Општина Центар денес во Паркот на Франкофонија организира музички хепенинг за собирање средства за лекување на 12-годишната Кара Селовска, која се лекува во Барселона.

Настанот е во организација на сите осум основни училишта на подрачјето на општина Центар и со поддршка на Општина Центар.Кара е ученичка во ООУ „Јохан Хајнрих Песталоци“ во Општина Центар, а поради сериозни компликации во моментот е хоспитализирана на клиниката во Барселона поради дијагностицирање на нејзината болест.

Ова е втора акција која Општина Центар ја организира за собирање средства за лекување. Претходно, пензионерите од Центар организираа аукција на слики преку која собираа донации за Кара, информираат од Општината.

The post Хуманитарен настан за лекување на Кара Селовска appeared first on Република.

Фондацијата „Ице Бегов“ синоќа во Македонска Каменица го организираше вториот хуманитарен настан „Небо сино“ со цел обезбеудвање на средства за летен камп на корисниците од дневните центри за лица со посебни потреби од Македонска Каменица и Делчево.

На годинешниот хуманитарен настан ‘„Небо сино’’ настапија дечињата од ЈОУДГ Бамби, играорната група при КУД ,,КУД Вера Јоциќ’’, бендот на нашиот сограѓанин Никола Велиновски „Риплеј Бенд“, Ангела Димитриевска, а свој настап имаа и штитениците од Дневниот центар за лица со посебни потреби во Македонска Каменица, Стефан Постолов и Јордан Андов. Специјален гостин на хуманитарниот настан беше и македонска музичка ѕвезда Ристо Самарџиев, информираа од фондацијата „Ице Бегов“.

Овој хуманитарен настан, како што истакна градоначалникот на Македонска Каменица, Димчо Атанасовски, се очекува да прерасне во традиција со цел заедно со граѓаните на Македонска Каменица да се подигне јавната свест за поддршка на дневните центри.

Целта на ваквите настани е заедно да покажеме дека човекот е човечен, да покажеме добрина и да донираме средства за лицата со посебни потреби. Летниот камп за корисниците од Дневните центри за лица со посебни потреби во Македонска Каменица и Делчево ќе се одржи во месец септември во Охрид, истакна Атанасовски.

Фондацијата „Ице Бегов“ е основана во април 2022 година и една година по нејзиното формирање, има реализирано повеќе проекти. Преку организација на хуманитарни настани, Фондацијата работи на продолжување на споменот на Ице Бегов и неговиот хуман дух.

The post Хуманитарниот настан „Небо сино“ втора година по ред во Македонска Каменица appeared first on Република.

На последниот концерт во рамки на првата сезона на годинашното издание на „Деновите на македонска музика“, Камерниот оркестар „Ајга“ ќе изведе концерт под диригентство на Ана Спасовска, а средствата од продажбата на билетите ќе бидат донирани за лекување на малата Теодосија Лазаровска. Солист на концертот ќе биде Кирил Трусов.

На програмата ќе бидат одбележани јубилеите на македонските композитори кои оставија траен белег во развојот на македонската уметничка музика: 80 години од раѓањето на композиторот и академик Ристо Аврамовски со делото „Пролетна симфонија“ и 90 години од раѓањето на композиторот и диригент Драган Шуплевски со делото „Македонско капричо“.

Камерниот оркестар „Ајга“ предводен од диригентката Ана Спасовска заедно со виртуозот на виолина Кирил Трусов од Германија ќе го изведат и Концертот за виолина и оркестар во е-мол од Феликс Менделсон.

The post Вечерва хуманитарен концерт на Камерниот оркестар „Ајга“ за малата Теодосија appeared first on Република.

В сабота, на 11 март со почеток од 12 часот, во КСП Центар Јадро ќе се одржи хуманитарен концерт за погодените семејства од катастрофалните земјотреси во кој загинаа повеќе од 50.000 луѓе во Турција и Сирија.

На концертот ќе настапат: Хана Корнети, Музички проект Фортуна (Марија Каева, Владан Дробицки, Дино Милосављевиќ), Трио (Драган Теодосиев – тапани, Филип Букуршлиев – електрична гитара, Јордан Костов – хармоника).

Минималната препорачана донација за концертот изнесува 200 денари, кои посетителите ќе можат да ги оставаат во кутиите за донации што ќе бидат поставени од Црвениот крст за време на настанот во Центар-Јадро.

The post Хуманитарен концерт за Турција и Сирија во Центар Јадро appeared first on Република.

