Белоруската тенисерка Арина Сабаленка од повторно е прв светски рекет. ВТА денес ја објави ажурирана верзија на ранг-листата во сингл, во која Сабаленка ја престигна Ига Швјонтек од Полска.

-Број еден... Да видиме колку ќе трае ова, напиша Сабаленка на социјалните мрежи.

Претходно, 26-годишната Белорусинка ја предводеше ВТА ранг-листата од 11 септември до 5 ноември 2023 година.

Сабаленка е лидер со 9.706 бода, Швјонтек има 9.665, трета е Коко Гауф од САД со 5.963.

The post Убавата Белорусинка се врати на врвот на ВТА листата appeared first on Република.

Третиот светски рекет, Белорусинката Арина Сабаленка, во полуфиналето во Синсинати ја победи во моментов тенисерката број 1 Ига Швјонтек од Полска со 6:3 и 6:3.

Резултатот во меѓусебните натпревари сега е 8:4 за Швјонтек.

Белорусинката по трет пат оваа сезона стигна до финале на ВТА 1000. Таа ги загуби двата претходни меча за трофејот токму од Швјонтек.

Сабаленка првпат ќе игра за титулата во Синсинати, САД. Во 2023 година загуби од Каролина Мухова во полуфиналето.

Севкупно, ова ќе биде 29-то финале за Сабаленка. Таа има 14 титули.

Ривалка на Сабаленка во финалето ќе биде победничката од мечот Џесика Пегула (САД) или Пола Бадоса (Шпанија).

The post Сабаленка прва финалистка на Мастерсот во Синсинати appeared first on Република.

Третата светска тенисерка Арина Сабаленка ќе го пропушти Вимблдон поради повреда на рамото.

Белорусинката предвреме го заврши денешниот тренинг и се повлече од Грен слемот во Лондон.

- Срцето ми е скршено што треба да кажам дека нема да можам да играм на Вимблдон оваа година. Пробав сѐ за да се подготвам, но за жал моето рамо не може да се справи. Дадов сѐ од себе на денешниот тренинг, но тимот објасни дека играњето само ќе ги влоши работите. Овој турнир ми значи многу и ветувам дека следната година ќе се вратам посилна од кога било, објави Сабаленка.

Во главната ждрепка нејзинот место ќе го пополни „среќната губитничка“ Русинката Ерика Андреева. Таа ќе игра со Емина Бекташ.

The post Сабаленка се повлече од Вимблдон appeared first on Република.

Една од најдобрите тенисерки во светот, Арина Сабаленка се чини го преболе   поранешното момче Константин Колцов кој се самоуби.Таа има нова љубо.Станува збор за Георгиос Франгулис, професионален автомоболист кој има и фирма за здрава храна.

Тој ја следи на турнирот во Мадрид и изгледаат многу вљубено.

The post Сабаленка си фати Грк appeared first on Република.

Организаторите на турнирот во Мајами и обезбедија на белоруската тенисерка Арина Сабаленка дополнителен ден за одмор, објави официјалниот сајт на ВТА.

Мечот од второто коло против Шпанката Паула Бадоса требаше да се одигра на 21 март, но сега е закажан за 22 март (16 часот по московско време).

Претходно се дозна дека момчето на Сабаленка, Константин Колцов, почина во Мајами, каде допатува за да ја бодри својата девојка.

https://republika.mk/sport/ostanati-sportovi/sabalenka-mu-raskinala-na-dechkoto-zatoa-se-frlil-od-terasa/

Сабаленка е втора носителка на турнирот, прва фаворитка е Ига Швјонтек од Полска

The post Почна турнирот во Мајами, Сабаленка одмара поради трагедијата appeared first on Република.

Белоруската тенисерка Арина Сабаленка се огласи за прв пат по смртта на Константин Колцов, со кого се запознала од 2020 година.

Колцов почина во вторникот на 42-годишна возраст.

- Смртта на Константин е незамислива трагедија, и иако веќе не бевме заедно, моето срце е скршено. Ве молиме почитувајте ја мојата приватност и приватноста на неговото семејство во овој тежок период, напиша Сабаленка на Инстаграм.

Дваесет и петгодишната тенисерка ќе учествува на турнирот во Мајами, но ќе одбие интервјуа и учество на прес-конференции.

