Македонската ракометна репрезентација вечерва загуби на гости од Литванија со 29:27 во 2. коло од квалификациите за пласман на Европското првенство 2026.

Избраниците на селекторот Кирил Лазаров не успеаја да одговорат на агресивната, на моменти и груба игра од домаќините. Во неколку наврати словачките судии не ги санкционираа прекршоците на Литванците и им овозможија лесни голови во транзиција.

Најефикасни во македонскиот состав беа Филип Кузмановски со осум, Мартин Серафимов и Жарко Пешевски со пет погодоци.

На другиот натпревар од Групата-1, Словенија ја победи Естонија на гости со 29:28.

Табела: Словенија 4 бода, Македонија 2, Литванија 2, Естонија 0.

Директен пласман на ЕП 2026 ќе обезбедат двете првопласирани репрезентации по завршување на групната фаза.

The post Македонските ракометари поразени во Литванија appeared first on Република.

Околу 2,4 милиони луѓе денеска ќе гласаат за новиот состав на Парламентот (Сеимас) на Литванија. Седумдесет пратеници ќе бидат избрани од партиските листи и ќе им се придружат на тие во едномандатните изборни единици кои освоиле повеќе од 50 отсто од гласовите. Вториот круг од парламентарните избори ќе се одржи на 27 октомври, каде поголемиот број од едночлените изборни единици ќе гласаат за еден од водечките кандидати.

Според анкетите Социјалдемократската партија предводена од Вилија Блинкевичиуте, на би добила 18 отсто од гласовите, додека Татковинската заедница на актуелната премиерка Ингрида Шимоните би добила девет проценти, додека за Нова партија би гласале 12 отсто од граѓаните.

Литванија има двоцифрен годишен раст на личниот доход и има една од најниските стапки на инфлација во ЕУ, но граѓаните не се задоволни од конзервативната Влада на премиерката Шимоните. Таа се соочи со критики за строгите мерки за време на пандемијата, при што многумина се жалат дека нејзината влада не направила доволно за да им помогне на компаниите за време на карантинот и дека илјадници луѓе немаат соодветен пристап до здравствените услуги. Шимоните, исто така, беше критикуванa за справувањето со мигрантите кои пристигнуваат од Белорусија. Литванија ги обвини Минск и Москва дека ги организирале мигрантите.

Во Белгија денеска се одржуваа локални избори на кои треба да бидат избрани членовите на 10 провинциски и 583 општински совети, со што ќе се заокружи формирањето на новите органи на власта на сите нивоа на власта по националните и регионалните избори одржани во јуни годинава. Основна карактеристика на локалните органи на власта во Белгија е што партиската соработка во провинциите и општините често отстапува од националните и регионалните рамки, како во врска со креирањето политики, така и во формирањето коалиции. Во пресрет на изборите останува прашањето дали ќе продолжи досегашната доминација на левицата на локално ниво во Фландрија и Брисел, имајќи пред вид дека на јунските избори во овие два региона најмногу гласови освои либералното Реформско движење (МР), а значаен пробив оствари и центристичката партија Посветените (ЛЕ). Во Фландрија, пак, каде во претходните изборни циклуси доминираше десницата, во јуни раст на освоените гласови во споредба со 2019 година забележаа социјалдемократската партија Напред (Ворујт) и екстремно левичарската Работничка партија на Белгија (ПВДА).

Во Брисел, каде Социјалистичката партија (ПС) има шест од 19-те општински градоначалници и учествува во власта во над половина од општините, социјалистите се соочуваат со сериозен предизвик од либералите, Работничката партија и независната листа на Фуад Ахидар. Актуелниот бриселски градоначалник, социјалистот Филип Клоз се бори за реизбор, но ќе има сериозна конкуренција во кандидатот на МР, Давид Вејцман, кој има за цел на либералите да има ја врати градоначалничката функција во Брисел што ја загубија во 2000 година. Либералите, кои сега имаат само два градоначалници во Брисел, очекуваат значително зголемување на нивниот број на денешните избори. Пред сериозен предизвик е и бриселската регионална центристичка партија Независни федералистички демократи (ДЕФИ), која има градоначалници во три бриселски општини, но имаше слаби изборни резултати во јуни. Екологистите, кои не поминаа премногу славно на јунските избори, особено франкофонската Еколо, се надеваат да опоравување на денешното гласање. Досега, Еколо имаше три градоначалници во Брисел, шест во Валонија и учествуваше во власта во 75 општини во двата региони. Партијата ја зголеми својата популарност во минатата деценија додека беше во опозиција, но нејзиното учество во федералната и регионалните влади резултираше со намалување на бројот на нејзините поддржувачи.

