Според ексклузивни материјали од проверени дипломатски и воени извори до кои дошол магазинот „Калибар“, на Ерменија во последните неколку недели и биле доставени современи француски самоодни артилериски држачи „Цезар 155 мм“ и нивните компоненти, како и противтенковски ракетни системи и ракети воздух-воздух.

Според пишувањето, Азербејџан знае и дека, паралелно со пренесувањето на француското оружје по воздушен пат, иранското пристаниште Бандар Абас добива воен товар од Индија, којшто исто така наменет за понатамошен транспорт до Ерменија. Како што пишува магазинот, достојно за внимание е тоа што  и француското и индиското оружје доставено до Ерменија делумно се официјално декларирани, а делумно се транспортирани под декларација за цивилна стока.

По детална проверка, извори од азербејџанската страна ја потврдија сензационалната информација дека Иран и Ерменија потпишале таен договор за оружје вреден 500 милиони долари“, пренесува порталот.

Во пишувањето се забележува дека и покрај негирањето на договорот Иран-Ерменија, проверката на фактите и изворите покажуваат поинаку.

The post Франција и Индија тајно доставуваат оружје за Ерменија преку Иран appeared first on Република.

Министерството за надворешни работи на Азербејџан ги отфрли „навредливите обвиненија“ и повтори дека Баку не е поврзан со протестите во Нова Каледонија.

Наместо да го обвинува Азербејџан дека наводно ги поддржува протестите за независност во Нова Каледонија, Франција треба да се фокусира на неуспешната политика на прекуокеанските територии што доведе до такви протести. Уште еднаш ја повикуваме Франција да престане со неоснованите тврдења против нашата земја, истакна портпаролот на азербејџанското МНР, Ајхан Хаџиев.

Францускиот министер за внатрешни работи Жералд Дарманин на 15 мај го обвини Азербејџан за мешање во политиката на пацифичката територија Нова Каледонија.

Ова не е фантазија … Жалам што некои од сепаратистите се договорија со Азербејџан … дури и ако има обиди за мешање … Франција е суверена на својот сопствена територија, истакна Дарман.

Но, Дарманин не презентираше докази за вмешаноста на Азербејџан во немирите на Нова Каледонија.

Француската единица за откривање дезинформации преку интернет, „Вигинум“, формирана како одговор на руските активности во Африка, објави извештај во кој се идентификувани најмалку 86 азербејџански профили кои на платформата Икс шират антифранцуска пропаганда.

Немирите на Нова Каледонија почнаа на 13 мај поради уставната реформа, која предвидува промени на изборниот закон на француската територија. Националното собрание во Париз усвои реформа со која на илјадници француски граѓани, кои пред најмалку 10 години се преселиле на јужниот пацифички архипелаг, им се дава право на глас на локалните избори, а со тоа и поголемо политичко влијание.

The post Франција треба да се фокусира на неуспешната политика: Азербејџан одговори на обвинувањата од Париз дека е вмешан во немирите во Нова Каледонија appeared first on Република.

Портпаролот на Кремљ, Димитри Песков, денеска го потврди повлекувањето на руската мировна мисија од азербејџанскиот регион Нагорно Карабах, пренесоа руските медиуми.

Азербејџанскиот регион Нагорно-Карабах, каде што живеат повеќето Ерменци, со години е спорна територија, а Азербејџан минатата година ненадејно ја освои оваа енклава.

На 1 јануари оваа година беше укината меѓународно непризнатата Република Нагорно-Карабах, по што илјадници Ерменци го напуштија овој регион.

Во Женева се одржаа повеќе дипломатски разговори меѓу Баку и Ереван за конфликтот, а портпаролката на руското Министерство за надворешни работи, Марија Захарова, пред два дена изјави дека Русија била принудена да предложи преместување на мировните преговори меѓу Ерменија и Азербејџан од Швајцарија во друга земја.

Захарова ја критикуваше Швајцарија бидејќи, како што оцени, оваа држава го прекрши принципот на неутралност „со неодговорното однесување на отворено антирускиот пат“.

The post Песков: Руската мировна мисија се повлекува од Азербејџан appeared first on Република.

