Стотина демонстранти упаднаа во една од зградите на американскиот Конгрес, барајќи од пратениците и администрацијата на Џо Бајден да извршат притисок за прекин на огнот во Газа, која Израел ја бомбардира по нападот на Хамас на 7 октомври.

Облечени во црни маици на кои пишува „Евреите велат: прекинете го огнот сега“ и „Не во наше име“, тие седеа плескајќи и скандирајќи во зградата „Конон“, во која се сместени голем број канцеларии
.
Полицијата приведе неколку демонстранти.

„Не се дозволени протести внатре во зградите на Конгресот“, објави полицијата на платформата Х. „Ги предупредивме демонстрантите дека мора да го прекинат протестот и кога не послушаа почнавме да ги апсиме“.

Протестот е организиран од движењето „Еврејски глас за мир“, кое повикува на примирје и се спротивставува на „етничкото чистење на Палестинците извршено од израелската влада“.

Претходно, стотици луѓе се собраа во близина на Капитол, барајќи од администрацијата на Бајден да се заложи за прекин на огнот.

The post Демонстранти упаднаа во зграда на американскиот Конгрес барајќи прекин на огнот во Газа appeared first on Република.

Пропалестински демонстранти вечерва упаднаа во зградата на „Кон Хаус“ на Капитол Хил во Вашингтон, јавуваат американските медиуми.

Во таа зграда се наоѓаат неколку канцеларии на Претставничкиот дом и Конгресот.

Полицијата на Капитол соопшти дека не се дозволени демонстрации внатре во Капитол и дека работи на расчистување на толпата.

Полицијата веќе приведе неколку лица додека низ зградата одекнуваат извици „прекин на огнот сега“, пренесува Фокс њуз.

Според медиумите, протестот најверојатно е поврзан со групата „Еврејски глас за мир“, која повикува на примирје и се спротивставува на „етничкото чистење на Палестинците од страна на израелската влада“.

The post Пропалестинските демонстранти упаднаа во зградата на Капитол Хил appeared first on Република.

Денеска се собравме пред Обвинителството и Судот за да ја изразиме гневот на граѓаните за манипулацијата и извртувањето на судскиот процес за трагедијата од 8 септември, каде живи изгореа 14 наши сограѓани, рекоа демонстрантите од пред судот во Тетово.

Од таму додаваат: За 5 години имаме 4 трагедии, 97 жртви и НУЛА дена затвор. Затоа довербата во правосудниот систем на оваа држава е нула. Животите на граѓаните станаа заложници на пазарења и тендери без критериуми. Се виде дека корупцијата убива.

Од целиот процес се докажа дека Обвинителството и Судот се дел и бранители на злосторничко здружување која ја држи државата во заложништво. Бараме Владата веднаш да го разреши Јавниот обвинител Јовески и тој заедно со другите обвинители инволвирани во оваа монструозно дело да одговараат кривично.

Бараме да се судат и казнат вистинските виновници, вклучително и политичарите кои спротивно на законот го доделија тендерот за изградба на фирмата Брако.

Нема правда, нема мир!, порачаа демонстрантите во Тетово.

The post За 5 години имаме 4 трагедии, 97 жртви и нула дена затвор, порачаа демонстрантите во Тетово appeared first on Република.

Стотици демонстранти маршираа денеска во Париз против полициското насилство, и покрај забраната за собири, една недела по немирите предизвикани по убиството на тинејџер во париско предградие.

Полицијата ги растера демонстрантите од плоштадот на Републиката кон булеварот Магента.

Полициската управа на Париз во одлуката објавена на нејзината веб-страница наведе дека ги забранила планираните демонстрации.

The post И покрај забраната стотици демонстранти во Париз маршираа против полициското насилство appeared first on Република.

Шефот на иранското правосудство Голамхосеин Мохсени Ејеџи соопшти дека околу 22.000 лица кои беа уапсени за време на повеќемесечните протести против иранската влада се помилувани, пренесе иранската новинска агенција ИРНА.

Антивладините протести почнаа низ Иран во септември, по смртта на младата Иранка Махса Амини во полициски притвор. Во масовните демонстрации имаше и жртви.

