The post Што најдоа грчките научници во гробот на Исус Христос? appeared first on Република.

Илјадници луѓе денеска се собраа на Парадата на гордоста во Ерусалим, која ја предводеа роднините на заложниците заточени во Појасот Газа.

Учесниците на Парадата на гордоста скандираа „Сите тие, сега!“, повикувајќи на договор за заложниците со кој би се ослободиле сите што беа киднапирани од палестинските екстремисти за време на терористичкиот напад на 7 октомври врз јужен Израел.

На чело на колоната бил поставен транспарент со натпис на англиски јазик „Born to be free“ (Роден да биде салободен).

Лидерот на израелската опозиција Јаир Лапид им се обрати на насобраните пред почетокот на парадата, велејќи дека дошол да ги потсети дека „љубовта, надежта и гордоста ќе победат“.

- Ниту една група никогаш не ги освоила своите права без борба, ниту жените, ниту црнците, ниту Евреите, ниту ЛГБТ луѓето, додаде Лапид.

Пред колоната да тргне кон Паркот на независноста, пристигнал ултрадесничарот Итамар Бен Гвир, министер за национална безбедност, кој бил пречекан со извици на негодување. Бен Гвир им рече на новинарите дека дошол да види „дали се одржува јавниот ред“.

Парадата на гордоста во Тел Авив, која привлекува многу повеќе учесници од странство, годинава нема да се одржи поради војната во Појасот Газа.

The post Илјадници учесници на Парадата на гордоста во Ерусалим, на чело со семејствата на заложниците заточени во Газа appeared first on Република.

Благодатниот оган се спушти на Велика сабота во пресрет на Воскресението Христово, во црквата на Светиот гроб (црквата „Воскресение Христово“) во Ерусалим, пренесоа светските агенции.

Благодатниот оган се спушта во Кувуклијата – параклисот над Светиот гроб во црквата „Воскресение Христово“ или црквата на Светиот гроб, мермерна капела над пештерата на Светиот гроб, каде што според легендата, бил погребан Исус Христос.

Благодатниот оган ја симболизира светлината на Воскресението Христово, верниците го сметаат за светилиште.

Пред спуштањето на огнот, Ерусалимскиот патријарх Теофил III, заедно со претставници на Братството на Светиот гроб, монаси од Ерусалимската православна црква, трипати со велигденски песнопенија ја обиколија Кувуклијата, по што заедно со претставник на Ерменската апостолска црква, тој влезе внатре и почна да се моли.

Црквата на Светиот гроб, како и обично на Велика Сабота, беше исполнета со верници. Поради зголемените безбедносни мерки, воведени се и ограничувања за влез во црквата – внатре биле пропуштани само иматели на пропусници издадени од црковни организации. Стотици полицајци го одржуваат редот на улиците на Ерусалим, а пристапот до античкиот дел на градот е ограничен

The post Благодатниот оган се спушти во храмот над Светиот гроб во Ерусалим appeared first on Република.

Военото крило на Хамас вечерва ја презеде одговорноста за денешниот попладневен ракетен напад врз Ерусалим. Засега нема информации за повредени во ракетниот напад.

Израелската спасувачка служба соопшти дека била известена за нападите.

Ракетите истрелани во централниот дел на Израел ги активираа сирените за предупредување од ракетен напад низ Ерусалим, претходно јавија американските меидуми.

Засега не е јасно колку ракети биле истрелани, но американски новинари јавуваат дека израелскиот противракетен систем „Железна купола“ попладнево реагирал неколку пати и пресретнал и уништил најмалку три ракети.

Израелските медиуми јавија дека сирените во Ерусалим последен пат беа активирани на 30 октомври.

Од почетокот на војната меѓу Израел и Хамас на 7 октомври, ракетните напади се почести врз Тел Авив и областите што граничат со Појасот Газа.

The post Хамас ја презеде одговорноста за денешниот ракетен напад врз Ерусалим appeared first on Република.