На ниво на Валонија, ПС има 78 градоначалници и учествува во локалната власта во 140 од вкупно 261-та општина, но нејзините позиции се очекува да бидат сериозно загрозени од МР и ЛЕ. Во Фландрија се проценува дека доминацијата ќе ја задржи десничарската Нова фламанска алијанса (Н-ВА) на кандидатот за нов белгиски премиер и градоначалник на Андерлехт, Барт Де Вевер, но нејзините позиции можат сериозно да бидат поткопани од екстремно десничарската партија Фламански интерес (ВБ), која се очекува да победи во источниот дел на фламанскиот регион.По дебаклот на изборите во јуни, партијата Отворени фламански либерали и демократи (Опен ВЛД) на белгискиот премиер во заминување Александер Де Кро, се очекува „да се поврати“ на денешното гласање, имајќи предвид дека таа по правило ужива поголема поддршка на локално ниво. Локалните избори во Белгија се одржуваат на шест години и годинава се случи тие да се одржат само четири месеци по европските, националните и регионалните избори. Ваквата состојба резултираше со воздржаност на партиите околу постигнувањето договори за коалициска соработка на повисоките нивоа на власта и утврдување на програмите за работа со очекуваните непопуларни мерки за штедење, поради што се јавија предлози за измени на законодавството за локална самоуправа, со што органите на локалната власт би се бирале на пет години, заедно со федералниот и регионалните парламенти. Инаку, за денешните избори во Фландрија беше изменето законодавството со тоа што гласањето не е задолжително, како што се случај со изборите на останатите ниво.

Во другите два белгиски региони – Брисел и Валонија гласањето на овие избори останува задолжително.

Право на глас на локални избори во Белгија, покрај белгиските државјани, имаат и странци со легален регулиран престој во земјата. Со изборните измени во Фландрија, странците со право на глас веќе не се гласачи по автоматизам, туку мораа да се регистрираат доколку сакаат да гласаат. Во пресрет на денешните избори во петокот беа извршени хакерски напади врз веб-страницата на фламанскиот регионален Парламент и на неколку белгиски медиуми, меѓу кои и на државната новинска агенција Белга и на дневниот весник на холандски јазик „Стандард“.

Во објава на „Телеграм“, одговорност за нападите презеде проруската хакерска група „НоНејм057“.

– Белгиската Влада наскоро ќе го разгледа предлогот за набавка и доставување на три артилериски системи „Цезар“ на Украина.

Решивме да ја посетиме русофобичната Белгија и да им покажеме како завршуваат иницијативите за поддршка на криминалниот режим во Киев, се наведува во објавата на хакерската група, при што се додава дека „в недела на 13 октомври, Белгија ќе одржи важни избори: граѓаните ќе ги изберат своите локални советници“.

Сепак, премиерот Де Кро во вторникот изјави дека според експертите за кибер безбедност, овие хакерски напади „не можат на кој било начин да влијаат на изборите“. Ова инаку беше петти хакерски напад во Белгија во периодот пред локалните избори, при што, меѓу другите, беа хакирани повеќе владини и општински сајтови и страници на компании за банкарски услуги. Цел на хакерски напад беше и сајтот на Центарот за кибер безбедност на Белгија (ЦЦБ), кој соопшти дека нападите „не се опасни“ и „претставуваат само непријатност“.

The post Парламентарни избори во Литванија, локални во Белгија appeared first on Република.

