В.Д. директорката на Институтот за Јавно Здравје доктор Марија Андоновска, денес  пред просториите на Институтот за Јавно Здравје (зградата на Министерството за Здравство во кругот на Клинички центар) на прес конференцијата говореше за спречениот обид за диверзија на институцијата.

https://republika.mk/vesti/crna-hronika/ojo-pribirame-dokazi-i-razgovarame-so-litsa-koi-bi-mozhele-da-imaat-soznanija-za-iskluchenite-komori-so-reagensi-vo-ijz/

https://republika.mk/vesti/crna-hronika/sreka-shto-vednash-reagiravme-posleditsite-ke-bea-nenadomestli-veli-andonovska-otkako-nekoj-gi-iskluchil-frizhiderite-vo-ijz/

The post Изјава на в.д. директорката на ИЈЗ, Марија Андоновска appeared first on Република.

The post „Танец“ ја доби првата жена директор во својата 75-годишна историја appeared first on Република.

Доктор Ирена Алексиоска Папестиев е новиот директор на Клиниката за гинекологија и акушерство.

Таа завршила Медицински факултет на УКИМ во 2006 година, како најдобар студент на генерација со просек 9,97 за што добива награда од УКИМ и македонското Лекарско друштво.

Специјализација по гинекологија и акушерство завршува во 2012 година на Клиниката за гинекологија и акушерство на која има долгогодишно работно искуство од 2007 година.

Во текот на своето образование има бројни престои за стручно усовршување во реномирани центри во Велика Британија, Израел, Швајцарија, и Хрватска.

Паралелно со стручното усовршување има и академска кариера на Медицинскиот факултет при УКИМ каде ги поминува сите степени на академско унапредување од асистент, доцент, а моментално е избрана за професор.

Член е на повеќе стручни меѓународни здруженија преку кои има одржано повеќе стручни предавања од актуелните теми од гинекологијата на разни домашни и меѓународни конгреси, симпозиуми и стручни конференции.

Во целиот тек на своето работно искуство е докажана како професионалец, почитуван од пациенти и колеги, со истакнати организациски способности. Автор е на бројни научни публикации и коавтор на повеќе академски учебници.

The post Ирена Алексиоска Папестиев е нова директорка на ГАК appeared first on Република.

СВР Битола до Основното јавно обвинителство вчера поднесе кривична пријава против Е.С.(57) од Битола, поради основано сомнение за сторени четири кривични дела „злоупотреба на службена положба и овластување“, „несовесно работење во службата“, „фалсификување исправа“ и „употреба на исправа со невистинита содржина“, сите од Кривичниот законик.

Како што соопшти денеска МВР, пријавената во својство на одговорно лице, директор на државен ученички дом во Битола ја злоупотребила својата службена положба и овластување и вршела несовесно работење во службата при што во повеќе наврати заедно со поранешниот секретар на домот ја напуштале државата со приватно возило, а во налозите за користење на службеното возило била евидентирана дека е на работа или на службено патување во државата, потоа реализирала повеќе службени патувања во странство со службеното возило заедно со лица кои не биле вработени во домот, без одлуки од Управен одбор за нивно одобрување.

Пријавената, исто така, на поранешниот секретар свесно и намерно не му го одобрила барањето за одмор, со образложение за неопходна потреба од негово присуство за извршување на работните обврски како секретар во домот, носејќи Решение за исплата на надомест за неискористени денови од одморот или вкупно 51 работен ден во износ од 103.989 денари, иако секретарот во тој временски период немал редовно присуство на работа, туку често бил отсутен и надвор од државата во работно време заедно со пријавената. Покрај ова, пријавената во четири наврати, и тоа на 20.07.2022, 15.09.2022, 05.10.2022 и од 20.10.2022 до 22.10.2022 година, иако знаела дека секретарот е веќе во пензија, му исплатила дневници за службени патувања во државата и му овозможила да користи службена претплата за мобилен телефон за периодот од јули 2022 до октомври 2023 година, додека за периодот од 01 до 30.11.2022 година му исплаќала пари по основ на договор за дело за вршење на општи и нормативно правни работи и договор за консултантски услуги, а покрај овие имала и други активни договори на дело, со што постапила спротивно на чл. 8 и чл. 9 од Законот за трансформација во редовен работен однос. Со цел оправдување на сите горенаведени дејствија преземени од страна на пријавената, таа вршела изменување, дополнување и изготвување на фиктивни одлуки и записници. Исто така, таа како одговорно лице на ученичкиот дом во 2022 склучила Договор за дело за вршење на сметководствени услуги со правно лице од Битола во износ од 180.000 денари, без претходно спроведена постапка за јавна набавка и во 2023 година продолжила да исплаќа пари за извршените книговодствени услуги на истото правно лице, врз основа на непотпишан договор, кој бил само архивски заведен.

