Лидерот на ВМРО-Народна, Љубчо Георгевски преку објава на социјалните мрежи вели дека многу добро го познава убиецот на малата Вања, Љупчо Палевски-Палчо. Според него, Палевски го создал весникот СТАРТ, кој како што тврди Георгиевски, бил наменет директно против него.

Направи специјален весник за мене, СТАРТ кој траеше колку и мојот мандат, каде беа изнесувани сите дезинформации, лаги за говорот на омраза и да не зборувам за мене и блиските луѓе. Како да не го знам човекот кој како претседател на СДСМ за Град Скопје на славниот 15 септември катастрофално ме порази. Цело Скопје виде спас во него од мојата диктатура, истакнува поранешниот премиер.

Георгиевски наведува дека Палевски бил личен пријател на многу лица од политиката, спомнувајќи ги имињата на Бранко Црвенковски, Хари Костов, Доста Димовска и Зоран Верушевски, меѓу другите.

Општа констатација е дека системот на неказнивост родила монструм, но проблемот е што Македонците се заљубени во тој систем!? Системот има име „Длабоката југословенска држва“ и нејзиниот огранок во Македонија, пишува тој.

The post Георгиевски: Системот на неказнивост го роди Палчо, но Македонците се заљубени во тој систем appeared first on Република.

Партијата ВМРО-Народна партија на експремиерот Љубчо Георгиевски смета дека судењето во Битола на долгогодишниот член на ВМРО-ДПМНЕ, Љупчо Георгиевски, како претседател на клубот „Ванчо Михајлов“, е политички монтиран процес.

За жал државата преку својот орган на јавен обвинител учествува неодговорно, арогантно и прави пародија од правниот систем само за наводно да докаже некаква идеолошка определба на човекот кој е симбол на борбата за самостојна и независна Македонија. Пародијата го достигна својот врв кога како главен сведок на обвинителот во разобличувањето на Ванчо Михајлов е повикан авторитетот на Ламбе Алабаковски кој пак е човек кој веќе и официјално е осуден за потпалување на истиот клуб“, се вели во соопштението на ВМРО-Народна.

Во соопштението понатаму се додава дека за жал денес во Македонија се води процес за кој ни самиот Лазар Колишевски немал доблест да го поведе дури и во најтемните времиња, а сево овае своевидно сопствено вето што си го ставаме на нашиот пат кон европската интеграција.

ВМРО-Народна партија предлага веднаш да се прекине овој судски процес.

Георгиевски е обвинет за предизвикување национална и расна омраза и нетрпеливост, како и ширење расизам и ксенофобија преку компјутерски систем. На вчерашното рочиште Георгиевски рече дека не се чувствува виновен и дека на никого ништо лошо не сторил. Судењето продолжува на 18 декември, кога ќе бидат сослушани Ѓорги Црномаров и Благоја Шаторов, како сведоци на одбраната.

The post За ВМРО-Народна судењето на претседателот на клубот „Ванчо Михајлов“ од Битола e политички монтиран процес appeared first on Република.

Љубчо Георгиевски повторно ја тресе јавноста. Овој пат тој со историски анализи излезе на својот фејсбук профил.

Зошто не го го славиме востанието во Одринско, седмиот востанички округ на Тморо е јасно но не вистинито. Бидејки во Одринско се чисти Бугари треба да признаеме дека заедно сме се бореле иако сите ти се лојални на Централниот комитиет а нивниот лидер Михаил Герџиков е прв приател на Гоце и на Јане.

Но по инересно е зошто не го славиме востанието на Серскиот округ кое почнува на Крстовден???

На 1 септември 1903 во селото Пирин се собираат над 700 комити и пред сите Сандански се помирува со претседателот на Врховниот комитет генералот Цончев за заедничка борба. И не само тоа Сандански му дозволува да биде командант на востаничкиот штаб и им дозволува на сите врховистички војводи да бидат команданти на неговите комити????

И како после да не го скратиш Илинденското востание на десет дена!?“, напиша тој на фејсбук.

