Maкедонските ракометари со многу емоција ја испеаја химната. Гоце Делчев, Питу Гули, Сандански покрај од Кире и дружината ечеше и од 7000 публика во салата.

Овие дечки знаат дека „тоа е свето име бе...“.

За разлика од оние кои се славени во Грција, кои клечат дома пред Бугарите, од кои ќе се двојат во преговори Албанците и кои просат „просо“ кај Србите.

Овие дечки... не се лузери.
Овие дечки се МАКЕДОНЦИ.

Да живее Македонија! pic.twitter.com/GHVHK6418x

— Боби (@BatmanSaysT) April 17, 2022

The post Ракометарите на сиот глас пееја за „Гоце Делчев, Питу Гули, Даме Груев, Сандански“ appeared first on Република.

Ракометарите на Чешка не го кријат огромното разочарување по синоќешниот пораз (25:27) во Скопје и пропуштената шанса да се пласираат на Светското првенство 2023.

Тие не можат да сфатат како загубија од македонската селекција за која велат дека е непопуларен противник, а пред три месеци им се спротивставувале на големите ракометни сили.

– Непопуларниот противник повторно стана фатален. Репрезентацијата можеше да се пласира на Светското првенство по осум години, но против Македонија не ја потврди улогата на фаворит. Во јануари имавме бестрашен и тимски настап на Европското првенство. Ремизиравме со подоцнежните победници Швеѓаните, го измачувавме финалистот Шпанија. Но, три месеци подоцна ни се случи разочарување. Психолошкиот товар беше преголем. Имавме кочница на главите, изјави капитенот Томаш Бабак.

Чешките медиуми не пропуштаат да ја истакната атмосферата во „Борис Трајковски“ за која пишуваат дека е бурна и дека е многу тешко да се игра

The post Чешка репрезентација: Психолошкиот товар беше преголем, имавме кочница на главите appeared first on Република.

Ракометната репрезентација на Македонија е поблизу до пласман на Светското првенство во Шведска и Полска, откако по првите триесет минути во Скопје нашите избраници имаат позитива од два гола против Чешка (14-12), во последнот натпревар од баражот за следниот планетарен собир.

По почетните 2-2, Чесите преку Кашпарек и Чип стигнаа до највисоки плус два, 2-4 но следуваа серија одбрани на Митревски и пет гола во серија за Македонија, па по десетина минути беше 7-4.

По 8-5, Сабате мораше да бара тајм-аут, по што неговите избаници постигнаа два гола во серија за 8-7. Во продолжение се играше гол за гол, но откако Пирох погоди за 10-9 во 20 минута, Чешка влезе во црна дупка.

Кузмановски реализираше пенал, погодија уште Миркуловски и Лазаров, па Македонија се одлепи на 12-9. Беше и 13-10, имавме напад за плус четири, но Мрква го запре ударот на Кузмановски.

Младеновиќ заработи исклучување, а тоа го искористија гостите кои намалија на 13-12 преку Пацел. Кузмановски погоди за 14-12, а потоа имаше по еден неискористен напад на двете страни.

Нашиот селектор направи една измена во својот состав во однос на натпреварот во Злин. На местото на Митев шанса за докажување доби членот на Охрид, Младеновиќ, додека на спротивната страна една промена направи и Хавиер Сабате. Во тимот се најде Леос Петровски, а од комбинација отпадна Даниел Режнички.

Кузмановски и Талески со по три гола се најпрецизните во нашиот табор, а по два постигнаа Лазаров, Миркуловски и Пешевски.

The post На полувреме заминуваме со два гола предност appeared first on Република.

Пред полната арена во СЦ „Борис Трајковски“ македонските ракометари денеска ќе го играат реваншот од баражот за Светското првенство против селекцијата на Чешка.

Ова е последен натпревар во дресот на Македонија за Кирил Лазаров и Филип Миркуловски, па затоа сите надежи се дека после ремито во Злин од 24:24  на домашен терен ќе обезбедиме билет за Мундијалот во Полска и Шведска.

За сите оние кои останаа дома, натпреварот од 19 часот и можете да го следите во живо  ТУКА или ТУКА.

The post ВО ЖИВО: Следете го реваншот на Македонија со Чешка appeared first on Република.

Најдобриот македонски ракометар на сите времиња, Кирил Лазаров и еден од најдобрите централни бекови Филип Миркуловски, вечер ќе ги имаат своите последни репрезентативни настапи. Двајцата ќе бидат дел од македонската селекција која ќе го игра реваншот со Чешка во финалето на плејофот за пласман на Светското првенство 2023.

На првиот меч одигран пред четири дена во Злин, резултатот беше нерешен 24:24, иако во почетните минути од второто полувреме македонските ракометари имаа седум голови предност.

Лазаров кој ја извршува и селекторската функција посакува било каква победа и остварување на целта – задржување на континуитетот на учества на големите натпреварувања.

Верувам дека со помош на седум илјади наши навивачи кои ќе ни бидат ветер во грбот, а не психолошки притисок, ќе ја победиме Чешка. Најважно е да победиме без разлика дали тоа ќе биде со еден, два или повеќе голови. На нивни терен покажавме дека имаме квалитет. Знам и дека за реваншот Чесите ќе се подготват добро и дека нема да биде воопшто лесно. Ние имаме добар резултат, позитивен, никогаш сме немале ваков во еден бараж натпревар, изјави Лазаров.

Натпреварот ќе се игра во СЦ „Борис Трајковски“ вечер со почеток во 19 часот. Сите билети се распродадени па се очекува огромна поддршка од трибините за македонските ракометари.