Како што се наведува во соопштението од МВР, пријавената, ја злоупотребила својата службена положба така што одобрувала и исплаќала пари кон правно лице од Битола врз основа на фактури за набавка на компјутерска опрема и услуги кои реално не биле испорачани и извршени. Со наредба на пријавената, пак, до Министерството за образование и наука се испраќале невистинити списоци за ученици вселени во домот со цел префрлање на поголем износ на пари од ресорното министерство по основ на партиципација, со што го оштетила Буџетот на МОН за износ од 202.500 денари.

The post Директорка од Битола се рашетавала низ странство со службеното возило, го частела дневници пензионираниот секретар appeared first on Република.

Единицата за корупција при Одделот за сузбивање на организиран и сериозен криминал (ОСОСК) вчера до ОЈО Велес поднесе кривична пријава против М.В.(44), од Велес, поради постоење на основи на сомнение за сторено кривично дело „употреба на исправа со невистинита содржина“, согласно член 380 ст.1 од Кривичниот законик.

Како што соопшти МВР, пријавената, на функција директор во општинска јавна установа за деца - детска градинка во Велес, прибавила меѓународно признаен сертификат за познавање на англиски јазик со нејзино име, издадена од училиште за јазици од Пловдив, Р.Бугарија.

Иако знаела дека исправата е со невистинита содржина, М.В. ја употребила како доказ дека поседува меѓународно признаен сертификат при нејзиното аплицирање на Јавен оглас за избор на директор на детската градинка, по што и била именувана на функцијата, велат од МВР.

The post Директорка на велешка градинка фатена со лажен бугарски сертификат за познавање англиски јазик appeared first on Република.

Новоназначената економската директорка на Клиниката за токсикологија Бесија Иљази не знае македонски јазик, па кога мора да соработува со колегите, преведувачи ѝ се двете секретарки врботени во оваа клиника, дознава МКД.мк од извори во клиниката. Дополнително, велат тие, таа не ретко на работа доаѓа со својот татко кој постојано е со неа како да е нејзино обезбедување.

Ја видовме само еднаш кога дојде да се претстави. Тоа што го кажуваше го читаше од ливче на исклучително лош македонски јазик. Неколку пати ја видовме како низ ходниците оди со татко ѝ кој личи како да е нејзино обезбедување, велат извори за порталот.

Од Министерството за здравство за МКД.мк велат дека Иљази е назначена за директорка на Клиниката за токсикологија на 14 -ти февруари годинава.

Бесија Иљази е назначена за организациски директор на Клиниката за токсикологија на 14 февруари оваа година, секоја универзитетска клиника според законот за здравствена заштита треба да има по двајца директори, еден медицински и еден организациски директор. Таа има завршено економски факултет, со претходно работно искуство во струката, пишува во одговорот од Минстерството за здравство.

Оттаму не одговорија на прашањата дали до Министерството за здравство стигнале поплаки за нејзината работа и од која работна позиција Иљази доаѓа како економски директор на Клиниката за токсикологија.

Целата сторија на МКД.мк

The post Економската директорка на Токсикологија не знае македонски, на работа доаѓа со татко ѝ appeared first on Република.

Единицата за корупција при Одделот за сузбивање на организиран и сериозен криминал, до Основното јавно обвинителство Скопје, поднесе кривична пријава против Т.К.(49) од Скопје и С.К.(56) од Косово поради постоење основи на сомнение за сторено кривично дело „употреба на исправа со невистинита содржина“.

Пријавената Т.К., вработена во основно училиште во с.Драчево, скопско и пријавената С.К., вработена во Општа болница Дебар, набавиле лажни меѓународни сертификати за познавање на англиски јазик, издадени од училиште за јазици од Република Бугарија. Т.К. го употребила сертификатот при аплицирање на јавен оглас за избор на директор на основно училиште во с.Драчево, по што со решение на градоначалникот на општина Кисела Вода била именувана за директор во училиштето.

