САД го завршија повлекувањето од последната база во Нигер - онаа во Агадез.

Повлекувањето дојде набргу откако Нигер ја одбележа првата годишнина од воениот удар. Воениот режим тогаш побара од американската војска да ја напушти земјата.

Веста за повлекувањето ја потврди американската команда во Африка.

На почетокот на јули американската војска во друга база - во Ниамеј, ја напушти африканската земја.

Повлекувањето од базата Агадез почна во мај.

The post И последниот американски војник го напушти Нигер appeared first on Република.

Германија ќе ги повлече своите сили од воздухопловната база во Нигер, откако не постигна договор со нигериските власти за правниот имунитет на својот воен персонал, соопшти Министерството за одбрана во парламентот во Берлин, јави ДПА.

Воздухопловната база Нијамеј, клучен фактор во напорите на Западот за спречување на тероризмот во регионот, ќе биде затворена на 31 август, кога сите војници стационирани таму ќе се вратат во Германија.

Според известувањето на Министерството за одбрана до парламентот, до кое увид имаше ДПА, владата ги „преоценила“ промените во ситуацијата во последните недели и донела одлука да се повлече.

„Нацрт-договорот што ни го достави Нигер не може да послужи како основа за преговарање за договор за статусот, ниту според неговата природа, ниту според неговата содржина“, напиша Министерството за одбрана. Имунитетот на германските војници не е загарантиран, а позициите на двете земји се далеку една од друга, велат од германското МО.

Преговорите за договорот за статусот се прекинати, а проектите за соработка и обука на германските Министерство за одбрана и Министерство за надворешни работи повеќе нема да се спроведуваат, соопшти ресорот на министерот Борис Писториус.

Воздухопловната база Ниамеј служеше како логистички центар за мировната мисија на ОН во соседен Мали (MINUSMA), која беше основана во 2013 година и беше распуштена пред една година.

Армијата на Нигер ја презеде контролата врз земјата со државен удар на 26 јули минатата година.

The post Германија се повлекува од воздухопловната база во Нигер откако не успеаја преговорите за правниот статус на војниците appeared first on Република.

Повеќе од 1.000 американски војници ќе го напуштат Нигер во наредните месеци, објави Њујорк Тајмс. Американски извори потврдиле дека веќе е постигнат договор за тоа меѓу заменик државниот секретар на САД Курт Кемпбел и раководството на Нигер, пренесува БТА.
Американската војска во Нигер е стационирана во две бази, вклучувајќи ја и базата за беспилотни летала позната како авиоабаза 201, изградена во близина на Агадез во централниот дел на Нигер.

Од 2018 година, базата се користи против милитантите од Исламската држава и Џамаат Нусрат ал-Ислам вал Муслимин, исламистичка организација поврзана со Ал Каеда, во регионот Сахел.

Армијата на Нигер ја презеде власта со државен удар минатата година. Пред пучот, Нигер беше клучен безбедносен партнер на САД и Франција. Но, новите власти во Нигер им се придружија на хунтите во соседните Мали и Буркина Фасо и ги прекинаа воените договори со своите некогашни западни сојузници како Вашингтон и Париз, напуштајќи го регионалниот политички и економски блок ECOWAS. Тие, исто така, започнаа поблиски врски со Русија.

Во наредните денови треба да се разговара за тоа како ќе се одвива повлекување на американските војници војници од Нигер.

The post САД ќе ја повлечат својата војска од Нигер appeared first on Република.

Привремената влада на Нигер објави прекин на воената соработка со САД. Според таквата одлука, властите го прогласија военото присуство на САД како нелегално, го обвинија Вашингтон за притисок и побараа повлекување на сите американски сили од земјата и од регионот како целина.

Како што објави „africaninitiative“, Владата во Ниамеј го прогласува присуството на воениот контингент на Вашингтон за нелегално. Во официјалното соопштение на претставникот на нигериската влада, полковник мајор Амаду Абдраман, се наведува дека земјата го отфрла договорот за воени и цивилни претставници на Пентагон во земјата.