Врховниот водач на Иран, Али Хамнеи, ги помилува првите демонстранти во февруари.

The post Помилувани околу 22.000 демонстранти во Иран appeared first on Република.

Нови протести во Франција се планирани денеска против контроверзната пензиска реформа, откако левичарската партија „Непокорна Франција“ и разни младински организации најавија дека свикуваат собири, јави ДПА.

Бидејќи сегашниот пензиски систем не може да се финансира долгорочно поради стареењето на населението, француската влада сака да ја зголеми старосната граница за пензионирање од 62 на 64 години.

Дополнително, се планира зголемување на стажот потребен за пензија, што ќе расте и побрзо од старосната граница за пензионирање, како и укинување на некои пензиски привилегии за одредени категории на работа. Истовремено минималната пензија ќе се зголеми на околу 1.200 евра.

Сега возраста за пензионирање е 62 години. Но, често луѓето заминуваат во пензија по оваа возраст бидејќи не уплатиле доволно придонеси во пензискиот систем.

Во четвртокот, повеќе од 1,1 милион луѓе ширум државата учествуваа во големи штрајкови и масовни протести против плановите на владата за пензиските реформи. Беше објавено дека само во Париз на улиците излегле 80.000 луѓе.

Дека Французите ја усовршиле „уметноста“ на протестирањето, покажува и новиот изум - подвижна скара, за никој да не остане гладен додека се бара правда.

i mean just look at them go pic.twitter.com/9fTL6wE2ux

— juan (@juanbuis) January 20, 2023

The post За никој да не остане гладен додека се бара правда – скара на шини, нов изум на француските демонстранти appeared first on Република.

Околу 70 полицајци се повредени во судирите со илјадници демонстранти за заштита на животната средина кои се спротивставија на проширувањето на рудник за јаглен во западна Германија, соопшти денеска германската полиција.

Околу 15.000 демонстранти, според полицијата, или 35.000 според организаторите, меѓу кои беше и шведската еколошка активистка Грета Тунберг, вчера протестираа против проширувањето на отворениот рудник за јаглен, поради што се урива во градчето Луцерат во Рајнскиот басен меѓу Дизелдорф и Келн.

Тие дојдоа да ги поддржат активистите кои го окупираа тоа место и кои полицијата се обидува да ги евакуира. Според полицијата, против 150 лица се покренати правни постапки.

Ситуацијата на терен денеска повторно е мирна, соопшти полицијата.

Операцијата за евакуација на активисти од Луцерат е политички чувствителна за владејачката коалиција на социјалдемократот Олаф Шолц, кој владее заедно со еколозите. Активистите ги обвинуваат еколозите дека ги прекршуваат ветувањата.

Владата смета дека е неопходно да се прошири рудникот поради енергетската безбедност на Германија, која мора да го надокнади прекинот на испораката на гас од Русија. Тоа го оспоруваат противниците на борбата против фосилните горива.

The post Седумдесет германски полицајци повредени во демонстрациите против проширување на рудник за јаглед во Луцерат appeared first on Република.

Демонстрантите денеска упаднаа во канцеларијата на премиерот на Шри Ланка додека претседателот побегна од земјата само неколку часа пред да поднесе оставка поради катастрофалната економска криза што предизвика сериозен недостиг на храна и гориво.

Во последниве денови, демонстрантите окупираа неколку владини згради барајќи од нивните највисоки лидери да се повлечат.

Претседателот Готабаја Раџапакса, неговата сопруга и двајца телохранители се качија на авион на воздухопловните сили на Шри Ланка, кој летал за Мале, главниот град на Малдивите.

Раџапакса се согласи да поднесе оставка под притисок. Премиерот Ранил Викремесинге изјави дека ќе се повлече откако ќе се формира нова влада. Заминувањето на претседателот уследи по повеќемесечните демонстрации кои кулминираа во саботата кога демонстрантите упаднаа во неговиот дом, канцеларија и официјалната резиденција на неговиот премиер.

The post Демонстрантите од Шри Ланка упаднаа и во канцеларијата на премиерот appeared first on Република.