На сличен начин, С.К. го употребила сертификатот за познавање англиски јазик при аплицирање на конкурс за именување директор на ЈЗУ Општа болница Дебар, по што од министерот за здравство била именувана за вршител на должноста – директор на ЈЗУ Општа болница Дебар.

The post Директорки фатени со лажни сертификати купени од Бугарија, против двете поднесени кривични appeared first on Република.

Додека повеќе од еден месец, учениците од основното училиште „Тодор Јанев“ во Чашка ја бојкотираат наставата поради незаконско воведувањето на паралелка на албански јазик во населено место само со Македонци, излегува на површина причината за сервилноста на ВД директорката, Елена Николова, кон надлежните образовни институции, со кои раководат кадри на ДУИ и на Алијанса на Албанците.

https://republika.mk/vesti/makedonija/shakiri-veshtachki-i-nezakonski-sozdava-albanski-paralelki-vo-veles/

Имено, за послушноста и лојалноста на Николова, нејзината ќерка од неодамна е вработена како советник на директорот на Државниот просветен инспекторат, Халит Фератов, кој сега ја турка приказната околу отворањето паралелка на албански јазик, во место каде што нема никаква логична оправданост.

За личните интереси на директорката Николова, денеска во колумна за „Нетпрес“, откри Ѓорѓи Илиевски, Виш просветен инспектор во пензија.

По одземањето на ингеренциите на градоначалникот на општината Чашка од ООУ „Тодор Јанев“ – Чашка и разрешување на директорот, министерот Јетон Шаќири ја назначува за ВД директор одделенската наставничка Елена Николова. Таа треба да ги извршува сите одлуки по барање на министерот и директорот на Државниот просветен инспекторат Халит Фератов, без учество на органот на управување (незаконски), односно, поконкретно кажано училиштето е оставено без орган на управување. За ваквиот незаконски и политички акт, ВД директорката Елена Николова, е наградена со вработување на нејзината ќерка Теодора Матиевиќ во Државниот просветен инспекторат-Советник на директорот Халит Фератов. А, покрај ќерката на ВД директорката, наградени ќе бидат со унапредување во повисоко звање и некои просветни инспектори.

Повеќе тука

The post Ќерката на директорката што сосила отвори албанска паралелка во Чашка е вработена во Просветниот инспекторат appeared first on Република.

Од јануари директорката на Државен испитен центар (ДИЦ) ќе има простор да ги зголеми платите за 30 отсто, изјави денеска министерот за образование Јетон Шаќири кој гостуваше на ТВ 24.

Синдикатот на ДИЦ од 11 декември го продолжи штрајкот кој го почна во мај, бидејќи не беа задоволни од одговорот од Министерството за финансии за зголемување на платите на вратените во оваа институција. Со штрајкот е загрозено е полагањето на државаната матурата. Тие бараат изедначување на нивните плати со платите на наставник ментор.

https://republika.mk/vesti/makedonija/zagrozeno-e-polaganeto-na-maturata-sindikatot-na-dits-go-prodolzhi-shtrajkot-bidejki-ne-dobile-zadovolitelen-odgovor-od-ministerstvoto-za-finansii-za-zgolemuvane-na-platite/

Не ми се допаѓа оваа ситуација со Државнииот испитен центар и условувањето со блокада на 500 наставници и директори кои треба да добијат лиценци, а условот е зголемување на платата. Веќе седум месеци дискутираме за овој проблем, а еве веќе од јануари ова може да биде надминато. Има нов колективен договор, нови одлуки на Министерството за финансии и нов начин на зголемување на платите. Од јануари директорката на ДИЦ ќе има простор да ги зголеми платите за 30 отсто. Мислам дека со тоа проблемот ќе се реши. Јас никогаш не велам дека не треба повисоки плати. Но, кога некој во јавноста сака да стане популарен и да блокира 500 наставници, тоа не е во ред, изјави Шаќири.

Вработените во ДИЦ бараат покачување на платите за 25 отсто и измена на посебниот колективен договор. Од 11 месецов тие решија да го продолжат повеќе месечниот штрајк, кој во месец мај беше прекинат за да биде спроведена државната матура.

