Четиринаесетгодишно девојче од Злокуќани било пријавено за исчезнато доцна по полноќ.

Случајот со исчезнувањето во полицијата го пријавил таткото на малолетничката кој трагал по неа.

Сепак, девојчето подоцна се јавило кај неговата тетка и ја известило дека по своја волја заминало кај Б.Б. во Косово.

Се преземаат мерки за пронаоѓање на лицето, велат од МВР во дневниот билтен.

The post Taтко од Злокуќани насекаде ја барал 14-годишната ќерка, потоа таа се јавила од Косово appeared first on Република.

Турските власти соопштија дека е пронајдено безживотното тело на осумгодишното девојче Нарин Гуран, кое исчезна на 21 август во Дијарбекир.

Оттогаш се трага по детето чие тело е пронајдено во потокот Егертутмаз на 1,5 километар од селото Тавшантепе каде што живеело.

Турската телевизија НТВ соопшти дека полицијата забранила секому да влегува или да излегува од селото.

За жал, безживотното тело на Нарин, кој исчезна во населбата Тавшантепе во областа Баглар во Дијарбакир, го пронајдоа екипи на жандармеријата“, изјави Али Јерликаја, министер за внатрешни работи на Турција.

The post Пронајденото е телото на девојчето кое се бараше низ цела Турција appeared first on Република.

Британската полиција соопшти дека уапсила маж откако 11-годишно девојче и 34-годишна жена биле избодени со нож на плоштадот Лестер во центарот на Лондон.

Од полицијата соопштија дека не веруваат дека има повеќе осомничени за тој напад и дека се чекаат нови информации за здравствената состојба на нападнатите кои се пренесени во болница.

The post Девојче и жена ранети со нож во центарот на Лондон, напаѓачот уапсен appeared first on Република.

Во Полициското одделение Шуто Оризари, Ѓ.О.(51) од Скопје пријавила дека од домот се оддалечила нејзината малолетна штитеничка А.А.(13) заедно со нејзиното петмесечно бебе.

Од МВР преземаат мерки за пронаоѓање на лицето.

The post 13-годишно девојче избега од Дом заедно со нејзиното петмесечно бебе appeared first on Република.

Вчера во 22.00 часот во СВР Куманово, малолетничка од Куманово пријавила дека нејзиниот татко Џ.С. од Куманово два пати ја мажел за одреден паричен надомест. Кога дознала дека планира и третпат да ја омажи побегнала од живеалиштето и го пријавила настанот во полициска станица.

Од кумановската полиција велат дека се преземаат мерки за расчистување на случајот.

The post Девојче од Куманово го пријави татко ѝ кој по третпат сакаше да ја мажи за пари appeared first on Република.

Вчера во 13.15 часот во Полициската станица Бит Пазар, С.К.(38) од Скопје пријавила дека од домот се оддалечила Ј.А.(16), која ѝ била доделена на згрижување, а која во повеќе наврати се оддалечувала и била враќана назад.

Се преземаат мерки за пронаоѓање на лицето.

The post Исчезна 16-годишно девојче од Скопје appeared first on Република.

Девојче од 16 години е извлечено од дол и се наоѓа во струмичката болница, јавија од Центарот за управување со кризи. Случајот вечерва околу 20.30 часот на 112 гоо пријавила мајката која рекла дека ќерката паднала во уавал во близина на манастирот Свети Илија над Струмица, но дека не ја знае точната локација.

Мајката известила дека ќерката има повреди на главата.

Операторите од 112 ја смириле видно вознемирената мајка и побарале од неа да ја извести ќерката да се јави на 112 за да се утврди локацијата на која се наоѓа.

Ќерката се јавила на 112 исплашена и вознемирена, кажала дека има повреди на главата и дека не знае да го посочи точното место на кое паднала. Операторите од 112 преку системот на 112 ја утврдиле точната локација а оперативците од Секторот за операции и координација од ЦУК итно ги известиле СВР Струмица, ТППЕ Струмица и Итната медицинска помош од Струмица.

Сите посочени екипи веднаш излегле на терен, ја пребарале посочената локација и откако најпрво викајќи оствариле гласовен контакт со повреденото и исплашено лице набргу потоа успеале да ја најдат.

https://republika.mk/vesti/crna-hronika/devojka-padnala-vo-blizina-na-manastirot-sveti-ilija-nad-strumitsa-ekipite-se-na-teren-i-ja-izvlekuvaat/

The post Спасено е 16-годишното девојче кое падна во дол кај Струмица appeared first on Република.