Поворката од членови на семејствата на заложниците кои Хамас ги држеше во заробеништво во Газа пристигна во Ерусалим, по неколку дена пешачење, продолжувајќи го притисокот врз израелската влада да постигне нивно ослободување шест недели по крвавиот напад на Хамас.

„Веднаш вратете ги дома“, побараа, како и пред неколку недели, неколку илјади демонстранти кои организаторите ги поканија да се соберат пред канцеларијата на премиерот Бенјамин Нетанјаху.

Малку по пладне, толпа Израелци пристигна во Ерусалим, кои ги истакнаа израелските знамиња и фотографии од заложниците. Во вторникот сите тргнаа пеш за да стигнат до Тел Авив, оддалечен околу шеесет километри.

Семејствата на заложниците, кои ја критикуваат израелската влада дека не добила повратна информација за нивните напори да влијаат врз ослободувањето на заложниците, по денешните демонстрации успеале да договорат средба со двајца членови на воениот кабинет, Бени Ганц и Гади Ајзенкот.

Состанокот ќе се одржи вечерта во Тел Авив, во седиштето на Форумот на семејства на заложници и исчезнати лица, организација основана за да обезбеди логистичка помош на членовите на семејството и роднините на приближно 240 заложници.

Минатата недела, повеќе извори објавија разговори, со посредство на Катар, за ослободување на заложниците што ги држеше Хамас во Појасот Газа во замена за прекин на огнот.

Нови протести ќе се одржат во сабота навечер, како и секоја недела досега, на плоштадот во Тел Авив, кој стана собиралиште на сите вклучени во ослободувањето на заложниците.

Во нападот на Хамас на 7 октомври, на израелска страна беа убиени 1.200 луѓе. Повеќето од нив се цивили, велат израелските власти.

Според последните информации на владата на Хамас, од почетокот на војната, во израелското бомбардирање на Појасот Газа загинале 12.000 Палестинци, од кои 5.000 деца и 3.300 жени.

The post Семејствата на киднапираните заложници пристигнаа во Ерусалим пеш – притисок врз израелската влада appeared first on Република.

Утрово околу 8 часот и 10 минути, терорист вооружен со нож избодел двајца припадници на израелската полиција во близина на полициската станица Шалем во источен Ерусалим.

Како што соопшти израелската полиција, двајцата припадници на граничната полиција се тешко ранети со убоди со нож во овој терористички напад што се случи утринава во близина на Иродовата порта во Стариот град во Ерусалим.

Терористот беше убиен од полицајци кои пристигнаа на местото на нападот. Помош била укажана на 20-годишна жена која е тешко повредена и на млад човек кој се здобил со полесни повреди. Тие потоа се пренесени во болница на понатамошно лекување – соопштија од полицијата.

Полицајците почнаа да собираат докази на местото на настанот и да ја скенираат областа за да ја исклучат можноста за други соучесници во нападот.

The post Напаѓач со нож тешко рани двајца полицајци во Ерусалим appeared first on Република.

Силен ракетен напад е извршен врз Ерусалим и Тел Авив, поради што пратениците од Кнесетот сред седница морале да одат во засолништа.

Сирените за воздушен напад се огласиле во Ерусалим и Тел Авив, а членовите на палестинската милитантна група Хамас од Појасот Газа лансираа ракети со долг дострел.

„Тајмс оф Израел“ наведува дека ова е веројатно најголемата канонада од баражен ракетен оган од првиот напад на Хамас на 7 октомври. Неколку силни експлозии се слушнале во двата најголеми града во Израел, но засега нема извештаи за повредени или материјална штета.

Седницата на Кнесетот, на чиј почеток зборуваше премиерот Израел, Бенјамин Нетанјаху, е одложена, а пратениците и останатите присутни отидоа во засолништа.

https://republika.mk/vesti/svet/netanjahu-svetot-da-se-obedini-za-da-go-pobedi-hamas/

The post Силен ракетен напад врз Ерусалим и Тел Авив ги принуди пратениците од Кнесетот да бегаат во засолништа appeared first on Република.

