Јужнокорејскиот актер Сонг Џае-лим, познат по улогата во хит-серијата „Месечината го прегрнува сонцето“ (Moon Embracing the Sun), почина на 39-годишна возраст.

Неговото тело беше пронајдено на 7 ноември во стан во Сеул, соопшти полицијата во Сеонгдонг. Пријател кој дошол на договорениот ручек со актерот го открил телото околу 12:30 часот, а полицијата на местото на настанот, покрај актерот, пронашла и писмо од две страни.

Официјални лица потврдија дека нема индиции за сомнителни околности, додека причината за смртта сè уште се истражува.

The post Почина познат јужнокорејски актер на 39-годишна возраст appeared first on Република.

На американскиот глумец Џејмс ван дер Бик, му бил дијагностициран рак на дебелото црево, пишува „Пипл“ (People).

Имам рак на дебелото црево. Со оваа дијагноза се справувам лично и правам сѐ за да оздравам, со поддршка од моето неверојатно семејство. Се чувствувам добро и имам причина да бидам оптимист, изјави 47-годишниот американски глумец.

 

View this post on Instagram

 

A post shared by James Van Der Beek (@vanderjames)

Глумецот го минува слободното време со неговата сопруга Кимберли ван дер Бик и нивните шест деца: Оливија, Џошуа, Анабел, Емилија, Гвендолин и Џеремаја.

И покрај дијагнозата, Ван дер Бик неодамна продолжи да работи. Се појави во една епизода на ТВ-серијата „Вокер“, а наскоро треба да излезе и филмот „На клупата: Кју-Би и јас“ (Sidelined: The QB and Me), каде што тој, исто така, глуми. Во декември, тој треба ќе се појави и во специјална емисија за подигање на свеста за ракот на простата, тестисите и дебелото црево.

Ван дер Бик е можеби најпознат по неговата улога како Досон Лири во тинејџерската ТВ-серија „Светот на Досон“ (Dawson's Creek) (1998 - 2003), којашто му донесе светска слава.

The post „Рак е“: Американскиот актер пред тешка борба appeared first on Република.

Холивудската актерска легенда Доналд Сатерленд после долго боледување денеска на 88 години почина во неговиот дом во Мајами.

Веста за смртта на „Твитер“ ја објави неговиот син, глумецот Кифер Сатерленд.

Лично мислам дека е еден од најважните актери во историјата на филмот. Тој никогаш не се плашеше од улога, добра, лоша или грда. Тој го сакаше тоа што го правеше и го правеше она што го сакаше, и никогаш не може да се бара повеќе од тоа. Имаше добар живот, напиша 57-годишниот Кифер.

With a heavy heart, I tell you that my father, Donald Sutherland, has passed away. I personally think one of the most important actors in the history of film. Never daunted by a role, good, bad or ugly. He loved what he did and did what he loved, and one can never ask for more… pic.twitter.com/3EdJB03KKT

— Kiefer Sutherland (@RealKiefer) June 20, 2024

The post Почина холивудската легенда Доналд Сатерленд appeared first on Република.

Од 21 до 29 мај во Лобња, Москва, се одржа  28-от меѓународени театарски фестивал „Руска класика” на кој на македонскиот актер Младен Крстевски му беше врачено признанието за бравурозната актерска игра „Мајстор на сцената”. Крстевски оваа награда ја доби за улогата на Раскажувачот и Лошиот Дедо во претставата „Добрите – зли, злите – добри” во изведба на младинско-детскиот театар Крин.

Tекстот е на младите „драматурзи“ – ученици: Даниел Крстески, Андреј Недевски и Младен Крстевски. Претставата не пренесува во светот на приказните каде што доброто секогаш победува. Еден од ликовите во истата е ликот на Добрата Јана, која со својот херој, Розовиот пантер поаѓаат да ја ослободат принцезата од рацете на лошиот дедо.

The post Награда за актерот Младен Крстевски на фестивал во Москва appeared first on Република.

Актерот Кол Брингс Пленти (27) беше пронајден мртов само два дена откако беше обвинет за семејно насилство.

Не бил виден откако полицијата била повикана на имотот каде што една жена врескала за помош. Потоа по него е распишана потерница.

Бидејќи никој не можел да го лоцира, тој бил пријавен како исчезнат, пишува Sky News.

Во меѓувреме бил пронајден неговиот напуштен автомобил, а неговото тело набрзо било откриено во шумата.

