Лос Анџелес лејкерс размислуваат да го ангажираат кошаркарот на Далас маверикс, Лука Дончиќ, објави „Бличер рипорт“ (Bleacher Report).

Според изданието, раководството на Лејкерси го смета 25-годишниот кошаркар како замена за 39-годишниот Леброн Џејмс кога Американецот ќе се пензионира.

Во НБА-сезоната 2023/24, Дончиќ одигра 70 натпревари во регуларниот дел од сезоната, со просек од 33,9 поени, 9,2 скока и 9,8 асистенции. Во плеј-офот словенечкиот кошаркар имаше 22 меча, 28,8 поени, 9,5 скока и 8,1 асистенции во просек по натпревар.

The post ЛА Лејкерс планираат да го ангажираат Лука Дончиќ по пензионирањето на Леброн Џејмс appeared first on Република.

Американскиот спортски тв канал „ESPN“ ги именува Топ 10 кандидати за МВП наградата  претстојната регуларна сезона во НБА.

Ѕвездата на Далас, Лука Дончиќ се најде на врвот на листата со 48 отсто од гласовите. На второто место е актуелниот МВП центарот на Денвер, Никола Јокиќ со 10 отсто, а членот на Оклахома, Шеј Гилџус-Александер на третото место.

Номинирани за наградата МВП од страна на „ESPN“ за сезона 2024/25 во НБА-лигата.

1. Лука Дончиќ – 61 поен (48% од гласовите за прво место)
2. Никола Јокиќ – 40 поени (10%)
3. Шеј Гилџус-Александер – 37 поени (24%)
4. Ентони Едвардс – 15 поени (5%)
5. Јанис Адетокунбо – 13 поени (5%)
6. Џоел Ембид – 8 поени (5%)
7. Џејсон Тејтум – 5 поени (5%)
8. Ентони Дејвис – 3 поени
9. Џа Морант – 2 поени
10. Кевин Дурант – 1 поен

The post Дончиќ или Јокиќ, кој ќе биде следен МВП? appeared first on Република.

The post Лука Дончиќ ја пее „Мики Милане“ од Вера Матовиќ и го рекламира Ер Џордан appeared first on Република.

Минесота тимбервулвс ноќеска на гостински терен го совлада Далас маверикс во четвртиот натпревар од финалето на Западната конференција на НБА плејофот со 105:100.

Резултатот во серијата прв до четири победа сега е 3:1 за Далас.

До првата победа во полуфиналето од разигрувањето за титулата Минесота беше предводена од Ентони Едвардс кој забележа дабл-дабл - 29 поени и 10 скока. Имаше и девет асистенции и само едно додавање го делеше од троен ефект.

Трипл-дабл оствари Лука Дончиќ во поразениот тим. Словенечкиот кошаркар постигна 28 поени, 15 скока и 10 асистенции.

Петтиот натпревар во серијата ќе се одигра на 31 мај.

The post Дончиќ не можеше сам: Mинесота намали на 3-1 appeared first on Република.

Далас ја победи Минесота со 109-108 во вториот натпревар од финалето на Западната конференција синоќа во Минеаполис и поведе со 2-0 во серијата, а победата ја обезбеди Лука Дончиќ со тројка на 3,8 секунди пред крајот на натпреварот.

Дончиќ натпреварот го заврши со трипл-дабл ефект, петти во плеј-офот, реализирајќи 32 поени, 10 скокови и 13 асистенции. Кајри Ирвинг додаде 20 поени, а Даниел Гафорд 16.

Наз Рид ги предводеше Тимбервулфс со 23 поени, но беше непрецизен во обидот да постигне тројка во последниот напад.

Следните два натпревари од серијата се играат во Далас, а третиот е закажан за в недела.

LUKA GAME-WINNER.
ABSOLUTE CINEMA.

Mavs take a 2-0 series lead in the West Finals 🐴 pic.twitter.com/3eIVAByldy

— NBA (@NBA) May 25, 2024

The post НБА: Дончиќ со тројка донесе втора победа на Далас appeared first on Република.