На 19 март се дозна за смртта на поранешниот хокеар Константин Колцов, со кого Сабаленка беше во врска. Пред неговата смрт, тој исто така беше во Мајами.

Полицијата во Мајами објави дека отворила истрага за наводното самоубиство на Колцов

The post Сабаленка му раскинала на дечкото-затоа се фрлил од тераса appeared first on Република.

Данската тенисерка Каролине Вознијацка и даде поддршка на вториот рекет на светот, Белорусинката Арина Сабаленка која го загуби својот интимен партнер.

https://republika.mk/sport/ostanati-sportovi/tazhna-sudbina-po-tatkoto-sabalenka-ostana-i-bez-momcheto/

- Не можам ни да замислам низ што минува Арина сега. Ова го кажувам низ солзи. Ова е толку страшна ситуација. Многу е тешко. И се обратив и ѝ реков дека и стојам на располагање ако и треба нешто. Ја сакам Арина. Таа е прекрасна личност. Таа е секогаш толку радосна и отворена. Да се ​​види како таа поминува низ ова е болно, изјави Вознијацки за „TennisUpToDate“.

Вчера се дозна за смртта на поранешниот хокеар Константин Колцов во Мајами, со кој Сабаленка беше во врска. Полицијата во Мајами го наведе самоубиството како сомнителна причина за смртта на 42-годишниот Колцов.

Белорусинот беше во врска со Сабаленка од 2020 година. Од бракот со поранешната сопруга имаше три деца

The post Вознијацки: Не можам ни да замислам низ што минува Арина сега appeared first on Република.

Белоруската тенисерка Арина Сабаленка доживеа страшен удар, откако нејзиното момче Константин Колцов се самоуби, скокајќи од балконот на хотелот во Мајами во кој престојувал.

Сабаленка по оваа трагедија не се огласи на социјалните мрежи, а многумина се прашуваа што ќе прави по таквата трагедија и дали ќе се повлече од турнирот, но таа реши да игра, со што шокираше многумина. Со таквиот потег „тигрицата“ од Белорусија, како што ја нарекуваат двократната шампионка на Австралија опен, покажа колку е психички силна.

Сега на социјалните мрежи се појави и првото видео од Белорусинката која тренира и се подготвува за стартот на турнирот на кој е втора носителка.

https://twitter.com/TheTennisLetter/status/1770140709691007171?ref_src=twsrc%5Etfw%7Ctwcamp%5Etweetembed%7Ctwterm%5E1770140709691007171%7Ctwgr%5Eb4cdf704b5fd65bc39674906cb0fd61e13dc8cbc%7Ctwcon%5Es1_&ref_url=https%3A%2F%2Fwww.telegraf.rs%2Fsport%2Ftenis%2F3857402-prvi-snimak-sabalenke-posle-samoubistva-decka-zbog-ovoga-je-mnogi-osudjuju-a-drugi-je-brane

Многумина ја осудуваат што одлучила да игра и се однесува како ништо да не се случило и покрај тоа што изгубила важна личност во животот, додека други сметаат дека тенисот и е поважен сега од кога било и дека веројатно во него може да побара излез од оваа тешка ситуација.

https://republika.mk/sport/ostanati-sportovi/novi-detali-za-tragedijata-koja-go-potrese-svetot-otkriena-prichinata-za-smrtta-na-momcheto-na-sabalenka-mu-nemalo-spas/

Сабаленка и Колцов беа во врска од 2021 година, откако тој во 2020 година се разведе од поранешната сопруга Јулија, со која имаше три деца.

The post Прво видео од Сабаленка по самоубиството на нејзиното момче: Многу луѓе ја осудуваат, а други и се восхитуваат appeared first on Република.

Се уште не позната причината за смртта на Константин Колцов, момчето на Арина Сабаленка. 42 годишниот хокеар беше 17 години постар од тенисерката. Тој имаше три деца од претходните врски.

