Маскирани крадци влегле во замокот Виндзор додека принцот Вилијам, Кејт Мидлтон и нивните деца спиеле во нивниот дом во близина, објави вчера британски Сан.

Крадците користеле украден камион за да ја пробијат безбедносната капија на кралскиот имот. Според некои извори, тие најверојатно некое време го набљудувале замокот Виндзор.

Се верува дека принцот и принцезата од Велс, заедно со нивните три деца биле во замокот Аделаида, кој е оддалечен само пет минути пеш од местото каде што влегле крадците.

„Сан“ претходно објави дека вооружените полицајци биле отстранети од двата главни влеза во замокот Виндзор, иако се претпоставува дека тие сè уште патролираат околу имотот.

The post Маскирани крадци влегле во замокот Виндзор додека принцот Вилијам, Кејт Мидлтон и децата спиеле appeared first on Република.

Ноќва околу 02.45 часот во Скопје, во централното градско подрачје, полициски службеници од Единицата за интервентна полиција при СВР Скопје ги лишија од слобода Ј.Т. (19) и К.П. (19), двајцата од Скопје, поради основано сомнение дека сториле кривично дело „разбојништво“.

Веднаш по добиената пријава околу 02.30 часот од Ф.Ф. (22) дека во близина на Собрание на град Скопје две лица со закана со остар предмет му одзеле пари, преземени се соодветни мерки и активности и извршителите се лишени од слобода, а одземеното е пронајдено и ќе биде вратено на сопственикот. Пронајден е и предметот со кој е извршено делото и по документирање на случајот, ќе биде поднесена соодветна пријава, велат од МВР.

The post Ноќва грабеж кај Собрание, разбојниците веднаш уапсени appeared first on Република.

ОВР Кавадарци, до Основно јавно обвинителство Кавадарци, поднесе кривична пријава против 41-годишната С.В, Н.В.(43) и Р.В.(24), сите од Кавадарци, поради постоење основи на сомневање дека сториле кривично дело „кражба“ по член 235  став 5 во врска со став 1 од Кривичниот законик и против З.К.(64) од Кавадарци поради постоење основи на сомневање дека сторил кривично дело по член 235 став 1 во врска со член 23 до Кривичниот законик.

На 14.09.2024, полициски службеници од ОВР Кавадарци ги затекнале С.В., Н.В. и Р.В. како берат грозје од лозов насад во атар на село Возарци, кавадаречко, сопственост на 54-годишната Л.Р. од Кавадарци. Притоа, во возило комби „форд“ со кавадаречки регистарски ознаки, паркирано покрај насадот, и во редовите од насадот биле пронајдени 11 вреќи полни со грозје со вкупна тежина од околу 300 килограми. З.К. го сторил делото на тој начин што го поттикнал Н.В. да го изврши. Имено, тие се сретнале на 13.09.2024 во вечерните часови се сретнале, при што му рекол да оди на тој лозов насад и да го обере грозјето, соопшти МВР.

The post Крадци фатени со 300кг украдено грозје appeared first on Република.

Полицијата поднесе кривична пријава против Б.А.(50) од с.Никуштак, општина Липково, Р.М.(50) од с.Вакуф, кратовско и Б.А.(37) од с.Орланци, скопско, поради постоење основи на сомнение дека вршеле кривично дело Неовластено влегување во воени објекти и правење скици или цртежи на воени објекти и борбени средства.

На 14 април 2024 пријавените биле затекнати како со патничко возило „Фолксваген Шаран“ со скопски регистарски ознаки се движат низ воениот објект Криволак и при преглед било утврдено дека во возилото има метал – детектори и скенер за вршење археолошки истражувања, како и алат за вршење ископ за кои не поседуваат соодветна документација, објави МВР во дневниот билтен.

За кривичното дело за кое се осомничени тројцата пријавени, предвидена е парична казна или затвор во траење до три години.

The post Сомнителни лица фатени како го меркаат Криволак appeared first on Република.

Приведени двајца крадци од Србија поради извршени шест тешки кражби и украдени велосипеди на подрачјето на општина Аеродром.

Единицата за внатрешни работи Аеродром и Драчево при СВР Скопје поднесе кривична пријава против Љ.Г.(21) и А.К.(42), двајцата од Р. Србија. Тие се сомничат дека во изминатиот период извршиле шест кривични дела „тешка кражба“ и едно кривично дело „кражба“ на велосипеди на подрачјето на општина Аеродром, информираат од МВР.

