Финалниот натпревар од елитната фудбалска Лига на шампиони во 2027 година нема да се одигра на миланскиот стадион „Сан Сиро“ како што првично беше планирано, соопшти вечерва Европската фудбалска организација (УЕФА).

Одлуката е донесена на состанокот на Извршниот комитет на УЕФА во Прага, откако градот Милано не доставил гаранција дека реновирањето на стадионот и неговата околина навреме ќе биде завршено.

УЕФА најави дека одлуката во кој град и стадион ќе се игра финалето од Лигата на шампиони во 2027 година ќе биде донесена идниот мај или јуни.

Финалето на тековната сезона во Лигата на шампиони ќе се одржи на „Алијанц Арена“ во Минхен на 31 мај следната година, додека Будимпешта ќе биде домаќин на финалето на Лигата на шампиони во 2026.

The post Нема гаранција дека „Сан Сиро“ ќе е готов – финалето во 2027 нема да се игра во Милано appeared first on Република.

Македонскиот првак Еурофарм Пелистер синоќа убедливо го совлада грчки ПАОК до 36:20 (19:06) на 52. издание на Меѓународниот ракометен турнир во Струга.

Битолчани со победата си резервираа место во денешното финалето против најтрофејниот на турнирот, со 14 титули - Вардар, и можност да се израмнат по бројот на пехари на струшкиот турнир.

Еурофарм Пелистер ја имаше контролата на мечот од почеток и во ниту еден момент не дозволи да се загрози водството.

Најефикасен на натпреварот беше српскиот интернационалец Вук Радивојевиќ со 9 погодоци.

Во борбата за третото место вечер ќе се сретнат поразените од синоќешните натпревари ПАОК и Ескилстуна Гуиф во 18:30 часот, додека финалето е резервирано за 20:30 часот. Последниот ден на турнирот ќе го отворат домаќините и ракометарите на Тиквеш во борбата за петтото место.

The post По поразот на ПАОК, македонско финале на 52. Меѓународен ракометен турнир во Струга appeared first on Република.

Вчеравечер се случи големото финале на македонското музичко талент шоу „Пат до Ѕвездите”, кое во живо се емитуваше на тв „Алфа” и „Балкан Мјузик”.

Македонија ја доби новата музичка ѕвезда, а тоа е младиот Наум Бумбарески (15) од Ресен, кој вчера беше буквален победник во скоро сите категории. Победник од жирокомисија и победник од смс-гласови.

Второто место и припадна на младата и талентирана битолчанка Софија Пуровска, додека пак третото место заврши во рацете на Михаел Милошески од Прилеп.

На сцената продефилираа 10 финалисти, а секој од нив успеа да ја импресионира жирикомисијата составена од Роберт Саздов, Стојне Николова, Панчо од ДНК, Сузана Спасовска и Огнен Неделковски.

Сепак, на крајот мораше да се избере само еден од нив.

Наум Бумбарески како победник ќе добие песна, музички видеоспот, а исто така и договор со „Арт Продукција”.

Инкаку Наум е најмладиот учесник во двете сезони на „Пат до Ѕвездите”, а иако пропозициите на шоуто беа дека право на учество имаат тие над 16 години, сепак продукцијата направи отстапка и му дозволи на младото момче од Ресен да се натпреварува и да го покаже својот талент.

Погледнете како изгледаше прогласувањето на победникот:

https://youtu.be/m25GgzcEtLE?si=EgpkEqgjuHs80OEL

The post Македонија ја доби новата музичка ѕвезда, 15-годишниот Наум Бумбарески победи во „Пат до Ѕвездите“ appeared first on Република.

Македонија во недела ќе ја добие новата музичка ѕвезда. Во недела вечер на програмата на тв „Алфа“ и „Балкан Мјузик“ во живо ќе се емитува финалето на музичкото талент-шоу „Пат до ѕвездите“.

Во финалето ќе ги видиме најдобрите 10 кои успеааја да ги задоволат критериумите на стручната жирикомисија и продукцијата.

Но, во големото финале во изборт на победникот улога ќе имаат и гледачите пред малите екрани, кои по пат на смс ќе имаат прилика да гласаат за својот фаворит.

