На 27 септември, на сцената на Националната опера и балет со почеток во 20 часот, ќе се изведе балетот „Пепелашка“ од Сергеј Прокофјев, но во една сосема неочекувана и модерна верзија. Кореографот Александар Илиќ, гостин од Србија, ја пренесува оваа позната бајка во ерата на 70-тите години од минатиот век, инспириран од филмот „Брилијантин“ и култната улога на Џон Траволта.

Ова не е класична поставка на ‘Пепелашка’,“ вели Илиќ. „Одлучивме да ја сместиме во времето на диско културата, носејќи нов и свеж контекст за оваа вечна приказна.“

Во изведбата учествуваат познати македонски и странски балетски уметници како Наташа Трендафилова Гицев, Игор Веланоски и Ендру Кук од Англија, заедно со солистите и балетскиот ансамбл на Националната опера и балет. Костимографијата е дело на Катерина Радошевиќ Галиќ од Хрватска, а сценографијата на Филип Коруновски.

The post Балетот „Пепелашка“ од Прокофјев во духот на 70-тите на сцената на Националната опера и балет appeared first on Република.

„Бановиќ Страхиња“ е едно национално дело кое е од витално значење за српската култура, вели во интервју за „Република“ Игор Киров, македонскиот кореограф кој утре, на 13 јуни има премиера на балетот „Бановиќ Страхиња“ со кој свечено ќе биде одбележано завршувањето на прославата на стогодишнината на Балетот во Србија.

„Бановиќ Страхиња“ е една од најубавите српски епски народни песни и говори за легендата за една неверна жена и за еден благороден маж кој и го простува неверството. Што е вистински херој, а што е вистинска љубов, за кои вредности вреди да се живее и да се умре, се дел од прашањата кои ги отвора балетот „Бановиќ Страхиња“.

Киров (48) по завршувањето на балетската школа во Скопје, студирал на Холандската академија во Ротердам, играл во значајни европски танцови компании и театарски куќи и соработувал со врвни кореографи. Со својата трупа „The Kirov dance company”, основана пред повеќе од деценија и пол, постигнува значајни успеси и работи од Италија до Куба, преку Кореја и Германија. Беше и уметнички директор на Хрватско народно казалиште во Сплит, каде што го постави балетот „Дервишот и смртта“.

Музиката во балетот е на композиторот Иван Илиќ, драматург е Ѓорѓе Косиќ, а насловната улога ја игра Лев Семенов.

[caption id="attachment_787465" align="alignnone" width="2210"] фото: Жељко Јовановиќ[/caption]

На 13 јуни на големата сцена на Народно позориште во Белград, Србија, е закажана премиерата на балетската претстава „Бановиќ Страхиња“. Игра комплетниот ансамбл на Балетот, а Вие сте кореограф на претставата. Како дојде до соработката со Београдско народно позориште?

Киров: Минатата година бев поканет од страна на уметничката директорка Ана Павловиќ да бидам дел од почетокот на прославата 100 години од белградскиот балет, па така, заедно со мојата колешка од Хрватска Маша Колар и српскиот кореограф Милош Исаиловиќ, обработивме стари југословенски балети, но овој пат во едно модерно руво, односно како ние, од денешен аспект гледаме на она што било порано. После мојата минатогодишна успешна премиера, на моја голема среќа бев поканет и годинава да направам уште една претстава, но овој пат многу поголема. За мене тоа беше голем предизвик. „Бановиќ Страхиња“ е едно национално дело кое е од витално значење за српската култура.

Медиумите од Србија го најавуваат балетот како поезија во танцувачка форма?

Киров: За време на подготовките за овој балет, пред сè, ми беше возбудливо да барам начин да ја преведам оваа песна, чија голема сила лежи во убавината на јазикот и стихот, во форма целосно лишена од текст - во движење. Предизвикот за преведување на поезијата во танцова форма овозможи зборовите и ритамот да се трансформираат во телесен израз, откривајќи нови димензии на емоции и значење изразени во песната. Процесот беше возбудлив, но и напорен. Потребно беше да се покаже целиот спектар на емоции - незадоволство, тага, љубомора, гнев, но и сила, истрајност и на крајот, простување, што всушност е одраз на најголема сила, а не на слабост. Ова бара нијанси и внимателно следење на развојот на карактерот во текот на изведбата.
Кореографскиот израз е пред сè современ - тоа е модерна техника на движечко изразување заснована на класична естетика. Има интензивна презентација на набојот на емоции и енергија, се разбира, во согласност со она што го бара драматургијата на приказната. Мислам дека скапоценоста на овој стил е што му дава можност на ансамблот да блесне во ново светло и да покаже поинаков квалитет на уметнички израз. Музиката на Иван Илиќ беше наш незаменлив партнер во овој процес. Внимателно изградив кореографија која не само што го следи дејството, туку и го продлабочува емотивното доживување на музиката, следејќи ја секоја нота, во симбиоза на звук и движење. И конечно, иако приказната за балетот е историско-митолошка, мислам дека универзалноста на темите и овозможува на публиката, сепак, да се поврзе со ликовите, без разлика на историската ера. Прашањето што е вистински херој, а што е вистинска љубов, за кои вредности вреди да се живее и да се умре, сè уште останува отворено.