Меѓу другите аргументи за прекин на воената соработка со САД, нигерискиот спикер посочува:

▪️ лажни обвинувања за испораките на ураниум за Иран;

▪️ директни закани како одговор на проширувањето на нигерско-иранската и нигерско-руската соработка;

▪️ нерамноправниот договор меѓу Вашингтон и Нијами за работата на американските воени бази, кои дел од трошоците за нивните операции ги става на товар на Република Нигер;

▪️ недостаток на помош од Американците во борбата против тероризмот;

▪️ неподготвеноста на Вашингтон да го информира Ниамеј за активностите на американската војска во Нигер, нивниот состав и планови;

▪️ Извиднички летови на американски авиони неовластени од властите во Нигер.

Во моментов, САД оперира со две воздушни бази во Нигер, лоцирани во Ниамеј и Агадез, во кои има околу 1.000 војници, од кои американските воздухопловни сили активно ги следат активностите и на властите и на милитантите во триграничната област во текот на изминатиот месец.

https://republika.mk/vesti/svet/povlekuvaneto-na-frantsuskite-trupi-od-niger-pridonese-za-podobruvane-na-borbata-protiv-terorizmot-vo-zemjata-veli-afrikanski-minister/

Во својата изјава, претставникот на нигериските власти всушност ја обвинува американската делегација, предводена од американскиот државен потсекретар за Африка, Моли Фи, која оваа недела го посети Нигер, за кршење на дипломатскиот протокол, за притисок врз раководството на Нигер и за омаловажување на владата и народот. Абдраман го нарече присуството на американскиот воен контингент еднострано наметнат од Вашингтон.

Високо рангираната американска делегација го напуштила Нигер без средба со шефот на преодната влада на Нигер, Абдурахаман Тиани. Најдобро што успеале е да се сретнат со премиерот.

Преодната влада на Нигер не објави никакви соопштенија за печатот за причините за откажување на состанокот. Според ТРТ АФРИКА, ова е поврзано со изборот на Нигер за нови партнери за соработка.

Засега нема одговор од Белата куќа на оваа одлука на Нигер, која најверојатно изненади многумина. Ова особено доаѓа по неодамнешното нормализирање на односите меѓу земјите и назначувањето на нов американски амбасадор во земјата.

https://republika.mk/vesti/svet/germanija-pobarala-od-niger-da-gi-prekine-odnosite-so-rusija-afrikantsite-odgovorile-koj-saka-neka-si-odi/

Од воениот удар во Нигер минатиот август, примарна поддршка на новиот режим беа Мали и Буркина Фасо, две земји кои имаат силно изразени антизападни ставови. Тоа предизвика зголемениот притисок на САД, преминот од економски санкции кон отстранување на трговските бариери преку ЕКОВАС и дипломатското признавање, разбирливо предизвика фрустрација.

Дополнително, руските власти почнаа активно да обезбедуваат воена и хуманитарна помош за властите во Нигер.

Ваквиот развој на настаните и моѓното повлекување на американскиот контингент, кој најверојатно ќе биде преместен во Сенегал и Габон, означува уште една значајна пресвртница во проектот за интеграција во Сахел.

The post Не се веќе добредојдени: Нигер бара итно повлекување на американските војници од земјата appeared first on Република.

Германија побарала од Нигер да ги прекине сите односи со Русија.

Како што обајвија локални медиуми, официјален Берлин се заканил дека ќе ги прекине врските со Нигер и ќе ја затвори амбасадата во земјата доколку тоа не се случи.

Ако Германија сака да ја затвори својата амбасада, нека биде така, нема никого да молиме. Кој сака да оди нека си оди. Кому му е потребна Германија? Европејците не донесоа ништо во Африка освен експлоатација на нашите ресурси, ги донесоа нашите војни, терористите и нашите диктатори“, изјавил шефот на Преодниот воен совет на Нигер, Абд ал Рахман Чиани во интервју за локална телевизија.

Инвеститорите од Европа веројатно вршат притисок врз германската влада да се обиде да ги обесхрабри инвестициите во оваа африканска земја.

