Вознемирувачка вест стигна од Лондон, принцезата Кејт Мидлтон повторно се повлекува.

Кејт Мидлтон ги израдува сите кога се појави на Вимблдон, а поддршката што и ја даде публиката предизвика силни емоции кај принцезата.

Според инсајдер од Палатата, Кејт се повлекува од очите на јавноста за да продолжи со лекувањето.

Таа нема да биде во центарот на вниманието. Ќе биде со своето семејство или сама, за да ја зачува енергијата што е можно повеќе. Ќе има многу време да се фокусира на нејзиното закрепнување, вели инсајдерот, според Пипл

Меѓу другото, принцот и принцезата од Велс деновите ќе ги поминат во Норфолк со своите деца, сите патувања во странство се одложени, а познато е само дека на кратко ќе ги посетат кралот Чарлс и кралицата Камила во Шкотска.

The post Кејт Мидлтон повторно се повлекува од јавноста appeared first on Република.

Британските медиуми соопштија дека принцезата Кејт Мидлтон утре ќе се појави на централниот терен на Вимблдон и во живо ќе го следи финалето меѓу Карлос Алкараз и Новак Ѓоковиќ.

Планирано е да го додели пехарот на новиот шампион на овој турнир, еден од најпрестижните во историјата на тенисот. Присуството на финалето веќе го потврди Кенсингтонската палата во официјално соопштение.

Финалниот меч на Вимблдон меѓу Алкараз и Ѓоковиќ се игра утре од 15 часот по средноевропско време, а титулата ја брани шпанскиот тенисер.

Принцезата Кејт закрепнува од борбата со карцином и во изминатиот период искличително ретко се појавуваше во јавноста.

The post Принцезата Кејт Мидлтон ќе го додели трофејот на машкото финале на Вимблдон appeared first on Република.

Принцезата од Велс, Кејт Мидлтон редовно го посетува Тенискиот турнир Вимблдон и учествува во доделувањето трофеи на победниците. Вимблдон почнува на 1 јули, а иако Кејт се држи подалеку од очите на јавноста по нејзината дијагноза на рак, организаторите на турнирот се надеваат дека принцезата и оваа година ќе ја продолжи традицијата на доделувањето на трофеите.

Претседателката на Клубот „Ол Ингланд“ што го организира турнирот, Деби Џеванс за „Телеграф спорт“ изјави дека ќе ѝ дадат „што е можно поголема флексибилност“ на принцезата од Велс.

Се надеваме дека принцезата од Велс ќе може да ги предаде трофеите како покровителка на клубот, но во мигов, нејзиното здравје и закрепнувањето се најважни. Сè уште не знаеме ништо. Сè што велиме е дека ќе работиме со неа, ќе ѝ дадеме колку што е можно повеќе флексибилност. Не знам ниту кој би ги доделувал трофеите како замена. Остануваме флексибилни“, изјави Џеванс.

Кејт Мидлтон е љубителка на тенис, па како таква е и покровителка на „Ол Ингланд“ клубот за тенис на трева и крикет. Меѓутоа, откако ѝ е дијагностициран рак, таа е надвор од службените обврски.

The post Турнирот би сакал, но сè уште не се знае дали Кејт Мидлтон ќе доделува трофеи на Вимблдон appeared first on Република.

Британската принцеза Кејт Мидлтон денеска објави нова семејна фотографија за роденденот на принцот Вилијам, со наслов „Те сакаме многу, тато“.

На фотографијата објавена на официјалните социјални мрежи на кралската палата, принцот Вилијам и неговите деца – принцовите Џорџ, Луис и принцезата Шарлот – можат да се видат како уживаат на плажа во Норфолк, во близина на Сандрингем, пишува Тајмс.

На сликата, принцот Вилијам се држи за рака со своите деца, сите облечени во дуксери, бермуди и боси.

 

View this post on Instagram

 

A post shared by Kate Middleton (@_kate_middleton_royal)

The post Принцот Вилијам слави роденден, Кејт Мидлтон објави нова фотографија appeared first on Република.

Британската принцеза Кејт Мидлтон е видена во јавноста за прв пат по шест месеци, откако во март објави дека боледува од рак.

Принцезата е фотографирана во автомобил како пристигнува во Бакингемската палата за да го прослави роденденот на кралот Чарлс, пишува „Мирор“.