„Бановиќ Страхиња“ се поставува во Београдско народно позориште по пауза од 43 години. Дали тоа беше голем предизвик за Вас?

Киров: Бановиќ Страхиња“ е една од најзначајните епски песни на српската народна литература, чија слоевитост и оригиналност некогаш привлекувале и мислители како Гете. Поради приказот на машкиот јунак, нетипичен за тоа време, кој е пред своето време, како и силен емотивен набој што го носи песната, за мене беше инспирација, но и предизвик за интерпретација преку јазикот на танцот.

[caption id="attachment_787468" align="alignnone" width="2560"] фото: Жељко Јовановиќ[/caption]

„Бановиќ Страхиња“ е една од најубавите српски епски народни песни и говори за легендата за една неверна жена и за еден благороден маж кој и го простува неверството. Каква верзија ќе видат гледачите?

Киров: Инспирација за самото движење добивам кога самиот процес на создавање започнува во студио. Подготовките почнаа неколку месеци пред тоа, каде со целиот уметнички тим ги дефиниравме музички корекции, потоа ја подготвувавме сценографијата, ги правевме костимите, правевме детална анализа на епските песни и работевме на драматургијата. Драматургијата се занимаваше со симболи, метафори и самиот пристап кон поединечни сцени на танцот. Процесот на работа во салите трае околу 7-8 недели.

Каков е Вашиот Бановиќ Страхиња? Што беше најголем предизвик додека ја работевте кореографијата? Што сакавте најмногу да се истакне во неговиот лик?

Киров: Беше возбудливо да се најде начин да се преведе оваа песна, чија голема сила лежи во убавината на јазикот и стихот во форма целосно лишена од текст - во движење. Предизвикот за преведување на поезијата во танцова форма овозможи зборовите и ритамот да се трансформираат во израз на телото, откривајќи нови димензии на емоции и значења изразени во песната.
Поемата нуди простор за интерпретација на психологијата на ликовите на повеќе различни начини и токму тоа го прави толку интересно. Заминувањето на Ангелина со Влах-Алија може да се оправда преку потребата за самоодржување, затоа што таа знае дека, што и да одбере, да тргне со сила и по свој избор, за неа нема повеќе живот, бидејќи Србите остро ќе ја осудат, како што тоа го прави нејзиното семејство на крајот од песната. Затоа и чинот на простување на Страхиња на крајот од песната е толку необичен и возбудлив. Од друга страна, заминувањето на Ангелина може да се смета и како жртва, за да го смири Алија која сака да целосно да го уништи дворот. А можеби тој го освоил срцето на Ангелина? Или пак сите овие причини одеднаш? Во нашата интерпретација на песната се обидовме да ги вклучиме сите овие слоевите за да дојдеме до цел, комплексен карактер.
Покажувањето на емоциите на мажот кој изневерува преку движење е дефинитивно предизвик. Треба да се прикаже целата палета емоции: незадоволство, тага, лутина, но и сила, и на крајот, прошка, што всушност е приказ на сила, а не слабост. Ова бара нијанси и внимателно следење на развојот на ликот во текот на изведбата. Сепак, универзалноста на овие емоции и овозможува на публиката да се поврзе со ликот без разлика на историска епоха.

[caption id="attachment_787470" align="alignnone" width="1434"] фото: Жељко Јовановиќ[/caption]

Со оваа премиера свечено ќе биде одбележано завршувањето на прославата на стогодишнината на Балетот на националниот театар во Србија. Што значи ова за Вас, за Вашето портфолио?

Киров: Пожелно е една национална балетска куќа на својот репертоар да има дела од националниот опус, кои означуваат и раскажуваат важни епохи од нивната историја. Особено земјата каква што е Србија, чија историја е многу богата, разновидна и богами турбулентна, полна со моќни историски настани ликови и теми кои можат да бидат инспирација за различни изрази на уметност. Убаво е кога на тој начин се негува културното наследство.