Односите на Германија со земјата се потпира на воена и полициска обука. Со германските даноци, во Нигер е изградено воено училиште и болница за војници, а германски војници обучуваа специјални сили, кои беа целосно „опремени со заштитна опрема, теренски возила, радија и уреди за ноќно гледање од Германија“.

По воениот удар во Нигер, Германија и другите „инвеститори“ го загубија влијанието и контролата врз Владата.

The post Германија побарала од Нигер да ги прекине односите со Русија; Африканците одговориле: „Кој сака нека си оди“ appeared first on Република.

Министерот за одбрана на Нигер, генерал Салифу Моди, изјави дека повлекувањето на француските трупи од Нигер  придонело за подобрување на борбата против тероризмот во земјата.

Генерал Моди потсети дека последниот француски војник официјално ја напушти земјата на 22 декември 2023 година.

Можеме да кажеме дека нивното повлекување имаше позитивно влијание врз нашата борба против тероризмот“, изјави тој.

Моди додаде дека најпрво, Французите дошле во Нигер за да и „помогнат“ на владата во борбата против тероризмот, но всушност истиот тероризам продолжил да се поддржува и да цвета во регионот.

Тоа е како да гаснеш пожар со бензин“, изјави генерал Моди.

https://republika.mk/vesti/svet/frantsija-tselosno-ke-gi-povleche-svoite-vojnitsi-od-niger-do-22-dekemvri/

The post Повлекувањето на француските трупи од Нигер придонесе за подобрување на борбата против тероризмот во земјата, вели африкански министер appeared first on Република.

Франција ќе го заврши повлекувањето на својот воен контингент од Нигер до 22 декември

Процесот на повлекување на француските сили од Нигер се одвива на координиран и целосно безбеден начин“, се вели во соопштението на вооружените сили на Нигер.

По воениот удар во Нигер на крајот на јули, новите лидери на земјата побараа протерување на францускиот амбасадор и најавија откажување на воените договори со Франција, барајќи повлекување на нејзините војници од земјата.

На почетокот на октомври, првата група француска војска го напушти Нигер, а официјален Париз вети дека ќе го заврши повлекувањето на војниците до крајот на годината.

Поради антифранцуските демонстрации во регионот Сахел, Буркина Фасо и Мали исто така ја прекинаа воената соработка со Франција.

The post Франција целосно ќе ги повлече своите војници од Нигер до 22 декември appeared first on Република.

Министрите за надворешни работи на Мали, Нигер и Буркина Фасо предложија формирање конфедерација со амбиција во догледно време да прерасне во федерација.

Свесни за силниот потенцијал за мир, стабилност, дипломатска сила и економски развој обезбедени од зајакната политичка алијанса, министрите водени од намерата во догледно време да се формира федерација која ќе ги обедини Буркина Фасо, Мали и Нигер, им предлагаат на шефовите на државите на Сојузот на земјите од Сахел создавање конфедерација на тие три земји, се вели во заедничката изјава објавена по дводневна средба во Бамако, главниот град на Мали.

Трите земји решија да ги зајакнат економските врски и формираа Сојуз на држави од Сахел, кој предвидува взаемна помош во случај на напад на нивниот суверенитет и територијален идентитет. Со врските зацементирани против западниот меѓународен притисок, трите држави се борат и против муслиманските екстремисти во нивните земји.

На средбата, чија цел беше да се прецизира функционирањето на новата алијанса, тројцата министри инсистираа на дипломатија, одбрана и развој за зајакнување на нивната политичка и економска интеграција.

Нивните министри за економија и финансии, претходно, на средба на 25 ноември, предложија формирање стабилизациски фонд и инвестициска банка, како и формирање комисија задолжена за продлабочување на економската и монетарната унија, се наведува во заедничкото соопштение.

Заклучоците од средбата треба да бидат доставени до шефовите на држави кои наскоро треба да се сретнат во Бамако.

The post Се формира проруски блок во Африка: Мали, Нигер и Буркина Фасо предлагаат формирање конфедерација appeared first on Република.

Командантот на француските сили во Ceверна Африка, генералот Ерик Озан, изјави дека 1.500 француски војници ќе го напуштат Нигер до 31 декември, временска рамка што ја објави францускиот претседател Емануел Макрон кон крајот на минатиот месец.