Во извештајот од 1950 година посветен на Албанија, американската разузнавачка агенција дава кратка историја на земјата и наведува дека Албанците се преселиле од областа на денешен Азербејџан на Балканот - затоа, тие не се ниту Илири, ниту староседелци.

Во обемниот извештај на ЦИА од повеќе од сто страници за Албанија, кој беше декласифициран се тврди дека Албанците се преселиле на Балканот заедно со голема индоевропска група на народи, се вели во документот на ЦИА.

ЦИА се повикува на римскиот историчар Страбон, кој забележал дека во векот пред Христа, Албанците ја населувале областа околу реката Кура, во денешен Азербејџан, дека биле важна етничка група бидејќи можеле да соберат војска од 80.000 луѓе под оружје.

Луѓето што Страбон ги нарекува Албанци се состоеле од племиња управувани од „кралеви“  а кои биле притиснати од југ и исток и без можност понатаму ја бранат својата територија тргната во Големата преселба на народите и така стигнале до денешна Албанија.

The post Извештај на ЦИА: Албанците не се староседелци на Балканот – потекнуваат од Азербејџан appeared first on Република.

Хикмет Хаџиев, советникот на азербејџанскиот претседател, Илхам Алијев, порача дека Азербејџан е подготвен за разговори со Ерменија со посредство на Европската Унија, по успешната азербејџанска офанзива во Нагорно Карабах.

Азербејџанскиот претседател не дојде на самитот на Европската политичка заедница во Гранада, Шпанија, каде што требаше да се разговара на оваа тема.

Азербејџан е подготвен наскоро да учествува во Брисел на трипартитните состаноци меѓу ЕУ, Азербејџан и Ерменија“, напиша Хаџиевна платформата Х.

Ерменскиот премиер Никол Пашинјан, кој дојде на самитот, ја осуди одлуката на азербејџанскиот претседател да не присуствува.

Според Хаџиев, неговата земја одлучила да не учествува поради „милитаристичката политика“ на Франција кон Кавказот, односот на ЕУ кон регионот, како и поради тоа што турскиот претставник не учествува.

Сепак, Хаџиев нагласи дека тоа не значи дека ги отфрла разговорите со Ерменија.

The post Откако го зема Нагорно Карабах, Азербејџан подготвен за разговори со Ерменија со посредство на ЕУ appeared first on Република.

Азербејџан прогласи амнестија за ерменските борци во регионот Нагорно Карабах кои го предаваат оружјето, иако некои од нив најавија дека ќе продолжат со отпорот, изјави советникот на азербејџанскиот претседател Хикмет Хаџиев.

Ерменците, кои го сочинуваат мнозинството во Нагорно-Карабах, во четвртокот рекоа дека им се потребни безбедносни гаранции пред да го предадат оружјето, откако Азербејџан објави дека го вратил отцепениот регион под своја контрола по 24-часовната воена операција.

Како што пренесуваат странските агенции, Хаџиев најави дека Баку планира амнестија за сите борци од Карабах кои ќе го предадат оружјето.

„Гледаме дека во овој момент некои поединечни армиски групи и офицери јавно објавија дека нема да се согласат со нашите услови и дека ќе продолжат со својот отпор. Гледаме и дека некои помали групи одат во шумата. Но, ние не го гледаме тоа како голем безбедносен предизвик. Секако, тоа носи одредени предизвици и тешкотии, но не во толку големи размери“, изјави азербејџанскиот претставник.

Тој рече дека ќе се почитуваат правата на Ерменците од Карабах како дел од нивната интеграција во Азербејџан, додавајќи дека тие побарале хуманитарна помош, како и снабдување со нафта и бензин.

Хаџиев најави дека денеска во овој регион ќе бидат доставени три товари хуманитарна помош.

Ерменскиот премиер Никол Пашинјан рече дека Ереван е подготвен да прифати бегалци од Нагорно Карабах.

Вчера беше постигнат договор за прекин на огнот меѓу азербејџанските вооружени сили и ерменските војници во отцепениот регион Нагорно-Карабах, населен главно со Ерменци.