Лука Дончиќ во јули минатата година се сврши со својата девојка Анамарија Голтес, со која во декември ја доби ќерката Габриела. Парот е заедно уште од основно училиште, а и покрај борбените гласини, тие останаа еден на друг. Проблемите во врската започнаа уште во 2018 година, кога на одредено време раскинаа.

Парот подоцна се смири и ја продолжи врската. Дончиќ ја запроси Анамарија на романтично место, додека тој клечеше на едното колено држејќи прстен во раката.

Анамарија работела и како танчерка, потоа како фитнес инструкторка, а денес е успешна манекенка, а ги красеше насловните страници на неколку познати магазини.

The post Се разголе вереницата на Дончиќ appeared first on Република.

Кошаркарите на Далас маверикс ја совладаа Оклахома со 117:116 во шестиот натпревар од плејоф полуфиналето на Западната конференција на НБА лигата и со 4:2 во победи се пласираа во конференциското финале.

Најдобар играч во победничкиот тим беше Лука Дончиќ кој оствари трипл-дабл: 29 поени, 10 скока и 10 асистенции.

Гостите од Оклахома во повеќе наврати имаа двоцифрена предност, два пати во третата четвртина имаа и +17, но и тоа не беше доволно да се изборат за мајсторка.

https://www.youtube.com/watch?v=vQDxuJcrobQ

Во финалето на Западната конференција Далас ќе игра со победникот од двојката Денвер – Минесота (3:3).

Вечер од 21:30 часот по македонско време, Њујорк ја пречекува Индијана во одлучувачкиот седми натпревар од четвртфиналната пресметка во Источната конференција.

The post Дончиќ го однесе Далас во конференциското финале на НБА appeared first on Република.

Словенечкиот кошаркар Лука Дончиќ имаше уште една одлична вечер во дресот на Далас.На натпреварот во Хјустон присуствуваше и неговата мајка Миријам Потербин.

Мирјам пред извесно време започна љубовна врска со бизнисменот Борис Пожега, познат како Пикси на кого му префрлила дел од правата за управување со брендот Лука Дончиќ. Поточно 40 отсто од компанијата. Меѓутоа, Борис ја измами Миријам, а потоа ненадејно исчезна во септември 2022 година.

Лука реши да ја тужи родената мајка барајќи таа да се грижи за брендот што го носи неговото име. Тој побара да се укине регистрацијата на трговската марка „Лука Дончиќ 7“, која е во сопственост на мајката, бидејќи Лука тогаш беше малолетен. Но сега односите меѓу мајката и синот се подобрени.

The post Лука Дончиќ има згодна мајка која сакаше дури и да ја тужи appeared first on Република.

Кошаркарот на Далас, Лука Дончиќ постигна 73 поени на натпреварот од регуларниот дел од НБА сезоната против Атланта (148:143). Со овој ефект, Дончиќ постави нов личен рекорд.

Дваесет и четиригодишниот словенечки репрезентативец стана и четвртиот играч во историјата на НБА кој достигнал 73 поени на еден натпревар. Претходно ова им успеа на Вилт Чембрлен, Коби Брајант и Дејвид Томпсон.

Со триумфот против Атланта, Далас ја прекина серијата од три порази и се наоѓа на осмото место во западната конференција.

Претходно во понеделникот, центарот на Филаделфија, Џоел Ембид, постигна 70 поени на дуелот против Сан Антонио.

https://www.youtube.com/watch?v=GRblNTXolvo

The post Дончиќ постигна 73 поени, стана четвртиот играч во историјата на НБА со таков ефект appeared first on Република.

НБА ѕвездата Лука Дончиќ, не настапи за својата екипа, поради тоа што присуствуваше на раѓањето на своето дете.

Дончиќ, кој е во заедница со својата вереница Анамарија Голтес, ја сподели на Инстаграм радосната вест за раѓањето на нивната ќерка Габриела.