Целта на претседателските најави за заминување до 31 декември ќе биде исполнета“, изјави генералот Озан на заедничката прес-конференција со нигерскиот полковник Мамане Сани Киау во Ниамеј, главниот град на Нигер.

The post До крајот на годината веќе ќе нема француски војници во Нигер appeared first on Република.

Воената хунта во Нигер објави дека го спречила обидот на сменетиот претседател Мохамед Базум да избега од притвор.

Портпаролот на Армијата изјави дека Базум се обидел да избега во текот на ноќта со семејството, готвачите и обезбедувањето, пренесува Би-Би-Си.

-Имаше планови групата да одлета со хеликоптери, но планот беше спречен, рече тој, додавајќи дека „главните актери и некои од соучесниците“ се уапсени.

Базум е во домашен притвор откако членовите на неговата претседателска гарда извршија државен удар на крајот на јули и ја презедоа власта во земјата

The post Сменетиот претседател на Нигер се обиде да побегне од домашен притвор appeared first on Република.

Новата воена управа на Нигер денеска ја обвинија Франција за „понатамошно бесрамно мешање“ откако претседателот Емануел Макрон ја повтори својата поддршка за соборениот лидер Мохамед Базум.

Коментарите на Макрон, дадени на 28 август, „претставуваат дополнително бесрамно мешање во внатрешните работи на Нигер“, истакна портпаролот на хунтата полковник Амаду Абдрамане.

Макрон во понеделникот и покрај пучот го поддржа соборениот претседател на Нигер, Базум и изјави дека Франција нема да го повлече својот амбасадор.

Пред пучот во Нигер, Франција активно ја поддржуваше борбата на Владата на претседателот Базум против џихадистичките милиции. Во Нигер уште се стационирани околу 1500 француски војници.

Воена хунта ја презеде власта во Нигер со воениот пуч изведен на 26 јули, а на 4 август соопшти дека ги раскинува воените договори со Франција, нејзиниот поранешен колонијален владетел. Хунтата ги смени амбасадорите на Нигер во САД, Франција, Того и Нигерија, кои беа именувани од соборената цивилна влада.

The post Хунтата ја обвини Франција за „понатамошно бесрамно мешање“ во Нигер appeared first on Република.

Европска Унија работи на подготовките за воведување санкции против членовите на хунтата, која минатиот месец ја презеде власта во Нигер, изјави денеска високиот претставник на ЕУ за надворешна политика и безбедност, Жозеп Борел.

Кога ќе се одлучува за санкциите, ЕУ ќе се обиде да ги преслика мерките преземени од Економска организација на западноафриканските држави (ЕКОВАС), истакна Борел на прес-конференција по состанокот на министрите за одбрана на ЕУ во Толедо, Шпанија.

Тој додаде дека утре на состанокот на министрите за надворешни работи на ЕУ ќе предложи формирање правна рамка за воведување санкции за одговорните за пучот.

The post Борел: ЕУ ќе воведе санкции за пучистите во Нигер appeared first on Република.

Францускиот амбасадор во Нигер ќе остане во оваа земја и покрај притисокот од лидерите на неодамнешниот пуч, изјави францускиот претседател Емануел Макрон во говорот пред дипломатите на кој ја изложи визијата за новата француска надворешна политика/

Макрон, исто така, ја повтори својата поддршка за соборениот претседател на Нигер, Мохамед Базум, чија одлука да не поднесе оставка беше храбра, јавија британските медиуми.

Воена хунта ја презеде власта во Нигер со воениот пуч изведен  на 26 јули. Таа на 4 август соопшти дека ги раскинала воените договори со Франција, нејзиниот поранешен колонијален владетел.

Хунтата ги смени амбасадорите на Нигер во САД, Франција, Того и Нигерија, кои беа назначени од соборената цивилна влада.

The post Макрон: Францускиот амбасадор во Нигер останува во земјата и покрај барањето за заминување од воената хунта appeared first on Република.

