Намалувањето на каматните стапки од страна на Европската централна банка денеска силно се одрази на берзите и цената на златото и нафтата.

Европската централна банка (ЕЦБ) вчера соопшти дека ја намали каматната стапка на депозитите за 25 базични поени на 3,5%. Каматните стапки на операциите за главно рефинансирање се намалени на 3,65%, а каматната стапка на маргиналните кредитни капацитети ќе изнесува 3,9%.

Според податоците на берзата, цената на златото порасна на 2.567,88 долари за унца, а на пченицата на 5,8289 долари за бушел.

Цената на суровата нафта се искачи на 69.421 долар, а на нафтата од типот брент на 72.317 долари.

На отворањето на берзата ТТФ се продаваа европски фјучерси на гас по цена од 35,245 евра за мегават-час.

Промените на каматните стапки влијаеја и на берзите .Утрово индексите на европските берзи пораснаа, а пораснаа и американските индекси.

Индексот DAX на Франкфуртската берза утрово порасна на 18.581,65 поени, британскиот FTSE 100 на 8.260,87 поени, францускиот CAC 40 на 7.461,47 поени, додека московскиот MOEX падна на 2.626,63 поени.

Вредноста на американскиот берзански индекс Дау Џонс порасна на 41.096,77 поени, индексот S&P 500 на 5.595,76 поени, а вредноста на индексот Nasdaq на 17.569,68 поени.

Вредноста на еврото во однос на доларот изнесуваше 1,10768, што е приближно исто како и вчера.

The post Цената на златото руши рекорди: Пораснаа и цените на нафтата и на пченицата appeared first on Република.

Европските берзи пораснаа во средата наутро, како и њујоршки Волстрит претходниот ден, додека инвеститорите чекаат неколку клучни економски извештаи.

Индексот STOXX 600 на водечките европски акции во првиот дневен пресек од тргувањето порасна за 0,4 отсто. Истовремено, лондонскиот FTSE индекс зајакна за 0,56 отсто, на 8.280 поени, додека франкфуртски DAX порасна за 0,35 отсто, на 17.875 поени, а париски CAC за 0,63 отсто, на 7.320 поени.

Денеска инвеститорите ќе се фокусираат на извештајот на Eurostat за бруто домашниот производ (БДП) во еврозоната во вториот квартал, како и на извештајот за потрошувачките цени во САД во јули.

И на повеќето азиски берзи индексите пораснаа. MSCI индексот на азиско-пацифичките акции, без јапонските, во истиот период од тргувањето на Европта порасна за 0,5 отсто. Истовремено, на токиската берза индексот Nikkei зајакна за 0,6 отсто, додека цените на акциите во Австралија и Јужна Кореја пораснаа меѓу 0,3 и 0,9 отсто. Во Хонгконг и Шангај тие паднаа за околу 0,5 отсто.

Така, најголемиот дел од берзанските индекси го следат вчерашниот раст на Волстрит, кога индексот Dow Jones изнесува 1,04 отсто, S&P 500 околу 1,7, а Nasdaq индексот е 2,4 отсто. Растот на индексот беше поттикнат од подобри од очекуваните податоци за цените на производителите.

Во јули овие цени се зголемени за 0,1 отсто на месечно ниво, додека на годишно ниво се зголемени за 2,2 отсто, што е значително побавно од јунскиот раст од 2,7 отсто.

Ова укажува на релаксација на инфлаторните притисоци, со што се отвора простор за американската централна банка да ги намали каматните стапки. Како резултат на тоа, пазарот проценува дека има околу 55 отсто шанси Fed да ги намали каматните стапки за 0,50 процентни поени во септември, во споредба со помалку од 50 отсто пред извештајот за цените на производителите.

„Извештајот за цените на производителите покажува дека Fed направи одлична работа во намалувањето на инфлацијата и намалувањето на каматните стапки може да дојде наскоро. Но, уште поважен извештај за потрошувачките цени ќе биде објавен во среда. Секоја бројка може значително да влијае на насоката на пазарот“, изјави Мајкл Џејмс, директор во „Wedbush Securities“.