The post 27-годишниот актер Кол Брингс Пленти пронајден мртов во шума, два дена откако беше обвинет за семејно насилство appeared first on Република.

На 77-годишна возраст почина доајенот на Турскиот театар во Скопје Мустафа Јашар.

Како што објави НУ Турски театар - Скопје, Јашар беше чинарот на нашиот театар, нашиот сакан и вреднуван колега.

Изразуваме длабоко сочувство до семејство и неговите најблиски, објави Турскиот театар на Фејсбук.

Мустафа Јашар е роден на 19 август 1946 година во Куманово. Дипломирал на Филолошкиот факултет во Скопје, а од 1971 година работел како актер во НУ Турскиот театар - Скопје. Учествувал во многу филмски и телевизиски проекти и одиграл повеќе од 100 улоги во Турскиот театар.

Претставите како „Алиш“ 1974, „Дервиш и смрт“ 1976, „Лудата Емине“ 1984, „Јунус Емре“ 1991, „Хамлет“ 1995, „Азизнаме“ 2005 , „Куќа на граница“ се само неколку од неговите познати изиграни претстави, наведува Турскиот театар.

Тој бил добитник на многу награди, меѓу кои награда за најдобра машка улога на Интернационалниот фестивал на античка драма „Стоби“, награда за најдобар актер на МТФ „Војдан Чернодрински“ и други.

The post Почина актерот Мустафа Јашар, доајен на Турскиот театар во Скопје appeared first on Република.

Популарен актер и евангелистички пастор вчера ја објавија својата кандидатура за претседателските избори во Венецуела на 28 јули, пренесува Бета.

Двајцата изјавија дека се противници на владата, иако има сомнежи дека му се сојузници на актуелниот претседател Николас Мадуро.

Уште осум кандидати, кои се дефинираат за опозициски, се пријавија на претседателските избори, но традиционалната опозиција смета дека тие се обидуваат да го нарушат единството и да го поделат електоратот за да ја гарантираат победата на Мадуро.

Актерот Бенјамин Раусео (63), кој е поддржан од неговата партија Национална демократска конфедерација (ЦНД), веќе беше кандидат во 2006 година. На состанокот на партијата, која го прогласи за кандидат, Раусео оцени дека е способен да ги обедини граѓаните на Венецуела.

Пасторот Хавиер Бертучи, кој во моментов е пратеник, веќе беше кандидат во 2018 година на изборите на кои победи Мадуро.

Изборите во 2018 година беа бојкотирани од опозицијата, сметајќи ги за „лажни“, а не беа признати од САД и од Европската Унија, како и од други земји.

Бертучи (54) ја претстави својата „програма насочена кон обединување, толеранција, владеење и национален мир“.

Номинациите се затвораат денеска кога Мадуро, кој бара трет мандат, се очекува да ја поднесе својата кандидатура во име на владејачката Обединета социјалистичка партија на Венецуела.

The post Претседателски избори во Венецуела: Актер и пастор се меѓу противкандидатите на Мадуро appeared first on Република.

Актерот и борач Џон Сина се појави гол на големата сцена на театарот Долби и го објави добитникот на Оскар за најдобар костим.

Наградата му припадна на филмот „Кутрите суштества“, кој претходно го доби Оскар за најдобра шминка и фризура, како и за сценографија.

Водителот Џими Кимел, пред пристигнувањето на Сина, се присети на моментот во 1974 година кога, додека водителот Дејвид Нивен на сцената ја претставуваше Елизабет Тејлор, човек по име Оберт Опал, американски фотограф и сопственик на уметничка галерија, истрча преку сцената. Тогаш се појави Сина, кој малку по малку излезе целосно гол на сцената само покривајќи ги гениталиите.

John Cena presenting Best Costume Design at the #Oscars pic.twitter.com/paZlj4q4MX

— Film Updates (@FilmUpdates) March 11, 2024

The post Актерот и борач Џон Сина гол го најави Оскарот за најдобра костимографија appeared first on Република.

Колумбискиот актер кој глумеше во продукциите на Нетфликс и Епл ТВ е пронајден мртов, со врзани раце и нозе.

Маченото тело на Кевин Андрес Муњоз Товар беше пронајдено во понеделникот во градот Тулу со неколку рани од мачета, објавија колумбиските медиуми.