Договорот беше постигнат со посредство на руски мировен контингент, откако официјален Баку започна антитерористичка операција во Нагорно-Карабах за да го врати уставниот поредок во областа контролирана од ерменските сепаратисти.

The post Азербејџан прогласи амнестија за ерменските борци во регионот Нагорно Карабах appeared first on Република.

Високиот претставник на ЕУ за надворешна политика и безбедност, Жосеп Борел, порача дека Европската Унија ја осудува воената операција на Азербејџан против ерменското население во Нагорно-Карабах и изразува жалење за жртвите и загубите на животи предизвикани од таа ескалација.

Во писмената изјава на Борел се наведува дека се нотирани информациите дека е постигнат договор за прекин на огнот и ЕУ очекува итен и целосен прекин на непријателствата и почитување на договорениот прекин на огнот.

ЕУ го повикува Азербејџан да дозволи итен и непречен хуманитарен пристап до населението кое има потреба од помош, вклучително и преку целосно повторно отворање на Лачинскиот Коридор во согласност со одлуките на Меѓународниот суд на правдата од февруари и јули 2023 година. Хуманитарните работници треба да можат слободно да работат. ЕУ и нејзините земји членки се подготвени да обезбедат итна хуманитарна помош, се додава во изјаватта.

Борел натаму потенцира дека ЕУ ги повикува „Баку и Ерменците од Карабах итно да се вклучат во сеопфатен и транспарентен дијалог“.

Азербејџан има одговорност да ги гарантира правата и безбедноста на Ерменците од Карабах, вклучувајќи го и нивното право да живеат во своите домови без заплашување и дискриминација. Присилно раселување на цивилното население преку воени или други средства ќе наиде на силен одговор од страна на ЕУ. ЕУ е подготвена да преземе соодветни активности во случај на натамошно влошување на ситуацијата, порачува високиот претставник на Унијата.

Во изјавата натаму се додава дека ЕУ ја реафирмира својата поддршка за суверенитетот и територијалниот интегритет и на Азербејџан и на Ерменија.

Го повикуваме Азербејџан да ја потврди својата недвосмислена посветеност на територијалниот интегритет на Ерменија, во согласност со Декларацијата од Алмати од 1991 година. ЕУ е подготвена дополнително да ги поддржи демократски избраните власти на Ерменија во одржување на безбедноста и продолжувањето на демократските реформи во земјата. Мисијата на Европската Унија во Ерменија (ЕУМА) ќе продолжи да набљудува и да известува за безбедносната ситуација долж ерменската страна на меѓународната граница со Азербејџан, се нагласува во изјавата.

Борел посочува дека ЕУ повикува на продолжување на преговорите меѓу Ерменија и Азербејџан за сите нерешени прашања, во насока на склучувањето на мировен договор и останува целосно посветена на оддршката на таквите преговори.

Европската Унија останува целосно посветена на олеснување на дијалогот меѓу страните, особено под покровителство на претседателот на Европскиот совет со поддршка на специјалниот претставник на ЕУ, со цел да се обезбеди долготраен мир во корист на сите луѓе во регионот, додава Борел во писмената изјава.

The post Борел порача дека ЕУ ја осудува воената операција на Азербејџан во Нагорно-Карабах и очекува сеопфатен и транспарентен дијалог appeared first on Република.

Турскиот претседател Реџеп Тајип Ердоган ја изрази „безрезервната поддршка“ на Турција за Азербејџан за време на телефонскиот разговор со неговиот азербејџански колега Илхам Алиев, соопшти Дирекцијата за комуникации на турското претседателство.

За време на разговорот што се одржал синоќа, Ердоган добил информација од својот колега Алиев за моменталната состојба во врска со операцијата што ја започна Азербејџан (во Нагорно-Карабах).

Двајцата лидери разменија мислења и за голем број регионални прашања кои ги засегаат двете земји, се вели во соопштението на Дирекцијата за комуникации на турското претседателство.

The post Ердоган изрази „безрезервна поддршка“ на Турција за Азербејџан appeared first on Република.

Претседателот на Азербејџан, Илхам Алиев, во телевизиски говор, го прогласи за завршено распоредувањето на неговите војници против регионот Нагорно-Карабах, населен со Ерменци.

