу нивното можно вклучување во Комисијата за заразни болести. Гласот на науката е клучен во борбата против Ковид-19. Да го искористиме на најдобриот начин!

Доколку од какви било причини не се во можност да бидат дел од Комисијата за заразни болести, им упатувам отворена покана да бидат дел од мојот тим на советници, објави министерот Сали.

The post Министерот Сали преку Фејсбук ги покани професорите Даниловски, Пановски и Марковски во новата Комисија за заразни болести appeared first on Република.

Антиваксерите бомбардираат со податоци. Вакциналните фанатици велат, само вакцината ќе го спречи ширењето на вирусот, со неа ќе постигнеме колективен имунитет, само вакцината ќе спречи појава на нови мутации. И сега имате 120.000 нови случаи во Британија дневно, и како луѓето да веруваат на ова!!! Место да се признае дека вакцините не штитат од ширење на вирусот, не штитат дури ни од повторна инфекција па и болест, бидејќи е очигледно вирусот и понатаму се шири, треба да се каже јасно и гласно, да така е. Вакцините за десетина пати намалуваат хоспитализација и смрт. Вакцините имаат несакани ефекти и тие се тие и тие, вели во интервју за „Локално“, микробиологот д-р Никола Пановски.

Toj напоменува дека ризикот од смртта или постковид комликации е десет пати поголем кај непрележаните и невакцинираните, несаканите ефекти се извонредно ретки , но постојат и дека секој сам треба да направи избор за тоа дали ќе прими вакцина или не.

Особено ефект би имале овие податоци, ако се споредуваат кај ранливи категории и постари над 50 години. Форсирањето да се вакцинираат млади и деца е исто така контрапродуктивно. Едно е препорака, друго е присила, смета микробиологот.

Целото интервју на  д-р Никола Пановски. на Локално.мк

The post Пановски: Гласно треба да се каже вакцините не штитат од болеста, но ја намалуваат смртноста-ваш е изборот appeared first on Република.