Таа на прославата пристигна заедно со синот Џорџ и нејзиниот сопруг принцот Вилијам.

Денеска е официјален роденден на кралот Чарлс во Велика Британија, а повеќе од 1.400 војници, 400 музичари и 200 коњи ќе учествуваат на парадата „Trooping the Color“ што по тој повод ќе се одржи во Лондон.

Кралското семејство ќе се собере на балконот на Бакингемската палата над која ќе прелетаат повеќе од 30 воени авиони, пишува „Мирор“.

The post Принцезата Кејт Мидлтон по пауза од шест месеци првпат се појави во јавност, откако објави дека е болна од рак appeared first on Република.

Принцезата од Велс напиша трогателна лична порака во која се заблагодарува на јавноста за поддршката по дијагнозата на ракот и откри дека утре ќе присуствува на церемонијата на Trooping the Color.

Кејт, која уште во март откри дека оди на „превентивна хемотерапија“ за недијагностициран облик на болеста, вели дека нејзиното лекување е во тек и ќе продолжи уште неколку месеци.

Иако нема целосно да се врати на јавните обврски, сега се чувствува доволно добро за да учествува на помалку јавни настани во наредните месеци. Првиот ќе биде утре на официјалната парада на кралскиот роденден, каде ќе се вози во кочија со своите деца, принцот Џорџ, принцезата Шарлот и принцот Луис, пред да се појави на балконот на Бакингемската палата со остатокот од кралското семејство.

I have been blown away by all the kind messages of support and encouragement over the last couple of months. It really has made the world of difference to William and me and has helped us both through some of the harder times.

I am making good progress, but as anyone going… pic.twitter.com/J1jTlgwRU8

— The Prince and Princess of Wales (@KensingtonRoyal) June 14, 2024

The post Принцезата Кејт Мидлтон утре ќе се појави во јавност appeared first on Република.

Последните информации за Кејт Мидлтон ја загрижија јавноста.

Светот остана во шок откако принцезата од Велс, Кејт Мидлтон објави дека боледува од рак.

По големите теории на заговор кои продолжуваат да се појавуваат, пристигнаа некои нови информации за тоа кога принцезата би се појавила во јавноста.

Извори блиски до Палaтата за The Daily Beast изјавија дека Кејт нема да се појави до крајот на годината.

Голем број вработени треба да го знаат точниот распоред на настаните неколку месеци однапред. Ми кажаа дека календарот на Кејт е целосно празен до крајот на годината. Воопшто ништо не е планирано. Според сите индикации, не ја очекувајте да има јавни настапи оваа година, рече изворот.

Во исто време, некои пријатели блиски на принцот и принцезата изјавија дека сега најважно им е нејзиното физичко и психичко здравје, па целото семејство ќе го помине времето во Сандрингам штом ќе завршат училишните обврски на децата.

The post Календарот со обврски на Кејт Мидлтон е празен до крај на годината: Новите информации за Кејт Мидлтон ја загрижија јавноста appeared first on Република.

Принцезата од Велс Кејт Мидлтон вечерва објави дека и е дијагностициран рак на 42-годишна возраст и дека е на „превентивна“ хемотерапија.

Принцезата рече дека ракот бил откриен откако имала операција на абдоменот за нешто што се сметало дека е неканцерогена состојба.

Операцијата беше успешна. Сепак, тестовите по операцијата покажаа дека има рак. Затоа мојот медицински тим ме советуваше да поминам курс на превентивна хемотерапија и сега сум во раните фази на тој третман“, рече принцезата од Велс во видео изјава објавена од Кенсингтонската палата.

Таа ја опиша дијагнозата како „огромен шок“ и рече дека таа и принцот Вилијам направиле се што можеле за да го обработат и да го менаџираат ова приватно за доброто на нивното семејство.

Ни требаше време да им објасниме сè на Џорџ, Шарлот и Луис на начин што е соодветен за нив и да ги увериме дека ќе бидам добро. Како што им реков; Јас сум добро и станувам се посилна секој ден со тоа што се фокусирам на работите што ќе ми помогнат да заздравам; во мојот ум, тело и дух. Да го имам Вилијам покрај мене е одличен извор на утеха и сигурност. Како што е љубовта, поддршката и љубезноста што ја покажаа многумина од вас. Нам двајцата ни значи многу, рече Кејт во обраќањето.