Шефот на руската дипломатија, Сергеј Лавров, на самитот на БРИКС во Јужна Африка, порача дека воена интервенција на Економската заедница на западноафриканските држави - ЕКОВАС во Нигер никому нема да му донесе корист и ќе биде деструктивна за илјадници луѓе.

Не мислам дека инвазијата на било кој ќе му користи. Силите за спротивставување на интервенцијата веќе се формираат во вториот дел од ЕКОВАС. Навистина не го сакам ова сценарио за Африканците, изјави Лавров.

Регионалниот блок ЕКОВАС (ECOWAS) претходно објави дека е подготвен воено да интервенира во Нигер за соборување на воената хунта која во јули со преврат го собори претседателот Мохамед Базум.

The post Рускиот шеф на дипломатијата порача дека воената интервенција во Нигер никому нема да му биде од корист appeared first on Република.

Економската заедница на западноафриканските држави (ЕКОВАС) на вториот ден од Самитот потврди дека се подготвени да испратат војници во Нигер веднаш штом лидерите на земјите-членки го одобрат тоа.

На вториот ден од самитот, кој се одржа во Гана, во градот Акра, воените лидери на западноафриканските земји разговараа за деталите за потенцијалната воена интервенција.

Во разговор со новинарите, секретарот на ЕКОВАС, Абдел Фатау Муса изјави дека датумот на интервенцијата е веќе одреден, но дека тоа нема да и го соопшти на јавноста.

Подготвени сме да одиме веднаш штом ќе ја добиеме наредбата. „Денот Д“, односно точниот датум на воената интервенција во Нигер е утврден, но нема да го објавиме, рече тој.

Покрај воената интервенција, претставниците на овој економски блок истакнаа дека се уште го поддржуваат дијалогот и оти постои можност за испраќање дипломатско претставништво во Нигер.

Постои можност мисијата ЕКОВАС да отпатува во Нигер в сабота за да продолжи со мирно враќање на уставниот поредок. Подготвени сме да го решиме проблемот по мирен пат, но потребни се двајца за танго. Ако хунтата сака да продолжи по мирен пат да се врати кон брзо враќање на уставниот поредок, тогаш сме подготвени да ја повлечеме воената опција, потенцираше Муса.

The post Одреден е „Денот Д“: Западноафриканскиот блок потврди дека е подготвен за воена интервенција во Нигер appeared first on Република.

Западноафриканскиот блок ЕКОВАС е подготвен воено да интервенира во Нигер доколку не успеат дипломатските напори за поништување на воениот удар во земјата, им рече висок функционер на воените команданти кои се собраа денеска во Гана за да разговараат за стенд-бај сили.

Комесарот за политички прашања, мир и безбедност на ЕКОВАС, Абдел-Фатау Мусах ја обвини хунтата што го собори претседателот Мохамед Базум на 26 јули дека си игра „мачка и глушец“ со блокот со тоа што одбива да се сретне со пратеници и бара оправдување за преземање на власта.

„Воените и цивилните сили на Западна Африка се подготвени да одговорат на повикот за должност“, им рече Мусах на собраните началници на одбранбените штабови од земјите-членки. Тој ги наведе минатите распоредувања на ЕКОВАС во Гамбија, Либерија и други земји како примери на подготвеност.

„Ако дојде до критична точка, ќе одиме во Нигер со наши контингенти, опрема и ресурси за да се увериме дека ќе го вратиме уставниот поредок. Доколку другите демократски партнери сакаат да не поддржат, тие се добредојдени“, рече тој.

Мусах силно ја критикуваше најавата на хунтата дека има елементи за судење на Базум, кој е во притвор под обвинение за предавство. Обединетите нации, Европската унија и ЕКОВАС изразија загриженост за околностите во кои тој беше приведен.

„Иронијата е што некој кој самиот е во заложничка ситуација...е обвинет за предавство. Кога извршил велепредавство, сите само нагаѓаат“, рече Муса.

The post Западноафрикански блок: Подготвени сме да интервенираме воено во Нигер appeared first on Република.