Азербејџан го врати својот суверенитет над областа, изјави Алиев во говорот.

Засега нема коментар од ерменска страна.

Околу три години по последната војна меѓу двете поранешни советски републики, Азербејџан вчера почна воена операција за освојување на спорниот регион во Јужен Кавказ.

Според Ерменците, повеќе од 30 луѓе загинале, а повеќе од 200 се повредени.

Двете страни денеска се согласија на прекин на огнот со посредство на Русија, по што борбите стивнаа. Азербејџанската страна се согласи на прекин на огнот под услов ерменските борци од регионот да се откажат од отпорот и да го положат оружјето.

The post Азербејџан прогласи крај на воената операција во Нагорно-Карабах appeared first on Република.

Министерството за одбрана на Азербејџан соопшти дека започна операција во регионот Нагорно-Карабах, кој е под контрола на Ерменија. Ова е регион кој долги години е предмет на спорови и конфликти.

Единаесет азербејџански полицајци и цивили загинаа во експлозија на мина и уште еден инцидент. Во главниот град на Карабах беа пријавени сирени за воздушна опасност.

Двата соседи, Азербејџан и Ерменија, војуваа два пати за Нагорно-Карабах, прво во раните 1990-ти по распадот на Советскиот Сојуз и повторно во 2020 година. Од декември, Азербејџан де факто го блокираше единствениот пат до енклавата од Ерменија, познат како коридор Лачине.

Азербејџан започна локални, но ограничени антитерористички мерки насочени кон напади врз воени цели“, изјави за Ал Џезира советникот за надворешна политика на претседателот Илхам Алиев.

Одговарајќи на извештаите за ранети најмалку 23 лица, меѓу кои и осум деца, тој рече: „Азербејџанската страна не цели на цивили на кој било начин. Имаме оружје со висока прецизност и однапред одредени воени цели“.

The post Азербејџан објави војна во Нагорно-Карабах appeared first on Република.

Премиерот на Ерменија, Никол Пашинјан предупреди дека сè додека не се потпише мировен договор и истиот не биде ратификуван од парламентите на двете земји, многу веројатна е нова војна меѓу неговата земја и Азербејџан.

Тензиите меѓу двете земји се зголемија за коридорот Лачин, кој е единствената копнена врска меѓу Нагорно-Карабах и Ерменија. На почетокот на јули, од различни причини, Азербејџан го затвори сообраќајот кон него. Блокадата создаде сериозна хуманитарна криза во енклавата, населена главно со Ерменци, каде што сега има недостиг од храна и лекови и има прекин на електричната енергија.

Не станува збор за геноцид кој се подготвува, туку за геноцид кој веќе е во тек -r изјави Пашинјан во интервју за објаснува Франс прес.

На последната рунда преговори меѓу Ерменија и Азербејџан на 15 јули во Брисел не беше постигнат напредок.

Пашинјан оценува дека Западот и Русија треба да вршат зголемен притисок врз Баку за укинување на блокадата.

Според него, преговорите меѓу двете земји ги попречува „агресивната реторика и говорот на омраза од Азербејџан кон Ерменците“. Пашинјан го обвини Баку дека води политика на етничко чистење.

Во исто време денеска, министрите за надворешни работи на Азербејџан и на Русија Џејхун Бајрамов и Сергеј Лавров телефонски разговараа за нормализацијата на односите помеѓу Баку и Ереван.

The post Пашинјан: Сè додека не се потпише мировен договор можна е нова војна помеѓу Ерменија и Азербејџан appeared first on Република.

Ерменскиот премиер Никол Пашинјан, соопшти дека се согласил да се сретне со азербејџанскиот претседател Илхам Алиев на 25 мај во Москва. Разговорите ќе се одржат со посредство на рускиот претседател Владимир Путин во услови на тензии меѓу двете кавкаски земји.

Добивме предлог од Русија да организираме трилатералеа состанок на највисоко ниво на 25 мај, со посредство на рускиот претседател. Го прифативме предлогот“, изјави Пашинјан на седницата на Владата.

Азербејџанскиот претседател се уште не го потврдил своето присуство.

