На денешната редовна седница на Советот на општина Гази Баба, советничката Марија Ѓошевска која доаѓа од редовите на политичката партија Левица, изјави дека ја напушта партијата и ќе делува како независен советник кој ќе дава поддршка на развојот на општина Гази Баба.

Досега во Советот на општина Гази Баба делував како советник на Левица, а од денес ќе делувам како независен советник. Секогаш ќе останам на страната на народот и ќе ги поддржувам проектите кои ќе бидат во корист на граѓаните. Ќе работам со ист интузијазам како и досега, без притоа да трпам притисоци кои досега ги трпев за наводен отчет пред партијата, наместо пред граѓаните. Како Советник должам отчет пред граѓаните, а не пред партијата, изјави Марија Ѓошевска на почетокот на денешната седница на Советот на општина Гази Баба.

The post Левица се распаѓа: Советничка во Гази Баба ја напушта партијата, дава поддршка на развојот на општината appeared first on Република.

Левица соопшти дека дава условна поддршка за предложените измени на Законот за организација и работа на органите на државната управа со кои ќе се овозможува реструктуирање на министерствата и зголемување на нивниот број по барање на коалицијата која го сочинува новото мнозинство во Парламентот, но бара од ВМРО-ДПМНЕ да прифати промена на изборниот модел и воведување една изборна единица.

https://republika.mk/vesti/makedonija/mitskoski-gi-objavi-predlozite-ke-ima-novi-ministerstva-za-energetika-za-sport-i-za-digitalna-transformatsija/

Левица повторно подава рака на ДПМНЕ за овие законски измени да бидат поддржани од нивните пратеници, со едноставен услов - паралелно со ова да се изгласа и Законот со кој ќе се промени изборниот модел и ќе биде воведена една изборна единица! Воведувањето на една изборна единица во Република Македонија е неопходно заради еднаквото вреднување на секој глас на граѓаните даден на изборите. Од мисијата на ОБСЕ веќе со години во своите извештаи препорачуваат ваков изборен модел во државата, а ова не би требало да биде проблем за прифаќање од страна на ДПМНЕ, со оглед на тоа дека тие во својата програма и во предизборните ветувања најавија вакво системско решение, се наведува во соопштението од Левица.

Потсетуваат дека измените за Изборниот законик беа поднесени и во претходниот парламентарен состав, а ваквото законско решение најчесто не се спроведува поради коалициите на владејачките партии со партиите од т.н. албански блок, кои, како што наведуваат, „заради националистички мотиви и намалување на вредноста на гласовите на граѓаните од другите етникуми, не дозволуваат измена во овој закон“.

The post Левица ќе ја поддржи реорганизацијата на министерствата, ако ВМРО-ДПМНЕ прифати една изборна единица appeared first on Република.

Пред денешната конститутивна седница, лидерот на Левица Димитар Апасиев рече дека ќе ја поддржи ВМРО-ДПМНЕ ако Африм Гаши не биде собраниски претседател, а во Собранието се зборува само македонски јазик. Тој посочи дека противуставен е Законот за јазици по кој претходно Талат Џафери претседаваше со седниците на албански јазик.

Не ние би дале поддршка од нашите шест за да не биде претседател на Собрание. Отворено го повикуваме Мицкоски, бланко поддршка, на невидено, само за да не биде повторно косоваризиран повторно македонскиот парламент. Противуставно е да се зборува на друг јазик освен македонскиот кога се преседава со седница, рече Апасиев.

Тој додаде дека ако зборува на македонски, може да преседува.

Си ги гласавте патриотите тоа ќе ви биде реалноста, додаде Апасиев.

Претседателот на ВМРО-ДПМНЕ Христијан Мицкоски, пак, коментирајќи ја оваа изјава, рече дека таа Левица се однесува како група на џанаци.

Димитар Апасиев имаше бланко понуда од ВМРО-ДПМНЕ пред изборите да се приклучи, тој одлучи да се посвети на плановите каде ќе ужива летото дали на Хургада или друга грчка плажа. И како што еден од неговите поранешни сопартијци вика дека тие се група на џанаци, така и продолжува да се однесува, рече Мицкоски.

Во тек е конститутивната седница на новиот собраниски состав.

The post Мицкоски и Апасиев си дале бланко понуди, но не си ги прифатиле appeared first on Република.

По објавувањето на првичната распределба на мандати, лидерот на Левица Димитар Апасиев на прес-конференција објави дека партијата што ја раководи освоила сигурни шест пратенички места, а се надеваат уште на еден кога ќе бидат обзнанети финалните резултати.