[caption id="attachment_787472" align="alignnone" width="2560"] фото: Жељко Јовановиќ[/caption]

Кои се Вашите идни ангажмани? Дали ќе работите нешто во блиска иднина во Македонија? Како ќе го поминете летово?

Киров: Па во Македонија, благодарејќи на претходниот состав на министерството за култура и управата на севернонационалната опера и балет, како што самите љубат да се нарекуваат, моите дела беа тргнати од репертоарот, а моето име и презиме беше ставено во фиока со зборовите: Киров е еден обичен ветеринар, зар тој да твори тука? Се почувствував потценет и решив дека нема потреба моите идеи и креации кои за нив не се доволно добри да се најдат на ‘светскиот репертоар’ на СНОБ (Северно национална опера и балет).

Се повлеков од македонската танцова сцена во која што бев вклучен изминатите 25 години. Во Србија може да работам национално дело, но за да направам нешто во татковината, каде што мојата публика ме следи со години и сака да види нешто од мене, не сум доволно добар.
После Белград заминувам во Германија, каде што ќе почне првата фаза од подготовките за мојот нов балет, „Прометеј“ по музика на Бетовен, а во август заминувам за Ерменија, каде што како и минатата година, ќе поставам нова едночинка за која премиерата се планира во почетокот на септември.
Во октомври се враќам во Германија, каде што продолжувам со работата на „Прометеј“, а во ноември сум во Словенија, таму работам претстава во Нова Горица, која е европска престолнина на културата. Така што, само здравје. Секогаш кога работиш со љубов, успесите се вреднуваат насекаде, само не во сопствената земја.

Разговараше: Александра М. Бундалевска

The post Прашањето во „Бановиќ Страхиња“ што е вистински херој, а што е вистинска љубов, за кои вредности вреди да се живее и да се умре, сè уште останува отворено appeared first on Република.

На 52. „Мајски оперски вечери“ вечерва од 20 часот на програмата е класичниот балет „Заспаната убавица“ на музика од Петар Илич Чајковски.

Диригент на претставата е Најер Нагуи – главен диригент на оркестарот на Операта во Каиро, кореограф е Виктор Јаременко од Украина, асистент-кореограф – неговата сонародничка Тетјана Белецка, а сценограф и костимограф на балетот е Миодраг Табачки од Србија.

Во главните улоги ќе настапат Марта Петкова и Никола Хаџитанев од Софиската опера и балет кои се добитници на голем број престижни награди и признанија. Настапуваат солистите, балетскиот ансамбл и оркестарот на Националната опера и балет.

Повеќе од 100 години оваа класична балетска бајка за вечната борба помеѓу доброто и злото ја одушевува публиката на најголемите светски сцени. Сложените варијации, брилијантната изведба и чистата класична техника го прават овој балет од бајките врвен балетски бисер, соопшти Националната опера и балет.

The post Балетот „Заспаната убавица“ вечерва на „Мајски оперски вечери“ appeared first on Република.

Двојна изведба на безвременската, волшебна балетска бајка „Заспаната убавица“ преточена во прекрасната музика на Петар Илич Чајковски на 7 и 8 март со почеток во 20.00 часот ќе се изведе на сцената на Националната опера и балет.

Диригент на претставите е Бисера Чадловска, кореограф е Виктор Јаременко (Украина), асистент-кореограф е Тетјана Белецка од Украина, сценограф и костимограф е Миодраг Табачки од Србија, светло дизајн, Милчо Александров, концерт-мајстор е Јане Бакевски, соло виолина е Климент Тодороски, а соло виолончело, Кирил Јосифов.

Во главните улоги на 7 март ќе настапат: Марија Кичевска Шокаровска и гостинот од Бугарија, Емил Јорданов.

За првпат во главните улоги на 8 март ќе настапат: Христина Наќевска и Балаж Лочеи од Унгарија.

Настапуваат солистите, балетскиот ансамбл и оркестарот на Националната опера и балет.

Вечната борба помеѓу доброто и злото, класичната балетска бајка „Заспаната убавица“ од Петар Илич Чајковски ја воодушевува публиката на најголемите светски сцени повеќе од 100 години. Сложените варијации, брилијантната изведба и чистата класична техника го прават овој балет од бајките врвен балетски бисер.

The post „Заспаната убавица“ од П. И. Чајковски на 7 и 8 март на сцената на Националната опера и балет appeared first on Република.

На Големата сцена во Белградскиот Народен театар, се одржа балетскиот гала спектакл насловен „Романса во движење“, со учество на балетски ѕвезди на Народниот театар од Белград и национални театри од регионот.