Куќата на вујкото, кој е осомничен за убиство и обид за силување на 11-годишното девојче во Грција, вчера пред нејзиниот погреб била опожарена.

Објектот бил запален неколку минути пред погребот на малата Василика која исчезна во неделата, а нејзиното тело со бројни повреди беше пронајдено во понеделникот на нива, пренесуваат медиумите во регионот.

Осомничениот за убиството признал дека сакал да има односи со девојчето, но кога таа го одбила и се заканил дека ќе им каже на родителите и ја избодел со шрафцигер и и го фрлил телото во поле.

Локалните медиуми јавуваат дека група непознати лица фрлиле факели кон домот на вујкото, а се верува дека станува збор за чин на одмазда за бруталната смрт на девојчето.

Пожарникарите брзо пристигнале на местото на настанот и го локализирале пожарот, а како што се наведува, во куќата во моментот на нападот не биле членовите на семејството на осомничениот, бидејќи претходно го напуштиле селото, стравувајќи дека може да се случи такво нешто.

Според написите, бројни членови на семејството на убиената девојка и нивни пријатели сакале да го линчуваат осомничениот додека тој вчера беше донесен во обвинителството да даде исказ. На крајот, обвинителот мораше да оди во притворското одделение за да го сослуша осомничениот.

The post Запалена куќата на вујкото осомничен за убиството на 11 годишното девојче во Грција appeared first on Република.

Девојчето (11) кое е убиено во Грција, починало од рацете на нејзиниот чичко. Малата Василики, влегла во неговиот автомобил и набрзо била пронајдена мртва.

Чичкото (37) на распит го признал ова грозоморно злосторство, но не го навел мотивот за убиството.

„Ја однесов во шумата и ја убив“, рекол тој, пренесуваат грчките медиуми.

Тој во утро по исчезнувањето на девојчето отишол да ги утеши родителите на убиеното девојче, додека тие се уште верувале дека Василики е киднапирана. Во исто време на социјалните мрежи сподели “amber alert” информација за нејзиното исчезнување.

Откако родителите на Василики го пријавиле нејзиното исчезнување, полицијата ги прегледала безбедносните камери, кои го снимиле девојчето како влегува во автомобил. Набрзо било утврдено дека се работи за возилото на нејзиниот чичко.

Осомничениот за убиството на Василика беше уапсен во 2017 година за силување на 14-годишно дете.

Во 2020 година, тој беше осуден на Закинтос, но беше ослободен на условна слобода во очекување на пресудата на апелациониот суд. Бил должен редовно да се јавува во полициска станица. Засега, според написите во медиумите, не е познато дали ја испочитувал судската наредба.

The post Го убил девојчето, па отишол да ги теши нејзините родители: Ова е чичкото од пеколот од Грција appeared first on Република.

Малата Софија од Лесковац има три години и „три вида“ коса на главата. Ако се гледа од напред - нејзината коса е кафена и права, во профил од едната страна девојчето има големи кафеави локни, а на другата страна на лицето, покрај кафените прамени, ќе видите и руси, ситни, или како што некои ги нарекуваат - „афро“ кадрици, објави „Н1“.

Нејзината мајка раскажува дека оваа необична коса почнала да расте по првиот роденден на Софија. Таа вели дека контактирала и со педијатар, но и со личните фризери - сите ѝ рекле дека никој никогаш не виделе такво нешто и не ја знаат причината.

Во однос на одржувањето, сè уште учиме и не знаеме што да правиме, особено што има три типа коса на главата... Ја чешламе само кога косата е мокра, вели мајката.

Пред извесно време се дозна и за две момчиња од Крагуевац и од Лебане кои имаат тн. „синдром на непослушна коса“ - необична појава кога влакното расте нагоре и „му пружа отпор“ на чешлањето. Таткото на момчето од Крагуевац изјави дека за другото момче дознале на интернет, бидејќи педијатрите првпат виделе ваква коса.

Мајката на Софија вели дека знае за случаите од соседните градови во јужна и средишна Србија, но вели дека случајот со нејзината ќерка е нешто друго. За што точно се работи, сè уште не се знае.

The post На девојче од Србија му растат три различни видови коса appeared first on Република.