Во отвореното писмо до Емануел Макрон, објавено во весникот „Фигаро“, 92 француски сенатори му посочуваат на францускиот претседател дека неуспесите на Париз на полето на воената, политичката и културната соработка со Африка доведоа до интензивирање на антифранцуските чувства на континентот, а тоа се чувствува и во држави како Сенегал и Брегот на слоновата коска, кои претходно како што велат беа наклонети кон Франција.

Ситуацијата станува сè поактуелна по последните случувања во Нигер каде беше извршен пуч, а демократски избраниот претседател Мохамед Базум беше сменет од стрна на водачите на пучистите. Тие денеска и покрај ултиматумот на Економската заедница на западноафриканските држави која предвидува и воена интервенција, назначија и нов премиер на земјата.

Дел од експертите велат со ова се покажува дека на континентот сè повеќе расте влијанието на Русија и Кина, па дури и на САД.

The post Франција ја губи доминацијата во Африка appeared first on Република.

Лидерите на економската заедница на западноафриканските држави ЕКОВАС (ECOWAS) в четврток планираат да се состанат во главниот град на Нигерија, Абуџа, за да ги договорат натамошни чекори за справување со кризата во Нигер, земјата која на 26 јули беше преземена од воената хунта, за ДПА соопшти портпаролот на ЕКОВАС.

Петнаесетчлената организација минатата недела им постави седумдневен ултиматум на новите власти, кои со државниот удар ја презедоа власта во земјата. Ултиматумот, со кој се повика новата хунта да го врати претходниот претседател, Мохамед Базум, истече вчера. ДПА појаснува дека во ултиматумот беше наведено дека организацијата ќе преземе и посериозни мерки, што може да вклучат и насилство, доколку Базум не биде вратен на власт.

Нигерискиот претседател Бола Тинубу е актуелен претседател на ЕКОВАС. Мали и Буркина Фасо се суспендирани од оваа организација откако нивните влади беа преземени од војската со државни удари. Двете земји, кои ги делат границите со Нигер, застанаа на страната на новите власти во Нигер и се заканија дека секоја интервенција во оваа земја ќе ја сметаат за „објавување војна“, потсетува ДПА.

Базум беше уапсен, сменет и заменет со лидерот на пучот, командантот на претседателовата гарда, генерал Абдурахаман Тчиани.

The post Ќе има ли воена интервенција: Африкански лидери ќе разговараат за состојбата во Нигер appeared first on Република.

Министрите за одбрана на западноафрикански земји подготвија план за можна воена интервенција во Нигер за да се спротивстават на пучот.

Одлуката ќе ја донесат шефовите на државите на Економската заедница на западноафриканските држави (ECOWAS), изјави Абдел-Фату Муса, комесар за политички прашања, мир и безбедност на ECOWAS.

„Одработени се аспектите на евентуалната интервенција, вклучително и потребните ресурси, како и датумот и начинот на распоредување на силите“, рече тој на крајот од тридневниот состанок во главниот град на Нигерија, Абуџа.

Тие веќе воведоа санкции кон Нигер и предупредија дека може да се употреби сила доколку водачите на пучистите не ја вратат власта на избраниот претседател Мохамед Базум до недела.

Таа 15-члена организација вчера испрати делегација во Нигер за да побара „мирно решение“. Сепак, дипломатски извор рече дека средбата со претставниците на хунтата, што се одржа на аеродромот, била без успех.

The post Западноафрикански лидери подготвија план за воена интервенција во Нигер appeared first on Република.

САД се подготвени да евакуираат дел од персоналот на амбасадата во Нигер и нивните семејства откако војската ја презеде власта во таа африканска земја, изјави денеска американски претставник.

Сепак, дипломатската мисија ќе остане отворена, а високиот дипломатски персонал ќе продолжи да ги извршува своите должности.

Официјалниот претставник, кој побара да остане анонимен, рече дека одлуката се уште не е донесена, но многу е веројатно дека ќе се случи.

Тој додаде дека американскиот дипломатски персонал ќе биде евакуиран со авион изнајмен од Стејт департментот, а не со авион на американското воено воздухопловство.

The post САД се подготвени да евакуираат дел од своите дипломати од Нигер appeared first on Република.