За тоа, не го пропуштајте големото финале, уживајте во добра музика и се разбира, гласајте за вашите омилени кандидати...

 

View this post on Instagram

 

A post shared by Пат до ѕвездите (@patdozvezditeshow)

The post Големо финале на „Пат до ѕвездите“ во недела, може да гласате за вашиот омилен кандидат appeared first on Република.

Шпанија ѝ стои на патот на Англија која, пак, чека злато од 1966 година кога победи на Светското првенство. Од своја страна Шпанија ја брка четвртата европска титула за да го израмни рекордот на Германија/Западна Германија. Шпанија ги освои титулите во 1964, 2008 и 2012 година.

Младата ѕвезда на Шпанија – Ламин Јамал, собори уште еден рекорд на УЕФА ЕУРО 2024 година. Сосема очекувано, 17-годишниот фудбалер на Барселона се најде во стартниот состав за вечерашното финале против Англија.

Така, Јамал стана најмладиот играч кој учествувал во финалето на голем меѓународен турнир (Светско или Европско првенство).

Натпреварот се одржува на Олимпискиот стадион во Берлин, а шпанската селекција важи за фаворит, бидејќи ги доби сите шест натпревари на ЕП и според рејтингот одигра најдобро.

50,000+ England fans v 12,000 Spain fans. Berlin’s white 😳 #EURO2024 #SPAENG pic.twitter.com/K6U9h7uqec

— Quentin Gesp (@quentin_gesp) July 14, 2024

The post Шпанија сака злато, Англија чека титула европски фудбалски првак appeared first on Република.

Селекторите на Англија и Шпанија не направија некои посебни изненадувања за денешното финале, настапуваат со проверени стартни постави.

На голот на Англија е Пикфорд, централно во одбраната Геј и Стоунс, а по страните Шо и Вокер. Во средината се Рајс и Маино, пред нив Белингем, а странично ќе напаѓаат Фоден и Сака, најистурен ќе биде Хари Кејн.

За Шпанија на голот е Унаи Симон, централно во одбраната се Ле Норманд и Лапорте, странично Кукуреља и Карвахал, во средината се Родри и Фабијан Руиз, пред нив е Олмо, страничното дуо е тандемот Јамал и Нико Вилијамс, а напред Мората.

The post Англија и Шпанија ги објавија составите за вечерашното финале на ЕП appeared first on Република.

Британските медиуми соопштија дека принцезата Кејт Мидлтон утре ќе се појави на централниот терен на Вимблдон и во живо ќе го следи финалето меѓу Карлос Алкараз и Новак Ѓоковиќ.

Планирано е да го додели пехарот на новиот шампион на овој турнир, еден од најпрестижните во историјата на тенисот. Присуството на финалето веќе го потврди Кенсингтонската палата во официјално соопштение.

Финалниот меч на Вимблдон меѓу Алкараз и Ѓоковиќ се игра утре од 15 часот по средноевропско време, а титулата ја брани шпанскиот тенисер.

Принцезата Кејт закрепнува од борбата со карцином и во изминатиот период искличително ретко се појавуваше во јавноста.

The post Принцезата Кејт Мидлтон ќе го додели трофејот на машкото финале на Вимблдон appeared first on Република.

Младата и популарна пејачка Андријана Петрушовска во саботата уште еднаш докажа и покажа зошто е една од најсериозните кандидати за победа во големото музичко талент шоу „Ѕвездите на Гранд" оваа сезона.

Нашата Андријана ги освои сите гласови во полуфиналето и со тоа обезбеди директен пласман за во финалната вечер која ќе се одржи во сабота на 8 јуни.

Таа доминираше на сцената и со своите интерпретации ја воодушеви стручната жирикомисија на чело со директорот на продукција „Гранд“, Саша Поповиќ.

Веднаш по завршувањето на полуфиналната вечер, Андријана објави фотографии со своите родители и напиша емотивни зборови за нив.

 

View this post on Instagram

 

A post shared by Andrijana Petrusovska (@andrijanapetrushovska)

Сабота на 8-ми јуни да ја поддржиме нашата Андријана и да се радуваме на уште една победа на Македонец во „Ѕвездите на Гранд".