Пазарите се поддржани и од неочекуваната одлука на централната банка на Нов Зеланд да ги намали клучните каматни стапки за 0,25 процентни поени на 5,25 отсто. Ова е прво намалување на каматната стапка од таа банка од 2020 година.

Од друга страна, на пазарите негативно влијаат слабите податоци на кинеската економија, кои укажуваат на забавување на растот. Утрово беше објавено дека кинеските банки во јули издале заеми во износ од 260 милијарди јуани, околу 80 отсто помалку од еден месец претходно. Тоа укажува на слабоста на побарувачката за кредити, но и дека граѓаните очекуваат дополнително намалување на каматите од централната банка пред да се задолжат.

Инвеститорите ги загрижи и веста дека јапонскиот премиер Фумио Кишида ќе се повлече од функцијата шеф на владејачката партија во септември и со тоа ќе го заврши својот тригодишен мандат, кој беше обележан со политички скандали и зголемена инфлација.

The post Европските берзи во црвено пред новите економски извештаи appeared first on Република.

Цените на нафтата и на златото се намалија утрово на берзите, а пченицата поскапи. Европските берзански индекси се „во минус“, а американските се нерамномерни.

Според податоците на берзата, цената на суровата нафта падна на 73,16 долари, а на нафтата од типот „брент“ на 77,46 долари.

На отворањето на берзата ТТФ европските фјучерси на гас се продаваа по цена од 36,2 евра за мегават-час.

Цената на златото утрово падна на 2.343,91 долари за унца, а цената на пченицата порасна на 6,74 долари за бушел.

Индексот на Франкфуртската берза DAX денеска падна на 18.541,55 поени, британскиот FTSE 100 на 8.237,71 поени, францускиот CAC 40 на 7.977,79 поени, додека московскиот MOEX се искачи на 3.157,24 поени.

Вредноста на американскиот берзански индекс Дау Џонс падна на 38.571,03 поени, додека индексот S&P 500 порасна на 5.283,40 поени, како и вредноста на индексот Nasdaq на 16.828,63 поени.

The post Поевтинија нафтата и златото, порасна цената на пченицата appeared first on Република.

На европските берзи најважните индекси зајакнаа во понеделник додека инвеститорите ја чекаат одлуката на Европската централна банка (ECB) за каматните стапки кон крајот на седмицата.

Паневропскиот индекс Stoxx 600 во првиот дневен пресек од тргувањето порасна за 0,64 отсто, при што сите секторски индекси, особено технологијата, забележаа раст од 1,6 отсто, а туризмот за 1,5 отсто. Истовремено, франкфуртски DAX зајакна за 0,8 отсто, на 18.646 поени, лондонски Ftse за 0,54 отсто, на 8.319 поени, а париски CAC за 0,7 отсто, на 8.048 поени.

Европската централна банка (ECB) се состанува во четврток, а инвеститорите очекуваат таа да ги намали трошоците за задолжување првпат од 2019 година за четвртина процентен поен. Ова ќе биде првпат во историјата ECB да започне циклус на намалување на каматните стапки пред американската централна банка Федералните резерви (Federal Reserve – Fed).

Сепак, инвеститорите внимателно ќе ги слушаат изјавите на европските монетарни функционери за да видат како тие гледаат на забрзувањето на инфлацијата првпат од почетокот на годината, од 2,4 отсто во април на 2,6 отсто во мај, односно како тоа ќе да се одрази во натамошното темпо на намалување на каматните стапки во еврозоната.

Аналитичарите предвидуваат дека централната банка на Велика Британија (Bank of England – BoE) внимателно ќе ги следи потезите на ECB, позиционирајќи се брзо да го следи примерот во започнувањето на циклус на намалувања на каматните стапки. BoE ќе се состане за две седмици за да разговара за каматните стапки.

Инвеститорите, исто така, внимателно ќе следат низа економски податоци кои треба да се објават, вклучително и податоци за индустриското производство за мај во Шпанија, Франција и Германија за нови насоки.