Дончиќ и Анамарија се во врска од 2016 година, а летово на 7 јули (7.7), Лука, кој носи број 77, ја запроси својата животна избраничка.

https://republika.mk/sport/kosarka/luka-donchik-tera-romantika-ja-zaprosi-devojkata/

The post Дончиќ стана татко, со својата вереница ја добија Габриела appeared first on Република.

Омилено возило на словенечкиот кошаркар Лука Дончиќ е „Apocalypse Hellfire 6×6 Super Truck“ произведен од компанијата Jeep.

Овој автомобил има дури 850 коњски сили, а до 100 километри на час може да достигне за 3,7 секунди. Досега ширум светот се продадени само 150 вакви возила, а Лука Дончиќ можеби е најдобрата реклама за автомобил кој многу личи на блиндирано возило.

The post Погледнете го „тенкот“ што го вози Дончиќ appeared first on Република.

Словенија го освои седмото место на Светското првенство откако ја совлада Италија со 89:85.

До победата кошаркарите на Словенија и во овој натпревар беа предводени од Лука Дончиќ кој се најде во центарот на вниманието и поради еден инцидент.Словенечкиот кошаркар ги загуби нервите и пцуеше по судиите, поради што доби тенхичка грешка.

Luka Doncic, hakemlerle sıkıntı yaşamaya devam ediyor.

Yine bir teknik faul 🥶

pic.twitter.com/LYrPcUHHGf

— Clutch Time (@ClutchPage) September 9, 2023

Извор: Спортски.мк

The post Дончиќ заборави дека му судат Хрват и Босанец – опцу и доби техничка! appeared first on Република.

Лука Дончиќ  се одлучи да ја запроси долгогодишната девојка Анамарија, а врска се од 2016 година.

Словенецот во редовите на Далас го носи бројот 77, па токму на тој датум ја запроси својата девојка која се занимава со манекенство. Двајцата се запознале во Хрватска во 2008 година, а осум години потоа и почнаа да бидат заедно.

Долги години во низа летуваат на хрватската обала, а оваа се на островот Раб.

The post Лука Дончиќ тера романтика, ја запроси девојката appeared first on Република.

Далас малку порано ја заврши НБА сезоната, па кошаркарите на овој клуб имаат повеќе време за одмор.Лука Дончиќ се врати во Словенија, каде ги помина велигденските празници, а потоа замина во Хрватска каде сака да одмара.

Расположението на Дончиќ е на високо ниво, барем така покажува едно видео кое се појави на социјалните мрежи. Дончиќ убаво се забавувал во кафана со песните од Саша Матиќ.

 

View this post on Instagram

 

A post shared by Bad Bunny Basket (@badbunnybasket)

The post Лука Дончиќ лумпува во кафана во Хрватска на песна на Саша Матиќ appeared first on Република.

Лука Дончиќ, големата НБА-ѕвезда, кој потекнува од Словенија е човек со големо срце. Вечерва објави дека ќе ги плати сите трошоци околу погребот и сѐ што е потребно за семејствата на деветмината загинати, од кои осум деца од незапаметениот масакр што вчера се случи во основно училиште во населбата Врачар, во Белград, кога седмооделенец уби осум деца и чуварот на училиштето вчера наутро.

Поради трагедијата и изгубените детски невини животи моето срце е скршено. Моите мисли се со семејствата на жртвите и со цела нација. Мојата фондација портади овој тежок и немил настан им пружа поддршка на сите семејства, учениците и настаниците на ОУ 'Владислав Рибникар'“, објави Дончиќ.

 

View this post on Instagram

 

A post shared by 192.RS (@192_rs)

The post Лука Дончиќ, човек со големо срце: Ќе го плати погребот на загинатите во масакрот на Врачар appeared first on Република.

Главен виновник за конфликтот меѓу Дончиќ и неговата атрактивна мајка Мирјам е нејзиното поранешно момче - бизнисменот Борис Пожег, со прекар „Пикси“.

Борис бил во врска со атрактивната мајка на Дончиќ Мирјам. Додека биле заедно, поранешната манекенка направила фатална грешка – го пуштила да управува со нејзините деловни компании кои го пласираат брендот на Лука Дончиќ.