The post Шаќири: Од јануари директорката на Државниот испитен центар ќе може да ги зголеми платите за 30 отсто appeared first on Република.

Новата извршна директорка на Twitter, Линда Џакарино, ги објави првите планови една недела по преземањето на новата функција во компанијата. Џакарино ги повтори целите на Елон Маск за тоа како Твитер мора да се трансформира во „глобален градски плоштад“.

Таа рече дека тоа ќе ѝ помогне на цивилизацијата да оди напред преку нефилтрирана размена на информации и отворен дијалог за важни работи, пишува Би-би-си.

Таа исто така нагласи дека компанијата има цел и мисија да стане најпрецизен извор на информации во светот во реално време.

Треба искрено да верувате и да работите напорно

Од истражување на вселената до електрични возила, Елон знаеше дека на овие индустрии им е потребна трансформација, па го направи тоа. Станува сè појасно дека на глобалниот градски плоштад му треба трансформација. Треба навистина да верувате и да работите напорно за тоа. Имаме можност да создадеме нови партнерства и заедно да изградиме нешто што може да го промени светот. Вие сте создадени за ова - изјави Џакарино.

The post Новата шефица на Твитер: Сакаме да станеме најточен извор на информации appeared first on Република.

Родителите на децата од градинката „Детска радост“ во отворено писмо до јавноста потсетуваат на сите криминални дејствија на директортката, која иако градоначалникот на Гази Баба ја разреши, беше вратена на работа од страна на министерката за труд и социјала Јованка Тренчевска.

https://republika.mk/vesti/skopje/se-jadelo-i-pielo-na-smetka-na-gradinkata-stefkovski-ja-razreshi-direktorkata-na-detska-radost/

Тие доставуваат и документи како доказ за незаконското работење и најавуваат отпор и кон тоа и кон министерката Тренчевска.

https://republika.mk/vesti/skopje/direktorkata-na-gradinkata-detska-radost-kupila-mashina-za-perene-od-4-000-evra/

Нивното отворено писмо до јавноста ви го пренесуваме во целост:

https://republika.mk/vesti/skopje/detsata-ke-gi-doneseme-pred-mtsp-porachaa-na-trenchevska-roditeli-gnevni-na-detska-radost/

Почитувани новинари,

По оддржани два состаноци на родителите на дечињата кои ја посетуваат детската градинка Детска радост го доставуваме ова отворено писмо до јавноста.

Се обраќаме по неколку дена пауза бидејќи почекавме да заврши завршната приредба на генерацијата која оваа година завршува со посетата на градинката, а беше закажана за вчера 31.05.2023 година. Не сакавме да бидеме пречка за реализација на оваа приредба бидејќи сепак се работи за нашите деца.

По направени консултации со вработени внатре во градинката и сеопфатна анализа за известуваме јавноста за донесените заклучоци:

1. Се формира иницијативен одбор од пет преставници кои во следниот период ќе говорат во името на сите нас незадоволни родители;
2. Од понеделник 05.06.2023 година официјално ќе започнат нашите активности за искажување на незадоволството од повторното именување на директорката;
3. За денес 01.06.2023 година е предвидено до медиумите да се достави ова отворено писмо со анализа на документите.

Повикувајќи се на Законот за Заштита на укажувачите до целокупната јавност доставуваме анализа на документите кои пристигнаа до нас, а говорат за прекршување на Законите.

АНАЛИЗА СО ПРИЛОГ ДОКУМЕНТИ

СИТУАЦИЈА БРОЈ 1

На ден 25.05.2021 година до градинката Детска радост е доставена профактура број 21-012-00166 од економски оператор за извршена набавка на луксузен мебел со вредност од 69.266,75 денари.

Имајќи предвид дека мебелот бил набавен, а истиот не бил дел од финансискиот план на детската градинка, Управниот одбор на градинката на ден 23.07.2021 година носи Одлука за изменување и дополнување на Финансискиот план за 2021 година во кој како претпоследна точка стои: “Се додава конто 483110 – Купување на канц. Мебел во износ од 72.000 денари”.

За да се покрие крешењето на Законот на ден 07.09.2021 година е доставена истата профактура број 21-012-00166 само со променет датум.

СИТУАЦИЈА БРОЈ 2

Во прилог Ви доставуваме фактури од угостителски услуги кои директорката ги реализирала во работно време, а најчесто и по завршување на работното време, а дополнително и со храна за носење.