На иницијатива на Народниот театар во Белград, на истата сцена се собраа балетските ѕвезди од седум театри и шест земји од регионот – Хрватскиот народен театар во Загреб (Хрватска), Сараевскиот народен театар (Босна и Херцеговина), Македонската опера и балет, Скопје, Словенечкиот народен театар Марибор (Словенија), Операта и балетот Софија (Бугарија) и Српскиот народен театар Нови Сад (Србија). Од Македонската опера и балет учествуваа балетските првенци Мими Поп Алексова Атанасовска и Бобан Ковачевски. Тие го изведоа дуетот од балетската претстава „Ана Каренина“ на Чајковски по кореографија на Лео Мујиќ.

Едно од најпознатите светски литературни дела „Ана Каренина“ од крајот на 19 и во целиот 20 век, претставувало инспирација за многу театарски и филмски креации. Овојпат беше инспирација за кореографот Мујиќ од Хрватска. Чајковски во својот прекрасен опус често бил инспириран од делата на руската и светска класика, но никогаш не искористил дело од Толстој. Сепак, за романтична приказна како што е „Ана Каренина“, како најсоодветна се покажа токму неговата музика. (Во македонското кореографско видување, искористение се делови од: Концертот во D-dur за виолина и оркестар, Симфонијата во b-moll, Сентименталниот валцер, Петтата симфонија вo e-moll, Шестата симфонија во b-moll и Елегијата во g-moll).

Публиката го поздрави перформансот на ансамблот во Белград со долги аплаузи и овации. На репертоарот беа љубовните дуети од најпознатите балетски класици и делата на еминентните кореографи од регионот , покрај Лео Мујиќ, тука беа и Едвард Клуг, Сташа Зуровац, Крунислав Симиќ и Роналд Савковиќ.

Оваа соработка е прослава на разновидното изразување на љубовта преку балетот.

The post Македонски балетски уметници дел од проектот „Романса во движење“ на иста сцена со балетски ѕвезди од шест земји од регионот appeared first on Република.

Вонвременската балетска претстава „Оревокршашка“ од Петар Илич Чајковски вечерва и утревечер од 20 часот ќе биде изведена на сцената на Националната опера и балет. Кореограф е Василиј Иванович Ваинонен од Русија, адаптацијата е на неговиот сонародник Михаил Крапивин, додека сценограф е Анатолиј Нежњи. Костимограф е Љупка Ристовска. Репетитори се: Горан Божинов, Александра Мијалкова, Билјана Пашариковска, Дафина Данилоска-Кочевска, Маја Митровска-Богојевска. Во главните улоги настапуваат: Марија Кичевска-Шокаровска (Клара) и Франциско Хименес Руиз од Шпанија (Принц).

Настапуваат првенците, солистите, балетскиот ансамбл при Националната опера и балет и ученици од ДМБУЦ „Илија Николовски Луј“.

The post Денеска и утре балетот „Оревокршачка“ во НОБ appeared first on Република.

Театарскиот и уметничкиот колеџ во Одеса отпуштил 82-годишен професор по музика и историја на уметност поради тоа што на учениците им предавал за музиката на рускиот композитор Пјотр Илич Чајковски.

Според украинските медиуми, наставникот постапил спротивно на наредбата на украинското министерство за култура за бојкот на музиката и делата на Чајковски поради тоа што „руската култура е дел од државната политика на Русија“.

Во меѓувреме, Киевскиот балет е на турнеја со славното дело на Чајковски „Оревокршачка“ во Франција.

The post 82-годишен професор по музика во Одеса избркан од работа зашто предавал за музиката на Чајковски appeared first on Република.

Балетската претстава „Есмералда“ од италијанскиот композитор Чезаре Пуњи, вечерва ќе биде изведена на сцената на Националната опера и балет, со почеток во 20.00 часот.

Приказната за Есмералда, инспирирана од романот „Ѕвонарот на Богородичната црква“ од Виктор Иго, ќе се изведе под диригентската палка на Бисера Чадловска, а ќе ја пренесе реномираниот кореограф од Русија, Михаил Крапивин. Сценографијата и костимографијата се на Живојин Трајановиќ и Љупка Ристовска, концерт-мајстор е Климент Тодороски.

Во насловната улога ќе настапи примабалерината Марија Кичевска-Шокаровска, во улогата на Феб ќе настапи Франциско Хименез Руиз (Шпанија), во улогата на Флер де Лис, Ивана Коцевска, во улогата на Гудула ќе настапи Ангела Богатинова, Клод Фроло е Мирослав Митрашиновиќ, Квазимодо: Јан Кисилев.

Настапуваат балетските солисти, балетскиот ансамбл и оркестарот на Националната опера и балет.