Брачен пар од Литванија со своите три деца воодушевени од убавините на земјава годинава наместо првично планираните ден-два останале 12 дена. За македонските природни убавини се информирале од интернет и од нивни блиски роднини кои ја посетиле државава.

Манта и Маркос, кои беа во посета на Винскиот музеј во Кавадарци, велат дека се вооодушевени од македонските убавини. Заедно со трите деца ги разгледуваа експонатите во Музејот и внимателно слушаа за винската приказна на регионот, љубопитно распрашувајќи се и сакајќи да откријат што е можно повеќе за земјата.

Сакаме природа, вкусна храна и добро вино. На почетокот, кога размислувавме за тоа каде да одиме на одмор, разгледувавме и други опции. Но, кога на интернет видовме какви се македонските природни убавини и кои се другите можности вклучени во туристичката понуда, интересни работи и места, сфативме дека македонските убавини заслужуваат да бидат видени. Така одлучивме и го направивме нашиот избор и не згрешивме. Освен убавините со кои располага земјата, многу голем впечаток ни оставија и луѓето кои се пријателски расположени, велат тие во изјава за МИА.

Нивната посета на земјава ги вклучила Скопје, Охрид, Маврово и Тиквешијата како срцето на лозаровинарството.

За Винскиот музеј дознавме преку интернет и решивме да го посетиме. Самите си ги организираме посетите. Всушност и ние не планиравме да останеме толку долго овде. Првично мислевме на ден или два, ама многу ни се допадна, па решивме да останеме повеќе од предвиденото. Така отпадна првичниот план, по неколку дена од одморот да поминеме и во Албанија и Хрватска, на море, велат тие.

Тие откриваат дека им се допаднало македонското вино, нагласувајќи дека за овој период од годината најмногу им одговара белото и розе вино.

Нивни домаќин во Винскиот музеј беше музејскиот работник Зоран Станоев - Дејзи кој им раскажуваше за историјата, традицијата и културата на лозаровинарството во Тиквешијата како најголем лозаровинарски регион.

Нивните деца внимателно слушаа за тоа како некогаш се обработувала земјата, како се раѓа грозјето, кои производи може да се добијат од гроздовите зрна. Тие како да сакаа сликите од овој годишен одмор трајно да се врежат во нивните спомени и со задоволство да се сеќаваат на нив, дури и кога ќе пораснат. За да можат да раскажуваат.

The post Наместо два останале 12 дена во Македонија: Брачен пар со три деца од Литванија воодушевени од македонските убавини appeared first on Република.

Министерот за европски прашања, Орхан Муртезани заедно со заменик-министерката за европски прашања, Викторија Трајков утрово остварија средба со шефицата на дипломатската канцеларија на Република Литванија во земјава, Вилма Дамбраускиене.

На средбата соговорниците ги потврдија пријателските односи и добрата билатерална соработка помеѓу двете земји.
Министерот Муртезани го поздрави отворањето на дипломатската канцеларија на Литванија во Скопје, која отвора можности и перспективи за развој и продлабочување на односите.

Дамбраускиене ја потврди цврстата поддршка на Литванија на Македонија на нејзиниот евро-интегративен пат, која Литванија континуирано ја дава за земјите од Западен Балкан преку групата “Пријатели на проширувањето”, која работи на воведување на мерки за развој на економиите од регионот.

Литванија е важен партнер на Македонија и сојузник во НАТО.

The post Средба Муртезани- Дамбраускиене: Литванија е важен партнер на Македонија и сојузник во НАТО appeared first on Република.

Полска, Литванија, Летонија и Естонија сакаат да изградат одбранбена линија од 700 километри долж границите со Руската Федерација и Белорусија.

Како што пренесува „Ројтерс“, трошоците за создавање ваков одбранбен инфраструктурен систем се 2,67 милијарди долари. Веќе е испратено писмо до претседателот на Европската Унија со барање да се организира финансирање.