Кинеската компанија за производство на лесни авиони, „КАНДО“ изврши тестирање на тн. летачко такси, во Ерусалим, Израел. Се работи за самоуправувачко електрично летало што во иднина треба да служи за превоз на патници.

- Израелската управа за иновации од 2019 година активно работи на воведување такси-летала во сообраќајот, коишто би служеле не само за превоз на патници, туку и за пренос на товар. Она што го гледате е воздушно такси коешто во иднина ќе може да превезува луѓе од едно место до друго, објасни Даниела Партем, директорка на Управата.

Како што беше нагласено, Израел досега има извршено повеќе од 20.000 пробни летови, но вчерашниот лет беше и првиот на којшто можеа да бидат присутни медиумите.

Програмата за летачки такси предвидува инвестиција од скоро 15 милиони евра и е поддржана од неколку државни и приватни компании. Директорката нагласи дека такси-леталата ќе значи и економски исплатлив пазар.

- Значи, ако сакате да летате со воздушно летало за медицинска употреба или да доставувате храна, ќе може да го правите тоа, изјави таа.

Покрај Израел, пробни летови со такси-летала извршија и други земји. Франција најави слични експерименти за следната 2024 година.

https://www.youtube.com/watch?v=Gewjc_0DLn8

The post Пробен лет на такси-летало во Ерусалим appeared first on Република.

Израелската полиција денеска употреби водени топови и уапси шестмина демонстранти пред Парламентот, пред клучното гласање за судските реформи.

Околу 150 големи фирми, вклучително и банки, денеска започнаа штрајк поради судските реформи.

Судските реформи предвидуваат намалување на ингеренциите на судиите на Врховниот суд и ќе ги спречи да ги поништат владините одлуки за кои сметаат дека се „неразумни“.

Владата на премиерот Бенјамин Нетанјаху тврди дека предложените реформи ќе ги спречат прекумерните овластувања на судиите, кои паѓаат на демократскиот тест на изборите и ќе обезбедат подобар баланс на силите.

Противниците го обвинуваат Нетанјаху, кому му се суди за корупција, за конфликт на интереси

The post Полицијата во Ерусалим употреби водени топови и уапси шест демонстранти appeared first on Република.

Државната делегација на Република Македонија и црковната делегација на Македонската православна црква – Охридска Архипеископија присуствуваа на појавувањето на Благодатниот оган во базиликата Свет Гроб во Ерусалим, а потоа и лично презедоа Оган од Ерусалимскиот патријарх, како благослов за верниците во нашата држава и нашата православна црква, МПЦ-ОА.

На церемонијата „Преземање на Благодатниот оган во Ерусалим” во базиликата на Светиот Гроб во стариот град на Ерусалим, државата Израел, соопштија денеска од владината прес-служба, присуствувале голем број делегации од држави од светот, меѓу коишто, рамноправно со другите делегации, и претставници на македонската државна и македонска црковна делегација.

Целта на упатувањето на делегациите во Ерусалим е чудото на слегувањето на Светиот Оган во Ерусалим, коешто се случува секоја година за време на посебната православна служба на Велика Сабота на пладне, во Базиликата на Светиот Гроб, во пресрет на полноќното исчекување на објавата за Христовото Воскресение. И покрај оградата на науката, поради натприродниот карактер на појавата, со векови, присутните сведочат за доживувано слегување на несоздадениот Благодатен Оган, што го пали кандилото на пресветиот Гроб, без човечка интервенција. Од тоа кандило Ерусалимскиот патријарх пали снопови со свеќи, од коишто понатаму им го дели Огнот на присутните верници, кои го очекуваат, стои во соопштението од владината прес-служба.

Церемонијата на преземање на Благодатниот оган е посветена на празнување на Светата светлина, што се смета за величествен момент што ги поврзува верниците ширум светот со светлината на Исус Христос, а се случува во Ерусалим речиси 2.000 години, на којшто присуствуваат христијани од целиот свет.