The post Историски „анализи“ на Љубчо Георгиевски: Треба да признаеме дека заедно сме се бореле со Бугарите appeared first on Република.

На вчерашното обраќање на Дрин Ахмети по повод купувањето на трговскиот центар „Соравија“ тој се обиде да го исполитизира целиот случај. Внукот на Али Ахмети се врати во воената 2001 година и залугите што ги има чичко му за Македонија.

Новопечниот бизнисмен нѐ потсети на изјавата на тогашниот премиер Љубчо Георгиевски за размена на територии меѓу Македонија и Албанија.

-Немаше да имаме Македонија денес ако го следевме Љубчо Георгиевски како ја дели државата. Али Ахмети не го потпиша тоа и вие не го цените доволно, кажа Дрин Ахмети.

Но, внукот на Ахмети заборави една многу важна работа. Тој истиот Љубчо Георгиевски сега е коалициски партнер на ДУИ и неговиот чичко Ахмети. Или пак сега бизнисот е поважен од политиката па ги зближува луѓето. Профитот пред сѐ.

The post Внукот на Али Ахмети го потсети коалицискиот партнер на чичко му дека сакаше да ја дели Македонија appeared first on Република.

Претседателот на Бугарија Румен Радев му врачи бугарски лични документи на Љубчо Георгиевски и Благој Шаторов на церемонија во претседателската резиденција. На почетокот на церемонијата беше отсвирена бугарската химна. Во салата присуствуваа и потпретседателката Илијана Јотова и техничкиот министер за надворешни работи Иван Кондов.

Ова е веста на денот од Република Бугарија, избрана на Бугарската телеграфска агенција (БТА) за објавување од МИА, согласно Договорот за размена на информации и професионална соработка, кој предвидува секој ден националните информативни агенции на Македонија и Бугарија да разменуваат директно избрана од другата агенција вест на денот на соодветната земја, а другата агенција да ја објави на својот интернет сајт без промени со изрично посочување и цитирање на партнерот како извор.

Љубчо Георгиевски е претседател на бугарскиот културен центар „Иван Михајлов“ во Битола, што беше затворен од властите во Република Македонија, а Благој Шаторов е негов секретар.

Потпретседателот ги потпиша указите за добивање бугарско државјанство врз основа на нивното бугарско потекло. Јотова му врачи бугарски лични документи на Христијан Пендиков во почетокот на мај.

Обвинителството во Битола покрена обвинение за ширење омраза и ксенофобија на Георгиевски во почетокот на мај.

Здружението „Цар Борис Трети“ во Охрид и културниот центар „Иван Михајлов“ во Битола беа затворени од Централниот регистар на Република Македонија по одлуката на Министерството за правда и добиениот негативен став на комисијата за имињата.

Оваа одлука беше како резултат на промената на Законот за здруженија и фондации, изгласан едногласно во Парламентот на Македонија, којшто забрани формирање организации, кои своите имиња, програма, цели и поттикнуваат кон агресија, разгорување на национална, расна, религиозна омраза или друга нетрпеливост, геноцид, истребување, ширење и помагање и одобрување на фашизам, нацизам, националсоцијализам и Третиот рајх.

The post Румен Радев им врачи бугарски лични документи на Љубчо Георгиевски и Благој Шаторов appeared first on Република.

Според она што го говори струмичката чаршија и Зоран Заев и Љубчо Георгиевски, двајцата поранешни премиери кои потпишаа договори со Бугарија, и повеќе од убаво заработуваат во овој град, известува „Алфа“, додавајќи дека иако едниот е горд на своите бизниси и не го крие тоа, другиот очигледно се обидува да ги сокрие своите фирми, регистрирани на име на друго лице.

Една од фирмите која се поврзува со Георгиевски, а е со седиште во Струмица е „АМГ Едилха“, која официјално е во сопственост на физичко лице од селото Секирник, општина Босилово. Но како што претхдоно објави Фактор, две третини од вкупниот влог во Едилха имала фирмата ВИП Проект, каде соспственик е физичкото лице Љубчо Георгиевски, чиј матичен број кореспондира со денот, месецот и годината на раѓање на поранешниот премиер.