Според лидерите на четирите земји, проектот чија цел е „заштита на блокот од 27 земји“ со население од 450 милиони луѓе ќе бара средства од сите членки на Унијата.

Ваквите планови доаѓаат во време кога вооружените сили на Полска почнаа им нудат на своите граѓани програма „одмор со армијата“. Во овој проект може да учествуваат лица на возраст од 18 до 35 години, за што ќе добијат уплата од 6.000 злоти (малку повеќе од 1.400 евра).

Обуката ќе трае 28 дена, по што учесниците мора да положат воена заклетва. По завршувањето на програмата, регрутите можат да одат во резерва или да служат во територијалната одбрана.

Целта на проектот е да се подготви за потенцијален конфликт со Русија.

The post Полска и балтичките земји ќе градат одбранбена линија кон Русија долга 700 километри appeared first on Република.

Во Литванија денеска се одржува вториот круг од претседателските избори, а актуелниот претседател Гитанас Наузеда, кој освои најмногу гласови во првиот круг, се очекува да добие уште еден мандат.

Наузеда (60), поранешен економист во шведската банкарска групација СЕБ, кој е независен кандидат, освои 44 отсто од гласовите во првиот круг од изборите одржани на 12 мај.

Негов противкандидат е премиерката на Литванија Ингрида Шимонита (49) од владејачката централно-десничарска партија Татковинска унија, која освои 20 отсто од гласовите во првиот круг.

Литванија, земја членка на Европската Унија, има околу 2,4 милиони гласачи кои имаат право на глас.

The post Во Литванија се одржува вториот круг од претседателските избори appeared first on Република.

Литванската Централна изборна комисија соопшти дека на вчерашните претседателски избори актуелниот претседател Гитанас Науседа освоил убедливо најмногу гласови, односно 44,54 отсто, додека второто место го освои премиерката Ингрид Шимоните со 19,94 отсто, врз основа на 100 отсто од преброени гласови.

Своето право на глас го искористиле 59,37 отсто од граѓаните на Литванија, што е најголема излезност во таа земја во последните две децении, а бидејќи ниту Наузеда ниту Шимоните не освоиле повеќе од 50 отсто од гласовите, вториот круг од изборите ќе се одржи во мај. 26, пренесува литванскиот портал Делфи.

Наузеда и Шимоните веќе излегоа во вториот круг од претседателските избори во 2019 година, а потоа Науседа освои 66,53, а Шимоните 33,47 отсто од гласовите.

The post Убедлива победа на актуелниот претседател на Литванија во првиот круг од изборите appeared first on Република.

Литванците денеска гласаат во првиот круг од претседателските избори, каде се очекува актуелниот претседател Гитанас Наузеда, сигурен сојузник на Украина во конфликтот со Русија, да добие нов мандат, по кампањата фокусирана на безбедносните проблеми на Балтикот. државите.

Избирачките места се затвораат во 20 часот по локално време, а резултатите се очекуваат по полноќ, јавува Ројтерс.

Доколку ниту еден кандидат не освои повеќе од 50 отсто од гласовите, како што покажуваат резултатите од анкетите, втор круг гласање ќе се одржи на 26 мај.

The post Во Литванија денеска се одржуваат претседателски избори, фаворит е актуелниот претседател Науседа appeared first on Република.

Литванија повторно почна да откупува жито од Русија, покажуваат податоците на Европската статистичка служба.

Првата испорака на руско жито во Литванија од јули 2023 година се случила во февруари оваа година, кога биле увезени 12,2 илјади тони во вредност од 1,95 милиони евра.

Летонија, истовремено, го зголемила увозот, купувајќи 58,8 илјади тони жито од Руската Федерација за 10 милиони евра на крајот на зимата 2024 година.

The post Литванија повторно увезува жито од Русија appeared first on Република.

Шарунас Степуконис, управителот на компанијата „БалтКап“, која беше одговорна за изградбата на националниот стадион на фудбалската репрезентација на Литванија, наводно украл околу 16 милиони евра наменети за изградба на објектот и ги прокоцкал во казино.