Полицијата соопшти дека како осомничен за убиството е уапсен 19-годишен тинејџер, чие име не е познато.

Началникот на полицијата за локалните медиуми изјави:

Полициската управа известува дека благодарение на навремените информации од граѓаните, 19 -годишникот е уапсен, кој наводно учествувал во убиството на познатиот колумбиски филмски актер. Субјектите кои ги нанеле повредите потоа избегале од местото, но благодарение на информациите од заедницата, еден од нив бил фатен.

The post Млад колумбиски актер пронајден мртов, со врзани раце и нозе – го мачеле до смрт! appeared first on Република.

Ѕвездата на серијата „Еуфорија“, младиот Ангус Клауд, почина пред два месеци на 25-годишна возраст. Тогаш неговото семејство излезе со официјално соопштение, но причината за смртта досега не беше позната.

Два месеци по неговата смрт беше објавена официјалната причина. Ангус почина од акутна интоксикација, по случајно предозирање. Ова за споменатите медиуми го потврдил судскиот совет на округот Аламеда, пренесува „Пипл“.

Според понатамошните извештаи, актерот имал кокаин, метамфетамин и бензодиазепини во крвта (лекови за депресија кои често се користат за лекување на анксиозни нарушувања, несоница и слично).

Да потсетиме, Ангус почина на 31 јули годинава во својот дом во Калифорнија, соопшти тогаш неговото семејство.Во 2013 година Агнус Клауд доживеа тешка несреќа кога падна во огромна дупка и остана заробен 12 часа. Тогаш животот му бил во опасност, се здобил со сериозни повреди на черепот, но успеал да се спаси.

Ангус глумеше во серијата „Еуфорија“, во филмовите „The Lynn“, „Северен Холивуд“, а исто така се појави и во музички спотови на различни уметници.

The post Позната причината за смртта на младиот актер: Објавени нови детали од трагедијата appeared first on Република.

Актерот на Македонскиот народен театар (МНТ) Јордан Симонов е лауреат на 31. Меѓународен фестивал на камерен театар „Ристо Шишков“ кој се одржува во Струмица.

Жири-комисијата во состав: Дарја Ризова, Мими Таневска и Иван Додовски, едногласно ја доделија престижната награда за највисоко актерско остварување „Ристо Шишков“ на Симонов за улогата на Павле во претставата „Лагата“ од Флоријан Зелер, во режија на Бесфорт Идризи, а во продукција на Македонскиот народен театар од Скопје.

Како што истакна жири-комисијата, Јордан Симонов, со внимателно избрани актерски средства, успева да оствари моќна и осмислена улога. Тој покажува особено чувство за партнерска игра и вешто го води ликот, кој во себе крие тајни, од привидна наивност до длабока перфидност. Со својата способност за трансформација, Јордан Симонов доминира на сцената, субверзивно поигрувајќи си со очекувањата на публиката, на работ меѓу комичното и неверојатното, меѓу лагата и вистината.

https://republika.mk/vesti/kultura/nie-ja-ziveeme-lagata/

The post Актерот на МНТ Јордан Симонов е лауреат на Фестивалот на камерен театар „Ристо Шишков“ appeared first on Република.

Жена која ја обожава серијата „Stranger Things“ стана жртва на измама во која започнала онлајн романса, се разделила од сопругот и испратила пари во вредност од 10.000 долари на некој што се претставува како актер од серијата.

Мекејла е филмаџија и самохрана мајка од Кентаки, која вели дека имала „многу токсични“ односи со нејзиниот сопруг, па затоа се приклучила на форумот за филмаџии за да запознае нови луѓе, според видеото на каналот „Јутјуб“ „Катфишед“.

„Неверојатно сум возбудена што можам да се поврзам со колеги филмаџии кои ја делат истата страст за уметноста на снимање филмови. Моментално барам можност за креативна соработка и верувам дека заедно можеме да создадеме нешто извонредно“, напиша таа на форумот.

Таа доби порака од корисник по име DK.MH кој сакал да разговара со неа и тврдел дека е познатиот актер Дејкре Монтгомери кој го глумеше Били Харгроув во серијата „Stranger Things“. Инаку, „D K M H“ е името на збирката поезија на Монтгомери.

„Ептен кликнавме, но секако бев сомничава додека не почна да прави работи што ме натераа да му верувам“, изјави Мекејла.