На токиската берза индексот Nikkei во понеделникот порасна за 1,13 отсто, на 38.923 поени.

The post Раст на европските берзи на почетокот на седмицата appeared first on Република.

На азиските берзи денеска се тргува внимателно, бидејќи инвеститорите очекуваа нови вести кои би можеле да го насочат пазарот, при што доларот благо порасна во однос на кошничката валути.

MSCI индексот на азиско-пацифичките акции, со исклучок на Јапонија, беше речиси непроменет во 7 часот наутро на највисокото ниво во последните 15 месеци, кое го достигна во петокот по три последователни недели добивки.

Утрово јапонскиот индекс Никеи падна за 0,4 отсто, додека цените на акциите во Шангај, Австралија и Јужна Кореја паднаа меѓу 0,1 и 0,4 отсто. Во Хонг Конг, сепак, тие благо се зголемија. На берзите се тргува тивко додека инвеститорите ги анализираат новите податоци за инфлацијата во Кина.

Потрошувачките цени во април пораснале за 0,3 отсто на годишно ниво, додека производствените цени паднале за 2,5 отсто.

Добрата вест е што инфлацијата, за разлика од западните земји, е ниска, но лошата вест е што падот на цените на производителите укажува на слаба побарувачка.

Внимание на пазарите се очекува и во наредните денови бидејќи во втората половина од неделата ќе бидат објавени извештаи за цените на производителите и потрошувачите во САД, кои ќе покажат како се движи инфлацијата и што би можело значително да влијае на насоката на американскиот, а со тоа и другите пазари во светот.

Инвеститорите се надеваат на знаци за намалување на инфлацијата, што би отворило простор за ФЕД да ги намали каматните стапки. Сепак, претставници на централната банка во последните денови велат дека каматните стапки би можеле да останат покачени подолг период отколку што очекува пазарот.

Цените на нафтата, пак, паднаа. Цената на барелот на лондонскиот пазар утрово ослабе за 0,33 отсто, на 82,50 долари, додека на американскиот пазар цената на барелот се намали за 0,28 отсто, на 78,10 долари.

The post Цените на нафтата утринава паднаа, доларот зајакна appeared first on Република.

Европските и американските берзански индекси денеска се во пораст, како и цените на нафтата, додека цените на златото и пченицата паѓаат.

Индексот DAX на Франкфуртската берза денеска во 9:10 часот порасна на 18.492,46 поени, лондонски FTSE 100 на 7.957,12 поени, францускиот CAC 40 на 8.225,07 поени, а московскиот MOEX на 3.308,14 поени.

Вредноста на американскиот берзански индекс се искачи на 39.760,08 поени, индексот S&P 500 на 5.248,49 поени, а вредноста на индексот Nasdaq на 16.399,52 поени.

Според податоците од берзите, цената на суровата нафта се искачи на 81.768 долари, а на нафтата од типот „брент“ на 85.756 долари.

Европските фјучерси на гас на отворањето на берзата ТТФ се продаваа по цена од 27.435 евра за мегават-час.

Цената на златото падна на 2.192,16 долари за унца (една унца е 28,35 грама), а цената на пченицата падна на 5,4668 долари за бушел (еден бушел е 27,216 килограми).

Вредноста на еврото во однос на доларот изнесуваше 1,07974, што е за 0,26 отсто помалку од вчера.

The post Скок на цената на нафтата, пад на цената на златото и пченицата: Турбуленција на берзите appeared first on Република.

На светските берзи минатата недела цените на акциите значително паднаа, по неколкунеделен раст, бидејќи избледеа надежите на инвеститорите за агресивно намалување на каматните стапки од страна на американската централна банка.

На Волстрит, Dow Jones минатата недела загуби 0,6 отсто, на 37.466 поени, додека S&P 500 падна за 1,5 отсто, на 4.697 поени, а индексот Nasdaq падна за 3,3 отсто, на 14.524 поени. Првиот пад на овие индекси по девет недели раст е последица на еуфоријата за намалување на каматните стапки.