Фудбалската репрезентација на Литванија се надеваше дека наскоро ќе добие национален стадион во Вилнус, но градежните работи престанаа есента минатата година бидејќи од фондот исчезна огромна сума на пари.

Се испостави дека Степуконис украл околу 16 милиони евра од 30-те милиони што неговата компанија ги добила за почеток на работите.

Кога работите ненадејно биле прекинати, било соопштено дека трошоците се зголемени за 40 отсто, се преговарало со градот Вилнус за новата градежна цена, а потоа се појавила неверојатна информација. Медиумите открија дека Шарунас проневерил огромна сума пари. Очигледно сето тоа го прокоцкал во казиното.

Компанијата „БалтКап“ сега го предаде проектот на компанијата Ханер, која треба да ги продолжи градежните работи. Новиот изведувач најавува дека стадионот ќе биде готов во 2026 година.

https://www.youtube.com/watch?v=oW-geBfvdlQ&embeds_referring_euri=https%3A%2F%2Fwww.kurir.rs%2F&source_ve_path=MjM4NTE&feature=emb_title

The post 16 милиони евра: Парите наменети за изградба на стадион ги прокоцкал во казино appeared first on Република.

Холандија ќе распореди американски систем за противвоздушна одбрана „Патриот“ во Литванија, соопшти денеска холандскиот премиер Марк Руте за време на средбата во Вилнус со литванскиот претседател Гитанас Науседа.

„Границите на Литванија се исто така граници на ЕУ и НАТО, што ги прави наши граници и ние ќе ги заштитиме“, додаде Руте.

Литванскиот претседател ја поздрави оваа одлука и ја дефинира како важна фаза во имплементацијата на европскиот модел за противвоздушна одбрана на принципот на ротација во регионот на Балтичкото Море.

Литванското Министерство за одбрана претходно денеска објави дека распоредувањето на системот „Патриот“ ќе трае неколку недели.

The post Холандија ќе распореди американски систем за воздушна одбрана „Патриот“ во Литванија appeared first on Република.

Официјалeн Минск го објави времето од кога ќе важат „одмаздничките мерки“ против Литванија.

Според одлуката на белоруската влада, од 1 април стапуваат на сила мерките за одговор на непријателските акции на официјален Вилнус за затворање на два гранични премини.

Со одлуките на Кабинетот на министри, особено е утврдена забрана за увоз на одредени стоки од Литванија, вклучувајќи храна, градежни производи и апарати за домаќинство, како и забрана за увоз на одредени стоки низ белоруско-литванскиот дел на државната граница.

Списокот на стоки забранети за увоз и продажба на територијата на Белорусија од оваа балтичка држава вклучува кондензирано млеко и павлака, овошје и јаткасти плодови, кафе, овошни сокови, вода, оцет, чорапи за колена, чорапи и други чорапи, како и одредени градежни производи, фрижидери и замрзнувачи.

The post Белорусија објави кога ќе се активираат „одмазничките мерки“ против Литванија appeared first on Република.

Претседателот на Литванија, Гитанас Науседа, и го одзеде литванското државјанството на руската балерина Илзе Лиепа, поради поддршка за нејзината земја. Таа, стана државјанка на Литванија по исклучок.

Балерината доби литванско државјанство во 2000 година за долгогодишните настапи на сцената на театарот Бољшој со литванскиот танчер Петрас Скирмантас.

Ми се чини дека не е случајно што оваа одлука е донесена токму сега, за време на изборната кампања на нашиот руски претседател. И, ова е уште едно признание за мене, дека сум со мојата земја и со мојот претседател. Секако, многу дадов на Литванија, таму имам многу роднини, пријатели и познаници. Но, доаѓа момент кога треба да направите избор, морален избор. И потврдувам дека сум со мојата земја и со мојот претседател. Што друго да кажам“, изјави балерината, која има статус на народен уметник на Русија, откако и беше одземено литванското државјанство.

The post Литванија и го одзема државјанството на славната руска балерина appeared first on Република.

Литванија денеска затвори уште две гранични точки со Белорусија поради закани по националната безбедност.