Во единицата имаме двајца пратеници на Левица, Апасиев и Хактан, во двојка еден фиксен, нашиот портпарол, во тројка имаме еден фиксен се бориме за втор, за ситно, многу ситно, 200 до 300 гласа се во прашање да влезе покрај Борислав Крмов, Александар Симонов, и така цел президиум да бидеме во Парламент, во четворка влегува Сашко Јанчев фиксно и во петка Јована Мојсоска, првата жена пратеник од Левица, рече Апасиев.

Она што се залагавме, рече тој - ни успеа: „Ја пасокизиравме СДС, ја кутнавме крупната буржоазија што беше наш детски сон уште од транзицијата, на под 20 пратеника, што не го ни сонувавме“.

Друга значајна победа, и покрај сета наша маргинализација, а фаворизација на Максо, го преполовивме проектот на ЗНАМ на половина од претседателските избори, што повторно покажува дека овој изборен систем повторно не краде, некаде го водиме за 4.000 гласови, а имаме ист број пратеници. Затоа прво барање на Левица ќе биде воведување на една изборна единица. Благодарам на сите активисти, Левица ќе продолжи за пет пати посилно од сега. Секој наш пратеник вреди колку за 10 нивни, да знаат дека ги чека пекол во Собранието со нашите борбени пратеници. Уште веднаш почнуваме со подготовка за локални избори каде ќе го надминеме и овој скор, да сте ми живи и здрави се надевам дека до сабајле ќе имаме седум пратеници, рече Апасиев.

The post Aпасиев: Ја урнавме СДСМ под 20 пратеници, ја преполовивме ЗНАМ appeared first on Република.

Она што го очекуваме на овие избори е да не може да се формира влада без Левица. Ова го истакна денеска Димитар Апасиев, претседателот на Левица и носител на кандидатската листа за пратеници од оваа партија во Првата изборна единица.

Во изјава за медиумите дадена пред почетокот на завршниот митинг во Скопје, Аапсиев ги повика граѓаните масовно да излезат на избори во среда.

Ние ја понудивме нашата македонска платформа и очекуваме идниот мандатар на ниво на таа платформа, да почне преговори. Апелираме до гласачите масовно да излезат и да гласаат на овие двојни избори. Очекуваме солидна бројка, дуплирање на резултатот од претседателските избори и освојување на прва пратеничка група на Левица од осум до 12 мандати, зависно од излезноста. Очекуваме машки фајт и битка внатре во Собранието, за македонските национални интереси, подвлече Аапсиев, изразувајќи благодарност до сите активисти, волонтери, на сите кои дале придонес во изминатиот период.

The post Апасиев: Она што го очекуваме на овие избори е да не може да се формира влада без Левица appeared first on Република.

Јована Мојсоска, носител на листата за пратеници од Петтата изборна единица и Генерален секретар на Левица, ги повика претставниците на ДПМНЕ во пресрет на изборите, ,,заедно да не дозволиме да се потпишат уставните измени".

Левица во Битола во изминатиов период докажа дека се спротивстави на Софиската платформа. Тука ние организиравме неколку протести и успеавме да го затвориме Фашистичкото дувло ,Ванчо Михајлов', кое никна токму тука во Градот на Стив Наумов.  Затоа во пресрет на 8 мај, ние подаваме рака до ДПМНЕ, за заедно да не се донесат уставните измени и да се спречи внесувањето на Бугарите во Уставот! Левица е тука и Левица е отворена да се спротивставиме на сите уцени, кои доаѓаат од надвор, како и на уцените кои доаѓаат од внатре - истакна Мојсоска.

Мојсоска повика заеднички да ги заштитиме интересите на Македонија и на македонскиот народ.

Заедно да ги поставиме црвените линии на сите уцени за федерализација на Македонија, како и за желбите на одредени партии - изборот на претседател да се врши во Собранието.

Мојсоска нагласи дека е потребно повторно да се врати сјајот на Битола со обновување на инфраструктурата и децентрализација на образованието, со што Битола повторно ќе стане студентски и образовен центар, а младите ќе ја препознаат својата иднина во Битола, порачуваат од Левица.

The post Мојсоска од Битола: Подаваме рака до ДПМНЕ, за заедно да не ги донесеме уставните измени appeared first on Република.