СИТУАЦИЈА БРОЈ 3

Службеното возило кое го има купено градинката со намена да разнесува храна за децата низ клоновите било злоупотребувано и истото се користело за приватни потреби. Во прилог Ви доставуваме и службени налози за користење на автомобилот во кој како дестинација за движење стои Петровец, местото каде што живее директорката.

СИТУАЦИЈА БРОЈ 4

Со пари од градинката се вршело секојдневна набавка на производи кои не се за децата, туку за менаџментот за градинката.

Почитувани новинари,

Сите ние родителите на децата кои се згрижуваат во градинката Детска радост секојдневно сме должни со носењето на нашите деца да носиме и средства за хигиена (течен сапун), тоалет, влажни марамици, пластички чаши и слично.

Нема пари за нашите деца да се купат потребните работи за нормална грижа врз нив, но секако има пари за луксузен мебел за менаџментот, ручеци проследени со алкохол и за скаби бајадери.

Ова наше писмо со сите овие документи доаѓа по повикот од директорката да на отворен ден ни ги презентирала документите со образложение дека немало криминал.

На овие документи ли мислевте, госпоѓо Анета Петровска?

Нас приемен ден, не ни треба. Нас ни треба одговорен менаџер на чело на градинката во која ги оставаме за грижа нашите деца. А нашата бројност ќе ја види и директорката, но и министерката која се стави во заштита на директорката за многу брзо.

Ја известуваме јавноста дека веќе од понеделник започнува нашиот отпор кон незаконското работење во градинката.

Ги повикуваме сите граѓани да ни се приклучат на нашиот отпор.

Ова е отпор против криминалот и корупцијата!

Ова е отпор против незаконското работење!

Ова е отпор против министерката Јованка Тренчевска која вршејќи самоволие ја врати директорката на чело на градинката!

The post Родителите со документи за криминалот на директорката која Тренчевска ја штити appeared first on Република.

Детската градинка „Детска радост“ од скопска Автокоманда, чија директорка е разрешена поради незаконско работење, во непланирана јавна набавка купила 3 машини за перење алишта за што платила повеќе од 15.000 евра или безмалку по 4.000 евра по парче, објави порталот Курир.

Според порталот, оваа и неколку други јавни набавки направени во градинката не биле дел од планот за набавки за лани.

Купувањето на машините за перење алишта ја чинело градинката вкупно 938.100 денари (15.228 евра)  со  вклучен ДДВ.

https://republika.mk/vesti/skopje/se-jadelo-i-pielo-na-smetka-na-gradinkata-stefkovski-ja-razreshi-direktorkata-na-detska-radost/

Дополнително, според пораталот, сомнеж на оваа јавна набавка дрла и тоа  што во Планот за јавни набавки за 2022 година кој е задолжителен согласно Закон, оваа јавна набавка воопшто не е предвидена за реализација, а истата се реализирала.

Покрај овој договор, биле склучени и договори за услуги за хортикултурно уредување на зелени површини тежок 500.000 денари, како и договор за набавка на кујнска опрема во висина од 179.124 денари.

Заедничко за сите овие три договори е тоа што истите се реализирани, а не биле дел од планот за јавни набавки на детската градинка.

Дел од незаконското работење било утврдено и во ревизорскиот извештај, по што директорката на градинката е разрешена.

The post Директорката на градинката „Детска радост“ купила машина за перење од 4.000 евра appeared first on Република.

Актерката Маја Вељковиќ Пановска е нов в.д. директор на НУ Драмски театар Скопје. Таа доаѓа на местото на досегашната директорка Катарина Коцевска Хаџи Василева која се повлекува од лични причини, соопштија од Драмски театар.

Маја Вељковиќ Пановска дипломирала актерска игра на Факултетот за драмски уметности во Скопје во 1993 година. По дипломирањето реализира повеќе улоги на сцените на повеќе театри низ Македонија. Од 1999 година е вработена во Драмски театар Скопје.