Ова е втора трагедија за тенисерката откако на мала возраст остана без таткото.

https://republika.mk/sport/ostanati-sportovi/na-42-godini-pochina-momcheto-na-sabalenka/

„Пред четири години го загубив татко ми, имавме сон дека пред да наполнам 25 години ќе освојам неколку Грен слемови. Кога почина, почнав премногу да размислувам за тоа, имам 24 години и немам Грен слем. Се чувствувам како да си притискав и премногу размислував за тоа. Чувствував дека морам да се справам со сето тоа. Не се откажав поради мојот и сонот на татко ми, тој не го дозволуваше тоа. Сигурно би рекол „Дали ме шегуваш? Ќе бидеш силен, како што те одгледав, како шампион. Потоа се скршив и реков дека морам да продолжам понатаму“, изјави Арина

The post Тажна судбина: По таткото, Сабаленка остана и без момчето appeared first on Република.

Белорускиот хокеар Константин Колцов ненадејно почина во 43 година од животот, додека ја придружувал својата девојка, славната тенисерка Арина Сабаленка, за време на турнир во Мајами.

Сега се појавија и неофицијални информации за причината на смртта на познатиот белоруски спортист.

Како што пишуваат белоруските медиуми, во прашање е тромбоемболија на белите дробови. Попрецизно, едно крвно згрутчување се одвоило и патувало низ крвоток, правејќи штета на органите на Колцов и за жал му немало спас. Засега нема информации дали Колцов претходно имал некои здравствени проблеми додека сите очекуваат да се огласи тенисерката чиј живот за жал го обележале трагедии, со оглед на тоа дека неодамна остана и без татко и.

The post Нови детали за трагедијата која го потресе светот: Откриена причината за смртта на момчето на Сабаленка, му немало спас appeared first on Република.

Константин Колцов, поранешен белоруски професионален хокеар и момче на тенисерката Арина Сабаленка, почина на 42-годишна возраст, објави  рускиот клуб Салават Јулаев.

Колцов играше за Белорусија на Олимписките игри во 2002 и 2010 година и помина делови од три сезони со Питсбург пингвинс од 2002 и 2006 година.

Беше силна и весела личност, сакан и почитуван од играчите, колегите и навивачите. Константин Евгениевич засекогаш влезе во историјата на нашиот клуб.Почивај во мир-објави клубот.

Не се познати причините за смртта.

The post На 42 години: Почина момчето на Сабаленка appeared first on Република.

Српскиот тенисер и светски рекет број еден, Новак Ѓоковиќ, се пласираше во третото коло на АТП турнирот во Индијан Велс (САД). Во второто коло Ѓоковиќ го победи Австралиецот Александар Вукиќ во три сета - 6:2, 5:7, 6:3.

Противник на Ѓоковиќ во третото коло ќе биде Италијанецот Лука Нарди.

Слично како Ѓоковиќ, второто коло го мина и белоруската тенисерка, Арина Сабаленка. Таа славеше победа над Американката Пејтон Стернс со резултат 6:7 (2:7), 6:2, 7:6 (8:6). Мечот траеше 2 часа и 55 минути.

Во третото коло Сабаленка, која е втора на светската ранг-листа, ќе се сретне со Британката Ема Радукану.

The post Ѓоковиќ и Сабаленка изгубија по сет, но се пласираа во третото коло во Индијан Велс appeared first on Република.

Кинеската тенисерка Чинвен Женг ќе игра во финалето на Австралија опен.

Во второто полуфинале на Грен слемот во Мелбурн, Женг попладнево ја победи Украината Дајана Јастремска со 6:4 и 6:4. Украинката настапите на Австралија опен ги започна во квалификациите.

Противничка на Женг во големото финалето ќе биде Арина Сабаленка од Белорусија.

Сабаленка го брани трофејот освоен минатата година.

The post Женг против Сабаленка во финалето на женското финале на АО appeared first on Република.

Белоруската тенисерка Арина Сабаленка, откако ја совлада Италијанката Лусија Бронзети во мечот од второто коло на турнирот во Бризбејн, проговори за својата цел на Австралија опен 2024.

- Многу сум задоволна од мојата игра. Се надевам дека ќе можам да го задржам истото ниво на секој натпревар, па дури и да се претставам уште подобро. Мило ми е што се вратив. Имам многу убави спомени од Австралија опен во 2023 година и сакам да дадам се од себе за да го повторам минатогодишниот резултат, изјави Сабаленка.

Таа го освои Австралија опен во 2023 година, победувајќи ја Елена Рибакина од Казахстан во финалето.

Во третото коло на турнирот во Бризбејн, кој се игра од 31 декември до 7 јануари, Белорусинката ќе се сретне со победничката од мечот Даниел Колинс (САД) - Жу Лин (Кина).