Ракот на Кејт бил откриен дури откако таа беше подложена на голема абдоминална операција во Лондонската клиника во јануари. Палатата Кенсингтон соопшти дека нема да споделува детали за тоа каков вид на рак има принцезата или во која фаза на рак е и ги замоли луѓето да не шпекулираат.

https://youtu.be/apAnjo4uLKM?si=d8IJk59PVwFbg8Sr

The post Принцезата од Велс, Кејт Мидлтон откри дека има рак appeared first on Република.

Во денешно време, изгледот како позната личност може да генерира големи придобивки, па дури и да стане многу профитабилна работа. Ваков е случајот со Хајди Аган, жена од Обединетото Кралство која изгради цела професионална кариера околу нејзината физичка сличност со принцезата од Велс Кејт Мидлтон.

43-годишната поранешна келнерка, се однесува како двојничка на Кејт повеќе од една деценија. Токму нејзините клиенти ја поттикнале да ја промени професијата.

Имав многу среќа со начинот на кој се одвиваа работите и веројатно никогаш немаше да се впуштам во оваа работа ако не бев келнерка на прво место. Токму клиентите ме натераа да ја видам мојата сличност со Кејт“, објасни Хајди во 2017 година за „Бизнис инсајдер“.

Од венчавката на принцот Вилијам и Кејт во 2011 година, нејзината кариера како двојничка тргна во нагорна линија. Од 2012 година, Аган се појавува како Кејт во САД, Австралија, Кина, како и во различни медиуми и печатени публикации.

 

View this post on Instagram

 

A post shared by Heidi Agan (@katemiddletonlookalike)

За Хајди, карактеризирањето како Кејт е доста сложено.

Морав внимателно да набљудувам како зборува и се однесува Кејт. Секогаш сум свесна како зборувам. Мислам дека сите двојници внимателно ги проучуваат темите затоа што мораат сами да научат. Таа понекогаш си ги гризе усните, не сум сигурна дали тоа е кога е нервозна или што, а нејзината коса е неверојатно тешко да се рекреира бидејќи има фантастична фризура“, објасни таа во 2017 година.

Аган е мажена за сликар по име Расел Аган, со кого го има синот Блејк и ќерката Абигејл.

Сепак, по „исчезнувањето“ на Кејт од јавниот живот, нејзината двојничката предизвикува голем интерес во јавноста, особено по гласините кои тврдат дека принцезата од Велс всушност не е личноста која се појавува на видеото објавено од ТМЗ во кое сопругата на принцот Вилијам излегува со сопругот на пазар на земјоделски производи.

 

View this post on Instagram

 

A post shared by Heidi Agan (@katemiddletonlookalike)

Откако Кејт беше оперирана, правев концерти на кои влегував и луѓето велеа: „Еве ја Кејт.“ Така почна шегата „ја најдовме Кејт“. Моите социјални мрежи полудеа откако се појави видеото. Но, тоа не бев јас. Да се ​​шегувам со Кејт е една работа, но мораме да и дадеме време сега и сигурна сум дека ќе се врати по Велигден, како што беше кажано. Во тоа време бев на работа, па знам дека тоа не сум јас. 100 отсто верувам дека се Кејт Мидлтон и Вилијам во тоа видео. Таа е жива и можеме да бидеме сигурни во тоа“, вели Хајди за „Мирор“, за паранојата што ја доживува јавноста во Обединетото Кралство овие денови.

The post Дали таа е видена во јавноста наместо принцезата од Велс: Ова е двојничката на Кејт Мидлтон appeared first on Република.

Принцезата од Велс Кејт Мидлтон конечно се појави во јавност, но Британците и светот сè уште не се сосема сигурни дали ја виделе вистинската принцеза.

Она што дополнително стана главна тема ретходните денови е скандалот поврзан со болницата во која лежела Кејт по мистериозна операција во пределот на стомакот.

https://republika.mk/zivot/semejstvo/bi-bi-si-se-na-gotovs-za-kejt-midlton/

Според странските медиуми, во болницата дошло до нарушување на безбедноста во болницата откако дел од персоналот бил обвинет дека се обидел да пристапи до нејзините приватни медицински досиеја.

Поради ова е покрената истрага.