На истата адреса со Едилха постои и уште една фирма, Ди Фи Мар, a и таа се води на име на друго физичко лице.

Улица „Свети Климент Охридски“ број 240, едно обично стовариште, но на оваа адреса според централниот регистар се наоѓаат и уште две компании АДМ Едилха и Ди-Фи Мар.

Според информациите главниот бизнис на Георгиевски во Струмица е градежништвото и изградбата на згради во овој град.

Повеќе на „Алфа“

The post Дали бизнисот ги поврзува Георгиевски и Заев во Струмица?! appeared first on Република.

Ќе го слушне ли некој „крикот“ на деканот на Православниот богословски факултет „Свети Климент Охридски“, Ѓоко Ѓоргевски, од неговото интервју за МИА спроти Денот на патронот на МПЦ-ОА, Св. Климент, историската комисија со Бугарија да го исклучи од дискусија прашањето за Охридската архиепископија, прашува Предраг Димитровски во анализата „Рацете подалеку од Охридската архиепископија“, објавена на Пресинг ТВ.

Ако се следат изјавите на бугарските членови, нашите „историски полит-комесари“ во последен момент се откажале од веќе постигнатата согласност! А, за што и во каква форма била постигната таа согласност никој не изусти ни збор, па работите требаше да се спинуваат дека не се разговарало за статусот на МПЦ-ОА, туку за претставување на црквата и нејзината улога воопшто во средновековието.

Притоа, се манипулира целата домашна јавност дека не знае да направи разлика меѓу статусот на МПЦ-ОА, што токму сега се решава, и историската улога на црквата како посебна институција.

Одговарајќи на новинарско прашање поврзано токму со ова, деканот Ѓоргевски оцени дека станува збор за „тешко прашање“.

-Познато е дека ОА ги менувала често своите граници, но знаела да биде голема од Молдавија и Романија, па се до Јужна Италија. Тоа значи дека таа секако дека е дел од животот, од историјата на многу народи. Значи тука е Романија, Бугарија, Србија, Грција, Албанија, Јужна Италија, но е неспоредливо значењето на ОА за нашиот народ и за нашата црква со сите останати. Значи, според мене и според моето скромно мислење, ако се има некакви заеднички ставови тоа треба да го прават сите тие останати земји нели заедно. ОА токму заради тоа, сите останати цркви околни коишто биле дел од ОА кога се возобновувале, никој не се повикал на неа. За разлика од МПЦ и почетоците, да се потсетиме на Првиот црковен народен собор 45-та година во Скопје по Втората светска војна и во Резолуцијата се донсува одлука дека треба да се возобнови ОА, таа да се нарекува Светиклиментова ОА. Значи дури ни не се спомнува дека треба да се именува како македонска, архипископот да биде архиепископ охридски. Па и денес ако сакате архиепископот прво се нарекув Архиепископ Охридски, па потоа и Македонски. Имајќи го предвид сето тоа, ние говориме да за историја, но знаеме дека и поводот за сите овие дискусии е нели на Комисијата, што ги води, се секако дека имаат свои импликации во денешното политичко наше живеење и би било можби пожелно доколку е можно да се исклучат, затоа што станува збор за еден процес кој се уште трае, а можно е и со тоа да му се наштети, изјави Ѓоргевски.

За потребата да се прекине со преговарањето за историјата на Охридската архиепископија во Комисијата укажува и проф. д-р Илија Велев, медиевист и византолог. Притоа, проф. Велев за „Пресинг ТВ“ укажува на два момента.

 -Прво, покренувањето политички мотивиран диктат во мултидисциплинарната македонско-бугарска комисија за историски и образовни прашања за евентуалната „заедничка македонско-бугарска црковна историја“ на Охридската архиепископија во македонските учебници директно поттикнуваат отворање контраверзи, кои осмислено би требало да го проблематизираат духовното и црковното наслеследство на МПЦ од историскиот контекст на Охридската архиепископија.