Денешниот изборен ден помина мирно во фер и демократска атмосфера, но сепак се случиле некои помали проблеми на изборните места, соопштуваат од Изборениот штаб на кандидатот за претседател на Левица, Билјана Ванковска.

Како што информираше Моника Маневска, портпарол на Ванковска, забележани се помали проблеми со фингерпринтот на повеќе гласачки места како Куманово, Ѓорче Петров, Аеродром и др.

Таа истакна дека од терен добиваат информации дека во Куманово се правеле редици заради проблемите со апаратот за читање на отисок на прст, а во некои изборни места гласањето почнало со доцнење.

Исто така, беше кажано дека и на овие избори се појавуваат нерегуларности во Избирачкиот список па така во некои изборни места има запишано за гласачи починати лица, а во некои гласачи кои се со постојано место на живеење и без промена на адреса, но ги нема во изборниот список.

The post Левица: Помали проблеми со фингерпринтот appeared first on Република.

Во обраќањето од Охрид претседателот на ВМРО-ДПМНЕ Христијан Мицкоски упати важна порака до целата јавност. Зборувајќи за одговорноста која ја носи самото име на партијата, Мицкоски се осврна на националното единство кое низ годините како да се заобиколува.

Нашето име е ВМРО-ДПМНЕ, ВМРО - Демократска партија за македонско национално единство. Тоа е многу силно име, кое не само заради историското ВМРО и континуитетот на кој се повикуваме како идеја и организација која ја славиме и која е нераскинлив дел од македонското национално движење и можеби најзначајна за македонскиот национален идентитет, туку истовремено и поради обврската и одговорноста која и вториот дел од името ја носи со себе. Долго време таа обврска и одговорност како да се одбегнуваше, некогаш занемаруваше, некогаш впрочем и попусти беа обидите да се оствари, но обиди, иако неуспешни, имало.

Јас сакам да успеам во тоа. И мојата прва иницијатива за обезбедување на македонско национално единство ќе ја започнам со тоа што сакам да обзнанам мораториум и запирање на сите напади кон партиите Левица и Знам. Ова го чувствувам како потреба на македонскиот народ, но и како моја обврска да пробам да го реализирам идејата за национално единство во моменти кога тоа ѝ е најпотребно на државата, во моменти кога државата е одземена од народот и во рацете на неколкумина корумпирани политичари од ДУИ со неколкумина корумпирани политичари од СДСМ кои се седнати во скут кај овие од ДУИ.

Со Левица и Знам имаме свои разлики. По повеќе прашања и од идеолошка, но и од принципиелна природа, но ценам дека во моментов најклучно за иднината на земјата е да се фокусираме на оние кои ја кдинапираа државата од рацете на граѓаните. Разидувањата сигурно ќе продолжат, но мора да наоѓаме заеднички јазик без разлика на лични и партиски суети и интереси. Од нив не очекувам да го направат истото. Дури можеби и ќе ме нападнат за овој гест, можеби некои оправдано ќе кажат дека задоцнет, но и покрај тоа, како и да се однесуваат споменатите партии, ние како партија ќе опстоиме на нашиот збор, рече Мицкоски.

Македонија мора да се обединува по сите основи, за тоа да се случи мора да се почне од некаде, и нема подобар период од тоа тој процес да започне токму сега и токму од нас, потенцира лидерот на ВМРО-ДПМНЕ.

И ова нема никаква врска со можни изборни коалиции и комбинаторики, ние очекуваме историски резултат, и историски највисока победа, и за тоа се свесни дури и нашите политички противници без разлика што мораат како што самите викаат да не се откажат од нивната иднина, попрецизно ќе беше нема откажување од својата фотеља, додаде тој.

Мицкоски рече дека и во иднина ќе има моменти кога националното единство ќе е неопходно исто како што ќе има моменти кога ќе се прејде на едно граѓанско единство без разлика на етничката припадност, затоа што ова е земја на сите граѓани кои живеат во неа.

Затоа мојата порака е нема откажување од граѓаните, нема откажување од единството помеѓу сите нас, затоа што сите ние заедно сложни со силата и капацитетот на сите нас, сме иднината на ова земја, рече Мицкоски.

The post Национално единство ѝ е потребно на Македонија: Мицкоски обзнани запирање на сите напади кон партиите Левица и Знам appeared first on Република.