Ова е големо нарушување на безбедноста и неверојатна загуба за болницата, со оглед на нејзината беспрекорна репутација за лекување на членовите на кралското семејство. Раководителите на болницата ја контактирале Кензингтонска палата веднаш откако инцидентот бил откриен и увераат дека ќе биде спроведена целосна истрага. Целиот медицински персонал е вознемирен од наводите. Засега има сомненија дека доста почитуван колега е одговорен за ова нарушување на довербата и етиката, изјави извор за „Мирор“.

The post Скандал во болницата во која е оперирана Кејт Мидлтон appeared first on Република.

Би-би-си наводно е во состојба на готовност поради Кејт Мидлтон и некаква најава која треба да дојде од Бакингемската палата, пишува магазинот „Форбс“.

Не престануваат коментарите и теориите на заговор кои кружат околу британската принцеза Кејт Мидлтон, која од Божиќ се нема појавено на службени обврски, а во јануари имаше операција на абдоменот.

Оттогаш, таа е видена само на кратко возење со автомобил со својатаа мајка Керол Мидлтон, а потоа и со принцот Вилијам, а сега наводно била забележана и во локална продавница.

И додека кружат приказни за нејзиното здравје, проблемите во бракот со принцот Вилијам и слични теории за тоа зошто таа не се појавува во јавноста, „Форбс“ дознава дека на уредниците на Би-би-си им било кажано да внимаваат на можна итна најава од кралската палата.

На социјалните мрежи имаше навестувања дека Би-би-си е на готовс за објава за Кејт, но од медиумската компанија не сакаа да одговорат на прашањето дали и какво предупредување добиле.

Бакингемската палата инаку има навика да испраќа предупредувања до неколку уредници, на пример пред да биде објавена веста дека кралот Чарлс e болен од рак, некои од медиумите веќе биле информирани за тоа.

Принцезата, која последен пат беше видена во јавност во Сандрингем на Божиќ, се очекува да им се врати на своите јавни должности по 17 април, по велигденските празници, кога нејзините деца ќе се вратат во училиштето Ламбрук во близина на Аскот.

Сепак, постојат шпекулации дека Кејт сега би можела да се врати порано, па дури и да се појави на велигденската утринска миса во капелата Св. Џорџ во имотот Виндзор.

За потсетување, шпекулациите за здравјето на принцезата уште повеќе се зголемија откако таа јавно ја презеде вината за фотошопирање на семејната фотографија што Кенсингтонската палата ја објави на Денот на мајката. Покрај низата несовршености, многумина забележаа дека Кејт не го носи венчалниот прстен, што поттикна бројни неосновани теории за состојбата на нејзиниот брак со принцот Вилијам.

The post „Би-би-си“ се на готовс за Кејт Мидлтон appeared first on Република.

Чарлс Спенсер, братот на покојната принцеза Дијана, во интервју за Би-би-си, изјави дека смета дека медиумското внимание што го претрпела неговата сестра е многу поопасно од вниманието кое сега го има Кејт Мидлтон, принцезата од Велс.

Ако се навратиме на 1997 година и на смртта на Дијана, мислам дека беше многу шокантно. Околностите на нејзината смрт беа толку шокантни што ги натераа папараците навистина повнимателно да размислат што смеат, а што не смеат, рекол Чарлс.

Сепак, тој рече дека е „загрижен за тоа што се случило со вистината“ поради многуте теории на заговор околу актуелната принцеза од Велс.

Да потсетиме, изминатиов период сите се прашуваат што се случува во британското кралско семејство. Имено, како што пренесе „Ју-ес викли“ Кејт Мидлтон не е видена од нејзиниот најблизок персонал, нитy знаеле што се случува со здравјето на принцезата. Последниот момент во јавност таа го имаше на Божиќ, по што беше оперирана на абдоменот во средината на јануари.

Пред седум дена таа објави фотографија со своите деца за да го честита Денот на мајката на сите мајки во Велика Британија. Но, јавноста и медиумите заклучија дека сликата е монтирана и беа пронајдени еден куп грешки. Никој не знае што навистина се случува со принцезата, а на интернет кружат многу теории на заговор.

The post Братот на принцезата Дијана проговори за ситуацијата со Кејт: Се грижам за тоа што се случи… appeared first on Република.

Целата ситуација околу Кејт Мидлтон почна да излегува од контрола. Палатата не излегува со официјални поконкретни информации, Кејт Мидлтон не се појавува во јавноста, а тоа изгледа влијае на фантазијата на луѓето кои смислуваат разни сценарија за овој случај.