Двете лица се лишени од слобода, а украдените велосипеди се пронајдени кај пријавените и вратени на сопствениците.

The post Фатени Срби што краделе точаци низ Аеродром appeared first on Република.

Основното јавно обвинителство Скопје поведе постапка против 23-годишник осомничен за тешка кражба на сеф во Скопје.

Ноќта меѓу 31 март и 1 април, осомничениот заедно со уште три лица, провалиле во затворен маркет на улицата „Востаничка“ во Скопје, одзеле метален сеф во вредност од 12.000 денари, дневен промет во износ од 228.000 денари и цигари вредни 45.000 денари, или се во вкупна вредност од 285.000 денари, соопшти денеска Јавното обвинителство.

Како што е наведено во соопштението, со возило пристигнале пред маркетот, со употреба на погоден алат – хебла, клешти и друго делувале врз влезната врата од маркетот, но не успеале да ја отворат. Еден од сторителите го стартувал возилото и удрил со задниот дел, кршејќи ги двете лизгачки врати. Потоа заедно со останатите осомничени ги демонтирале и ги поставиле покрај влезот од маркетот. Преку така направениот отвор сега осомничениот заедно со другите лица влегол во просторијата наменета за вработени, од каде го одзеле металниот сеф со дневен промет и цигарите, па заминале во непознат правец.

Бидејќи постојат околности што очигледно укажуваат на опасност од бегство, јавниот обвинител до судијата на претходна постапка од Основниот кривичен суд Скопје достави предлог за определување мерка притвор на осомничениот. Полицијата работи на откривање на неговите соучесници, велат од Обвинителството.

The post Падна еден од групата несмасни крадци: Станува збор за 23 годишно момче, откриена и сумата која ја имало во сефот! appeared first on Република.

Вчера во 12.30 часот во с.Долно Српци, општина Могила, полициски службеници од СВР Битола ги лишиле од слобода Т.Н.(35), Б.Џ.(37), С.Р.(20), А.Р.(23), А.Р.(45), Е.Б.(32), Д.Д.(24), Е.К.(24) сите од Прилеп и Р.В.(61) од с.Мажучиште, прилепско.

Како што соопшти МВР, рие биле затекнати при извршување на кражба во објект на ЗИК „Пелагонија“.

Од нив биле одземени патничко возило „фолксваген венто” со прилепски регистарски ознаки, патничко возило „фолксваген венто” со гостиварски регистарски ознаки и патничко возило „форд транзит” со гостиварски регистарски ознаки, натоварени со повеќе предмети сопственост на ЗИК „Пелагонија“.

Предметите биле вратени на сопственикот, а по целосно документирање на случајот, против лицата ќе следува соодветна пријава.

The post Крадци фатени на дело во ЗИК „Пелагонија“ appeared first on Република.

Двајца малолетници од Кочани во полициска станица признале дека вчера извршиле две тешки кражби и една во обид. Украденото им е вратено на сопствениците, а против малолетниците ќе бидат поднесени соодветни пријави, информираат од МВР.

По преземени мерки и активности, полициски службеници од Одделението за внатрешни работи Кочани при СВР Штип расчистија две кривични дела „тешка кражба“ и едно кривично дело „тешка кражба во обид“ извршени на 29 јануари годинава на територијата на општина Кочани од бутик, автоперална и сендвичарница, од каде се одземени разни предмети и пари, соопштуваат од МВР.

Поради постоење основи на сомнение дека се сторители на делата, во полициска станица биле повикани двајца малолетници од Кочани. Во службен разговор тие ги признале кривичните дела.

Украдените предмети биле пронајдени и вратени на оштетените граѓани. По целосно документирање на случаите, против нив ќе бидат поднесени соодветни пријави, известуваат од полицијата.

The post Малолетници фатени по неколку тешки кражби appeared first on Република.

Се будиш и гледаш како луѓе плукаат крв и молат за лек. Лек кој државата е должна да го има обезбедено и тие луѓе да нема ден да стравуваат барем за тоа од се она за што имаат да се секираат,... но нема лек, бидејќи државата не дека нема пари, туку нема ништо аир од тие луѓе да ги одржува во живот. Државата ви е монструм!