The post Приказна инспирирана од романот „Ѕвонарот на Богородичната црква“: Балетот „Есмералда“ од композиторот Чезаре Пуњи вечерва во НОБ appeared first on Република.

Романтичниот балет во два чина „Жизел “ од Адолф Адам ќе биде изведен на сцената на Националната опера и балет вечерва во 20 часот.

Магичната и безвременска приказна за несреќната љубов е преточена во музиката на францускиот композитор Адолф Адам, а во кореографија на Жан Корали, Жил Перо, Мариус Петипа и Леонид Лавровски. Адаптацијата на кореографијата е на Ирена Пасариќ од Хрватска.

Диригент на претставите е Иван Еминовиќ. Костимографијата е на Александар Ношпал, сценографијата на Александар Ношпал и Михајло Стојановски, светло-дизајнот е на Милчо Александров.

Во главните улоги ќе настапат: Мими Поп Алексова Атанасовска, Франциско Хименез Руиз (Шпанија), Илијана Данилов, Бобан Ковачевски.

Настапуваат солисти, балетскиот ансамбл и оркестарот на Националната опера и балет.

The post Романтичниот балет „Жизел“ вечерва на сцената на Националната опера и балет appeared first on Република.

На сцената на Националната опера и балет (НОБ) вечер ќе се изведе балетската претстава во три слики „Пепелашка“ од Сергеј Прокофјев. Станува збор за современа бајка за сите возрасти.

Приказната за „Пепелашка“ преточена во прекрасната музика на големиот руски композитор Сергеј Прокофјев, а во кореографија на гостинот од Србија, Александар Илиќ од Србија. Костимографијата е на Катерина Радошевиќ Галиќ од Хрватска, сценограф е Филип Коруновски, дизајн на звук на Георг Драушник од Хрватска, асистенти-кореографи се Саша Евтимова и Мојца Мајцен од Словенија, а репетитори се Саша Евтимова и Билјана Пашариковска.

Во главната улога ќе настапи Христина Наќевска, во улогата на Принц ќе настапи Мирослав Митрашиновиќ, Вила Ангел: Саша Евтимова, Маќеа: Марија Јосифовска Ристовска, Сeстри: Ендру Кук од Англија и Кристијан Јангос, Татко: Драган Кочоски , Мала Пепелашка: Гала Кочевска.

Во претставата настапуваат солисти и балетскиот ансамбл на Националната опера и балет.

The post Балетската претстава „Пепелашка“ вечер премиерно на сцената на Опера и Балет appeared first on Република.

Во рамките на манифестцијата „Есенски музички свечености 2022“ на сцената на Националната опера и балет (НОБ) вечерва ќе биде изведена балетската претстава „Госпоѓиците од Авињон“.

Балетската претстава „Госпоѓиците од Авињон“ е инспирирана од истоимената слика на уметникот Пабло Пикасо, зборува за пет жени и нивниот живот, нивната потрага по љубовта, смртта и слободата.

Музиката во претставата е на Калиопи Букле, за кореографија и режија задолжена е Олга Панго. Либрето и драматургија се на Сашо Димоски, костимограф е Раде Василев, а на мултимедија и дизајн работеше Емил Петров, дизајн на светло – Милчо Александров, а дизајн на шминкa – Златица Поповска. Асистенти на кореографот се Горан Божинов и Саша Евтимова Користени се сценографски елементи од операта „Змејовата невеста“ – сценограф Валентин Светозарев.

Настапуваат: Александра Мијалкова, Мими Поп-Алексова Атанасовска, Ивана Коцевска, Саша Евтимова, Христина Наќевска, Мирослав Митрашиновиќ, Балаж Лочеи, Агим Бафтии и Ендру Кук.

The post Балетската претстава „Госпоѓиците од Авињон“ во НОБ appeared first on Република.

По повод Светскиот ден на балетот кој оваа година се одбележува на 2.11.2022, на сцената на Националната опера и балет на 1 ноември 2022 (вторник) во 20 часот, ќе се изведе еден од бисерите на балетската уметност, раскошната балетска класика „Рајмонда“ од Александар Глазунов. Безвременски балет кој е израз на целосната убавина на класичниот танц.

Диригент на претставата е Бисера Чадловска, кореограф е Виктор Јаременко од Украина. Прекрасните костими и спектакуларната сценографија се на гостите од Украина, Гана Ипатиева и Андреј Злобин.

Во главните улоги ќе настапат: Мими Поп Алексова Атанасовска, Балаж Лочеи (Унгарија), Абдурахман: Васил Чичиашвили (Грузија), Илијана Данилов, Христина Наќевска, Наташа Трендафилова Гицев, Игор Веланоски и Ендру Кук (Англија).