Пожег дури стана сопственик на 40 отсто од компанијата „Лука Дончиќ 7“, која работи во Европа.

Бизнисменот подоцна раскинал со мајката на Лука, па ситуацијата уште повеќе се искомплицирала и кошаркарот сакал да го реши проблемот и да ја исфрли својата љубовница од игра.

Борис Пожег е истакнат бизнисмен од Љубљана. Се занимава со продажба на недвижности и угостителство. Бил косопственик на познат хотел, а во меѓувреме се префрлил на индустријата за сладолед и продажба на недвижнини.

Интересно, оваа година Пожег беше под истрага за учество во три големи кражби. Наводно, тој и уште двајца ја оштетиле другата страна за повеќе од 45 илјади евра.

The post Му чепнал во парите: Дончиќ игра лошо поради швалерот на мајка му appeared first on Република.

Малку се знае дека дедото на Лука Дончиќ по таткова страна живее на Косово.Стојан Дончиќ живее во селото Бича кај Клина.

Лука ни е крвта, срцето ни е полно кога го гледаме. Сите не прашуваат што ни е Лука, но ние сме скромни, не се фалиме многу со Лука“, изјави тој за „РТВ КиМ“.

Како што вели, Лука сака да дојде да го посети, но клубот не му дал дозвола од безбедносни причини.

„Лука сака да дојде, но клубот го спречува бидејќи мисли дека не е безбедно. Ќе чекам Лука да дојде и да ја фрли оваа топка во кошот. Нема да умрам додека не видам како фрла топкаво кошот во дворот-ракажува дедото.

The post Далас не му дозволува на Дончиќ да го посети дедото на Косово appeared first on Република.

 НБА лигашот Далас синоќа на домашен терен ја совлада Филаделфија со 133 – 126 предводен од Лука Дончиќ и Кајри Ирвинг, кои заедно постигнаа речиси две третини од вкупниот број поени во домашниот тим.

Дончиќ го заврши натпреварот со 42 поени и 12 асистенции, додека Ирвинг постигна 40 поени.

Со тоа Дончиќ и Ирвинг станаа само петти клупски тандем кој на еден натпревар постигнал по најмалку 40 поени во последните 30 години во НБА лигата.

Во поразениот тим Џоел Ембид се врати на паркетот по пауза од еден натпревар и запиша 35 поени и осум скокови.

Далас е шестопласиран на табелата во западната конференција, додека Филаделфија е трета на Истокот.

The post Дончиќ и Ирвинг ги постигнаа речиси сите поени за Далас против Филаделфија appeared first on Република.

Лука Дончиќ привлече големо внимание овој пат не поради неговата кошаркарска моќ, туку поради автомобилот со кој дојде на мечот против Атланта.

Дончиќ во гаражата на Американ Ерлајнс Арена се појавил во автомобил кој наликува на тенк. Тоа е Апокалипса 6х6.

Станува збор за специјална серија на компанијата Jeep, има мотор со 850 коњски сили, 100 km/h стигнува за 3,7 секунди.

Цената на еден ваков автомобил се движи од 500.000 до 1.500.000 долари.

The post „Aпокалипса“: Лука Дончиќ вози вистински ѕвер на тркала од милион долари appeared first on Република.

Кошаркарот на Далас маверикс, Лука Дончиќ, постави рекорд во НБА. Словенецот ноќеска на натпреварот против Њујорк стана првиот играч во историјата на лигата со 60 поени, 21 скок и 10 асистенции на еден натпревар.

Пред него, никој во лигата не успеа да постигне 60 поени, 20 скока и 10 асистенции на еден натпревар.

Дваесет и тригодишниот Дончиќ во сезоната 2022/23 има просек од 32,8 поени, 8,3 скока и 8,7 асистенции по натпревар.

Кошаркарот е еден од главните претенденти за наградата играч на сезоната во НБА.

Далас го доби натпреварот со 126:121 по продолжение

The post Дончиќ стана првиот играч во историјата на НБА со 60 поени, 20 скока и 10 асистенции на еден меч appeared first on Република.