Погледнете го нејзиниот настап во полуфиналата вечер, кој почнува од 56:06:

https://m.youtube.com/watch?v=DKFWbqiSPpo&pp=ygUNenZlemRlIGdyYW5kYQ%3D%3D#bottom-sheet

The post Ќе победи ли Македонка годинава? Нашата Андријана Петрушовска се пласираше во финалето на „Ѕвездите на Гранд“ appeared first on Република.

Реал Мадрид повторно е финалист во кошаркарската Евролига – совладувајќи го Олимпијакос, а во битката за трофејот ќе игра против уште една грчка екипа, Панатинаикос.

Во второто берлинско полуфинале, кое беше реприза на финалето од минатата сезона, Реал го синоќа го победи Олимпијакос со 87-76 (28-10, 28-27, 15-21, 16-18).

Реал е рекордер по бројот на титули во Евролигата. Единаесет пати беше на врвот на Европа, а уште девет пати играше во финалето. Олимпијакос со овој пораз остана на трите трофеи во својата историја.

Во неделното финале, Панатинаикос ќе ја брка седмата европска титула. Тимот од Атина уште еднаш играше финале и беше поразен. Последниот трофеј го освои во 2011 година.

The post Реал против Панатинаикос за трофејот во кошаркарската Евролига appeared first on Република.

Репрезентацијата на Франција е првиот финалист на 16. Европско ракометно првенство, откако вечерва триумфираше во полуфиналето во Келн над бранителот на титулата Шведска со 34-30 (27-27) по продолжение.

Во драматичен натпревар полн со резултатски пресврти, актуелниот олимписки првак Франција имаше убедливи шест голови водство на полувреме (17-11), но Шведска испушти колосална предност од 27-25 во завршните две минути од регуларниот дел.

Французите во двете продолженија од по пет минути ја искористија психолошката предност и со три голови во серија поведоа со 30-27, а Швеѓаните беа немоќно повторно да се вратат резултатски во игра.

Уго Дескат со осум голови беше најефикасен во француската репрезентација, но херојот на Триколорите во полуфиналната драма во Келн беше Елохим Пранди, кој во последната секунда во регуларните 60 минути биеше прецизно од девет метри и го однесе натпреварот во продолжение.

За играч на натпреварот беше прогласен шведскиот голман Андреас Паличка кој запиша 15 одбрани,

Првото полуфинале меѓу Франција и Шведска го судеше македонскиот тандем Славе Николов и Ѓорги Начевски.

За Франција ова ќе биде прво европско финале по пауза од десет години во кое за противник ќе го има победникот од второто полуфинале кое е на програмата вечерва во Келн меѓу домаќинот Германија и Данска.

The post Франција прв финалист на Европското првенство во ракомет appeared first on Република.

Репрезентацијата на Србија е првиот патник во големото финале од Светското првенство. „Орлите“ во полуфиналната пресметка со Канада беа апсолутно подобар противник и сосема заслужено славеа со резултат 95-86.

Најефикасен во победничкиот табор беше Богдан Богдановиќ со 23 поени, а ист скор имаше и Ар Џеј Берет од Канада. Србија во големото финале го чека подобриот од дуелот меѓу САД и Германија.

Американците се големи фаворити во второто полуфинале и голема е веројатноста дека токму тие ќе бидат противници на феноменалниот српски тим.

The post Србија ја демолира Канада и се пласира во финалето на кошаркарското СП appeared first on Република.

Турскиот претседател Реџеп Таип Ердоган зборуваше за финалето од Лигата на шампионите Манчестер сити – Интер (1:0), кое се одржа синоќа во Истанбул.

Би сакал да му честитам на тимот на Манчестер сити за победата во финалето на Лигата на шампионите, еден од најголемите спортски настани во светот, што се одржа во Истанбул, зеницата во окото на Турција и колевката на цивилизациите, на „Олимпискиот стадион Ататурк“. Би сакал да им се заблагодарам на сите кои уште еднаш го потврдија гостопримството на Турција и придонесоа за непречено и успешно организирање на овој голем настан, напиша Ердоган на социјалните мрежи.

Манчестер сити за прв пат ја освои Лигата на шампионите. Тимот сезонава освои тројна круна - Премиер лигата, ФА Купот и Лигата на шампионите.