Настапуваат солистите, балетскиот ансамбл и оркестарот на Националната опера и балет.

„Рајмонда“ е балет во два чина. Светската премиера е одржана во Маринскиот театар во Санкт Петербург, во јануари, 1898 година. Либретото за балетот „Рајмонда“ е базирано на типичната драматургија која го обележува времето на Романтизмот. Во драмите (приказните) на овој уметнички правец доминираат темите за јунаштвото, благородништвото, љубовта, достоинството и честа.

The post Раскошната балетска класика „Рајмонда“ во НОБ по повод Светскиот ден на балетот appeared first on Република.

Македонија беше домаќин на Европското првенство во џез, модерен и класичен балет кое се одржа во СЦ Јане Сандански од 8-11.09.2022 во организација на танцовите клубови Студио Брејк А Лег и Ит Да Бит од Скопје.

Над 2000 балерини од 23 земји и околу 5000 гости од странство имаа можност да ги презентираат и гледаат врвни кореографии и балерини кои беа пресреќни што конечно можеа да настапат во живо после короната.

Да се организира ваков настан бара многу ангажман и огромен тим бидејки натпреварот се одвиваше во две сали истовремено , додека последниот натпреварувачки ден беше во 3 сали симултано и сѐ функционираше перфектно.

„Овој натпревар е рекорден по број на учесници, речиси двојно од последното европско во Прага, што е показател дека Македонија е популарна дестинација за странците, а ние одлични домаќини“, изјави Трајче Петковски - организатор на европското првенство.

Следни големи танцови манифестации во Македонија ќе бидат Европско Првенство во ХипХоп и Светското Првенство во Латино во 2023та година.

The post Македонија беше домаќин на Европското првенство во џез, модерен и класичен балет appeared first on Република.

Приказните од „Илјада и една ноќ“ преточени во балетот  „Шехерезада“ од Н. Р. Корсаков, под диригентската палка на Бисера Чадловска, кореографијата ја пренесе познатиот балет-мајстор од Москва, Михаил Крапивин, со првична постановка на Михаил Фокин ќе се изведе на сцената на Националната опера и балет на 14 јуни со почеток во 20.00 часот. Сценографијата е на Марија Ветероска, а костимите на Маја Бурсаќ од Србија, концерт-мајстор: Верица Ламбевска.

Балетската приказна ќе ни ја раскажат: Ивана Коцевска, Балаж Лашеи (Унгарија), Драган Кочоски, Стефан Кочевски, Лора Тарчуговска, Симона Митовска, Илијана Данилов, Ивана Димкоска

„Валпургиска ноќ“ - Шарл Гуно е балетски дел од операта „Фауст“ на Шарл Гуно

На 27 јануари 1949 година, изведен е првиот самостоен балетски настап на ансамблот, со „Валпургиска ноќ“, балетскиот дел од операта „Фауст“ на Шарл Гуно, во кореографија на Ѓорѓи Македонски. Во 1949 година и официјално е формиран Балетот при Македонскиот народен театар.

Диригент: Бисера Чадловска, кореограф: Габор Кевехази (Унгарија), сценограф: Марија Ветероска, костимограф: Марија Пупучевска, концерт-мајстор Верица Ламбевска

Настапуваат:

Марија Кичевска Шокаровска, Саша Евтимова, Мими Поп Алексова Атанасовска, Мирослав Митрашиновиќ, Николас Орсо, Кристијан Јангос, Игор Веланоски, Ендру Кук (Англија), Илијана Данилов.

Настапуваат првенци, истакнати солисти, солисти, балетскиот ансамбл и оркестарот на Националната опера и балет.

The post „Шехерезада“ и „Валпургиска ноќ“ на сцената на Опера и балет appeared first on Република.

The post Почина Натка Пенушлиска-Митровска, доајенка на македонскиот балет appeared first on Република.

Во рамките на јубилејното 50.издание на фестивалот „Мајски оперски вечери“ како оф-програма, на сцената на Националната опера и балет на 14 мај со почеток во 20.00 часот ќе се изведе атрактивната балетска претстава „ГОСПОЃИЦИТЕ ОД АВИЊОН“. Балет во 9 слики.

Балетската претстава „Госпоѓиците од Авињон“ е инспирирана од истоимената слика на уметникот Пабло Пикасо, зборува за пет жени и нивниот живот, нивната потрага по љубовта, смртта и слободата.

Музиката во претставата е на Калиопи Букле, за кореографија и режија задолжена е Олга Панго. Либрето и драматургија се на Сашо Димоски, костимограф е Раде Василев, а на мултимедија и дизајн работеше Емил Петров, дизајн на светло - Милчо Александров, а дизајн на шминкa - Златица Поповска. Асистенти на кореографот се Горан Божинов и Саша Евтимова Користени се сценографски елементи од операта „Змејовата невеста“ - сценограф Валентин Светозарев.