Се будиш и гледаш други дечиња, различни од тие вчера, молат за 100 денари по мобилен за операции низ Светот, молат за живот. Нема доктори, нема клиники, со Фонд резервиран за буржоазија и сопствен џеб, ги заболе за тоа каде и како и дали ќе успееме да собереме пари на време за да преживее детето, за што цел живот плаќаш и го полниш буџетот!? Додека ти споделуваш и се молиш на сите можни богови што повеќе луѓе да го видат постот на социјалните мрежи, тие гнетат бифтеци. Државата ви е монструм! Таа е најстрашниот кошмар, кошмар од кој не можеш да се разбудиш и нема никогаш да се разбудиш.

Се будиш и гледаш на група за родители со дечиња со посебни потреби со денови се прашуваат меѓу себе кога ќе има исплата на мочан кеш, мочан но на нив дури и тој очајно потребен, бидејќи 22ри од месецот сме, пари државата немала, касата е празна. Празна е за овие луѓе, кои скраја да е да помислиле на вашата ебена елка како изгледа и како изгледала некогаш и како би можела да изгледа во иднина!?

Тоа што се зезаме околу елката е едно, кој не го конта хуморот да се насмееме троа и смета дека "проблемот елката" навистина е ебано битен и вреден за муабет за сега и тука каде што живеете, тогаш вие сте ист монструм како вашата ви држава. Да ви ја ебам тоа елката, кога не знаете дека постојат луѓе што нема да одат на предновогодишна забава, нема да одат на новогодишна забава, нема дома да имаат софра не пак забава и ќе се пресреќни ако имаат среќа да имаат струја на 1 јануари. Државата ви е монструм! Ждере, се тови, убива. Вие сакате елка. Вие сте соучесник, помагате на монструмот.

Се будиш и гледаш медиуми го споделуваат тоа алкохоличарот Шиље, кој наместо од затвор, тој се начукал и ја критикува сегашнава карикатура од градоначалничка од викендица во Маврово. Разменуваат мислења за елката, ги заболе нив за тоа што ви го подготвува свињата Бислимовски во новогодишното пакетче од ЕВН. Државата ви е монструм! Ние сме монструми. Медиуми го есапат и го пренесуваат мислењето на алкоси криминалци.

Се будиш и гледаш најава за нова епизода на Срце на дланка, срце ти се кине што не им снемува материјал. Мислам дека живеам само еден ден се разбудам и емисијата е откажана, нема повеќе материјал за снимање, нема повеќе тажни најтажни приказни,.. тоа ќе значи дека сме направиле држава.
Изгледале ли тие монструми една сторија, се запрашале ли во која држава ги снимаат емисиите со дечиња што јадат секој втор ден, што дете на 14 години не пробало кифла, смока, што е жртва на булинг од најтежок можен вид, поради причина - сирмаштија. Државата ви е монструм! Сака во ЕУ за да има уште Фондови од кои ќе се товат.

Само Дантон и Робеспјер за вас свињи ненаситни.
Република да се направи.
...
И каде се парите??
Може не знам кај се милијардите, но знам каде се милионите.
Вие се фалите со нив, не јас.
Јован Деспотовски, Коста Петров, Фестим Халили, сите тројца ќе сте првите апсени. Додека сум јас жив вие ќе сте тие први на список за пеење. Вие имате ставено потпис и печат на тие 280 милиони евра, не јас, не зајко, вие.

После ова денес безобразно и бесрамно понашање на Фондот, одиме сега до крај, до затварање на тоа пералната Фонд за иновации. Преку таквото веќе!!
Немој случајно утре непознати броеви да ви текне да ѕвоните, немојТЕ!, еве јас ви се заканувам пред вие да пробате, кои и да ќе сте!?
За кратко ќе пишам за денешната манипулација на Фондот со цифрите, новинарите кутрички, ко да не можат да кликнат на прва страна на Фондот и имаат прашање,.. а потоа продолжуваме со фирми, со имиња и презимиња и со многу посериозни цифри од оние што лапнале по само 40-50.000 евра.
Доста беше.

The post Се будиш и гледаш како луѓе плукаат крв и молат за лек… appeared first on Република.

Полициски службеници од СВР Велес синоќа околу 20 часот го лишиле од слобода М.Г.(26) од Велес. Тој се сомничи дека со уште едно лице во куќа во Велес, каде што извршувале промена на клима уред, одзеле пари и накит, информираат од МВР.

Според пријавеното, тие искористиле прилика и го извршиле делото кога сопственикот излегол од куќата. Од МВР најавуваат дека по целосно расчистување и документирање на случајот, ќе следува соодветна пријава.