Министрите за надворешни работи на Ерменија и Азербејџан утре треба да се сретнат во Москва во рамки на мировните преговори.

Земјите имаат несогласување за контрола на Нагорно-Карабах,територија во која главно живеат Ерменци и која се отцепи од Азербејџан, што доведе до војна која однесе 30.000 животи во 90-тите години.

The post Обид за смирување на напнатоста на Кавказот: Ерменскиот премиер ќе оди во Москва на средба со азербејџанскиот претседател appeared first on Република.

Бугарија преплати огромни суми пари за гас откако руската компанија „Гаспром“ ја прекина испораката, изјави поранешниот министер за енергетика Румен Овчаров.

За таа состојба, според Овцаров, одговорни се поранешната владејачка партија Продолжуваме со промената и техничката влада која беше поставена по оставката на Владата на Петков. Така Бугарија преплатила гас за повеќе од 700 милиони евра, посочи поранешниот министер.

Како што истакна, азербејџанската државна компанија „Сокар“, која има намера да ја зголеми испораката на гас во Европа преку Бугарија и  сама купува руски гас:

Во ноември 2022 година „Гаспром“ објави дека дополнително ќе испорача до една милијарда кубни метри гас. до Азербејџан.

Значи, до крајот на април веќе преплативме природен гас за над 1,4 милијарди лева (над 715 милиони евра). Тоа е само за една година. Тоа што ги преплативме првите 700 милиони лева може да и се заблагодариме на партијата „Продолжуваме со промените“, а вторите 700 милиони лева на техничките влади на Румен Радев“, рече Овчаров.

На прашањето на водителот дали гасот што пристигнува во Бугарија како азербејџански гас е всушност руски гас, само по повисока цена, поранешниот министер рече:

Прво, повторно станува збор за руски гас, а второ, го доставуваме по некои тотално нејасни рути“, коментира Овчаров.

Русија престана да испорачува гас за Бугарија на крајот на април минатата година, откако Софија одби да ги плати испораките во рубли. Владата на Кирил Петков, тогаш на власт, премина на алтернативни извори на снабдување - американски течен природен гас и зголемени испораки од Азербејџан.

Меѓутоа, бугарските социјалисти и противниците на Петков тврдеа дека земјата сè уште купува руски гас, но преку посредници и по повисока цена.

The post Бугарски политичар: Купуваме руски гас препакуван во азербејџански поскап за 700 милиони евра appeared first on Република.

Иран го осуди оружениот напад врз Амбасадата на Азербејџан во Техеран и соопшти дека го истражува нападот со „висок приоритет и чувствителност, со посебни инструкции од политичките и безбедносните власти“.

Портпаролот на Министерството за надворешни работи на Иран, Насер Канани, изјави дека најостро го осудуваат нападот врз Амбасадата на Азербејџан во Техеран, во кој едно лице загина, а две се повредени.

Тој изрази длабоко сочувство до азербејџанскиот народ и владата.

Размерите на овој напад и мотивот на напаѓачите се истражуваат со висок приоритет и чувствителност, со посебни инструкции од политичките и безбедносните власти. Резултатите од прелиминарните истраги на надлежните органи и институции покажуваат дека зад оваа акција стојат лични мотиви, изјави Канани.

Шефот на техеранската полиција Хусеин Рахими информираше дека напаѓачот бил приведен по нападот.

Напаѓач со автоматско оружје „Калашников“ го уби шефот на службата за обезбедување на Азербејџанската амбасада. Двајца работници од обезбедувањето на Амбасадата, исто така, се повредени додека го спречувале нападот, соопшти Министерството за надворешни работи на Азербејџан.

The post Нападната амбасадата на Азербејџан во Иран: Убиен шефот на обезбедувањето, двајца ранети appeared first on Република.

Бугарскиот министер за економија, Никола Стојанов, кој е во посета на Баку, соопшти дека за време на разговорите со неговиот домаќин Микаил Џабаров, ја коментирал можноста Бугарија и Азербејџан да започнат размена на електрична енергија за азербејџански гас.