Македонската државна и црковна делегација по завршување на свечената церемонија се враќа во Скопје, пренесувајќи го Благодатниот оган од Ерусалим во фенер.

Државната делегација во Ерусалим ја предводи министерот за внатрешни работи Оливер Спасовски, а во нејзин состав се министерката за култура Бисера Костадиновска-Стојчевска и директорот на Комисијата за односи со верските заедници и религиозни групи, Даријан Сотировски. Во црковната делегација се повеќемина свештени лица предводени од шефот на делегацијата на Македонската православна црква – Охридска Архиепископија, Митрополит Тетовски-гостиварски, г. Јосиф Тодоровски.

На Меѓународниот аеродром Скопје, државната и црковната делегација со почести треба да ја пречека претседателот на Владата Димитар Ковачевски и црковна делегација од МПЦ-ОА.

The post Македонската државна и црковна делегација го презеде Благодатниот оган во Ерусалим appeared first on Република.

Илјадници верници се собраа во Ерусалим во исчекување на Светиот оган. Тие присуствуваат на церемонијата на палење на Светиот оган во Светиот гроб.

„Светиот гроб“ е главно светилиште за христијанскиот свет. Се верува дека се наоѓа на местото каде што, според Светото писмо, Исус Христос бил распнат, погребан и потоа воскреснат. Го откриле пратениците на римскиот император Константин три века по распнувањето на Христос.

Слегувањето на Светиот оган се случува секоја година на Велика Сабота.

Израелската полиција најави дека од безбедносни причини ќе воведе ограничување на бројот на луѓе кои ќе можат да присуствуваат на црквата Воскресение Христово на Велика Сабота.

Официјални лица за спроведување на законот инсистираат на тоа дека само 1.800 луѓе присуствуваат на црквата оваа година, а уште 1.200 гледаат однадвор

The post ВО ЖИВО: Верниците се во исчекување на Светиот оган во Ерусалим appeared first on Република.

Со благослов на неговото блаженство Архиепископот Охридски и Македонски г.г.Стефан црковно-државна делегација престојува во Ерусалим.

-Во вечерните часови, кога го празнуваме боготелесното погребение и слегувањето во адот на Господа Бога и Спасителот наш Исус Христос, во храмот на Воскресението беше отслужена Утрена богослужба на којашто беа испеани и трите статии со кои го опеваме Христовото опело, пишува на сајтот на Тетовско-гостиварска епархија.

На Утрената богослужба чиноначалствуваше Неговата светост патријархот Ерусалимски Теофил со архиереите на Ерусалимската патриаршија. На богослужбата присуствуваше и митрополитот Тетовско-гостиварски г.Јосиф кој со благослов и одлука на САС на МПЦ-ОА ја предводи црковната делегација.

Државна и црковна делегација од Република Македонија, предводена од министерот за внатрешни работи Оливер Спасовски, во чиј состав се министерката за култура Бисера Костадиновска-Стојчевска, директорот на Државната комисија за односи со верските заедници и религиозни групи, Даријан Сотировски, како и шефот на делегацијата на Македонската православна црква – Митрополит тетовски-гостиварски, Јосиф Тодоровски, денеска ќе учествуваат на церемонијата „Преземање на Благодатниот оган во Ерусалим“ во Базиликата на Светиот Гроб во стариот град на Ерусалим, Државата Израел.

Свечената церемонија на пристигнување на државната и црковната делегација и предавање на Благодатниот оган на аеродромот во Скопје, соопштија од владината - прес-служба, е предвидена утревечер, во 20.00 часот, со директен пренос на МРТВ.

The post Црковно-државна делегација присуствуваше на утрената богослужба во храмот на Воскресението во Ерусалим appeared first on Република.