И второ, не треба да се запостави и фактот дека хегемонистичките притисоци од страна на бугарскиот дел на Комисијата да и се надополни уште и бугарски историски контекст на Охридската архиепископија во македонските учебници и во црковноисторискиот наратив, би требало да „предизвика“ и евентуални канонски компликации во актуелните процеси за приклучувањето на МПЦ-ОА во единството на сеправославната екумена.

Впрочем, според него, и

-Затоа треба ургентно да и се укаже на македонската влада да ги спречи ваквите ретроградни обиди преку Комисијата дополнително да не ги комплицира црковноканонските прашања преку изнасилено уценувачките „официјализирани“ меѓудржавни протоколи. Особено што во македонскиот „експертски дел“ од Комисијата членуваат самопотврдени дилетанти за црковната историја и за медијавистиката. Дилетантскиот однос кон тоа прашање најдиректно го потврди и немоќниот јавен настап на еден од членовите, Петар Тодоров, во вечерните вести на Сител ТВ, вели проф. Велев.

И наместо да ги тргнат рацете на страна од Охридската архиепископија, од настапот на Тодоров стана јасно дека наместо со надлежни институции и вистински експерти, нашите „историографски полит-комесари“ продолжуваат со праксата консултации да вршат со индивидуалци, меѓу нив и новинари, аналитичари и колумнисти, што покажува дека наместо науката, оставаат орото да го водат партиски пропагандисти!

Други потесни експерти од областа низ интелектуалните кулоари веќе наголемо укажуваат на блискоста токму на Тодоров со Љубчо Георгиевски, кој наводно се повеќе ги меша прстите во историската комисија и има своја улога и влијание врз нејзината работа!

Дека работите одат во погрешна насока укажува и сознанието дека без законски пропишаните процедури, министерот Османи пишувањето на учебникот за 7 одделение веќе му го доделил на првиот човек на неодамна формираното ад хок тело за (пр)оцена на имињата на бугарските клубови, Бобан Петровски!

The post Љубчо Георгиевски ги меша прстите во работата на историската комисија appeared first on Република.

Љубчо Георгиевски во емисијата 24 Отворено истакна дека Бугарите заедно со партизаните учествувале во ослободувањето на Скопје. Вели дека има структури во македонската историографија кои не дозволуваат историски да се зближиме.

- Дали бугарската војска после 9 септември е направен државен удар и фашизмот се заменува со комунизмот, каде главни се комунистите. од тој момент, бугарската армија под контрола на СССР ја менува страната и настапува кон Југославија во препречување на патот на армиските германски групи Е кои се повлекувале од Грција. Дали Бугарите учествувале во таа битка, тоа не е идентитеско прашање. Се работи за техники податоци и идеолошко прашање. Бугарија има извршено окупација на јужна Србија во војната каде граѓаните се јужносрбијанци. Бугарија била во сојуз со фашизмот и тоа треба да се дефинира така. Имаме ситуација која диктира што се случувало на 13 ноември. Фашистите во Скопје тогаш се германците и албанските балисти. Надвор од градот биле македонските партизани и бугарската прва армија. - вели Георгиевски.

The post Георгиевски: Бугарите заедно со партизаните учествувале во ослободувањето на Скопје appeared first on Република.

Со писмено соопшение се огласи ВМРО-НП на Љубчо Георгиевски во кое се вели дека францускиот предлог кој го добила македонската влада е најдобриот досега во изминатите неколку години.

-ВМРО-Народна партија ги разбира сите оние кои се против францускиот предлог и против напредокот на Македонија на европскиот пат.

Меѓутоа неможе да ги разбере оние политичари и интелектуалци кои со сила и свесно, најверојатно поради партиски причини, сакаат да ги манипулираат македонските граѓани.