Од театрографијата на Маја Вељковиќ Пановска ги издвојуваме улогите на: Антонина (Земјомерот, 2000); Јованка Орлеанска (Јованка Орлеанска, 2000); Марија (Војцек, 2001); Маре (Тетовирани души, 2002); Елена (Сон на летната ноќ, 2001); Порција/ Полониј/ Гертруда/ Првата вештерка (Собрани дела Шекспир,2002); Првата пчела (Како се станува цар, 2003); Паднатиот ангел (Марисол, 2004); Мартирио (Домот на Бернарда Алба, 2004); Фроса (Кино љубов, 2007); Јелена (Комшилук наопаку, 2007); Мими (Грев или шприцер, 2011); Емилија (Баал, 2012); Младата сопруга (Вртелешка, 2012); Евридика (Евридика, 2013); Секула (Солунски патрдии, 2013); Елена (Љубовници, 2015); Фонсија Дорси (Партија реми, 2018) ; Јоана Дорек (Чудесна терапија, 2019); Газдарицата (Птица со главата меѓу нозе, 2021).

Во филмографија се забележени улогите на: Последниот фалцер (2000); Големата вода (2004); Бардо (2012); Незрели цреши (2015).

Маја Вељковиќ Пановска е добитник на наградите: Награда Трајко Чоревски за најдобар млад актер на за улогата на Жената во претставата „Духот на лименката” на Македонскиот театарски Фестивал „Војдан Чернодрински “ (Прилеп, 1999); Награда за епизодна улога Димче Трајковски за улогата на Маре во претставата „Тетовирани души“ на МТФ „Војдан Чернодрински” (Прилеп, 2002) и други.

The post Актерката Маја Вељковиќ Пановска е нов в.д. директор на Драмски театар, Катерина Коцевска се повлече од лични причини appeared first on Република.

Министерството за образование и наука ја поздравува одлуката на градоначалникот на општина Градско за разрешување на директорот на основното општинско училиште каде беше утврден случај на врсничко насилство.

Ја охрабруваме локалната самоуправа да продолжи и да ги интензивира активностите за градење на мирна и хармонична училишна средина во која секое дете ќе може да го достигне својот полн потенцијал. Ова всушност е порака и до сите општини и училишни менаџменти во државата, бидејќи насилното однесување меѓу младите не смее да биде опција, велат од МОН.

Оттаму додаваат дека осудуваат секакво насилство во и надвор од училиштата и во таа насока, заедно со Министерството за внатрешни работи, единиците на локалните самоуправи, училиштата, странските партнери и граѓанските организации, во континуитет работат на подигнување на свеста кај младата популација за потребата од толерантно однесување и надминување на конфликти без насилство.

The post МОН го поддржа градоначалникот кој ја разреши директорката во Градско, која не презела ништо за ученикот кој бил малтретиран appeared first on Република.

Денешните дојави за бомби во скопски основни училишта се во Петровец, но тоа се пријави испратени во текот на вчерашниот ден. Дојавата за бомба е стигната во текот на вчерашниот ден на електронската адреса на директорката на училиштето „Кочо Рацин“, но таа не ја видела пораката. Откако денеска ја видела, веднаш пријавила. Бидејќи во оваа општина има три училишта со име „Кочо Рацин“, мораше да извршиме проверка кај сите нив, изјави денеска министерот за внатрешни работи Оливер Спасовски.

Тој потврди и дека денеска има дојава за поставена експлозивна направа во основно училиште во Крива Паланка каде што од страна на тимови за антитероризам се вршат проверки.

The post Денешните дојави за бомби во Скопје се вчерашни, директорката не го видела мejлот appeared first on Република.

Градоначалникот на општина Градско, Киро Нацков, се обрати со јавна реакција по повод случајот со малтретирањето на одличен ученик од негови врсници во основното училиште „Даме Груев“ во општината, при што објави дека се преземаат серија мерки во врска со случајот.

Нацков соопштува дека една од тие мерки е разрешување на директорката на училиштето.

Деновиве сме сведоци на немил настан во основно училиште во општина Градско. Во ниту еден момент не останав имун како Градоначалник и никогаш нема да останам имун.

 

Морам да напоменам дека ја согледав целосната ситуација и денес преземам конкретни мерки, а воедно и јавно соопштувам.

 

Без разлика што и како и дали се постапило во врска со овој случај, сега треба да се согледаат последиците и зошто е дојдено до ова, односно да излезе целата ситуација од контрола.

 

Оттука апелирам дека сите засегнати страни треба да превземат одговорност, а иако е пријавено во МВР и Центар за социјални работи, сепак, се уште нема никаква реакција.