Државна и црковна делегација од Република Македонија, предводена од министерот за внатрешни работи Оливер Спасовски, во чиј состав се министерката за култура Бисера Костадиновска-Стојчевска, директорот на Државната комисија за односи со верските заедници и религиозни групи, Даријан Сотировски, како и шефот на делегацијата на Македонската православна црква – Митрополит тетовски-гостиварски, Јосиф Тодоровски, денеска ќе учествуваат на церемонијата „Преземање на Благодатниот оган во Ерусалим” во Базиликата на Светиот Гроб во стариот град на Ерусалим, Државата Израел.

Свечената церемонија на пристигнување на државната и црковната делегација и предавање на Благодатниот оган на аеродромот во Скопје, соопштија од владината – прес-служба, е предвидена утревечер, во 20.00 часот, со директен пренос на МРТВ.

The post Државна и црковна делегација во посета на Ерусалим на преземањето на Благодатниот оган во Базиликата на Светиот гроб appeared first on Република.

Израелската полиција соопшти дека ја запечатила куќата на терористот кој во петокот уби седум лица и рани тројца во ерусалимската населба Неве Јаков.

Армијата ја запечати куќата на Алкам Кари пред нејзиното уривање во населбата А-Тур, во источен Ерусалим.

Безбедносните сили веќе им рекле на жителите да ја напуштат куќата веднаш по нападот во петокот вечерта. Во саботата полицијата објави дека се приведени 42 пријатели и познаници на Кари, објави „Тајмс оф Израел“.

Неговата куќа беше затворена неколку часа откако Високиот совет за безбедност донесе одлука за ова прашање.

Запечатувањето на куќите на напаѓачите често е замена или подготовка за нивно уривање.

Општо земено, процесот на уривање трае неколку месеци, бидејќи куќата мора да биде обележана, Високиот суд мора да одговори на жалбата на семејството, а безбедносните сили често чекаат оптимално време за да влезат во палестинските градови или населби за операции за уривање.

Мерката доаѓа откако израелскиот премиер Бенјамин Нетанјаху најави „силен“ и „цврст“ одговор на „тероризмот“ по двата палестински напади во Источен Ерусалим.

Нашиот одговор ќе биде силен, брз и прецизен, рече Нетанјаху на вонредниот состанок на кабинетот за безбедност. Не сакаме ескалација, но подготвени сме за секое сценарио, додаде Нетанјаху.

The post Израелската полиција ја запечати куќата на терористот кој уби седум лица во Ерусалим appeared first on Република.

Израелскиот премиер Бенјамин Нетанјаху најави силен и цврст одговор на тероризмот по двата палестински напади во источен Ерусалим, од кои еден уби седум лица во близина на синагога.

„Нашиот одговор ќе биде силен, брз и прецизен“, рече Нетанјаху на вонредниот состанок на советот за безбедност. „Не сакаме ескалација, но подготвени сме на секое сценарио“.

Во петокот вечерта, 21-годишен Палестинец пукал во случајни минувачи во близина на синагога во населбата Неве Јацов, убивајќи седум лица, а потоа се самоубил. Во саботата наутро, 13-годишен Палестинец застрела и рани двајца Израелци во Силван, во близина на ѕидините на Стариот град.

Ова ново насилство во источен Ерусалим доаѓа во време на ненадејна ескалација по смртта на девет Палестинци во четвртокот во операцијата на израелската армија во Џенин, на Западниот Брег, палестинска територија окупирана од Израел во 1967 година.

Израелските сили се во состојба на готовност, а војската соопшти дека го зголемува бројот на луѓе на Западниот Брег додека западот апелира на воздржаност.

Американскиот државен секретар Антони Блинкен во понеделник и вторник треба да пристигне во Ерусалим и Рамала, каде што ќе разговара за мерките за деескалација.

Нетанјаху, претставник на израелската десница, се врати на власт кон крајот на декември со поддршка на екстремно десничарските и еврејските ултраортодоксни партии.

Во саботата тој најави „забрзан процес“ на запечатување и рушење на куќите на извршителите на антиизраелските напади, што невладините организации за човекови права го нарекуваат колективна казна.