Како што видовме во вчерашните реакции најмногу се манипулира со местото на македонскиот јазик во понатамошниот наш пат кон Европската унија.

Ако нешто е кристално јасно во овој договор тоа е дека македонскиот јазик е кристално чисто дефиниран и тоа ќе биде јазикот со кој понатаму Македонија ќе комуницира и договара со целиот свет.

На крајот на краиштата излегува дека всушност најголемиот проблем на овој предлог е што бугарското малцинство треба да влезе во Уставот на Македонија. А ако на некој тоа му пречи тогаш за тоа ќе треба да се прави посебна анализа.

Околу правните процедури дека можеле пак да ни стават вето сакаме да потсетиме дека тоа не е поради овој договор туку поради реформите кои Европската унија ги направи пред три години, на иницијатива на Франција. Таа можност апсолутно не е предизвикана од страна на нашиот источен сосед.

Затоа ВМРО-Народна партија уште еднаш смета дека францускиот предлог е досега најдобриот предлог во последните неколку години откако излезе спорот со соседна Бугарија.

И уште еднаш повикуваме да се престане со манипулациите и создавањето на атмосфера на драма и трагедија која во минатите триесет години барем четири пет пати сме ја гледале за разни теми и на крајот сме плаќале уште поскапа цена.

The post ВМРО-НП на Љубчо Георгиевски: Францускиот предлог е најдобриот досега appeared first on Република.

Претседателот на ВМРО-НП, Љубчо Георгиевски пред почетокот на средбата со премиерот Димитар Ковачевски во Владата изјави дека француски предлог не го видел, иако било кажано дека утрово ќе биде објавен, но сепак го коментираше претходниот француски предлог, иако, како што кажа, во основа останува ист. Според Георгиевски, во тој предлог имало и позитивни работи и не требало целосно да се отфрла.

Она што е важно е тоа дека во францускиот предлог македонскиот јазик е дефинитивно без проблем ставен во понатамошниот тек во односите со ЕУ. Она што е уште поважно, а на што многу малку се става акцент во Македонија, дека со прифаќањето на францускиот предлог во бугарскиот Парламент, факт е дека тие се откажаа од претпоследиот или последниот нивен став што беше донесен пред ветото за влезот на Македонија во ЕУ. Се сеќавате имаше два става кои беа неприфатливи дека македонскиот јазик до 1945 година бил бугарски и дека македонскиот народ до 1945 година бил бугарски и она што беше уште потешко за нас, тоа требаше според таа нивна позиција да го прифати Македонија. Тоа сега го нема и затоа сметам дека не треба да ги цениме само негативните елементи што мислиме дека се негативни во францускиот предлог, туку дека треба да цениме она што е позитивно - рече Георгиевски.

ВМРО-НП, рече тој, беше една од ретките партии кои рекоа дека во францускиот предлог има многу позитивни работи и оти не треба да се отфрла во глобала.

Она на што треба да се стави акцент е дека двете страни не се задоволни до крај, меѓутоа тоа е суштината на секој предлог. Тоа беше суштината и на Преспанскиот договор, кога двете страни колку и да споделуваат оценки дека се задоволни од предлогот во суштина остануваат не докрај сите нивни нереализирани моменти - посочи Георгиевски.

The post Георгиевски: Сѐ уште не сме го виделе францускиот предлог, но не треба целосно да се отфрла appeared first on Република.

Поранешниот премиер Љубчо Георгиевски целосно закрепнал по успешната трансплантација на бубрег во Истанбул - ексклузивно дознава News1.rs.

Во веста на српскиот пртал не се наведуваат детали за здравствената состојба на Георгиевски, но тој е веќе некое време повлечен од јавноста во Македонија.

Неговата општествена улога како коалициски партнер на СДСМ главно се состои од држење високо на пробугарските позиции во македонско-бугарскиот спор.

The post Љубчо Георгиевски целосно закрепнал по успешната трансплантација на бубрег во Истанбул appeared first on Република.