Од Левица информираат дека претседателската кандидатка проф. Билјана Ванковска и Политичката партија Левица, на 1.04.2024 поднеле Иницијатива за оценка на уставноста и законитоста против Упатството за радиодифузери на Агенцијата за аудио и аудио-визуелни медиумски услуги за Претседателските и Парламентарните избори 2024 година, со барање на изрекување итна времена мерка за запирање на извршување на овој скандалозен подзаконски акт.

Сметаме дека АВМУ излегува надвор од границите на Уставот и на Изборниот законик, произволно толкувајќи ги одредбите од истиот директно на штета на нашиот потврден претседателски кандидат – оневозможувајќи го и ускратувајќи му го правото на еднаков пристап до медиумите и избалансирано медиумско претставување, со тоа што ни се узурпира и таа минута време за платено политичко рекламирање која што законски ни следува!

 

Со ваквиот тенденциозен чекор на АВМУ, на само неколку дена пред официјалниот почеток на изборната кампања, ни е нанесена непроценлива нематеријална и материјална штета како учесници во изборниот процес, а сериозно е доведен во прашање и кредибилитетот на целокупните избори во кои независните кандидати, поддржани од група граѓани, спротивно на закон, не се третираат еднакво и, отворено и противзаконски, се фаворизираат кандидатите на големите политички партии, преку нивните експоненти-членови во ДИК и во АВМУ, се вели во соопштението на Левица.

Левица, како оштетена странка, порачува дека нема да запре тука со своите правни инструменти и против сите членови на АВМУ и на ДИК, поименично, ќе поднесе кривични пријави до Основното јавно обвинителство за гонење на организиран криминал и корупција – за сторено кривично дело „Злоупотреба на службената положба и овластување“, а ќе побара и времена мерка за изрекување судска забрана за исплата на средствата за изборната кампања на сите потврдени независни претседателски кандидати.

Дополнително, ќе иницираме и граѓански спор за оштета во кој ќе бараме солидарна одговорност на сите членови на Советот на АВМУ за материјалната штета што ни е нанесена, а која се брои во милионски износ, додаваат од Левица

The post Ванковска и Левица пред Уставниот суд го оспорија упатството за радиодифузери на АВМУ appeared first on Република.

Од Левица ги објавија имињата на носителите на изборните листи за претстојните парламентарни избори.

Левица има вистинските носители на пратеничките листи во шестте изборни единици, кои се воедно и единствените, од севкупниот избор, кои немаат нанесено штета врз државата“, се вели во соопштението на партијата.

Носител во ИЕ 1: Проф. д-р Димитар Апасиев, претседател на Левица, пратеник во Собранието на Република Македонија, доктор на правни науки, професор на Правниот факултет при Државниот универзитет „Гоце Делчев“ - Штип.

Носител во ИЕ 2: Амар Мециновиќ, портпарол на Левица, член на Президиумот на Партијата и член на Советот на Град Скопје, активист за социјална правда и зачувување на животната средина.

Носител во ИЕ 3: Борислав Крмов, пратеник во Собранието на Република Македонија, член на Президиум на Левица и долгогодишен борец за социјална правда.

Носител во ИЕ 4: Сашко Јанчев, магистер по кривично право, член на ЦК и советник на Левица во Општина Гевгелија. Повеќегодишен борец за заштита на животната средина со фокус на југот на државата и борбата за Кожув да е национален парк.

Носител во ИЕ 5: Јована Мојсоска, дипломиран криминолог по финансиски криминал, генерален секретар на Левица и долгогодишен борец за социјална правда и заштита на животната средина и животните.

Носител во ИЕ 6: Игор Димески, раководител на Сектор за енергетика и советник на Левица во Општина Центар.

Еднаш засекогаш ќе се спротивставиме на политичките елити кои управуваат со нашите животи и ќе ја вратиме политичката моќ во рацете на работничката класа!

 

Нашите носители и идни пратеници во Собранието на Република Македонија ќе бидат гласот на народот во Собранието, како што докажаа и нашите досегашни пратеници.

 

Од нас сите зависи силата со која ќе се спротивставиме и судбината која сами ќе ја создадеме. Никогаш повеќе да не владеат над нас криминалот, корупцијата и профитот“, велат од Левица.

The post Левица: Ги имаме вистинските носители на пратеничките листи во шесте изборни единици appeared first on Република.

Борислав Крмов, пратеник на Левица во Собранието на социјалните мрежи ги навредува тие што напуштаат партијата, велејќи дека се ѓубриња.

„Нека се исчити ѓубрењето“, напиша Крмов на Фејсбук.