Настапуваат: Александра Мијалкова, Мими Поп-Алексова Атанасовска, Ивана Коцевска, Саша Евтимова, Христина Наќевска, Мирослав Митрашиновиќ, Балаж Лашеи, Агим Бафтии, Ендру Кук.

The post Атрактивната балетска претстава „Госпоѓиците од Авињон“ на 50. издание на МОВ appeared first on Република.

Во петокот, Националната опера на Лавов ја изведе својата прва целосна продукција по руската инвазија на Украина на 24 февруари.

Додека публиката со нетрпение чекала на своите седишта, позната порака одекнува низ салата, потсетувајќи ги да ги исклучат телефоните и да уживаат во искуството.

Веднаш следи поненормална најава. „Почитувани гости, нашиот настан ќе биде прекинат во случај на тревога за воздушен напад. Танчерите и гледачите мора да одат во засолништето за бомби сместено во театарот“, одекнува во салата како потсетник дека ова не е редовна ноќ во театарот .

Потоа светлата се затемнуваат, оркестарот почнува да свири, а на сцената се појавува танчерка.

„Вака или онака, војната влијае на сите нас... Ние разбираме дека светлината мора да ја победи темнината, дека животот мора да ја победи смртта, а мисијата на театарот е да го потврди тоа“, изјави уметничкиот директор на операта, Васил Вовкун, за Си-Ен-Ен. .

Западноукраинскиот град Лавов излезе речиси целосно неповреден, и покрај разорниот конфликт на другите места во земјата.

Со оглед на тоа што жителите на Лавов полека учат да живеат со војната, Вовкун рече дека обезбедувањето место за утеха во услови на конфликт е движечката сила.

Театарската сезона беше отворена со „Жизел“, добро позната балетска класика која ја раскажува приказната за убава селанка која прерано умира откако ја изневерил мажот што го сака.

"Жизел исто така ги има сите нијанси на радост и тага, тука е и смртта, а тука е и победата на љубовта. А всушност, оваа тема е конзистентна и денес. Дури и кога слушаме многу за смртта, се уште се надеваме дека ќе победи животот“, објасни Вовкун.

И покрај распродадените билети за претставата, многу места остануваат празни бидејќи засолништето за бомби на театарот може да собере само 300 луѓе.

Дарина Кирик, 21-годишната балерина, која ја игра главната улога на „Жизел“, вели дека нејзиниот живот е нарушен од војната и ужасите на Буча, каде неодамна беа пронајдени масовни гробници.

„Танцот помага да се одвлече вниманието од она што се случува... Повеќето од моите роднини се сега во Киев или во Полска “, рече Кирик.

„Откако ќе го посетите ова место, разбирате дека животот не може да се победи. Нашиот живот не може да биде бомбардиран или уништен со проектили или хемиско или нуклеарно оружје“, вели Викторија Паламарчук, 50-годишна новинарка, која моментално престојува со поширокото семејство во Лавов, откако го напуштила нејзиниот дом во централниот регион Житомир , објави Си-Ен-Ен.

The post Се одржа балетска премиера Лавов проследена со пораката: Почитувани гости, нашиот настан ќе биде прекинат во случај на тревога за воздушен напад appeared first on Република.

Националната опера и балет најави втора изведба на балетската претстава „ГОСПОЃИЦИТЕ ОД АВИЊОН“ на 29 март 2022 со почеток во 20 часот. За атрактивноста на оваа балетска претстава зборуваат  позитивните реакции на присутната публика на премиерната изведба (9 март 2022) , која со долг аплауз го награди тимот што работеше на овој балет, а особено извонредните балетски играчи, кои ни донесоа магија на сцената.

Балетската претстава „Госпоѓиците од Авињон“ е инспирирана од истоимената слика на уметникот Пабло Пикасо, зборува за пет жени и нивниот живот, нивната потрага по љубовта, смртта и слободата.

Музиката во претставата е на Калиопи Букле, за кореографија и режија задолжена е Олга Панго. Либрето и драматургија се на Сашо Димоски, костимограф е Раде Василев, а на мултимедија и дизајн работеше Емил Петров, дизајн на светло – Милчо Александров, а дизајн на шминкa – Златица Поповска. Асистенти на кореографот се Горан Божинов и Саша Евтимова Користени се сценографски елементи од операта „Змејовата невеста“ – сценограф Валентин Светозарев.