Се плетат разни теории, а една од нив гласи: Роуз Ханбери, која претходно беше означена како љубовница на Вилијам, забременила и решила да го задржи бебето.

Кога Кејт дознала што се случило, доживеала нервен слом. Во напад на бес, на Вилијам му открила дека и таа има афера со Томас Кингстон и дека е бремена. Кингстон набргу потоа почина од фатални повреди. Вилијам потоа e виден со неколку модринки како знаци на борба, што укажува на удар во главата. Ова најверојатно се случило за време на смртта на Кингстон. Ова е причината зошто медиумите пишуваа за тоа кои членови на кралското семејство би можеле да бидат обвинети за злосторството.

Кејт била принудена да го абортира детето на Кингстон, но постапката станала комплицирана. Taa ситуација зачинета со нервниот слом на Вилијам, како потенцијален сведок на убиството на нејзиниот љубовник, дава до некаде покритие зошто кралскиот двор бараше таа да се повлече.

Во семејството владее хаос и децата не се доволно возрасни, обучени за контакт со медиумите за да го задржат својот углед. Има гласини дека едно од децата на Роуз е всушност на Вилијам. Наводно Кејт побарала од Вилијам да престане да се гледа со љубовницата, но тој одбил, бидејќи знае дека Кејт не сака развод затоа што сака да биде кралица, пишуваат медиумите.

The post Кејт дознала дека љубовницата на Вилијам е трудна и полудела, но не сака развод: Нови теории на заговор за кралскиот двор appeared first on Република.

Сите велат дека љубовницата на принцот Вилијам е виновна што британската принцеза Кејт ја нема во јавноста подолго време, а се шпекулира дека токму таа била мистериозната жена забележана во автомобил со престолонаследникот. Која е богатата маркиза Сара Роуз и дали му е љубовница на Вилијам? Таа живее во замок со 106 соби, предизвикува восхит со нејзниот стил, а се појави и на свадбата на принцот и принцезата, пишува „Индепендент“.

Гласината дека Роуз, маркизата од Чолмондели е причина што Кејт веќе неколку месеци не е во јавноста брзо се шири во Велика Британија. Дури, луѓето на социјалните мрежи тврдат дека има информации дека вчера таа била во автомобилот со Вилијам, а не принцезата Кејт. Не постојат докази за оваa шпекулација.

If this is how they launch Camilla 2.0 it really is going to break the internet… and maybe the monarchy pic.twitter.com/QP97P8dVnf

— Henry VIII (@SussexHenryVIII) March 11, 2024

Родителите на Сара се Тимоти Ханбери, веб-дизајнер и Ема Ханбери, моден дизајнер. Сара е поранешна манекенка и има 39 години. Работела за конзервативниот пратеник Мајкл Гоув, но сега го води имотот на нејзиниот сопруг, Дејвид Роксавиџ, седми маркиз од Чолмондели. Двојката има три деца – близнаците Александар и Оливер, кои имаат 15 години, и осумгодишната ќерка Ајрис. Семејството живее во Хоутон Хол во Норфолк.  Замокот изграден од првиот британски премиер, Сер Роберт Волпол, во 1720 година, Хотон Хол се наоѓа во простран парк со заградена градина и раскошен ентериер, дело на познатиот англиски архитект Вилијам Кент.

Сара Роуз го запознала својот сопруг, 23 години постар од неа, на одмор во Италија во 2003 година. Тие ја објавиле свршувачката шест години подоцна, а се венчале во Челзи во 2009 година.

Нејзините врски со кралското семејство се воспоставени уште од дамнина. Нејзината баба Лејди Елизабет Ламберт беше една од осумте деверици на свадбата на покојната кралица Елизабета Втора со војводата од Единбург. Завршила училиште во Бакингемшир, каде годишната школарина е околу 38.000 фунти, потпишала договор со врвната агенција за модели Сторм и е позната по откривањето на Кејт Мос.

The post За „исчезнатата“ Кејт виновна ли е љубовницата на Вилијам: Која е фаталната маркиза Сара? appeared first on Република.

Кетрин Мидлтон, британската принцеза од Велс, во неделата ѝ се заблагодари на јавноста за поддршката во нејзината прва јавна порака откако беше подложена на абдоминална операција во јануари, објавувајќи фотографија на којашто е со нејзините три деца.