Поранешниот премиер Љубчо Георгиевски, кој деновиве беше спречен во обидот да одржи предавање во Софија, гостуваше во онлајн емисија со бугарскиот новинар Асен Генов.

Притоа, Љубчо ги прекори Бугарите, велејќи им дека Заев се откажал од шест клучни личности и бил подготвен да ги прогласи за заеднички херои на Македонците и на Бугарите, но тоа сепак не и било доволно на Софија и сепак ни ставила вето.

Пред ветото, јас сакав да споделам една мисла со бугарските историчари, но за жал не ме разбраа. Тоа е дека, ако Македонија е согласна да каже дека петте личности се дел од општата историја, а тоа се однесува на Свети Кирил и Методиј, Свети Климент, Свети Наум и цар Самоил, и имаше уште еден, шести момент, од македонска страна, и претседателот, и премиерот и претседателот на историската комисија спремни беа да кажат дека Гоце Делчев го прифаќаат за заедничка, општа личност на македонската и блгарската историја. Е сега, тоа се шест личности за кои македонската страна пред ветото беше спремна да каже дека се општи личности на двете истории. Јас не знам како членовите на блгарската комисија не можеа да разберат дека ако тоа се објави јавно, тоа ќе биде почеток на еден долг процес за кој нема запирање после. И не знам што очекуваа тие да се направи за да они кажат дека ок, процесот е добар. Јас навистина мислам дека да се каже дека тие шест личности се дел од општата историја е точно како да направите револуција во мислата на обикно..обичниот Македонец, но и на тие што професионално се занимаваат со историја во Македонија. Мислам дека тоа не беше разбрано од блгарската и политика и историја и наместо нештата во тој момент да тргнат во позитивен процес, тие повторно тргнаа за жал.., изјави Георгиевски.

https://youtu.be/2UnTaH4PDnw

The post Љубчо до Бугарите: Заев беше спремен да ви ги даде овие шест клучни личности, но вие не сфативте appeared first on Република.

Планирано предавање на поранешниот македонски премиер Љубчо Георгиевски во Софија е одложено поради упад на европратеникот и потпретседател на ВМРО-БНД Ангел Џамбаски и неговите поддржувачи во салата на Централниот воен клуб, јави дописникот на МИА од Софија.

Георгиевски требаше да зборува за бугарско-македонските односи, на покана од Клубот за бугарско-македонско пријателство, кој беше формиран неодамна.

Георгиевски изјави дека не му е јасно зошто се прави тоа и на кого му пречи тоа што дошол да го каже.

Пријателството се гради низ дијалог – категоричен беше тој во кратката изјава за дописникот на МИА од Софија и група бугарски медиуми, кои го следеа тоа што се случуваше пред Централниот воен клуб во Софија.

The post Ангел Џамбаски упадна на предавањето на Љубчо Георгиевски во Софија appeared first on Република.

Поранешниот премиер Љубчо Георгиевски вечерва во дебатниот магазин „Click Plus“ на ТВ21 истакна дека во Македонија има српско, но не и руско влијание.

„Ти да кажеш во Македонија дека има српско влијание, нема многу да згрешиш и јас тоа сум го кажал 100 пати. Ама да кажеш дека во Македонија има руско влијание…“, истакна Георгиевски.

Според него, тие воопшто не ја познаваат Македонија.

https://youtu.be/if1ObYFDjAE

The post Постои ли „длабока држава“ меѓу Скопје и Софија? – Георгиевски: Во Македонија има српско, но не и руско влијание appeared first on Република.

Поранешниот премиер и поранешен претседател на ВМРО-ДПМНЕ, Љубчо Георгиевски вели дека името ВМРО е име кое Тодор Александров и Ванчо Михајлов го поставуваат на меѓународната сцена.