Во последните месеци од минатата година, цените на акциите нагло пораснаа бидејќи инвеститорите се надеваа на агресивно намалување на стапката од страна на ФЕД оваа година. Иако проценките на лидерите на ФЕД од минатогодишната седница покажуваат дека очекуваат трипати да ги намалат каматните стапки оваа година, на пазарот се шпекулира дека ФЕД ќе ги намали шест пати, почнувајќи од март.

Но, записникот од последниот состанок на американската централна банка минатата година, објавен во средата, не дава индикации за тоа кога би можело да следи намалување на каматните стапки.

„Записниците сугерираат дека многу лидери на ФЕД се залагаат за задржување на каматните стапки на покачени нивоа за подолг временски период, а оние кои проценуваат дека намалувањето на каматните стапки ќе започне во 2024 година, очекуваат да го сторат тоа подоцна во текот на годината“, објаснува Квинси Крозби, стратег во LPL Financial.

На пазарот на пари, на почетокот на неделата беше проценето дека има речиси 80 проценти шанси ФЕД да почне да ги намалува каматните стапки веќе во март, но по објавувањето на записникот на ФЕД, тие шанси се намалија на помалку од 70 проценти.

Извештајот за вработување во САД, исто така, покажа дека инфлацијата, а со тоа и каматните стапки, би можеле да останат на покачени нивоа подолго од очекуваното. Во декември беа отворени 216.000 нови работни места во најголемата светска економија, повеќе од еден месец порано и повеќе од очекуваното. Просечната саатница е зголемена за 0,4 отсто на месечно ниво, а за 4,1 отсто на годишно ниво.

Меѓу најголемите губитници минатата недела беа акциите на технолошките гиганти, како што се Apple, Nvidia, Alphabet и Amazon.com, кои водеа минатата година во однос на растот на цените. И на европските берзи цените на акциите паднаа минатата недела. Истовремено, лондонскиот FTSE индекс ослабна за 0,6 отсто, на 7.689 поени, франкфуртски DAX се лизна за 0,9 отсто, на 16.594 поени, додека париски CAC за 1,6 отсто, на 7.420 поени.

The post Светските берзи паднаа во првата недела од новата година appeared first on Република.

На светските берзи минатата недела цените на акциите значително пораснаа бидејќи макроекономските податоци ги поттикнаа надежите дека економиите на САД и еврозоната би можеле да избегнат рецесија, и покрај високата инфлација и зголемените каматни стапки.

На Волстрит, „Dow Jones“ порасна за 1,8 отсто, на 33.978 поени, додека „S&P 500“ скокна за 2,5 отсто, на 4.070 поени, а индексот Nasdaq порасна за 4,3 отсто, на 11.621 поени.

Растот на индексот главно се должи на надежта на инвеститорите дека американската економија „блако ќе слета“ и на тој начин ќе избегне рецесија.

БДП порасна над очекувањата на аналитичарите.

Во последниот квартал од минатата година, бруто домашниот производ (БДП) порасна за 2,9 отсто на годишна основа, нешто над очекувањата на аналитичарите, и покрај минатогодишното агресивно зголемување на каматните стапки од страна на американската централна банка.

Во исто време, инфлациските притисоци се намалија, додека пазарот на труд е сè уште солиден, иако побарувачката е донекаде ослабена.

Сето ова, вели Дејвид Картер, директор во „JPMorgan Private Bank“, е меч со две острици бидејќи ФЕД би можел да ги задржи клучните каматни стапки на рестриктивни нивоа долго време.

Новите економски извештаи имаат по нешто за секого: сонувачите кои мислат дека економијата е доволно забавена за ФЕД да паузира, но и песимистите кои мислат дека растот е сè уште премногу силен за ФЕД да се повлече. „Надежта не е инвестициска стратегија, а економските факти наскоро би можеле да го притиснат пазарот“, вели Дејвид Картер.