Како што јави дописникот на МИА од Софија, во текот на разговорот било обрнато внимание на фактот дека Бугарија е еден од најголемите производители на електрична енергија на Балканот, додека најголемиот дел од електраните во Азербејџан работат целосно на гас. Во случај Бугарија да гарантира количества електрична енергија, Азербејџан може да се ангажира ослободениот обем гас да биде насочен кон Бугарија.

– Тоа е уште една можност за диверзификација на нашата земја, особено на прагот на зимската сезона, коментира Никола Стојанов во Баку.

Стојанов се сретна и со министерот за енергетика на Азербејџан, Парвиз Шахбазов, пред кого изјавил дека Бугарија е заинтересирана за зголемување на испораките на гас од Азербејџан по завршувањето на Јужниот гасен коридор. Шахбазов изјавил дека Бугарија е меѓу приоритетните партнери и дека во долгорочен план ќе се направи да се гарантираат дополнителни количини. Стојанов го поканил Шахбазов да ја посети Бугарија во октомври за да ги продолжат разговорите. За Бугарија е важно и да го промовира извозот на бугарски стоки, како и производи од машинство, електротехника, електроника, опрема за прехранбената индустрија.

Двајцата министри разговараа за потребата од обновување на директната линија на летови меѓу Баку и Софија, која пред пандемијата покажуваше многу добри резултати, но беше прекината по СОВИД-19. Транспортното поврзување меѓу Софија и Баку е многу важно, а присуството на азербејџанскиот пазар е важно за Бугарија.

Никола Стојанов беше примен и од министерот за одбранбена индустрија на Азербејџан, Мадат Гулиев, со кого разговараше за продлабочување на партнерството меѓу двете земји и размена на искуства во оваа област. Тие ги коментираа и можностите на одбранбениот сектор на Бугарија и соработката меѓу компаниите од двете земји.

The post Бугарија може да започне размена на електрична енергија за азербејџански гас appeared first on Република.

По преговорите со Русија, Азербејџан ги повлече своите сили од населбата Фурух во Нагорно Карабах, соопшти руското Министерство за одбрана.

По преговорите, азербејџанската страна ги повлече своите единици од областа во близина на населбата Фурух - се наведува во соопштението на руското министерство.

Руското Министерство за одбрана додава дека Москва забележала два случаи на прекршување на примирјето во Нагорно Карабах, што биле извршени од азербејџански сили, при што биле ранети четири лица, по двајца на двете страни.

Командата на рускиот мировен контингент, заедно со претставниците на двете страни ја стабилизирала ситуацијата - се додава во соопштението.

Руската војска вчера соопшти дека вооружените сили на Азербејџан влегле во зоната на одговорност на рускиот мировен контингент на територијата на Нагорно Карабах и поставиле набљудувачка станица.

https://republika.mk/vesti/svet/vo-nagorno-karabah-e-proglasena-voena-sostojba-azerbejdzanskite-sili-izvrshile-chetiri-napadi-so-bespilotni-letala/

Од 24 до 25 март, азербејџанските сили извршија четири напади со беспилотни летала од типот Барјактар ​​врз единиците на Нагорно-Карабах во близина на населбата Фурух.

The post По реакција на Русија, Азербејџан ги повлекол своите сили од Фурух во Нагорно-Карабах appeared first on Република.

Еврокомесарот за енергетика, Кадри Симсон, има намера на почетокот на февруари да разговара со Азербејџан околу можноста за зголемување на испораките на гас за Европа, пишува „Фајненшл тајмс“, цитирајќи неименувани европски претставници.

ЕУ стравува дека Русија може да ја намали испораката на гас за Европа како одговор на западните санкции во случај на ескалација на конфликтот во Украина, наведува весникот.

ЕУ планира да испрати делегација во Азербејџан со надеж дека ќе организира итно снабдување со гас - се вели во текстот.

Еден од соговорниците на изданието истакнал дека Брисел преговара и со некои азиски земји за евентуални испораки на течен природен гас.

Претходно, портпаролот на Државната нафтена компанија на Азербејџан (SOCAR) Ибрахим Ахмадов изјави дека Баку ја разгледува можноста за проширување на испораките на гас во Европа.

The post ЕУ ќе бара испорака на гас од Азербејџан appeared first on Република.