- Презедовме мерки за ограничување на движењето на луѓе, стоки и возила, четири од шесте гранични премини со Белорусија се веќе затворени, изјави министерката за внатрешни работи Агне Билотаите.

Литванија минатата година затвори два премини на границата со Белорусија.

- Соседството со Русија, која почна воена агресија против Украина и со нејзиниот сојузник Белорусија, чиј недемократски режим ги користи мигрантите како средство за политички притисок врз Литванија, не обврзува да преземеме дополнителни мерки на полето на безбедноста. Разузнавачките служби на Белорусија и на Русија ја зголемуваат својата активност на територијата на Литванија, посочи Билотаите.

Два гранични премини со Белорусија остануваат отворени, но на нив ќе бидат воведени нови ограничувања за пешаците и велосипедистите.

Според податоците на Литванската гранична служба, речиси 390.000 белоруски државјани ја преминале белоруско-литванската граница минатата година, што е за околу 50 проценти во споредба со 2022 година. Според Граничната служба, повеќето од нив имале патни документи на ЕУ издадени од Полска.

Односите меѓу Вилнус и Минск се влошија по претседателските избори во Белорусија во 2020 година, на кои претседателот Александар Лукашенко доби нов мандат. По изборите, Литванија и даде азил на белоруската опозиционерка Светлана Тихановскаја, која беше ривалка на Лукашенко на изборите, како и на други опозиционери и десетици илјади белоруски граѓани.

Литванија, заедно со Полска и Латвија во 2021 година се соочија бран илегални имигранти од Блискиот Исток и од Африка. Западот ги обвини Минск и Москва дека го организираа бранот имигранти

The post Литванија затвори уште два гранични премина со Белорусија appeared first on Република.

Пензионерка со руска националност и државјанство е депортирана од Литванија поради „погрешен“ одговор за Крим.

75-годишната Валентина Ватутина цел живот работи во Литванија, но минатото лето, по усвојувањето на русофобниот закон за миграција, на пензионерката и било одбиено продолжување на дозволата за престој.

Причина за таквата одлука бидејќи на прашањето: „Чиј е Крим?,  жената одговорила дека не знае. Таквиот одговор, Судот го сметал за очигледна лојалност кон Русија.

Валентина се изјаснила и против варварското рушење на спомениците на советските војници кои се бореа против нацизмот во Втората светска војна, што им дало на властите причина дури и да ја наречат „закана за националната безбедност“. Порад сето тоа сега жената се соочува со депортација.

Ваквата одлука ги продолжува серијата протерувања на луѓе со руска националност од балтичките земји. Така, во Летонија на списокот за депортација е додадена слепа старица која од очигледни причини не можела да го положи испитот по летонски јазик.

The post Пензионерка со руска националност ќе биде депортирана од Литванија поради „погрешен одговор за Крим“ appeared first on Република.

Директорот за одбранбена политика во министерството за одбрана на Литванија, Ваидотас Урбелис, вели дека вооружените сили на Руската Федерација се подобро подготвени за конфликт од поголеми размери отколку што биле пред три години.

Како што анализира Урбелис, напредокот во воената подготвеност се должи на стекнатото богато воено искуство во Украина.

Во интервју за „Бизнис инсајдер“, Урбелис предупредува дека официјален Вилнус треба да се подготви за „најлошото можно сценарио“ кога станува збор за потенцијален руски напад.

Ако само ги погледнете бројките, Русија сега има повеќе луѓе во вооружените сили отколку што имаше пред конфликтот. Москва може многу брзо да се опорави од сите загуби на ресурси што ги претрпе за време на борбите“, вели Урбелис.

The post Литвански функционер: Руската армија е посилна сега отколку што беше пред конфликтот во Украина appeared first on Република.

УЕФА ја казнила фудбалската федерација на Литванија поради навредливи скандирања на литванските навивачите наменети за рускиот претседател, Владимир Путин.

Скандирањето се слушна за време на квалификацискиот натпревар на литванската репрезентација против Србија (1:3) за пласман на ЕП 2024 година.