The post Вечерва е последниот меч во македонскиот дрес за великаните Кире Лазаров и Филип Миркуловски appeared first on Република.

Селекторот и капитен на македонската ракометна репрезентација Кирил Лазаров за вечерашниот дуел со Чешка направи една промена во составот во однос на средбата во Злин од пред четири дена.

Лазаров одлучи на местото на Марко Митев во националниот тим да биде Михајло Младеновиќ.

Покрај Лазаров и Младеновиќ во составот ќе бидат и: Никола Митревски, Стојанче Стоилов, Филип Талески, Мартин Томовски, Филип Миркуловски, Никола Маркоски, Филип Кузмановски, Гоце Георгиевски, Гоце Ојлески, Жарко Пешевски, Томислав Јагуриновски, Петар Атанасијевиќ, Мартин Серафимов и Марко Мишевски.

Натпреварот од финалето од плејофот за пласман на Светското првенство 2023, ќе се игра вечер од 19 часот во СЦ „Борис Трајковски“. Првиот натпревар во Чешка заврши нерешено 24:24

The post Вечерва сите навиваме за Македонија за ново Светско appeared first on Република.

Репрезентативниот бек, Филип Талески вели дека можеа да завршат добра и голема работа уште во Злин, но дека ја прокоцкаа во последните дваесетина минути.

Можевме и тука да завршиме добра работа, но прокоцкавме многу. Имавме контрола до 42, 43 минута. Квалитетна одбрана, сигурни во напад. Ги изненадивме на стартот во второто полувреме со брзите голови на почеток. Дури се свестија требаше уште малку да нагазиме за да завршиме голема работа тука. Но, што е тука. И ова реми пред натпревар да ни го дадеа ќе го прифатевме со задоволство. Ова ќе не држи свесни. Знаеме дека Чешка е квалитетен противник. Ќе не анализираат добро и имаат четири дена да се подготват за нас. Очекуваме уште подобра и поквалитетна игра од нив. Очекувам да променат нешто во одбраната за вториот меч. Во напад тоа е тоа од нив. Им недостигаат некои играчи поради повреда. Ние мора да се фокусираме на нашата игра. Не смееме да имаме падови како во второто полувреме. Ако играме како до 42. минута можеме да одиме на светско. Тажни сме бидејќи изгубивме победа и не смееме тоа да го дозволиме во Скопје. Знаеме што не чека во Скопје, полна сала и се надевам дека со поддршка на навивачите ќе се пласираме на Светско првенство, изјави Талески.

The post Талески: Можевме да завршиме голема работа во Чешка, но прокоцкавме многу во финишот appeared first on Република.

Македонската ракометна репрезентација вечерва одигра нерешено 24:24 со Чешка во Злин во првиот натпревар од пресметката за пласман на Светското првенство 2023.

„Црвено-жолтите“ и покрај тоа што имаат поволен резултат пред возвратниот меч во Скопје, можат да жалат за испуштената победа, бидејќи на полувреме водеа со 13:10, во еден момент водеа со седум разлика (17:10), во повеќе наврати имаа водство од 4-6 гола.

Најефикасен во македонскиот национален тим беше Филип Талески со пет погодоци, Кирил Лазаров и Гоце Георгиевски дадоа по четири.

Реваншот е закажан за в недела во СЦ „Борис Трајковски“ со почеток во 19 часот.

The post Македонските ракометари испуштија победа на гостувањето кај Чешка appeared first on Република.

Македонската репрезентација вечерва во Злин го игра првиот натпревар од баражот за Светското првенство против селекцијата на Чешка.

Чесите се домаќини во овој прв натпревар кој се игра во Злин. Македонските репрезентативци во салата „Датарт“ имаат подршка и од „фалангата“ која пристигна да ги бодри и на ова гостување.

Натпреварот започнува во 20:15 часот и можете да го следите во живо – ТУКА или ТУКА

The post ВО ЖИВО: Следете го првиот дуел Македонија – Чешка appeared first on Република.

Селекторот на македонската ракометна репрезентација Кире Лазаров го објави списокот на играчи кои ќе патуваат во Злин на првиот бараж-дуел со Чешка за пласман на Светското првенство 2023.

Од 23 ракометари кои се подготвуваа, петмина остануваат во Скопје да ја чекаат следната шанса.

Во Злин ќе патуваат:

голмани: Никола Митревски, Мартин Томовски
крила: Гоце Ојлески, Петар Атанасијевиќ, Гоце Георгиевски
бекови: Мартин Серафимов, Томислав Јагуриновски, Кирил Лазаров, Филип Миркуловски, Марко Митев, Филип Кузмановски, Игор Ѓоргиев, Филип Талески
пивоти: Жарко Пешевски, Никола Маркоски, Стојанче Стоилов
дефанзивци: Марко Мишевски, Михајло Младеновиќ.

Натпреварот во Злин е закажан за утре во 20:15 часот.

The post Лазаров го објави составот за дуелот со Чешка appeared first on Република.

Како што информираат од Ракометната федерација на Македонија, денеска на пладне ќе бидат пуштени во продажба билетите за реванш мечот од баражот со Чешка за пласман на СП. Натпреварот се игра на 17 април во салата „Борис Трајковски“ во Скопје, а еден билет за овој спектакл ќе чини 100 денари.

Истите ќе можат да се купат онлајн на mktickets.mk, а ќе можат да се купат и во сите продажни места на МК Тикетс низ дражвата.

The post Од денеска се пуштени во продажба билетите за ракометниот меч Македонија – Чешка appeared first on Република.