Носителот на советничката листа на Левица во Аеродром и советник во Општината, Дарко Масларковски неодамна објави дека повеќе не е член на политичката партија, а одлуката како што вели ја донел базирана на повеќе причини поради кои не може да остане рамнодушен.

https://republika.mk/vesti/makedonija/neshto-smrdi-korne-polna-e-so-vizantiski-igri-veli-sovetnik-vo-opshtina-aerodrom-od-levitsa-koj-ja-napushti-partijata/

Од Левица информираат дека го суспендирале и исклучиле од членство претседателот на Советот на Општина Карпош – Бранко Ристов; неговата партнерка Живанка Морис – поранешна координаторка на Левица-Дијаспора и советникот во Општина Аеродром – Дарко Масларковски (а.к.а. Пука Козметика).

Дисциплинската одлука е донесена заради превенирање на обидите за роварење на надворешни структури поддржани и координирани од ДПМНЕ да го саботираат процесот на собирање потписи и да нанесат предизборна штета на Партијата, преку таргетирање и контаминирање на идентификувани слаби карики помеѓу членовите.

Напоменуваме дека секој воочен внатрешен обид на непринципиелно и клиентелистичко делување, манипулирање, ширење дефетизам и шурување со одредени центри на моќ – било од обични членови или, пак, од раководни функционери на Левица ќе биде јакобински сосечен во корен! Неспособните кадри, кои се покажаа недостојни на задачата, ќе бидат заменети со нови, вредни, искрени и лојални работници. Тројца расипани си одат, триста чесни доаѓаат!

Автентичниот раст и масовната народна поддршка на Левица ги плаши буржујските квислиншки партии СДС и ДПМНЕ, поради што не бираат средства за напади кон нас. Ова е познато и веќе видено сценарио во секој изборен циклус досега, на што сме навикнати – па затоа и овојпат истото ќе биде навремено пресретнато од искусното партиско раководство, кое има целосна доверба и контрола во Партијата.

Затоа, нема да дозволиме изневерување на тешко стекнатата доверба од народот – и бараме оставка на Ристов и Масларковски од функциите кои ги узурпираат во општинските совети и враќање на нивните советнички мандати во рамките на легитимитетот кој ѝ е доверен на нашата советничка листа, се вели во соопштението на Левица.

The post Пратеникот на Левица Крмов со навреда на тие што ја напуштаат партијата, биле ѓубриња appeared first on Република.

- Ова што се случува во Левица е внатрепартиска криза која трае повеќе од една година. Минатата недела суспендиран од партијата беше Бранко Ристов кој истовремено е претседател на Советот во Карпош. Тој е разрешен од сите партиски функции и повеќе не е член на највисокото раководство (президиум).

Минатата недела се повлече и носителот на листата во Гази Баба - Дарко Стојановски кој беше член на Централниот комитет. Претходно и советникот Орде Маневски од Гази Баба си поднесе оставка, во екот на внатрепартиската криза.

Советникот во град Скоје, Александар Николовски, исто така ја напушти советничката група на Левица во Советот на град Скопје.

Пред еден месец разрешен беше и Методија Костоски од локалниот огранок во Прилеп кој беше приморан да си даде оставка и од советничкото место.

Претходно, оставки си поднесоа и модераторите на Прилеп, Кичево, Дојран, Ново Село, Карпош, Илинден, Аеродром...

Изминатите неколку месеци повеќе модератори на локални ограноци си поднесоа оставки а во повеќе ограноци има кризи. Распаднати ограноци се Штип, Кочани, Куманово, Прилеп, Охрид, Тетово, Гостивар, Кичево, Кисела Вода, Илинден, Гази Баба, Бутел, Ѓорче Петров, Карпош, Центар...

Незадоволството произлезе поради кадровските политики на президиумот и вметнувањето на непознати членови на високи функции кои имаат сомнително минато, се вели во реакцијата на разочараните членови од Левица.

The post Расколот во Левица продолжува: Разочарани членови со писмо до јавноста велат дека постои внатрепартиска криза appeared first on Република.