На фотографијата која ја направил нејзиниот сопруг, престолонаследникот Вилијам, 42-годишнаа Кејт е насмеана и изгледа здраво опкружена со принцовите Џорџ и Луис и принцезата Шарлот.

Ви благодариме за добрите желби и континуираната поддршка во последните два месеци“, напиша Кејт во пораката на платформата X. „„На сите им посакувам среќен Ден на мајката“, додава принцезата.

Во Британија во неделата се одбележува Денот на мајката.

Фотографијата е направена претходно оваа седмица во Виндзор, каде живее семејството, соопшти нејзината канцеларија во дворецот Кенсингтон.

Кејт мина две седмици во болница во јануари по операција на абдоменот, за која беше кажано само дека не е канцерогена. Кенсингтон соопшти дека принцезата најверојатно нема да се врати на службените должности до Велигден, кој според грегоријанскиот календар паѓа на крајот на овој месец

Последните неколку седмици на социјалните мрежи се шпекулираше за здравјето на принцезата, која отсуствува од јавниот кралски живот од Божик. Нејзината канцеларија објави соопштение претходно овој месец, во кое се повторува дека ќе обезбеди само „значајни ажурирања“ за нејзиното закрепнување.

Операцијата на Кејт се случи истиот ден кога официјални лица од дворецот изјавија дека 75-годишниот крал Чарлс Трети, исто така, оди на болнички третмна за лекување на зголемена простата. Во текот на хоситализацијата на монархот, неговиот медицински тим открил дека тој има неодредена форма на рак. Кралот мораше да ги одложи своите јавни ангажмани додека се лекува, иако е фотографиран како извршува некои од неговите должности како шеф на државата.

The post Првата официјална фотографија од Кејт Мидлтон по операцијата appeared first on Република.

Бројни теории на заговор ја следат Кејт Мидлтон, чие закрепнување по операцијата на абдоменот на 16 јануари во Лондон продолжува. Она што може да се прочита на социјалните мрежи често е повеќе од бизарно. Судските експерти ја предупредуваат палатата дека има премногу мистерија и нејасност во најавите за здравствената состојба на принцезата од Велс и кралот Чарлс трети, што создава погодна почва за секакви шпекулации. Засега нема промена во јавните објави, а познато е што мисли принцот Вилијам за гласините поврзани со неговата сопруга.

Пред речиси два месеци беше објавено дека Кејт Мидлтон имала абдоминална операција во истата болница каде Чарлс Трети набрзо имал операција за бенигно зголемување на простатата. Подоцна му бил дијагностициран рак, кој бил поврзан со други здравствени проблеми. Но, не беше кажано за каков рак станува збор, ниту пак се знае која е причината за операцијата на принцезата, која пред само два дена се појави во јавноста, за прв пат откако ја објави здравствената состојба.

Иако од Кенсингтонската палата најавија дека Кејт нема да се појави во јавноста дури после Велигден и дека информациите за неа ќе бидат објавени по потреба, тоа не ги смирува теоретичарите на заговор кои кажуваат и пишуваат се - од тоа дека принцезата донирала бубрег на кралот, побегнала од Палатата, дека се породила во тајност, дека состојбата и е многу посериозна отколку што се мисли... претставени се најстрашните сценарија.

Како принцот Вилијам реагира на теориите на заговор?

Тој е фокусиран на својата работа, а не на социјалните мрежи“, изјави портпаролот на принцот од Велс, за магазинот „Пипл“.

Во текстот се вели дека не им придава значење, но тешко е што не се земаат предвид ваквите бизарни приказни. Судот и претходно имаше политика да реагира дискретно или воопшто да не реагира на многу работи, а искрено, теориите за Кејт можеби не заслужуваат поинаква реакција.

Вилијам неодамна реагираше на чуден начин кога го прашаа за неговата сопруга, експертите постојано ја предупредуваат Палатата да излезе со подиректно и подетално соопштение, но познато е дека Кејт (засега) сака информациите за нејзиното здравје да останат приватни.

The post Принцот Вилијам се огласи за теориите на заговор кои кружат за Кејт Мидлтон appeared first on Република.

Кејт Мидлтон, принцезата од Велс, ќе присуствува на церемонијата Trooping the Color на 8 јуни, по повод нејзиното враќање на кралските должности по операцијата на стомакот.

Министерството за одбрана потврди дека Кејт Мидлтон ќе биде присутна на Парадата на гардата на коњите во Вестминстер.