 

Во рамки на моите надлежности веднаш соопштувам дека во рамките на училиштето ја разрешувам директорката на ООУ Даме Груев.

 

Веднаш потоа сакам да апелирам до МВР, Центар за социјални работи, Државен инспекторат за образование и сите надлежни да го испитаат детално случајот и онаму каде треба да се помогне, а онаму каде треба да се сноси одговорност.

 

Уште еднаш апелирам дека иднината на нашите ученици и деца е најважна и мораме да бидеме сите со високо ниво на свест.

 

Ова не смее уште еднаш да се повтори‼️, се наведува во реакцијата на Нацков.

https://republika.mk/vesti/crna-hronika/mu-gi-kinele-gakjite-tetratkite-i-uchebnicite-odlichen-uchenik-dve-godini-trpel-vrsnichko-nasilstvo-vo-gradsko/

The post Градоначалникот ја разреши директорката на училиштето каде што беше малтретиран одличен ученик appeared first on Република.

Брутално насилство врз 10 месечно бебе во градинка во Гевгелија. Директорката Елизабета Стефановска, поставена од министерката Јована Тренчовска молчи и го крие инцидентот, обвини на прес-конференција пратеничката Ангелина Петкова.

Во вторникот, 22.11.2022 година, во детската градинка „Цветови“ во Гевгелија се случи брутален инцидент, 10 месечно бебе заврши во општата болница во Гевгелија со констатирани тешки телесни повреди и хематом на главата. Директорката на градинката Елизабета Стефановска, која е поставена од Јована Тренчовска се обиде да го прикрие скандалот, наместо да, преземе дејствија за санкционирање и да го пријави случајот во полициската станица во Гевгелија, oбјави Петкова.

Додаде дека случајот во полиција бил пријавен ден потоа од страна на родителите.

Елизабета Стефановска е директор на детската градинка „Цветови“. И за истата да остане директор на градинката како кадар на Социјалдемократскиот сојуз, и покрај големиот број на пропусти во работењето министерката Јована Тренчовска му ги одзема ингеренциите за детските градинки на територија на општина Гевгелија на градоначалникот Андон Сарамандов. Мандатот на Стефановска иако завршен и е продолжен од страна на министерката Тренчовска. Тренчовска му ги одзема ингеренциите за да можат директорите на Социјалдемократскиот сојуз да продолжат да ги држат функциите додека условите во градинките се сѐ полоши, вели Петкова.

Повредите со какви се стекнало 10 месечното бебе се големи, додава таа, потенцирајќи дека реакција и одговорност мора да има.

Ова не е прв инцидент откако оваа директорка менаџира со градинките во Гевгелија, сличен инцидент имаше пред две години, а минатата година кога снема огромни количини на нафта во градинката институциите повторно затаија со реакција. Ова е втор инцидент на дете со големи повреди во мандат на истата директорка. Уште што треба да се случи за истата да биде сменета? Затоа повикуваме. Одговорност за инцидентот мора да има. И треба да бидат санкционирани со отказ и да се поднесат соодветни пријави. Ја повикуваме министерката да ја разреши директорката и да поднесе соодветни пријави заради прикривање и не преземање дејствија. Во исто време наместо да продолжи со самоволието министерката Тренчовска да ги врати ингеренциите на градоначалникот Андон Сарамандов, и да не се меша во работењето на градинките, зошто гледаме до каде не донесоа партиските кадри на Социјалдемократскиот сојуз во институциите, посочи Петкова.

https://youtu.be/tITC2VdRxE4

The post Десетмесечно бебе со тешки повреди во гевгелиска градинка, директорката се обидела да го сокрие случајот appeared first on Република.

Со одлука на Министерството за култура, Ајлин Емин Скоро е назначена за нова директорка на Турскиот театар од Скопје. Скоро од почетокот на јули дојде на местото на актерката Несрин Таир, која раководеше со Турскиот театар од 2019 година.

Ајлин Скоро до сега беше претседателка на Управниот одбор на Турскиот театар, а доаѓа од музичката фела.

The post Ајлин Емин Скоро е нова директорка на Турскиот театар од Скопје appeared first on Република.

The post Забрането паркирање…освен ако не сте директор на болницата appeared first on Република.

The post Костовски: Од денес нов директор на ООУ „Панајот Гиновски” во Бутел 2 е Благородна Сотиров appeared first on Република.