Настапуваат: Александра Мијалкова, Мими Поп-Алексова Атанасовска, Ивана Коцевска, Саша Евтимова, Христина Наќевска, Мирослав Митрашиновиќ, Балаж Лашеи, Агим Бафтии, Ендру Кук

Настанот ќе се одржи според протоколите предвидени со моменталната состојба предизвикана од пандемијата Ковид-19 за одржување настани, одобрени од Комисијата за заразни болести.

Влезот е дозволен само со потврда за извршена вакцинација против КОВИД-19 или потврда за прележан КОВИД-19 со важност од 180 дена, односно 6 месеци, сметано од датумот на позитивен ПЦР тест.

Задолжително е носење на заштитна маска.

The post Втора изведба на балетската претстава „Госпоѓиците од Авињон“ вечерва во Националната опера и балет appeared first on Република.

Националната опера и балет најави втора изведба на балетската претстава „ГОСПОЃИЦИТЕ ОД АВИЊОН“ на 29 март 2022 со почеток во 20.00 ч. За атрактивноста на оваа балетска претстава зборуваат  позитивните реакции на присутната публика на премиерната изведба (9 март 2022) , која со долг аплауз го награди тимот што работеше на овој балет, а особено извонредните балетски играчи, кои ни донесоа магија на сцената.

Балетската претстава „Госпоѓиците од Авињон“ е инспирирана од истоимената слика на уметникот Пабло Пикасо, зборува за пет жени и нивниот живот, нивната потрага по љубовта, смртта и слободата.

Музиката во претставата е на Калиопи Букле, за кореографија и режија задолжена е Олга Панго. Либрето и драматургија се на Сашо Димоски, костимограф е Раде Василев, а на мултимедија и дизајн работеше Емил Петров, дизајн на светло - Милчо Александров, а дизајн на шминкa - Златица Поповска. Асистенти на кореографот се Горан Божинов и Саша Евтимова Користени се сценографски елементи од операта „Змејовата невеста“ - сценограф Валентин Светозарев.

Настапуваат: Александра Мијалкова, Мими Поп-Алексова Атанасовска, Ивана Коцевска, Саша Евтимова, Христина Наќевска, Мирослав Митрашиновиќ, Балаж Лашеи, Агим Бафтии, Ендру Кук

Настанот ќе се одржи според протоколите предвидени со моменталната состојба предизвикана од пандемијата Ковид-19 за одржување настани, одобрени од Комисијата за заразни болести.

Влезот е дозволен само со потврда за извршена вакцинација против КОВИД-19 или потврда за прележан КОВИД-19 со важност од 180 дена, односно 6 месеци, сметано од датумот на позитивен ПЦР тест.

Задолжително е носење на заштитна маска.

The post Балетската претстава „Госпоѓиците од Авињон“ утре на сцената на Националната опера и балет appeared first on Република.

Националната опера и балет, вечерва на својата сцена ја има изведбата на безвременскиот балет  „Лебедово езеро“ на 25 март 2022, со почеток во 20.00 ч.

Под диригентската палка на Бисера Чадловска, во кореографија на Виктор Јаременко од Украина, во улогата на Одета / Одилија ќе настапи гостинката од Бугарија, примабалерината Марта Петкова, во улогота на принцот Зигфрид ќе настапи Васил Чичиашвили (Грузија), а Ротбарт е Балаж Лашеи (Унгарија), Па де труа: Христина Наќевска, Ангела Велевска, Ендру Кук (Англија). Настапуваат солисти, балетскиот ансамбл и оркестарот на Националната опера и балет.

Сценографијата и костимите се на Украинците Андреј Злобин и Гана Ипатиева.

Ода за моќта на љубовта!Балетска класика која ја раскажува вечната борба помеѓу доброто и злото. Легендата за мистериозната лебед-жена е еден од најромантичните класични балети и се карактеризира со многу елеганција, стил и хармонија. Со познатата, лирска мелодија на П. И. Чајковски, „Лебедово езеро“ ја отсликува трагичната љубов помеѓу принцезата Одета и принцот Зигфрид. Ова универзално и волшебно ремек-дело на љубов, измама и драма не смее да се пропушти.

Настанот ќе се одржи според протоколите предвидени со моменталната состојба предизвикана од пандемијата Ковид-19 за одржување настани, одобрени од Комисијата за заразни болести.

Влезот е дозволен само со потврда за извршена вакцинација против КОВИД-19 или потврда за прележан КОВИД-19 со важност од 180 дена, односно 6 месеци, сметано од датумот на позитивен ПЦР тест.

Задолжително е носење на заштитна маска.           

The post Безвременскиот балет „Лебедово езеро“ вечерва во Националната опера и балет appeared first on Република.