Откриен е мотивот за убиството на девојчето (11) во Грција, чие исчезнување е пријавено во ноќта меѓу неделата и понедeлникот, а кое вчера е пронајдено мртво. Полицијата го уапсила нејзиниот вујко, кој го признал злостортсвото.

Вујкото на сослушувањето рекол дека девојчето го избодел со штрафцигер, а потоа инспекторите ги одвел на нивата каде го оставил телото на малата Василики.

Според информациите, вујкото рекол дека пред убиството сакал да има сексуални однсои со малата внука. Девојчето го одбило и се заканило дека се ќе им раскаже на родителите, после што тој зграбил штрафцигер и и нанел повеќе убоди во вратот, градите и грбот.

Изворите од истрагата наведуваат дека детето имало повреди по рацете, веројатно задобиени додека се обидувала да се одбрани од силувачот.

The post Се исплашил дека девојчето ќе каже се, телото го фрлил во нива, отишол дома и заспал: Откриен мотивот за свирепото убиство во Грција appeared first on Република.

Малата Василики Николопоулу(11) исчезна во неделата вечер во 21.10 часот, а семејството околу 3 часот утрината го пријавила нејзиното исчезнување.

За жал девојчето вчера е пронајдено мртво, со убод во вратот. За убиството се сомничи нејзиниот чичко, кој и претходно бил осудуван за силување на малолетнички. Тој наводно во полиција го признал убиството.

Ја одведов во нива и ја убив со штрафцигер, наводно рекол осомничениот чичко после апсењето.

Според локалните медиуми, осомничениот чичко, не го навел мотивот за убиството.

Откриено е дека чичкото вчера утрото одел да ги теши родителите на убиеното девојче, додека се уште верувале дека е киднапирана. Истовремено на социјалните мрежи делел информации „амбер алерт“, за нејзиното исчезнување.

The post Камерите забележиле како девојчето влегува во кола, набрзо ја нашле мртва: Свирепо убиство во Грција, чичкото признал се appeared first on Република.

14-годишно девојче по потекло од Црна Гора е осомничено дека сакало да изврши напад во Грац, Австрија, а при претресот на нејзината куќа истражителите пронашле оружје и ужасни фотографии и видеа од обезглавувања.

Таа, како што се наведува, имала една цел: да ги убие сите неверници.

Според полицијата, девојката веќе купила оружје како секира, нож и облека за по случаен избор да нападне луѓе во Грац.

Таа испрати слики од нејзините планови за напад на истомисленици преку апликацијата Телеграм.

Нападот требало да биде „насочен кон неверниците“, а планот вклучувал случајно убиство на „луѓе облечени во црно“ и убивање „што е можно повеќе“.

Австриската полиција не знае точно кога било планирано да се изврши нападот, но се сигурни дека нападот ќе се случел.

Девојчето е родено во Црна Гора и живее во Грац, но сè уште нема австриско државјанство.

Претресот на куќата е извршен по наредба на јавниот обвинител во Грац, а на лице место е пронајдено оружје и облека, по што девојката е уапсена.

При распитот девојката не признала што планира, а на сослушувањето присуствувале и нејзините родители кои наводно не знаеле за страшните планови на нивната ќерка.

The post Уапсено 14-годишно девојче од Црна Гора: Планирало напад во Австрија appeared first on Република.

На доживотна затворска казна и 27 години затвор е осуден првоосомничениот во случајот од октомври 2022 година, за сексуална злоупотреба и принудување на проституција на 12-годишно девојче од атинска населба, јави дописничката на МИА од Атина.

Мешовитиот поротен суд во Атина ги соопшти пресудите и казните за сите обвинети, кои во петокот беа прогласени за виновни, а затворска казна добија првоосомничениот, 55-годишниот Илиас Михос и уште едно лице, додека, пак, останатите 17 обвинети кои имале улога на „клиенти“ и беа прогласени за виновни за платен сексуален однос, добија условни казни.

Во случајот, осомничена беше и мајката на девојчето за која судот во петокот едногласно пресуди дека е невина за порнографија и за принудување лице на проституција, а е обвинета само за изнуда и се очекува утре да излезе од притвор.

Со измените во Кривичниот законик во Грција, за кривично дело сексуална злоупотреба на малолетно лице, можно е изрекување и на доживотна затворска казна, како што беше случај со првообвинетиот Михос, додека пак останатите затворски казни се однесуваат на другите дела меѓу кои: злоупотреба на малолетно лице што нема наполнето 14 години; детска порнографија (поседувал и дистрибуирал материјал); принудување лице на проституција и за недозволено поседување оужје.