Денеска со почеток во 19 часот на Факултетот за музичка уметност, студентите и професорите ќе одржат хуманитарен концерт за настраданите од земјотресите во Турција и Сирија.

Кога човештвото се соочува со вакви трагедии и искушенија секој започнувајќи од себе треба да даде нешто свое за нов почеток. Болката за изгубен живот е огромна и отвора рани, но солидарноста е таа која ќе започне една нова етапа.

Ние како музичари, студенти и професори на Факултетот за музичка уметност ве повикуваме преку музика да дадеме нешто свое, за нас малку, за нив цело богатство.
Ве покануваме да бидете дел од еден поразличен концерт на кој заеднички ќе укажеме почит и солидарност кон настраданите од земјотресите во Турција и Сирија.
Концертот ќе се одржи на 20.2.2023 год.(понеделник) почнувајќи од 19 часот во големата сала на Факултетот за музичка уметност-Скопје. Влезот ќе биде слободен. Дополнително ќе бидат поставени кутии од Црвен крст и секој кој сака ќе може да донира според своите можности.

Програмата ќе биде исполнета од различни инструменти и изведувачи.
Како специјални гости ќе настапат и Женскиот младински хор при МКЦ, велат организаторите.

The post Хуманитарен концерт за настраданите од земјотресите во Турција и Сирија appeared first on Република.

На сцената на Народниот театар „Јордан Хаџи Константинов-Џинот“ синоќа солистички концерт одржа Никола Мицевски и хорот „Св Кирил и Методиј“ од Велес. Концертот беше хуманитарен, а картите ги продаваат и организаторите - Општина Велес и од Народниот театар

Од кабинетот на градоначалникот денеска информираа дека собраните средства од продадените карти ќе ги предадат на Општинската оганизација на Црвен крст за хуманитарни цели. Од Општинската организација на Црвен крст Велес за МИА појаснуваат дека средствата најверојатно ќе ги наменат за помош на социјално ранливи семејства од градот.

Никола Мицевски синоќа пред велешани го промовира својот најнов албум „Нова ера“ со 40-тина врвни мизичари хористи на сцена. Албумот е составен од различни музички жанрови.

Композиторот и музичар Никола Мицевски е познат по тоа што во изминатава деценија ја збогати домашната музичка сцена оживувајќи подзаборавени македонски песни во ново руво.

The post Фантастичен концерт на Николче Мицевски во Велес, средствата од картите подарени во хуманитарни цели appeared first on Република.

Во долг тесен фустан со ракавици и голема крзнена шапка, Јелена Карлеуша се појави како снежна кралица во бело. Својот спектакуларен новогодишен изглед, Јелена го надополни со бели очила, високи бели потпетици, а косата ја пушти слободно да ѝ паѓа во бранови.

Пејачката во овој храбар стајлинг се појави на хуманитарен концерт во Белград, посветен на децата со посебни потреби, социјално загрозените деца и децата на националните малцинства...

Јелена пееше и играше на своите хитови, а децата ѝ приоѓаа и ѝ носеа цвеќе.

Се делеа пакетчиња и се пееја најубавите песни! Ви благодарам на сите што дојдовте во огромен број и ги поддржавте децата на кои им е потребна помош, поддршка, разбирање и љубов. Да им дадеме шанса за убаво детство и подобар живот, порача пејачката.

 

View this post on Instagram

 

A post shared by Jelena Karleuša (@karleusastar)

The post Јелена Карлеуша како снежна кралица: Спектакуларен новогодишен стајлинг на хуманитарен концерт за децата appeared first on Република.

Во среда, 29 јуни, ќе се одржи хуманитарен концерт „Детска насмевка за овој свет“ кој ќе биде во чест на Тоше и од млади таленти ќе се интерпретираат негови песни.

Настанот ќе се одржи во спомен куќата „Тодор Проески“ со почеток во 19:30 часот, а како организатор се јавува „Play Without Boundaires“ со поддршка на спомен куќата.

29 јуни е ден кој е особено значаен за Тоше, посебен ден во неговата кариера, ден на кој е запишан неговиот прв концерт на градскиот стадион кој сега е именуван по неговото име. Талентирани уметници како Никола Зацески, Денис Димоски, Марија Груевска и Елена Петреска ќе ги изведуваат безвременските хитови на Тоше, поддржани со музичките групи Инвиктус и Мелем. Собраните средства ќе бидат искористени за набавка на неопходна медицинска опрема за тестирање на слух кај новороденчиња во Македонија - велат од организаторите.

The post Хуманитарен концерт во чест на Тоше на денот на неговиот прв концерт appeared first on Република.