Принцезата од Велс, Кејт Мидлтон, имаше операција на абдоменот на 16 јануари и оттогаш не беше видена во јавноста.

Од Кенсингтонската палата не сакаа да откриваат многу детали за нејзината здравствена состојба, само кажаа дека принцезата ќе им се врати на обврските по Велигден.

Кејт Мидлтон вчера беше фотографирана во близина на замокот Виндзор, како што пренесе ТМЗ, во автомобил со кој управувала нејзината мајка Керол.

Кејт носеше големи очила и благо се насмевна, а многумина коментираа дека се надеваат дека тоа е знак дека нејзиното закрепнување оди добро.

The post Кејт Мидлтон ќе се врати на кралските должности во јуни appeared first on Република.

Принцезата Кејт се врати дома откако помина две недели на опоравување во приватна клиника во Лондон. Принцезата направи операција на стомакот, но деталите за нејзината здравствена состојба остануваат мистерија.

Принцезата од Велс се врати во Виндзор, каде што ќе се опоравува од операцијата. Таа добро закрепнува. Принцот и принцезата сакаат да му се заблагодарат на целиот тим во лондонската клиника, особено на посветениот персонал кој ја пружи сета потребна нега, соопштија од палатата, додавајќи дека семејството е благодарно за сите добри желби.

Иако сега е на домашна нега, Кејт не се очекува да се појави на своите обврски во јавноста пред Велигден.

Таинственоста околу операцијата на принцезата предизвика коментари на социјалните мрежи, но и голема загриженост.

Палатата одби да открие детали за здравјето на принцезата и операцијата за јавноста, што предизвика илјадници коментари на социјалните мрежи.

Да, изгледа многу нејасно. Тајноста околу ситуацијата само поттикнува дополнителни шпекулации. Многу чудно", "Зошто толку таинственост околу операцијата на абдоменот?", "Не разбирам зошто кријат што не е во ред со неа, тоа е само собирање коментари“, пишуваат луѓето на Инстаграм.

Да потсетиме, и свекорот на Кејт, Чарлс, направи операција на простатата и кралското семејство ги објави деталите за операцијата. Ова ги загрижи многу кралски фанови дека состојбата на принцезата од Велс е полоша отколку што таа сака да признае.

The post И по операцијата на стомак деталите за здравствената состојба на Кејт Мидлтон остануваат тајна appeared first on Република.

Принцезата од Велс Кејт Мидлтон од пред 3 дена е во болница во Лондон каде мораше да оди на операција на абдоменот. Палатата Кенсингтон објави дека операцијата била успешна и дека принцезата ќе остане во болница помеѓу 10 и 14 дена.

Како што пишува Дејли Мејл, Кејт Мидлтон по операцијата се чувствува добро и закрепнувањето оди добро.

Од палатата не сакаат да откриваат никакви детали за операцијата, но познато е дека и принцот Вилијам зел отсуство за да се грижи за својата сопруга и да им се посвети на децата.

Ова би можело да биде нешто што ја мачело цел живот и не можела да го реши навреме, или може да биде проблем што се појавил неодамна, вели д-р Зои Вилијамс.

 

View this post on Instagram

 

A post shared by The Prince and Princess of Wales (@princeandprincessofwales)

Се очекува Кејт да им се врати на кралските обврски по Велигден.

Речиси во исто време кога јавноста дозна за принцезата, кралот Чарлс објави дека ќе мора да оди во болница поради зголемена простата.

Во соопштението објавено од палатата, се наведува: „Заедно со илјадници мажи секоја година, кралот бараше третман за зголемена простата“. Следната недела кралот ќе оди во болница на корективна процедура. Јавните ангажмани на кралот ќе бидат одложени за краток период“.

Вилијамс нагласи дека најважно е Кејт да има доволно време да се опорави и дека периодот на нејзиното опоравување не е премногу стресен за неа и нејзиното семејство.

Зборуваше и докторката Дебора Ли и рече дека по операцијата на стомакот, повеќето пациенти остануваат во болница четири до седум дена. По лапароскопска хирургија, ова се намалува на два до четири дена.

Се зависи од тоа што точно е направено. Ако пациентот треба да биде на интензивна нега, престојот во болница веројатно ќе биде значително подолг. Може да поминат два месеци или повеќе пред пациентот да се чувствува удобно и да може нормално да се движи, рече таа.

