Поранешниот играч на Реал Мадрид, Герет Бејл ужива откако го остави фудбалот.Се пронајде во друг спорт, овој пат во „белиот“ спорт и го оствари она што е сон на многу голфери.

Тој во еден обид додека играл голф со своите пријатели, успеа да ја погоди дупката при првиот обид, што се смета за апсолутен најпрестижен потег во овој спорт.

Секоја чест

The post Бејл ужива во голфот и во животот откако го остави фудбалот appeared first on Република.

Дефанзивецот на ПСЖ, Серхио Рамос се обрати кон својот поранешен соиграч Герет Бејл, кој стави крај на фудбалската кариера.

Фудбалерите играа заедно за Реал Мадрид од 2013 до 2021 година. Заедно трипати го освоија шпанското првенство, Купот и Суперкупот на земјата, а пет пати ја освоија и Лигата на шампионите.

– Герет, ми беше радост да споделам толку одлични моменти со тебе… Зад себе остави толку многу титули, голови и радосни моменти. Ти посакувам се најдобро во новата фаза од твојот живот, напиша Рамос на социјалната мрежа.

Триесет и тригодишниот Велшанец на 9 јануари објави дека се пензионира. Последен клуб на Бејл беше американскиот Лос Анџелес, а играше и за тимови како Саутемптон и Тотенхем

The post Бејл се пензионираше appeared first on Република.

Капитенот на Велс, Герет Бејл го коментираше поразот (0:3) од Англија синоќа на натпреварот од Светското првенство во 2022 година.

– Беше тежок натпревар против многу добар тим. Разочарани сме од резултатот, но мора да разбереме дека изминавме долг пат за да го постигнеме ова. Треба да бидеме горди на себе што сме тука. Дадовме се, и сите ќе излеземе од соблекувалната со кренати глави и горди на постигнатото. Многу сме разочарани бидејќи би сакале да играме подобро, но реалноста е дека фудбалот е тежок. Мораме да научиме од ова искуство и да гледаме напред, изјави Бејл, цитиран од Би-би-си.

Селекцијата на Велс на три натпревари освои еден бод и заврши на четвртото место во својата група

The post Бејл е горд и покрај поразот од Англија appeared first on Република.

Најдобриот фудбалер на Велс, Герет Бејл е разочаран по денешниот пораз од Иран (0:2) во натпреварот од второто коло од групата Б на Светското првенство.

– Нема друга опција освен да кажеме дека жалиме за овој пораз. Многу е тешко да се преболи ова. Во вториот дел иранските играчи не надмудрија. Мора да продолжиме да одиме напред, а не да ги спуштаме главите. Ќе биде многу тешко, знаеме, но мора да се бориме до крај и да се обидеме да ја поминеме групата, изјави Бејл.

Иран е втор во групата Б со 3 бода, Велс е последен со 1 бод.

Следниот натпревар Велшаните го играат на 29 ноември против Англија и само победа ги остава во игра за пласман во осминафиналето.

The post Бејл за поразот од Иран: Многу ни е тешко, ќе се бориме до крај appeared first on Република.

Најголемата звезда на репрезентацијата на Велс се изрезили на мечот со САД. Тој на загревањето копаше во својот нос а тоа го забележаа и неговите соиграчи.

Како да не му беше доволно па го праша голманот Хенеси да провери дали нешто останало.

Сепак Вејл им донесе бод со гол од пенал.

https://republika.mk/sport/fudbal/sinot-na-zorz-vea-ne-im-donese-pobeda-na-sad/

The post Бејл копаше „руда“ appeared first on Република.

Велшкиот селектор Роб Пејџ му забрани на капитенот на репрезентацијата Герет Бејл своето слободно време на претстојниот Мундијал во Катар да го пополни со играње голф.

Пејџ, како што пренесуваат британските медиуми, посочи дека забраната е со цел неговите фудбалери максимално да бидат фокусирани на турнирот во Катар.

Нема да има голф. Кога Бејл, Мур и Ремзи ќе ме прашаат што да правиме утре попладне и имаме ли состанок, би им одговорил: Не, нема состанок, слободно одете да играте голф, но во Катар нема да можете, порача Пејџ.

Бејл е „најпознат голфер меѓу фудбалерите“, а неговата љубов кон тој спорт најмногу ги „нервираше“ навивачите и раководството на Реал Мадрид додека велшкиот фудбалер настапуваше за шпанскиот тим.

Изминатото лето Бејл го напушти Реал и се пресели во американскиот прволигаш Лос Анџелес.

Велс прв пат по пауза од 64 години обезбеди настап на Светско првенство, а во Катар ќе игра во група со Англија, Иран и САД.

The post Бејл во Катар ќе игра само фудбал – голфот му е забранет appeared first on Република.