Борбата мора да биде чиста за вистински да направиш рестарт, вели Петар Богојески од Македонски концепт, споделувајќи договор потпишан од член на Левица, потпишан со „Пуцко петрол“.

https://republika.mk/vesti/makedonija/bogojeski-rakovodstvoto-na-levitsa-stanala-biznis-partner-na-dui-i-poradi-toa-go-kochi-okrupnuvaneto-na-opozitsijata/

Не може со ИЗМЕЌАРИ на ДУИ да правиш промени! Не може со СДС измеќарска, не може со ЛДП, ДОМ зимзелени, НП на љуБчо, Парија на пензионери… кои гласаа за Преспа, бугарски (француски) предлог, за Таље премиер…
НЕ МОЖЕ СО ТЕНДЕР ПАРТНЕРИ НА ДУИ од Град Скопје, како Левица на Апасиев, кои се врзале со Пуцко Петрол и фамилијарниот бизнис клан на Ахмети да се бориш!
Тоа е ЛАЖНА БОРБА!!!
Тоа е ДОГОВОРЕНА БОРБА!!!
Тоа е ПОД КОНТРОЛА БОРБА!!!
Тоа е БОРБА ЗА ДУИ, а не против ДУИ!
БОРБАТА МОРА ДА БИДЕ ЧИСТА, ИСКРЕНА, ЧЕСНА, ВИСТИНСКА… ако сакаш вистинска пензија за ДУИ! Ако не, терај “како до сега” што би рекол нивниот газда Аљи!
Ние вака мислиме!
Ти си возрасен, размисли, најдобро си знаеш!, вели Богојески.

The post „Не може со измеќари на ДУИ да правиш промени“ вели Богојески за Левица и СДСМ appeared first on Република.

Петар Богојески од Македонски концепт во вечерашното гостување во централниот дневник на ТВ Сител изјави дека Левица го кочи процесот на обединување на опозицијата, и тоа само поради тоа што раководството на таа пратија станала тендер партнер на ДУИ.

Во македонскиот дел од опозицијата има луѓе кои го бојкотираат тој процес, туку пред е Левица и Апасиев лично. И секогаш се прашуваме кои се мотивите против тоа да се пензионира ДУИ односно да се тргне ДУИ од власт после 20 и кусур глас. Во случајот со Левица и Апасиев имаме друг мотив. За жал јас очекував од таа партија да влезат поискрено во еден процес против власта и елитите меѓутоа таа партија станала бизнис тендер партнер на ДУИ - рече Богојески.

Богојески преку низа докази искажа дека раководството на Левица поточно во јавните претпријатија со кои раководи во Град Скопје склучила тендер со најблиската фирма на ДУИ, ПУЦКО Петрол.

Раководството на таа партија влегла во бизнис зделка и тендери со ПУЦКО Петрол, најблискиот човек од семејниот бизнис клан на Али Ахмети. На пример тука има договор со ПУЦКО Петрол каде што раководството на ДУИ склучува договори со Левица. Договорот е за набавка на гориво за јавните претпријатија кои ги води кадар на Левица, Антонио Димитров. Потоа има давање на тендери на фирми од Мала Речица. Потоа имаме фирма Арберија која е најпозната фирма на ДУИ, со луѓе од раководството на Левица. И сега сето ова ни го открива мотивот зошто таа партија го руши процесот на обединување на целата опозиција - потенцираше тој.

Богојески објасни дека врухушката на раководството преку Музеј на Град Скопје потрошила за авионски билети и луксузни хотели само за едно патување 645 илјади евра, додека во истиот ден исто од Градска Библиотека Браќа Миладиновци се набавени авионски билети во вредност од 2500 евра.

Врхушката на таа партија има на пример само за авионски билети и луксузни хотели само за едно патување 645 илјади евра. Во истиот ден кога тие билети ги купува од Музеј на Град Скопје управувано од Левица, имаме исто и набавка на авионски билет од скоро 250о евра Градска Библиотека Браќа Миладиновци, вели Богојески и порача дека потрошени се 35000 евра за партиски вработувања, како и по 1 милион за санација на тоалети.

Имаме 35 илјади евра за Агенција за привремени вработувања исто така кадри на Левица. Згрижување на партиски луѓе. Имаме 20 илјади евра некое опремување на рафтови на библиотека, има 1 милион, 2 милиона за санација на тоалети, за смешни работи каде се трошени милионски суми, кажа тој и додаде дека токму поради ова Левица го кочи процесот на обединување на опозицијата.

The post Богојески: Раководството на Левица станала бизнис партнер на ДУИ и поради тоа го кочи окрупнувањето на опозицијата appeared first on Република.

Професорката Билјана Ванковска ќе биде кандидат на партијата Левица за претседателските избори.

Ова го соопшти претседателот на Левица, Димитар Апасиев, кој истакна дека го имаат најдобриот кандидат.