Во исто време Нетанјаху рече дека ќе му предложи на Советот за безбедносност полесно да се добие дозвола за носење оружје за цивили и укинување на социјалната помош за „семејствата кои го поддржуваат тероризмот“.

Сè уште никој не ја презел одговорноста за двата напада извршени од Палестинци во Источен Ерусалим. Полицијата се’ уште не го објави идентитетот на седумте жртви убиени во петокот во близина на синагогата.

Генералниот секретар на ОН, нарекувајќи го нападот „особено грозоморно“ злосторство, рече дека е „исклучително загрижен поради ескалацијата на насилството“.

Палестинската управа не го осуди нападот и смета дека Израел е „единствено одговорен за опасната ескалација“.

The post Нетанјаху не е за насилство, но најави „брз“ и “прецизен“ одговор appeared first on Република.

Две лица се ранети вчера при пукање во нов напад во источен Ерусалим, соопшти израелската полиција и го оквалификува како терористички чин.

Израелската полиција соопшти дека напаѓачот е неутрализиран и ранет и дека мотивот е тероризам.

Државниот телевизиски канал Кан објави дека напаѓачот бил од областа Силван и дека имал 13 години. Од израелската служба за итни случаи соопштија дека двајца мажи биле тешко ранети и пренесени во болница. Според пишувањата на локалните медиуми, станува збор за татко и син.

Shooting attack near Jerusalem's Old City: 22 y/o man in serious condition, 45 y/o man in moderate-serious condition.

— Emanuel (Mannie) Fabian (@manniefabian) January 28, 2023

Овој напад се случува за помалку од 24 часа откако палестински напаѓач уби седум лица во близина на синагога во источен Ерусалим на Меѓународниот ден на сеќавањето на холокаустот, а израелската полиција приведе 42 лица на сослушување . Приведени се роднините и соседите на загинатиот 21-годишен напаѓач, соопшти полицијата.

Неколкумина се повредени кога напаѓачот отвори оган врз луѓето кои излегуваа од синагогата во израелската населба Неве Јаков. Полицајците го убија напаѓачот на местото на настанот додека безбедносните сили ја пребаруваа областа.

Јордан и Египет, арапските земји кои потпишаа мировни договори со Израел, го осудија нападот на синагогата, како и Обединетите Арапски Емирати, една од неколкуте арапски држави кои ги нормализираа односите со Израел пред две години.

Либанската шиитска група Хезболах го поздрави нападот на синагогата, а палестинското движење Хамас, кое е на власт во Појасот Газа, го поздрави како одговор на злосторството во Џенин и како природен одговор на криминалните дејствија на окупаторите.

Расте тензијата меѓу Израелците и Палестинците

Девет Палестинци беа убиени, а 20 други ранети во четвртокот во судирите со израелските војници во Џенин на Западниот Брег. Израел објасни дека операцијата во Џенин била спроведена за апсење на членови на милитантната група Исламски џихад.

Помалата милитантна група Исламски џихад, исто така, го пофали палестинскиот напад врз синагогата, но не презеде одговорност за него. Тензиите меѓу Израелците и Палестинците се зголемуваат по серијата напади минатата година.

Нова ескалација претставуваат податоците на палестинското Министерство за здравство, кое објави дека во петокот тројца Палестинци биле пренесени во болница откако биле застрелани од израелски доселеник во инцидент во близина на градот Наблус на Западниот Брег. Комитетот за безбедност на премиерот Бенјамин Нетанјаху ќе се состане вечерва.

The post 13-годишно дете стои зад нападoт во Ерусалим appeared first on Република.

Вооружен маж отворил оган во источен Ерусалим при што ранил најмалку две лица, соопшти полицијата. Инцидентот се случил во Давидовиот град, популарен археолошки локалитет во близина на Стариот град, се наведува во соопштението.

Според „Џерусалим пост“, полицијата пристигнала на местото на нападот и напаѓачот бил неутрализиран.

Портпаролот на полицијата изјавил дека се работи за терористички напад.