The post Сабаленка – убавата Белорусинка, сака да го освои Австралија Опен appeared first on Република.

На Грен слемот во Лондон денес на распоредот се двата полуфинални натпревара во женска конкуренција.

Во првото полуфинале закажано во 14:30 часот на централниот терен на Вимблдон ќе истрчаат Елина Свитолина од Украина и Маркета Вондрушова од Чешка.

По овој меч ќе се игра второто полуфинале, во него се пласираа Онс Жабер од Тунис и Арина Сабаленка од Белорусија.

Машките полуфиналиња ќе се играат утре. Двојките се:

Карлос Алкараз (Шпанија) – Данил Медведев (Русија)
Јаник Синер (Италија) – Новак Ѓоковиќ (Србија)

The post Денеска се женските полуфиналиња на Вимблдон: Сабаленка главен фаворит appeared first on Република.

Тенисерката од Белорусија, Арина Сабаленка соопшти дека добила британска виза и дека ќе игра на Вимблдон.

Имам виза. Ју-Ху! Можете да бидете среќни. Одам на Вимблдон и тоа е одлична вест. Со нетрпение очекувам да одам во Лондон. Навистина уживам да играм таму. Уживам во атмосферата. Минатата година навистина го пропуштив Вимблдон и, да, едвај чекам да се вратам и да го покажам мојот најдобар тенис.

Сабаленка која во моментов е на второто место на ВТА ранг-листата, вчера загуби од Мухова (Чешка) во полуфиналето на Грен слемот Ролан Гарос.

Вимблдон годинава ќе се игра од 3 до 16 јули.

The post Сабаленка испадна од Ролан Гарос, но ќе игра на Вимблдон appeared first on Република.

Украинката Марта Костјук беше исвиркана во Париз откако одби да се ракува со Белорусинката Арина Сабаленка по поразот во првото коло на Ролан Гарос со 6:3, 6:2.

Двете девојки ја немаа традиционалната фотографија од фрлање паричка пред натпреварот. Кога заврши дуелот, Костјук само ја подаде раката на судијата и се упати кон клупата, што предизвика негодување од трибините.

Украинката веќе одби да се ракува со тенисерки од Русија на неколку турнири, а сега актуелна беше и Сабаленка која доаѓа од Белорусија. Русија и Белорусија се во коалиција во војната што се води на тлото на Украина.

„Мислам дека луѓето треба да се срамат од себе што ми свират. Сакам да видам како ќе реагираат за десет години кога ќе се сетат на ова и кога ќе заврши војната. Сигурно нема да им биде удобно“, изјави Костјук.

Украинката ја навела и причината зошто не и подала рака на Сабаенка.

„Таа никогаш лично не кажа дека е против агресија врз Украина. „Таа само употреби општи фрази за тоа како сите се против војната“, рече Костјук.

https://republika.mk/sport/ostanati-sportovi/ukrainska-teniserka-odbi-da-se-pozdravi-so-belorusinka-publikata-i-svireshe/

The post Украинската тенисерка за свирежите на париската публика: Срам да им е appeared first on Република.

Победничката на Австралија Опен и втора тенисерка во светот, 24-годишната Белорусинка Арина Сабаленка, го повтори своето чувство дека дел од тениските кругови ја избегнуваат поради руската инвазија врз Украина, иако таа отворено се противи на војната.

„Кога би можела би ја запрела војната, но за жал тоа не е во моите раце“, изјави Сабаленка на маргините на Порше Гран – при турнирот во Штутгарт.

Белорусинката рече дека некои луѓе поинаку се однесуваат кон неа и оти почувствувала и нескриена омраза од почетокот на руската инвазија, додавајќи оти во меѓувреме научила да се носи со тоа.

„Сфатив дека не сум јас таа која направила нешто лошо во Украина. Постојат луѓе кои не ме сакаат бидејќи сум родена во Белорусија. Тоа е нивен избор. Јас тоа не можам да го контролирам. Тоа чувство, дека некој ве мрази без причина, не е баш најдобро. Но, така е, како што е“, рече Сабаленка

The post Сабаленка добро тргна на турнирот во Штутгарт, да може би ја запрела и војната во Украина appeared first on Република.