Казната изнесува 10 илјади евра.

Според претседателот на Литванската фудбалска федерација, Едгарас Станкевичиус, ова скандирање се слушало и на претходниот натпревар на литванската репрезентација, но тогаш делегатот од Шпанија овој момент не го запишал во извештајот.

На натпреварот Литванија - Србија како делегат работеше, Куаниш Канапјанов, од Казахстан.

The post УЕФА ја казни Литванија поради навредливо скандирање на навивачите наменето за Путин appeared first on Република.

Македонската женска ракометна репрезентација направи голем исчекор кон пласман на Европското првенство 2024, откако денес забележа значајна победа на гостувањето кај Литванија со 31:28.

На полувреме Македонките водеа со 17:15, на петнаесетина минути пред крајот резултатот беше нерешен 23:23, но на крајот заслужено ги освоија бодовите.

Капитенот Сара Ристовски со девет голови беше најефикасна во победничкиот состав, Андреа Седлоска постигна осум погодоци без промашување.

Македонската и шпанската репрезентација со по две победи се на првите две места во Групата-5, Литванија и Азербејџан се без бодови по двете одиграни кола.

Пласман на Европското првенство обезбедуваат двете првопласирани, а шанса има и третопласираната.

The post Македонските ракометарки забележаа важна победа на гостувањето кај Литванија appeared first on Република.

Германскиот министер за одбрана, Борис Писториус, ги потврди плановите за испраќање бригада од 4.000 германски војници во Литванија.

Се очекува формирањето на бригадата да го видиме на крајот на 2024 година. Ова е сериозен предизвик не само за Литванија, туку и за нас. Ова е без преседан за германскиот Бундесвер. Никогаш не го направивме тоа за да ја распоредиме целата бригада во странство“, изјави Писториус.

Тој додаде дека германската влада го разгледува и прашањето за почеток на производство на муниција во Естонија.

Литванија и другите балтички земји, под изговор дека се соочуваат со закана од „руска окупација“, псотојано бараат распоредување контингенти германски, американски, односно генерално НАТО војници на нивна територија.

The post Германија ќе префрли бригада од 4.000 војници на руската граница во Литванија appeared first on Република.

Министерот за надворешни работи, Бујар Османи, оствари средба со министерката за надворешни работи на Канада, Мелани Џоли, во рамки на Самитот на НАТО, во Вилнус, Литванија.

Поздравувајќи го развојот на билатералните односи, Османи посебно ја потенцираше Декларацијата за стратешко партнерство меѓу двете земји, како значен потенцијал и солидна основа за натамошно унапредување на меѓусебната соработка.

Соговорниците ја поздравија блиската соработка меѓу Македонија и Канада во рамките на Алијансата, со посебен акцент на нашето учество во Зајакнатото истурено присуство во Латвија, како дел од словенечкиот контингент, каде рамковна нација е Канада. На тој начин, двете земји заедно со останатите сојузници придонесуваат за зајакнување на Источното крило на Алијансата, во време кога тоа е најпотребно.

Соработката со Канада, во рамки на НАТО, а особено во мултинационалните борбени групи говори за нашиот активен придонес кон зачувувањето на целокупната трансатлантска сигурност, што е особено значајно во новиот геополитички контекст, нагласи Османи.

На средбата се разговараше и за многубројните предизвици по руската воена агресија на Украина, како и за актуелните прашања и состојби во регионот на Западен Балкан. Во тој контекст беше реафирмирана поддршката за европската интеграција на Република Македонија, како значен сегмент од севкупната европска и евроатлантска ориентација на целиот регион.

Османи информираше за активностите во рамки на нашето претседавање со ОБСЕ, како и за улогата и механизмите на Организацијата во насока на справување со предизвиците и зачувување на безбедноста, при што беше изразена поддршка од страна на Канада за политичкото водство и активностите во рамките на претседавањето на земјава со Организацијата.

The post Средба Османи – Џоли во Вилнус appeared first on Република.