Првиот круг претседателски избори во државава ќе се одржи на 24 април, додека вториот круг на 8 мај, заедно со парламентарните избори.

The post Професорката Билјана Ванковска кандидат за претседател од Левица appeared first on Република.

Во вечерашната емисија „Топ Тема“ на Телма ТВ гостуваше претседателот на ВМРО-ДПМНЕ, Христијан Мицкоски кој што истакна дека проевропскиот фронт на ДУИ и СДСМ, одлично кохабитираат со Левица која чекаше гости од комунистичката партија на Кина и се поклонуваа на Енвер Хоџа.

Во последно време во Градот Скопје јасно е изразена коалицијата Гром, Нова Алтернатива, ДУИ и СДСМ, и Левица да не ја заборавиме. Не очекувано со Левица, нели таа е анти ЕУ анти НАТО. Во Град Скопје СДСМ, ДУИ, Левица и Нова Алтернатива гласаат заедно. Јас кажав во политиката никогаш не вели никогаш ама од другиот блок ДУИ овој проевропскиот фронт СДСМ и ДУИ викаа никако Левица, Левица не сакаме да ја видиме. Јас не сум рекол така, ние велиме никогаш не ја затворајте вратата во политиката. Исток- Запад беше тезата, и сега од друга страна овие кои што беа гости на комунистичката партија на Русија или на Кина, на Енвер Хоџа му даваа почести, не честитаат празници православни, христијански, ниту муслимански, ниту ништо во коалиција гласаат со овие“, нагласи Мицкоски.

The post Мицкоски: Проевропскиот фронт на ДУИ и СДСМ, одлично кохабитираат со Левица која чекаше гости од комунистичката партија на Кина и се поклонуваа на Енвер Хоџа appeared first on Република.

Втор ден откако се погазени и престанаа да се почитуваат законите, Деловникот и Статутот на Општината во општината во Општина Карпош, вели Роберт Вељановски, Советник од ВМРО-ДПМНЕ во Советот на општина Карпош.

Левица како политички исцедок на СДС беше основното орудие со кое Стевчо Јакимовски го спроведе насилието за да биде донесен Буџетот на општина Карпош за 2024 година. Од претседателот на Советот кој доаѓа од редовите на Левица се уште има само молк, но затоа пак објавите на Јакимовски го потврдуваат фактот дека вчерашните немили и срамни настани на седницата на Совет беа спроведени по однапред договорено сценарио помеѓу Левица, СДС и Јакимовски“, вели тој.

Со објавите на градоначалникот, како што додава Вељановски, се потврдило дека дел од изведеното сценарио е и непојавувањето на претседателот на Совет на Општина Карпош на седницата.

„Неговата замена како претседавач со Советот, со советник под целосна и недвосмислена контрола на Јакимовски, инаку советник од редовите на ГРОМ, бруталната злоупотреба и манипулација на вработените во општинската администрацијата за вршење политички притисок врз советниците во Советот е ставање на целата структура на Општината во корист и служба на градежната мафија. Вчерашната седница ни ги навести и најави и средствата и начинот на кој што Левица има намера да му помогне на Јакимовски и СДС за усвојување на спорните ДУП-ови, Алумина, Млечен, Нерези и многу други. Граѓаните ги препознаа евтините трикови на Левица, граѓаните ги препознаа и скриените договори на Левица, СДС, Јакимовски и градежната мафија. Граѓаните ја препознаа и опасноста и ризикот дека ова истото ќе се обидат да го повторат, но исто така граѓаните веќе знаат дека ВМРО-ДПМНЕ е единствениот политички субјект во Советот на Општина Карпош, кој може да го заштити Карпош и нивниот интерес. Не знаеме каков договор и каква награда очекуваат Левица, СДС и Стевчо Јакимовски, но затоа знаеме дека ќе направиме се што е во наша моќ за да ги спречиме“, додава Вељановски и истакнува:

„Наместо градоначалникот да ги навредува и да ги упатува советниците на ВМРО-ДПМНЕ и коалицијата, од советот на Карпош на психијатриски прегледи, му препорачуваме да го искористи времето и добро да размисли пред да ја потпише одлуката за донесување Буџет на Општина Карпош за 2024-та година. Треба да знае дека за кршење на сите законски процедури се одговара. Уште еднаш оттука повторуваме дека ќе ги искористиме сите легални правни средства, ќе ги поднесеме сите потребни претставки и ќе се обратиме до сите надлежни институции за да ги спречиме во нивните намери“.