Службата за итни случаи соопшти дека жртвите се тешко повредени

Нападот се случува помалку од еден ден по најсмртоносниот напад во градот од 2008 година, при што Палестинец уби седум лица пред синагога.

https://republika.mk/vesti/svet/objaveni-snimki-po-teroristilkiot-napad-vo-erusalim-napagach-ubil-sedum-litsa-vo-blizina-na-sinagogata/

The post Нов напад во Ерусалим: Двајца повредени appeared first on Република.

Најмалку седум луѓезагинале во терористички напад што се случил во населбата Неве Јаков во Ерусалим.

Според информации од израелските медицински лица и полицијата, за време на нападот се повредени уште најмалку десет лица, пишува „Јерусалим пост“.

https://twitter.com/AgenciaAJN/status/1619047727761100801?ref_src=twsrc%5Etfw%7Ctwcamp%5Etweetembed%7Ctwterm%5E1619047727761100801%7Ctwgr%5E26204f5752175c9fd8173762cf35f9fb4f8e2a74%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F4096584%2Fprvi-snimci-nakon-teroristickog-napada-u-jerusalimu

На социјалните мрежи се објавени голем број видеа од местото на настанот, на кои се гледаат десетици патролни автомобили и општ хаос на улицата во близина на местото каде што се случил терористичкиот напад.

https://twitter.com/Breaking_4_News/status/1619047651919687681?ref_src=twsrc%5Etfw%7Ctwcamp%5Etweetembed%7Ctwterm%5E1619047651919687681%7Ctwgr%5E26204f5752175c9fd8173762cf35f9fb4f8e2a74%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F4096584%2Fprvi-snimci-nakon-teroristickog-napada-u-jerusalimu

Според неофицијални информации, терористичкиот напад се случил во или во близина на синагога.

https://twitter.com/ronaliran/status/1619047642323095553?ref_src=twsrc%5Etfw%7Ctwcamp%5Etweetembed%7Ctwterm%5E1619047642323095553%7Ctwgr%5E26204f5752175c9fd8173762cf35f9fb4f8e2a74%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F4096584%2Fprvi-snimci-nakon-teroristickog-napada-u-jerusalimu

Според полицијата,осомничениот напаѓач е застрелан.

The post Објавени снимки по терористилкиот напад во Ерусалим: Напаѓач убил седум луѓе во близина на синагогата appeared first on Република.

Најмалку седум лица загинаа во терористички напад вечерва во населбата Неве Јаков во Ерусалим, додека уште 10 се повредени.

Видовме жена и четворица мажи како лежат на патот. Тие се здобиле со прострелни рани и немале знаци на живот. Моравме веднаш да ја потврдиме нивната смрт – изјавил доктор Фади Декидек за „Џерусалим пост“.

Престрелката во еврејската населба Неве Јаков уследи по смртоносниот напад на израелската армија во четвртокот на Западниот Брег во кој загинаа девет Палестинци, а десетина подоцна беа убиени северно од Ерусалим, пренесува АП.

По пукањето вечерва, итната служба на Маген Дејвид Адом објави дека 10 лица побарале лекарска помош, од кои некои се во критична состојба.

Израелската полиција соопшти дека напаѓачот бил застрелан и убиен, а на местото на настанот имало голема полиција,пренесе Блиц.рс.

The post Терористички напад во Ерусалим, најмалку седум мртви appeared first on Република.

На церемонија во Ерусалим, Палестинката Сали Азар првпат беше ракоположена за протестантски свештеник во светата земја, јавува Би-би-си.

Нејзиното ракополагање за свештеник се одржа во преполна црква во стариот град на Ерусалим, јавува Би-би-си.

Речиси 47.000 христијани живеат на Западниот Брег и во Појасот Газа од 2017 година.

Мнозинството палестински христијани припаѓаат на верски заедници што не дозволуваат женски свештеници, а многу мало малцинство се приврзаници на протестантските конгрегации, кои имаат жени за свештеници.

The post Првпат жена стана свештеник во Ерусалим appeared first on Република.