The post Ердоган: Успешно го организиравме финалето на Лигата на шампионите, честитки до Сити за освоениот трофеј appeared first on Република.

На Олимпискиот стадион „Ататурк“ во Истанбул (Турција) вечер од 21 часот ќе почне финалето на фудбалската Лига на шампиони. За вредниот трофеј во елитното натпреварување ќе се борат Интер и Манчестер сити.

Интер три пати го има освоено Купот/Лигата на шампионите (1964, 1965 и 2010 година). Пред 13 години миланезите дојдоа до тројна круна (Серија А и Куп на Италија и ЛШ) предводени од тренерот Жозе Мурињо и со најдобриот македонски фудбалер на сите времиња Горан Пандев.

Сега Манчестер сити може до тројна круна - откако ја освои Премиер лигата (трета по ред) и ФА Купот. „Граѓаните“ имаат шанса да ја освои Лигата на шампионите за прв пат во историјата.

The post Вечерва финале на Лигата на шампионите appeared first on Република.

Интер е првиот финалист во Лигата на шампиони, откако во реваншот во полуфиналето го совлада градскиот ривал Милан и во вториот меѓусебен натпревар.

По оние 2-0 од првиот меч каде Милан беше домаќин, Интер вечерва славеше 1-0, благодарение на голот на Лаутаро Мартинез во 73. минута.

Инаку за оваа победа и овој успех е заслужен и голманот Андре Онана, кој му одбрани зицер шанса на Брахим Дијаз во првиот дел, и така го спаси својот тим од негатива уште по првиот дел, која можеше да го смени текот на натпреварот и да му овозможи на Милан да се бори за пласман во финалето.

Интер во финалето кое се игра во Истанбул ќе го чека подобриот од дуелот Манчестер Сити – Реал Мадрид. По првиот меч во Мадрид беше 1-1.

The post Интер е првиот финалист во ЛШ appeared first on Република.

Аргентина има голема предност од 2-0 на полувремето против Франција и е блиску до светскиот фудлалски трон.

Аргентинците подобро го отворија мечот, од самиот старт ја контролираа играта и создаваа полу шанси.

Во 22. минута Дембеле го сруши Ди Марија во казнетиот простор, судијата покажа пенал, а сигурен реализатор беше Меси.

Десет минути подоцна Аргентина изведе одлична полуконтра која со гол ја заврши Ди Марија за предност од 2-0.

Франција беше целосно индиспонирана и го одигра најлошото полувреме, без да создаде ниту една шанса.

The post Аргентина има предност од 2-0 на полувремето против Франција appeared first on Република.

Франција е вториот финалист на Светското фудбалско првенство 2022. „Триколорите“ вечерва во Ал Хор ја оправдаа улогата на фаворит во полуфиналето со Мароко славејќи победа со 2:0.

По само пет минути Тео Ернандез и донесе водство на Франција, а победата ја запечати Коло Муани во 79. минута.

Голот на Ернандез е најбрз во полуфиналињата на Мундијалите од 1958 година. Тогаш Бразилецот Вава постигна гол против Франција во првите две минути.

Французите ќе играат во финалето против Аргентина каде ќе ја бранат шампионската титула освоена пред четири години на Мундијалот во Русија.

Финалето ќе се игра на 18 декември со почеток во 16 часот.

Ден претходно (17 декември од 16 часот) Мароко ќе игра со Хрватска во мечот за 3. место.

The post Заврши фудбалската бајка за Мароко, Франција се пласираше во финалето на СП во Катар appeared first on Република.

Раководството на кошаркарската Евролига соопшти денеска дека завршниот турнир во мај, што требаше да се одржи во Берлин, е преместен во Белград.

Полуфиналните натпревари ќе се играат на 19, а финалето е на 21 мај.

Српската престолнина вторпат ќе биде домаќин на завршниот турнир на четирите најдобри екипи по фајнлфорот во белградска „Арена“ во 2018 година.

Берлин остана без организација во кошаркарската Евролига поради актуелните здравствени мерки, кои се на сила во овој германски град, а се поврзани со пандемијата на вирусот Ковид-19.

The post Поради строгите мерки во Берлин, финалето на Евролигата преместено во Белград appeared first on Република.