The post Му поставувале клима уред, па го ограбиле appeared first on Република.

Полициски службеници вчера лишиле од слобода две лица од Општина Дојран, откако кај нивните домови се пронајдени и одземени повеќе предмети кои потекнуваат од тешки кражби.

Вчера во 06:30 часот, полициски службеници од Одделението за внатрешни работи Гевгелија ги лишиле од слобода Р.Б.(27) од село Николиќ, општина Дојран и С.С.(31) од Нов Дојран. При претрес во нивните домови, извршени со судска наредба, биле пронајдени и одземени повеќе предмети кои потекнуваат од тешки кражби и кражби извршени во туристички капацитети и викенд куќи на подрачјето на Нов и Стар Дојран, соопшти Министерството за внатрешни работи.

Од МВР информираат дека лицата биле задржани во Полициската станица Гевгелија и за случајот бил запознаен Јавен обвинител од Основното јавно обвинителство Гевгелија.

Против Р.Б. е поднесена кривична пријава поради сомнение дека сторил седум кривични дела „тешка кражба“ и две кривични дела „кражба“, од кои пет биле извршени во 2023 година, а останатите во 2021 и 2022 година. Лицето било изведено пред Судија на претходна постапка, кој му определил мерка притвор, се наведува во соопштението на МВР.

The post Крадци хараат по викендичките и апартманите низ Дојран appeared first on Република.

Вчеравечер околу 21 часот во Маврови Анови, полициски службеници на СВР Тетово-Одделение за внатрешни работи Гостивар ги лишиле од слобода Д.С.(52) и С.М.(55), двајцата од Куманово.

Тие биле затекнати како од две возила оставени на паркинг на јавно претпријатие во кое работеле, со гумени црева извлекувале, односно одземале гориво од резервоарите.

Кај нив биле пронајдени и одземени 7 пластични канти со гориво и две гумени црева.

Двајцата се задржани во Полициската станица Гостивар за целосно расчистување и документирање на случајот, по што ќе им бидат изготвени соодветни пријави.

The post Вработени краделе гориво од службените возила, фатени се на дело appeared first on Република.

Полицијата лиши од слобода две лица од гостиварското село Добридол, под сомнение дека се сторители на дваесетина кражби, меѓу кои и последната кражба во штала во селото Градец кога беа одземени 48 овци.

Од СВР Тетово информираат дека вчера претпладне полициски службеници од Полициско одделение Галате ги лишиле од слобода Ј. М. (18) и А.Д. (23).

Тие се осомничени дека минатата и оваа година извршиле дваесетина тешки кражби во регионот на Врапчиште и во тетовско, при што од куќи и други објекти одземале пари, предмети, добиток, наведува портпаралот на СВР Тетово, Марјан Јосифоски

Според него, за Ј. М. и А.Д. постои основано сомнение дека се сторители и на кражбата извршена на 04.09.2023,кога од штала сопственост на А.А. (49) од гостиварски Градец се одземени 48 овци. Дел од одземените овци биле пронајдени и вратени на сопственикот.

Во текот на денот, двајцата осомничени ќе бидат изведени пред судија на претходна постапка на Основниот суд Гостивар со соодветен поднесок.

The post Фатени крадците на 48 овци, осомничени се и за 20-тина други кражби appeared first on Република.

Полициски службеници од Надворешната канцеларија за криминалистички работи Кавадарци вчера ги лишиле од слобода С.М.(37) од Кавадарци и А.А.(37) од Неготино, соопшти МВР.

При претрес во домот на С.М., извршен со судска наредба, биле пронајдени и одземени шест лап топ компјутери, делови за компјутер и друга компјутерска опрема за кои постои сомнение дека потекнуваат од кривично дело „тешка кражба“ сторено на 28.08.2023 во Здружени на граѓани на ул.„Браќа Хаџи Тефови“ во Кавадарци.

https://republika.mk/vesti/crna-hronika/stamenov-obieni-kantselariite-na-doniraj-kompjuter-sramota-e-da-se-krade-od-initsijativa-kako-nashava-sramota/

Додека, кај А.А. бил пронајден еден лап топ компјутер за кој, исто така, постои сомнение дека потекнува од истото кривично дело и дека го купил од С.М..

Пронајденото ќе биде вратено на сопственикот, а по целосно документирање на случајот против двете лица ќе биде поднесена соодветна пријава.