The post Вељановски: Левица како политички исцедок на СДС беше основното орудие со кое Јакимовски го спроведе насилието за да биде донесен Буџетот на општина Карпош appeared first on Република.

Денеска во Град Скопје имате јасна коалиција помеѓу ДУИ, Левица и СДСМ. Еве една одлука ќе ви кажам, а тоа е одлуката за субвенции коишто беа исплатени до Јавното сообраќајно претпријатие. Без да има одговор на тоа зошто се префрлени, каде се потрошени и како се потрошени гласаа советниците на Левица, СДСМ и ДУИ, , истакна претседателот на ВМРО-ДПМНЕ, Христијан Мицкоски за време на неговото гостување во емисијата „Интервју на Шења“ кое се емитува на ТВ Шења, говорејќи за тоа дека токму тие кои обвинуваат дека ВМРО-ДПМНЕ ќе коалицирала со Левица се во јасна коалиција со оваа партија.

„Јасна е коалицијата на советниците на СДСМ и Левица во општина Аеродром. Јасна е коалицијата на советниците на СДСМ и Левица во општина Велес и можам да ви редам многу такви општини. Сега за што зборуваме, каква порака испраќаме? Кажете ми како советникот на ДУИ од Сарај гласаше заедно со советникот на Левица за иста одлука?“, потенцираше Мицкоски.

https://republika.mk/vesti/makedonija/mitskoski-ne-mi-treba-takva-evropa-koja-shto-nema-da-me-pochituva-kako-makedonets/

Тој додаде дека несфатливо и збунувачки е како партиите од власта од една страна соработуваат, а од друга ја обвинуваат Левица за проруска партија.

The post Мицкоски: Постои јасна коалиција СДС, Левица и ДУИ appeared first on Република.

Љупчо Палевски и Левица со години се на иста страна, од Шарената револуција, и се понатаму. Ги спојува и СЈО, проeктите на Зоран Верушевски, магот на „подземната полиција“ и провокациите кон опозициската ВМРО ДПМНЕ од нивната лажна патриотска платформа, пишува „Вечер“.

Ова е постот на Палевски кој најавува и објавува дека им се заблагодарува на Левица и најавува соработка. Видете го датумот, 4 дена пред убиствата.

The post Палчо и Левица – благодарност и соработка appeared first on Република.

Чудна работа, секогаш кога рејтингот на Левица е во пад, како што е во моментов, на сите последни анкети, тогаш се договараат сценарија, заедно со ДУИ и СДС, меѓусебно да си помогнат, бидејќи тоа им одговара на сите страни- е ставот на ВМРО-ДПМНЕ за вчерашните инциденти во Собранието

Зошто Левица, вака не направи, за други, далеку поважни теми, отколку измени, на деловник за работа на Собрание, кои се прават често во Собранието.Веројатно Апасиев, утре ќе скока и ќе прават сцени, за да бидат забележани, за политички поени, за тоа дека не им се допаѓала фарбата на собраниските зидови, додека молчеше за францускиот предлог и за случајот онкологија во собранието.

Хистеријата што ја демонстрираат, укажува на тоа колку нестабилни се овие личности и колку се ризични, штетни и непредвидливи сами за себе и за државата.

Среќа што државата нема нуклеарно оружје, не се сомневаме дека Апасиев би го употребил, онака лефтерно и истовремено афектно, насочувајќи го врз Собранието, кај што сам се наоѓа, чисто да ни покаже, колку тој знае да е опасен, ако во бифето му дадат горко наместо благо кафе.

https://republika.mk/vesti/makedonija/istsenirani-intsidenti-na-levitsa-od-apasiev-koj-zagovarashe-shamari-klotsi-i-tupanitsi-za-velanoski/

Власта и Левица, веќе подолг период, се во коалиција, во Советот на Град Скопје, каде заедно ги гласаат сите желби на Данела Арсовска, па очигледно оваа соработка, се пренесе и во Собранието.

Толку е привидно ова сценарио на власта и Левица, што ни Мисовски, ни Талат Џафери, не го повикаа собраниското обезбедување, кога 10 мин некој го крши Собранието.

Граѓаните не сакаат да гледаат вакви комични сценарија, туку сакаат да видат мерки, со кои ќе им се крене животниот стандард, а на тоа ќе работи ВМРО-ДПМНЕ, веднаш по превземањето на власта.

The post Театарот „Левица“ во Собранието е поради намалениот рејтинг appeared first on Република.