Инвеститорите се надеваат дека американската централна банка на состанокот во февруари ќе ги зголеми каматните стапки само за 0,25 процентни поени, а не за 0,50 поени како на последниот состанок минатата година.

Покрај тоа, тие се надеваат дека конечната каматна стапка, со која ФЕД ќе го запре циклусот на покачување, би можела да биде помала од 5 проценти, иако повеќето лидери на ФЕД рекоа дека ќе треба да ги зголемат стапките над нивото од 5 проценти за да ја ограничат инфлацијата.

Речиси 68% од компаниите оствариле поголема добивка од очекуваното.

Инвеститорите се фокусирани и на деловните резултати на компаниите, кои се под притисок поради високата инфлација и забавувањето на економскиот раст.

Извештаи досега се објавени од повеќе од 145 компании од индексот „S&P 500“, од ​​кои речиси 68 отсто оствариле поголема добивка од очекуваното.

Сепак, аналитичарите анкетирани од Ројтерс проценуваат дека заработката на компаниите од индексот „S&P 500“ паднала за 2,9 отсто во четвртиот квартал од минатата година во однос на истиот период претходната година, додека пад на заработката од 1,6 отсто се очекувал на почетокот на годината.

Ако заработката навистина падне, тоа ќе биде нивен прв пад од 2020 година.

На европскиот пазар се надеваат дека ќе избегнат рецесија.

И на повеќето европски берзи цените на акциите пораснаа минатата недела. Сепак, лондонскиот „FTSE“ индекс ослабе за 0,05 отсто, на 7.765 поени, но франкфуртски „DAX“ порасна за 0,8 отсто, на 15.150 поени, а париски CAC за 1,5 отсто, на 7.097 поени.

Пазарите се во оптимистичко расположение бидејќи макроекономските податоци објавени минатата недела ги зголемија надежите дека економијата на еврозоната би можела да избегне рецесија, и покрај енергетската криза и иако Европската централна банка ги зголемува каматните стапки за да ја спречи инфлацијата.

The post Светските берзи во пораст, можеби ќе се избегне рецесија appeared first on Република.

Цените на гасот на берзите во Европа паднаа под 850 долари за илјада кубни метри за прв пат од 21 февруари, покажуваат податоците на лондонската берза ICE.

Тргувањето со јануарските фјучерси според индексот ТТФ (најголемата европска берза на гас во Холандија) утринава започна од 882,1 долар за илјада кубни метри и на крајот од денот цената беше 849,68 долари.

Во петокот цените на гасот паднаа под 900 долари за прв пат од 13 јуни.

ЕУ на 19 декември постигна договор за гранична цена за рускиот гас од 180 евра за мегават-час, која ќе стапи во сила на 15 февруари.

Мерката беше воведена за да се заштитат европските домаќинства и бизниси од скокови на цените.

The post Цените на гасот на берзите во Европа првпат паднаа под 850 долари за илјада кубни метри appeared first on Република.

На азиските берзи паднаа цените на акциите, најмногу во технолошкиот сектор, по предупредувањето на „Микрон“ дека ќе го намали производството на чипови поради преголемите резерви и послабата потрошувачка.

Азиско-пацифичкиот индекс на акции МСЦИ, без јапонските, околу седум часот беше во минус 0,6 проценти.

Јапонскиот индекс Никеј ослаби за 0,30 отсто, додека цените на акциите во Шангај, Јужна Кореја и Хонгконг се „лизнаа“ меѓу 0,7 и 2,2 проценти. Во Австралија, пак, пораснаа за 0,2 отсто.

The post Падот на азиските берзи го следи падот на Волстрит appeared first on Република.

Американските акции го претрпеа најлошиот пад во првата половина од годината од 1970, бидејќи расте загриженоста за тоа како чекорите за ограничување на инфлацијата ќе влијаат на економскиот раст.

Во последните шест месеци, референтниот индекс „S&P 500“ падна за 20,6%, додека другите главни американски индекси, исто така, остро паднаа.

Големи загуби претрпеа и акциите во Велика Британија, континентална Европа и Азија.