Демонстрантите фрлаа со предмети кон зградата на Соранието и кон полицискиот кордон.
Потоа ситуацијата ексалираше и полицијата ја рази групата демонстранти.
Приведени се 4 лица а повреден и еден полицаец.

The post Апсење на демонстранти во Жена парк appeared first on Република.

Вила во Лондон, наводно во сопственост на членови на семејството на рускиот милијардер Олег Дерипаска, е окупирана од демонстранти кои се противат на војната во Украина.

Како што пишува „Блумберг“, групата демонстранти влегле во домот на Белгрејв Сквер - една од најбогатите области во градот - во 1 часот по полноќ.

Планираме да останеме во имотот додека не заврши војната и додека бегалците кои излегуваат од Украина не бидат сместени - вели член на групата, кој одбил да го каже своето име.

На прозорците на зградата се закачени украинско знаме и транспаренти, меѓу кои има и еден со натпис „Овој имот е ослободен“. Демонстрантите велат дека биле инспирирани од Нестор Махно, кој ја предводел украинската анархистичка армија во 1917 година.

https://twitter.com/BloombergUK/status/1503348457557344259?ref_src=twsrc%5Etfw%7Ctwcamp%5Etweetembed%7Ctwterm%5E1503348457557344259%7Ctwgr%5E%7Ctwcon%5Es1_&ref_url=https%3A%2F%2Fwww.slobodenpecat.mk%2Fvila-na-ruski-milijarder-vo-london-okupirana-od-ukrainski-poddrzhuvachi%2F

Министерот Мајкл Гоув ја изнесе идејата за користење на домовите на санкционираните Руси за сместување на украинските бегалци. Дерипаска беше санкциониран од Велика Британија минатата недела, откако земјата ги заостри ограничувањата за Русите од висок профил.

Полицијата го опколи имотот, а повеќе од 30 полицајци се на местото на настанот.

https://twitter.com/nexta_tv/status/1503318710907506689?ref_src=twsrc%5Etfw%7Ctwcamp%5Etweetembed%7Ctwterm%5E1503318710907506689%7Ctwgr%5E%7Ctwcon%5Es1_&ref_url=https%3A%2F%2Fwww.slobodenpecat.mk%2Fvila-na-ruski-milijarder-vo-london-okupirana-od-ukrainski-poddrzhuvachi%2F

The post Поддржувачи на Украина окупираа вила на руски милијардер во Лондон appeared first on Република.

Во 37 руски градови се приведени повеќе од 800 луѓе кои демонстрирале против руската воена акција во Украина, соопшти невладината организација ОВД-Инфо, специјализирана за следење на демонстрации.

Руското Министерство за внатрешни работи соопшти дека во Москва се приведени речиси 300 луѓе поради „кршење на јавниот ред“.

И покрај забраната за собири и демонстрации во Русија се одржуваат протести за осуда на воената интервенција во Украина. Демонстрантите честопати се соочуваат со парични и затворски казни.

Според ОВД-Инфо, од 24 февруари, во Русија се приведени најмлаку 14.700 луѓе.

The post Во Русија приведени над 800 демонстранти appeared first on Република.

Демонстрантите од цела Франција, кои најавија протести во Париз како дел од таканаречениот „Конвој на слободата“, и покрај големиот број полицајци, оклопни возила и контролни пунктови, успеаја да се пробијат до центарот на градот.

Според снимките од мрежите, на Елисејските полиња може да се забележи солзавец, кој полицијата го испука за да ги растера насобраните.На видеото се гледа како граѓаните ставаат парчиња облека на лицето за да избегнат вдишување солзавец, а некои побараа засолниште во блиските бутици.

Солзавац се прошири по околните улици, така што може да се видат граѓаните како набрзина ги напуштаат градините на кафулињата и рестораните.

Се чини дека ситуацијата, покрај пукањето солзавец, засега е мирна, без претерана полициска интервенција, а насобраните граѓани аплаудираат на возилата во колоната на протестот.

❗️Paris now: tensions high as thousands protest COVID restrictions, Freedom Convoy reaches the French capital. pic.twitter.com/065gbLY488

— RT (@RT_com) February 12, 2022

The post Полицијата им фрли солзавец на демонстрантите од центарот на Париз appeared first on Република.