The post Фатени крадците што го ограбија „Донирај компјутер“ appeared first on Република.

Жителите на скопско Црниче бараат помош оти крадци се обидуваат да им провалат по домовите. Иако имаат безбедносни камери, крадците без страв влегуваат во нивните дворови. На социјалните мрежи се објавени и снимки од камерите, на кои се гледаат дрските крадци.

Од снимката се гледа како две лица со маски на лицето и ракавици се прикрадуваат во дворот. Доаѓаат до вратата, ѕвонат, но никој не им отвора. Додека едниот ја проверува околината, другиот се подготвува да упадне во домот. Се обидува неколкупати да ја прескокне терасата. Последниот пат, излегува лице од куќата, по што тие бегаат.

И ова не е единственото сведоштво, за коешто жителите бараат помош од МВР, но и од локалната власт.

The post Дрски крадци провалуваат по куќи во Црниче: Ако ги препознае некој од снимката да пријави! appeared first on Република.

Полициски службеници од Полициското одделение Кривогаштани вчера во кругот на поранешна фабрика во с.Кривогаштани, ги привеле И.Д.(40) и Ш.Ј.(32), двајцата од Прилеп.

Како што соопшти денеска МВР, тие биле затекнати при извршување на тешка кражба, при што одзеле повеќе предмети. Одземеното било вратено на сопственикот, а лицата биле задржани во полициска станица.

-По целосно документирање на случајот, против нив ќе биде поднесена соодветна пријава, велат од полицијата.

The post Крадци фатени на дело во Прилеп appeared first on Република.

олициски службеници на СВР Тетово - ОВР Гостивар, вчера во периодот од 13:30 до 16:40 часот, на улица „18 Ноември“, булевар „Браќа Ѓиновски“, улиците „ЈНА“ и „Борче Велјановски“ во Гостивар ги лишиле од слобода лицата со иницијали Е.А.(19), Л.Х.(20), З.А.(20) и еден малолетник, сите од Гостивар.

Од МВР информираат дека лицата се сомничат за сторени шест тешки кражби во станови. Одземените предмети биле пронајдени и ќе им бидат вратени на сопствениците.

Лицата, како што е наведено во соопштението од МВР, се задржани во полициска станица и по целосно документирање на случаите против нив ќе биде поднесена соодветна пријава.

The post Фатена гостиварска банда што обивала станови appeared first on Република.

Полициски службеници од ЕВР - Аеродром и Драчево синоќа, во 23.45 часот, на булевар „АСНОМ“ ги лишиле од слобода Е.К. (31) и Н.К. (24), двајцата од Скопје.

Како што соопшти МВР, лицата се сомничат дека на истиот булевар со употреба на сила и алат отвориле возило „Фолксваген Кеди“ со скопски регистарски ознаки и од него одзеле предмет, а се обиделе да го одземат и возилото.

Одземеното било пронајдено и вратено на сопственикот, а лицата биле задржани во полициска станица и по целосно документирање на случајот против нив ќе биде поднесена соодветна пријава.

По преземени мерки било констатирано дека двајцата биле на издржување казна затвор во Казнено-поправната установа „Затвор Идризово“ и до 9 јуни 2023 година користеле отсуство, се наведува во соопштението од МВР.

The post Затвореници пуштени на отсуство извршиле грабеж во Скопје appeared first on Република.

Полициски службеници од ОВР Крива Паланка ги лишиле од слобода С.Н.(27) и малолетник.

Како што соопшти МВР, лицата се сомничат дека од приватен имот во село Мартиница, Кривопаланечко одзеле дрва и други предмети.

Тие биле приведени во полициска станица и по целосно документирање на случајот против нив ќе следуваат соодветни пријави.

The post Уапсени малолетник и 27-годишник кои краделе дрва од приватен имот appeared first on Република.

Полициски службеници од ОВР Кавадарци вчера ги лишиле од слобода Е.М.(20) од Кавадарци и Д.Џ.(20), со привремен престој во Кавадарци.

Како што денеска информираа од МВР, тие се сомничат дека од двор на куќа, сопственост на К.Н.(55) од село Крушевица, општина Росоман, одзеле повеќе предмети. Лицата биле приведени во полициска станица, а одземените предмети биле пронајдени и вратени на сопственикот.

По целосно документирање на случајот, против нив ќе биде поднесена соодветна пријава.

The post Приведени двајца крадци во Кавадарци, одземеното вратено на сопственикот appeared first on Република.