Сето тоа се случува во време кога централните банки ширум светот се обидуваат да ги задржат зголемените трошоци за живот, при што цените на основните производи, како што се храната и горивото, растат.

Некои економисти очекуваат САД, најголемата економија во светот, да влезе во рецесија уште оваа година, бидејќи каматните стапки продолжуваат да растат.

Ако Федералните резерви на САД продолжи да ги зголемува стапките, берзата ќе реагира доста негативно - изјави за „Би-Би-Си“ Дан Ванг, главен економист во банката Ханг Сенг во Кина.

Шејн Оливер од „АМП Капитал“ верува дека „на акциите најверојатно ќе има продолжена краткорочна нестабилност бидејќи централните банки продолжуваат да ги заоструваат мерките за борба против високата инфлација, војната во Украина продолжува и стравувањата од рецесија остануваат високи“.

Другиот главен американски берзански индекс, „Дау Џонс“, падна за повеќе од 15 отсто во првата половина од оваа година, што е најголем пад од 1962 година. Во исто време, технолошкиот „Nasdaq Composite“ загуби речиси 30%, што е најголем пад во проценти во првата половина од годината.

Главните берзански индекси надвор од САД, исто така, драстично паднаа оваа година.

Британскиот „FTSE 250“ падна за повеќе од 20%, додека европскиот „Stoxx 600“ падна за речиси 17%, а азиско-пацифичкиот индекс на „MSCI“ падна за повеќе од 18%.

Претходно оваа недела, шефовите на трите најголеми централни банки во светот предупредија дека ерата на умерена инфлација и ниски каматни стапки е завршена.

На нивниот годишен состанок во Португалија, шефовите на Федералните резерви на САД, Европската централна банка и Банката на Англија рекоа дека мора брзо да се преземат мерки за да се спречи растот на цените да излезе од контрола.

Сепак, тие исто така предупредија дека мерките за ограничување на инфлацискиот шок предизвикан од војната и пандемијата во Украина може да имаат значително негативно влијание врз глобалниот раст.

Дали постои ризик да отидеме предалеку? Секако дека постои ризик, но јас не би се согласил дека тоа е најголемиот ризик за економијата. Поголемата грешка што би ја направиле, ајде да го ставиме така, би била да не успееме да ја вратиме стабилноста на цените - вели претседателот на ФЕД, Џером Пауел.

Минатиот месец, Банката на федерални резерви го објави своето најголемо зголемување на каматните стапки во речиси 30 години, бидејќи ја засили својата борба за зауздување на зголемените потрошувачки цени.

Банката на Англија, исто така, ја зголеми основната каматна стапка на највисоко ниво во последните 13 години, од 1% на 1,25%.

The post Тежок пад на американските акции: Мерките за ограничување на инфлацијата скапо ја чинат најголемата светска економија appeared first on Република.

На Волстрит синоќа цените на акциите паднаа бидејќи инфлацијата во САД достигна нови највисоки нивоа во изминатите 40 години, па инвеститорите стравуваат дека американската централна банка ќе мора да ја заостри монетарната политика поагресивно од очекуваното.

Dow Jones падна за 112 поени, или 0,34 отсто, на 33.174 поени, додека S&P 500 се лизна за 0,43 отсто на 4.259 поени, а индексот Nasdaq падна за 0,95 отсто, на 13.129 поени.

По силниот раст од претходниот ден, вчера индексите повторно беа во негативна траекторија бидејќи инвеститорите се загрижени за високата инфлација, откако беше објавено дека во февруари стапката на раст на потрошувачките цени достигна 7,9 отсто на годишно ниво, ново највисоко ниво во последните 40 години.

Ова, сепак, е во согласност со очекувањата на аналитичарите, но инвеститорите стравуваат дека остриот пораст на цените на нафтата и суровините од почетокот на војната во Украина пред две недели дополнително ќе ја поддржи зголемената инфлација. А тоа би ја принудило американската централна банка да ја заостри монетарната политика поагресивно од очекуваното.