Според грчките медиуми, иако станува збор за доживотна затворска казна, сепак во затвор ќе биде 20 години.

Конкретниот случај, откако беше откриен во Грција предизвика шок кај јавност, а како што тогаш објави МИА, сега веќе осудениот Михос го знаел и семејството и девојчето, бидејќи се од иста населба, ја знаел нивната финансиска состојба, нивниот статус и токму тоа го злоупотребил.

Според дел од информациите во грчките медиуми, девојчето наводно повремено помагало во маркетот и добивало џепарлак, со оглед на тоа што потекнува од сиромашно семејство со осум деца и со татко корисник на дрога.

Во периодот од април до август 2022 година, Михос континуирано, со употреба на сила, сексуално го злоупотребувал девојчето и ја терал да му испраќа провокативни фотографии, кои ги објавувал преку различни профили на различни педофилски платформи и сајтови на интернет и во улога на макро барал „клиенти“ за тогаш 12-годишната девојка.

Според она што во октомври 2022 година беше објавено во Грција, целиот случај бил откриен откако девојчето заедно со нејзиниот брат биле на Лефкада, на одмор кај нивната тетка.

Тетката забележала дека девојчето е постојано со нејзиниот мобилен телефон и разменувала пораки, меѓутоа не добила одговор со кој разговара. Успеала да го земен мобилниот, да ги прочита вулгарните и несоодветни пораки што Михос ѝ ги испраќал на 12-годишната, по што веднаш реагирала.

Пораките ги испратила до мајката на девојчето и побарала од неа веднаш да оди во полиција и да го пријави, во спротивно, тоа ќе го стори лично таа. Иако првично мајката се двоумела, сепак го пријавила, тогаш 53-годишниот, по што полицијата почнала акција.

Од мобилните телефони, како на обвинетиот, така и на девојчето, беа откриени низа контакти на педофили кои биле во комуникација со 12-годишната, со што започнаа и апсењата, а во притвор беа над 20 лица.

The post Принудувал на проституција малолетно девојче: Доживотна затворска казна за главниот осомничен за сексуална злоупотреба во Грција appeared first on Република.

Од МВР информираат дека малолетна девојка била нападната од женско лице.

О.Т.(43) од Скопје на 21 март во 15:10 часот во СВР Скопје пријавил дека околу 14:00 часот на автобуска постојка на подрачјето на општина Аеродром неговата малолетна ќерка била физички нападната од А.Д. (женско лице) од Скопје, информираат од МВР.

Оттаму додаваат дека се преземаат мерки за расчистување на случајот.

The post Жена истепала девојче на автобуска постојка во Аеродром appeared first on Република.

Основното јавно обвинителство Струмица донесе наредба за спроведување истражна постапка против мајка осомничена за кривично дело „запуштање и малтретирање на дете“.

Осомничената, како што соопшти денеска Јавното обвинителство, иако била должна да ја издржува и да се грижи за животот и здравјето на нејзината четиригодишна ќерка, грубо ја запоставила својата родителска должност за грижа и воспитување, ја запуштила и дозволила детето да се оддаде на питачење, што штетно влијаело на неговиот развој, здравје и лична безбедност. Поради тоа настапило тешко нарушување на здравјето на детето, кое во тешка здравствена состојба на 17 јануари годинава било најпрво примено во ЈЗУ Општа болница Струмица, а потоа хоспитализирано на Клиниката за детски болести во Скопје.

https://republika.mk/vesti/crna-hronika/majkata-tvrdeshe-deka-ja-napadnalo-kuche-a-na-prstite-veke-se-gledashe-gangrena-velat-od-detska-klinika-za-4-godishnoto-devojche-od-strumitsa/

Надлежниот јавен обвинител продолжува да постапува и го очекува вештиот наод од Институтот за судска медицина во поглед на причините за настанатите повреди кај девојчето. По барање на јавниот обвинител, Центарот за социјални работи постапи согласно своите надлежности за обезбедување заштита на другите три деца од семејството, се наведува во соопштението.

The post Обвинение против мајката на тешко повреденото четиригодишното девојче од Струмица appeared first on Република.