Болницата служи мени што пациентите сами го избираат. Угостителскиот тим соработува со диететичарите за да се создаде идеално мени за пациентот.

Секоја соба има сопствена бања, клима, ТВ и телефон.

Посетите се дозволени до 21:30 часот, но на децата не им е дозволена посета на пациентот.

Еден пациент, кој не сакаше да биде идентификуван, изјави за Мирор дека клиниката е прекрасна и изгледа како најлуксузниот хотел во центарот на Лондон.

Ниту Вилијам ниту Кејт нема да патуваат во странство во наредните месеци. Под прашање е и нивната посета на Рим, која беше планирана за пролет.

Според се, принцезата најверојатно ќе ја пропушти долгогодишната традиција во март, на Денот на Свети Патрик.

Родителите на Кејт Мидлтон, Керол и Мајкл Милдтон, како и сестрата Пипа и братот Џејмс Милдтон се подготвени да се соберат и да помогнат за време на нејзиното закрепнување дома во Виндзор. Принцот Вилијам ги одложи сите официјални обврски и ќе се грижи за децата.

Кејт Мидлтон наполни 42 години на 9 јануари, што Палатата го одбележа со официјална честитка на мрежите. Принцезата инаку е во добра здравствена состојба, но била примена во болница во 2012 година додека била бремена поради хиперемеза гравидарум, тешки утрински мачнини. Овој проблем ја мачеше за време на втората и третата бременост.

The post Вака Кејт Мидлтон изгледаше последен пат во јавноста: Беше јасно дека нешто се случува, сега закрепнува во луксузна болница, но децата не смеат да ја видат appeared first on Република.

Британскиот крал Чарлс Трети следната недела ќе замине на болничко лекување. Веста доаѓа по веста дека Кејт Мидлтон била примена во болница во Лондон и била оперирана, соопшти Кенсингтонската палата.

Родителите на Кејт, Керол и Мајкл, како и сестра и Пипа и братот Џејмс прискокнуваат на помош, поместувајќи ги сите свои обврски, како би биле крај принцезата од Велс за време на нејзиното закрепнување во Виндзор и како би помогнале околу децата, Шарлот, Џорџ и Луи.

Принцот Вилијам ги откажал своите службени должности додека Кејт е во болница, но и подоцна додека закрепнува. Принцезата ќе биде на болничко лекување 14 дена, а лекарите советуваат да мирува два до три месеци после тоа.

Инаку кралот Чарлс оди во болница на лекување на зголемена простата, и ќе биде опериран, поради што му доцнат службените обврски, пишува Дејли Мејл.

„Како илјадници мажи секоја година, кралот бараше третман за зголемена простата. Состојбата на неговото височество е бенигна и тој ќе оди во болница следната недела на корективна процедура. Јавните ангажмани на кралот ќе бидат одложени за кратко време додека тој закрепнува“, соопшти Бакингемската палата.

Иако нивото на детали за здравствениот проблем на Чарлс е невообичаено, кралските извори рекоа дека тој сакал да сподели детали за неговата дијагноза за да ги охрабри другите мажи кои можеби имаат симптоми да се проверат, во согласност со советите за јавно здравје.

Кралот имаше низа состаноци и настани планирани во куќата на Дамфрис за утре и петок, кои сега се одложени по лекарски совет.

Пред веста дека британскиот монарх ќе оди на операција, од Кенсингтонската палата стигна веста дека принцезата од Велс е во лондонската клиника во Мерилебон. Кејт Мидлтон ќе го продолжи опоравувањето во својот дом во Виндзор, Беркшир. Како што пишува Дејли Мејл, се подразбира дека причината за болеста не е рак.

Кејт Мидлтон вчера беше примена во болница на планирана операција на абдоменот, која беше успешна.

Таа побара разбирање и нејзина желба е деталите да останат приватни. Принцот Вилијам ќе се грижи за семејството и ќе ги одложи службените обврски. „Посакувам на принцезата од Велс брзо закрепнување од операцијата на абдоменот. Не ги знаеме деталите, но очигледно е сериозно бидејќи ќе биде во болница две недели и ѝ требаат до три месеци да закрепне“, изјави судскиот експерт Фил Дампиер.

The post Вонредна состојба на британскиот двор: Родителите на Кејт прискокнуваат на помош, Вилијам не знае каде попрво, Чарлс го чека операција appeared first on Република.