Повеќето аналитичари очекуваат лидерите на ФЕД да ги зголемат клучните каматни стапки за 0,25 процентни поени на седницата следната недела. Но, зголемената инфлација може да го принуди ФЕД да ги зголеми каматните стапки поагресивно во наредниот период.

Освен високата инфлација, нестабилноста на пазарот е последица и на нервозата на инвеститорите поради војната во Украина.

Вчерашните преговори меѓу шефовите на руската и украинската дипломатија не донесоа никакви резултати, па продолжуваат нападите на руската армија врз украинските градови.

Цените на акциите вчера паднаа и на европските берзи. Лондонски FTSE индекс се намали за 1,27 отсто, на 7.099 поени, додека франкфуртски DAX потона за 2,93 отсто, на 13.442 поени, а париски CAC на 2,83 отсто, на 6.207 поени.

The post Пад на акциите на Волстрит, инфлацијата највисока во изминатите 40 години appeared first on Република.

Цените на суровините, од нафта до алуминиум, но и на пченицата, го доживеаја најголемиот неделен скок од 1974 година и од денот на нафтената криза.

Пченицата скокна за 40 отсто на берзата во Чикаго, на највисоко ниво од 2008 година поради продлабочување на стравот од глобалниот недостиг, бидејќи војната во Украина прекина околу една четвртина од светскиот извоз на основни прехранбени производи што се користат во сè, од леб до колачиња и тестенини.

Фјучерсите за пченица се зголемија за 6,6 отсто на 12,09 долари за бушел (1 бушел е 27,2 кг)

Растечката изолација на Русија го задушува главниот извор на енергија, метали и земјоделски култури, предизвикувајќи страв од продолжен недостиг и поостра глобална инфлација. Трговците, банките и сопствениците на бродови се повеќе избегнуваат да прават бизнис со Русија поради тешкотиите во обезбедувањето плаќања, додека бродските линии откажуваат или не прифаќаат резервации од регионот.

Меѓународната агенција за енергетика предупреди дека глобалната енергетска безбедност е загрозена, а планираното ослободување на резервите на нафта во итни случаи од страна на САД и другите големи економии не успеа да ја намали загриженоста за снабдување. JPMorgan Chase & Co. рече дека глобалната референтна нафта Брент би можела да ја заврши годината со 185 долари за барел доколку продолжи да се прекинува руското снабдување. Цените беа околу 112 долари во петокот.

Основните метали, исто така, дополнително зајакнаа откако индексот на металот LMEX, кој следи шест големи договори, скокна на рекордно високо ниво во четвртокот. Зголемувањето на цените на енергијата даде поттик за зголемување на трошоците. Алуминиумот, еден од најжедните енергетски метали, поскапе за цели 3,6% до 3.850 долари за тон на Лондонската берза за метали, што е нов рекорд. Бакарот исто така се приближува до својот врв на сите времиња.

Војната и последиците од широките американски и европски санкции врз Русија го прекинаа снабдувањето преку Црното Море во време кога глобалните резерви на суровини се веќе тесни. Русија е главен снабдувач на сурова нафта, природен гас, житарки, ѓубрива и метали како алуминиум, бакар и никел.

The post Хаос на светските берзи: Пченицата поскапе за 40 отсто, растат цените и на другите суровини appeared first on Република.

Берзанските индекси на Волстрит вчера доживеаја остар пад, по четири дена јинтинуиран раст, што најмногу се должи на притисокот на технолошкиот сектор, по послабите резултати на Фејсбук, од очекуваното.

Dow Jones се „лизна“ за 518 поени или 1.45 отсто, на 35.111 поени, додека S&P 500 „потона“ 2.44 отсто, на 4.477 поени. Индексот Nasdaq 3.74 отсто, на 13.878 поени.

Технолошкиот сектор, последниве години, имаше силен раст, благодарение на тоа што имаше ниски каматни стапки. Но, на тој период му доаѓа крајот, бидејќи во март се очекува зголемување на клучните каматни стапки на американската централна банка.