Во времето на Гоце, Даме, историските личности тоа беше ВМРО. Самото име е име на Александров и Михајлов. Тие сами по себе контроверзни и ги спомнувавме во пакет. Со тек на времето, Александров доби легитимитет и го рехабилитираа. Кога зборуваме за Ванчо Михајлов, не зборуваме за да му се постави улица, но не можете да го етикетирате во македонската историја, затоа што се двата лидери на ВМРО кои го држат македонското прашање меѓу двете светски војни. Тие се двајцата лидери чии имиња е синоним за автономна, самостојна и обединета Македонија, кажа Георгиевски во емисијата „Клик плус“.

The post Георгиевски: Тодор Александров и Ванчо Михајлов се синоним за автономна и обединета Македонија appeared first on Република.

Онлајн преку платформата „Зум“ денеска ќе биде претставен нов клуб за бугарско-македонско пријателство.

Како што соопшти Институтот за општествени и хуманистички науки – Скопје, кој е виртуелен домаќин, темата на прес-конференцијата е „Претставување на нов клуб за бугарско-македонско пријателство и повелба за негово формирање со видео конференција меѓу видни јавни личности од Софија и Скопје“.

Од Институтот за општествени и хуманистички науки – Скопје информираат дека тие не се креатори и учесници во идејата и сакаат, како што велат, да ја поддржат иницијативата на добра волја која стои зад креирањето на оваа платформа.

Како што е најавено, меѓу основачите на Клубот од македонска страна се филозофката Катерина Колозова, политикологот Љупчо Петковски, новинарите Марјан Николовски и Столе Наумов, историчарот Драган Заjковски, поранешните македонски премиери Љубчо Георгиевски и Владо Бучковски.

Меѓу основачите на Клубот од бугарска страна се писателите Алек Попов и Чавдар Ценов, универзитетските професори Александар Ќосев, Ивајло Дичев и Маја Грекова, новинарите Бојко Станкушев, Иво Беров и Димитар Кенаров, експертот за одбрана Велизар Шаламанов, економистите Красен Станчев и Евгени К’нев, тенисерката Мануела Малеева, режисерот Јавор Г’рдев, советникот на претседателот Жељу Желев за етнички прашања и Михаил Иванов.

Исто така меѓу основачите се и три организации на македонските Бугари – Бугарскиот културен клуб Скопје (БККС), Културно-просветното друштво „Вардар“ и Здружението на граѓани за промоција, издавање, иницијативи и меѓународна соработка „ДЕЛО“ Скопје.

The post Денес се формира клубот за бугарско-македонско пријателство во кој членуваат Георгиевски, Бучковски и Колозова appeared first on Република.

Активистот за правата на Македонците во Бугарија, Атанас Кирјаков преку Фејбук го праша поранешниот премиер Љубчо Георгиевски дали може да им го даде под кирија, како што вели, неговиот стан во Благоевград за таму да го сместат Македонскиот клуб, додека не се отвори Клубот што го најави премиерот Димитар Ковачевски.

По отварањето на бугарски клуб со името на контраверзниот Ванчо Михајлов во Битола, пред Велигден, премиерот Димитар Ковачевски и вети на пратеничката од ВМРО ДПМНЕ Рашела Мизрахи дека „во Благоевград ќе отвори врати Македонски културен информативен центар и тоа до крајот на годината“. Ние, етничките Македонци и Македонки од Благоевград, таа изjава на премиерот Ковачевски можеме само да ја поздравиме со големи аплаузи, затоа што со години чекаме да има наш Македонски клуб во нашиот роден град. Ќе чекаме и ќе видиме дали премиерот Ковачевски ќе си го одржи на зборот.

 

Но, додека чекаме, а сме и буквално избркани на улица, сакаме да се обратиме и со една молба до бившиот премиер Љубчо Георгиевски. Дали Господинот Љубчо Георгиевски е согласен да ни го даде под кирија неговиот стан во Благоевград во кој стан ние, Македонците од Благоевград, ќе држиме  состаноци, додека отвори врати Македонскиот клуб најавен од премиерот Димитар Ковачевски - се наведува во обраќањето на Кирјаков.

The post Кирјаков до Георгиевски: Дај ни го под кирија станот во Благоевград за Македонски клуб appeared first on Република.