Синоќа во присуство на бројни љубители и почитувачи на делото на Тоше Проески, како и на етно составот „Синтезис“, беше промовиран проектот „Ој девојче“ на музичкиот продуцент и диџеј Деловски и „Синтезис“, кој беше издаден на 25 јануари, роденденот на Тоше Проески.

https://www.youtube.com/watch?v=xnfXmt5ETVw&embeds_referring_euri=https%3A%2F%2Fsmart.sdk.mk%2F&source_ve_path=MjM4NTE&feature=emb_title

Голема чест и задоволство ни е да Ви го претставиме нашиот нов проект – колаборација и преработка на една од најпознатите Македонски етно музички изданија „Ој девојче“, на кој што решивме да ги оставиме оригиналните вокали од нашиот најголем непробол – Тоше Проески.

Наша цел со ова музичко издание е да се вратат националните и етничките вредности, како и да ја негуваме етно музиката на начин на кој што и доликува. Деловски успеа да го преработи ова издание, да му даде еден нов, модерен сјај и шмек, кој со сигурност ќе стане хит, велат од Синтезис.

The post Деловски и „Синтезис“ го промовираа проектот „Ој, девојче“: Да ја негуваме етно музиката на начин на кој што и доликува appeared first on Република.

Основното јавно обвинителство Кичево донесе Наредба за спрoведување истражна постапка против едно лице за кривично дело – Убиство предвидено во член 123 став 2 точка 2 во врска со став 1 од Кривичниот законик.

Осомничениот 29-годишник, на 18 декември, при вршење семејно насилство, ја лишил од живот сопствената ќерка родена 2022 година. Тој и нанел повеќе удари со раце и нозе, предизвикувајќи и тешки телесни повреди – скршена коска на черепот, крварење во мозокот и скршеници на две ребра. Од здобиените повреди детето починало на 8 јануари, во Клиничкиот центар „Мајка Тереза“ во Скопје, информираат од Обвинителството.

Јавниот обвинител до судијата на пртетходна постапка достави предлог за определување мерка притвор за осомниченото лице.

The post Таткото ја тепал и со раце и со нозе: Двегодишното девојче имало скршен череп, крварење во мозокот и скршени ребра appeared first on Република.

Двегодишно девојче од Кичево почина во болница по 22 дена борба за живот.

Според инфорнациите од полицијата, таткото на девојчето е приведен и осомничен дека на 18 декември и нанел тешки телесни повреди пред да биде хоспирализирана.

Како што се наведува, девојчето првин било однесено во Општата болница во Кичево, а потоа во Клиничкиот центар во Скопје каде, во понеделникот починала.

Во координација со јавен обвинител, против 30-годишниот татко Ф.Д. ќе биде поднесена соодветна пријава.

На 18 декември 2023 година во 23.30 часот во СВР Скопје, од Комплекс клиники „Мајка Тереза“ било пријавено дека кај нив со повреди било донесено женско дете од Кичево. Полициски службеници извршиле службен разговор со неговата мајка, која изјавила дека детето се здобило со повредите при пад при детска игра.

На 10.01.2024 година во 15.30 часот, на улицата „Маршал Тито“ во Кичево, полициски службеници од ОВР Кичево, од слобода го лишија Ф.Д.(30) од Кичево.

Тој се сомничи дека на 18.12.2023 година во семејниот дом во Кичево и нанел тешки телесни повреди на неговата двегодишна ќерка, која била пренесена за укажување лекарска помош во Општата болница во Кичево, а потоа во Клиничкиот центар во Скопје каде, на 08.01.2024 година, починала, информираат од СВР Охрид.

The post Почина двегодишно девојче од Кичево во Клиничкиот центар во Скопје, таткото се сомничи дека ја претепал appeared first on Република.

Четиригодишно девојче паднало од петти кат во зграда во Букурешт и е во тешка состојба во болница.

Според сведоците, девојчето си играло со елката, која била поставено до прозор кој во моментот на несреќата бил отворен.

Соседите велат дека мајката на девојчето спиела во моментот на несреќата и не ни забележала кога нејзината ќерка паднала.

Девојчето било пронајдено на тротоар, а соседите веднаш повикале брза помош. Останатите веднаш отишле во станот и ја разбудиле мајката.

Девојчето веднаш било пренесено во болница каде била оперирана. Според лекарите, нејзината состојба се уште е многу сериозна, со фрактура на черепот, торако-абдоминална политраума и фрактура на бутната коска.

The post Четиригодишно девојче паднало од петтиот кат на зграда во Букурешт appeared first on Република.