Се верува дека во следниот период, Фед агресивно ќе ја заостри монетарната политика, бидејќи инфлацијата во САД се движи во највисоки нивоа во речиси 40 години.

Затоа, менаџерите треба да ги приспособат своите портфолија на идното опкружување со повисоки каматни стапки.

Покрај Фед, и други централни банки во светот ја заоструваат монетарната политика.

Британската централна банка вчера повторно, втора сесија по ред, ја зголеми клучната камата за 0.25 процентни поени, на 0.50 отсто.

Пораките на шефот на Европската централна банка, по редовната седница за монетарна политика, исто така беа поостри, отколку што се очекуваше.

Затоа вчера и на европските берзи, цените на акциите паднаа. Лондонскиот FTSE индекс ослабна за 0.71 отсто, на 7.528 поени, додека франкфуртскиот DAX се „лизна“ за 1.57 отсто, на 15.368 поени, а парискиот CAC – 1.54 отсто, на 7.005 поени.

The post Остар пад на Волстрит, по четири дена раст appeared first on Република.

Цените на акциите на Волстрит вчера значително паднаа, трет ден по ред, па трета недела по ред се со загуби, додека инвеститорите се подготвуваат да ги зголемат каматните стапки на Федералните резерви на САД.

Индексот Дау Џонс падна за 313 поени или 0.89 отсто, на 34.715 поени. S&P 500 се лизна за 1.10 отсто на 4.482 поени. Индексот Nasdaq 1.30 отсто на 14.154 поени.

Во првиот дел на вчерашното тргнување, индексите беа на позитивна територија, бидејќи некои од вложувачите проценија дека, по два дена остар пад на цените на акциите, тоа е добра шанса за купување.

Подоцна бранот на купување стивна, па индексите повторно, трет ден по ред, значително паднаа.

-Се чини дека немаше доверба, па купувањето изгуби на динамика, изјави Ренди Фредерик, потпретседател на Чарлс Шваб.

Од 11 најважни сектори, во 10 цените на акциите паднаа, а само еден благо порасна.

Индексот Nasdaq, од друга страна, се втурна уште подлабоко во областа на корекција, па сега е околу 12 отсто под рекордното ниво постигнато во ноември минатата година.

Тоа е последица на натамошниот притисок врз технологијата, но и врз другите берзански сектори базирани на раст, бидејќи во пресрет на зголемувањето на клучните каматни стапки на ФЕД, се зголемија приносите на американските државни обврзници.

Приносите на референтните 10-годишни обврзници достигнаа речиси 1.9 отсто, највисоко ниво во последните две години, додека уште на почетокот на годината се движеа околу 1.5 отсто.

Приносите брзо растат бидејќи постојат сомнежи дека ФЕД може поагресивно да ја заостри монетарната политика, отколку, како што се очекуваше, за да се спречи инфлацијата, која достигна највисоко ниво во речиси 40 години.

Аналитичарите проценуваат дека ФЕД веќе во март може да ги зголеми клучните каматни стапки за 0.25 отсто поени, а потоа уште два или три пати до крајот на годината.

-Во нестабилен период сме, вреднувањата се високи, каматите растат, изгледите се матни… има повеќе причини за загриженост, отколку пред неколку месеци, процени Петер Туз, претседател на Chase Investment Counsel.

Инвеститорите се фокусираат и на деловните резултати на компаниите, бидејќи започна сезоната на објавување квартални деловни извештаи.

Резултатите на поголем дел од компаниите се подобри од очекуваното. Досега, извештаите ги објавија повеќе од 60 компании од индексот S&P 500, при што повеќе од 70 отсто од нив ги надминаа очекувањата за заработка.

На повеќето европски берзи цените на акциите вчера пораснаа. Всушност, лондонскиот FTSE индекс падна за 0.06 отсто, на 7.585 поени, но франкфуртскиот DAX порасна за 0.65 отсто, на 15.912 поени, а парискиот CAC – 0.30 отсто, на 7.194 поени.

The post Пад на акциите на Волстрит, трет ден по ред appeared first on Република.