Иако никогаш не се запознале лично, Мекејла вели дека „Монтгомери“ секогаш се жалел на неговите љубовни проблеми. Некои од нив се дека неговата девојка Лив Полок ги контролирала сите негови банкарски сметки и дека имал финансиски проблеми, што на крајот довело до тоа Мекејла да му испрати на „Монтгомери“ 10.000 долари.

„Тоа е тема со која се зближивме, со месеци ми велеше дека партнерката го контролира и дека не ги прави работите што сака, дека таа е секогаш тука и се грижи за него“, вели Мекејла, која се поистоветувала со овој човек. .

Сочувствував со него затоа што мојот поранешен сопруг беше таков“, рече таа.

По една година допишување, „Монтгомери“ ја праша Мекејла дали ќе му биде девојка, иако никогаш лично не се запознале.Тој и кажал дека врската ќе биде тајна бидејќи се уште е во врска со Полок.

Во еден момент, измамникот и поставил ултиматум на Мекеј да избере меѓу него и нејзиниот сопруг.

„Слушај, ова не функционира. Не ми дозволуваш да бидам јас, не сум слободна, мора да си одиш“, му рекла Мекејла на својот сопруг тогаш, а откако го оставила, измамникот побарал од неа нешто друго.

„Можеби ми треба мала помош со парите на мојата кралица...Лив ги контролира сите мои сметки и јас немам пристап до нив“, напиша „Монтгомери“, а Мекејла му праќаше картички за подарок, плати 100 и 200 долари преку апликации и криптовалути, што е тактика што ја користат измамниците за да го отежнат следењето на парите. Збирот на овие суми со текот на времето достигнал и до 10.000 долари.

Откако ја разгледале приказната на МекКејла, истражувачите откриле дека за жал се работи за личност која е „романтичен измамник“ Тие воспоставуваат врска со некого за да ги направат ранливи и си играат со чувствата на другите луѓе за да добијат финансиска корист од таквата врска.
Мекејла сега не сака другите луѓе да станат жртви на ваков вид на измама.

The post Поради мажот со кој се допишувала, го оставила сопругот и останала без пари: „Ме излажа дека е познат актер“ appeared first on Република.

Актерот Ангус Клауд, најпознат по улогата на дилерот на дрога Феско „Фез“ О'Нил во тинејџерската серија „Еуфорија“, почина  вчера во својата семејна куќа во Оукленд, Калифорнија, САД, на 25-годишна возраст, потврди семејството.

Со најтешко срце мораме да се збогуваме со неверојатен човек денеска. Единствената утеха ни е што знаеме дека Ангус сега е повторно со својот татко, кој му беше најдобар пријател. Се надеваме дека неговото заминување ќе биде потсетник за другите дека тие не се сами и не треба сами да се борат со ова во себе, се вели во соопштението на семејството.

Причината за смртта на младиот и надежен глумец не е наведена, но американските медиуми пишуваат дека станува збор за предозирање. Облак го погребал својот татко минатата недела, и бил во „битка со менталното здравје“ и со самоубиствени мисли, според негови блиски.

Со неверојатна тага дознавме за смртта на Ангус Облак. Тој беше неизмерно талентиран и сакан дел од семејството на 'Ејч-би-о' и 'Еуфорија'. Упатуваме најдлабоко сочувство до неговите пријатели и семејството во овој тежок период, се вели во известувањето на „Ејч-би-о“.

По првото емитување во јуни 2019 година, „Еуфорија“ (Euphoria) брзо стана хит. Главниот лик, кого го глуми Зендаја, е 17-годишничка која се бори со злоупотреба на дрога, зависноста и сите придружни невољи околу сѐ тоа.

The post Актерот Ангус Клауд пронајден мртов на 25 години appeared first on Република.

Во тешка сообраќајна несреќа во американската сојузна држава Вермонт загина Трит Вилијамс (71), холивудски актер со повеќе од 120 улоги.

Според полицискиот извештај, Вилијамс во понеделникот околу 17 часот свртел со својот мотор на патот кога бил удрен од автомобил и усмртен. Околностите на несреќата сѐ уште се истражуваат.

Уништен сум. Тој беше прекрасен човек и фантастичен актер. Режисерите го обожаваа. Беше срцето на Холивуд од 1970-тите. Годинава договоривме многу работи и тој со нетрпение очекуваше да работи, изјави за „Пипл“ неговиот агент Бери Мекфирсон.

Вилијамс е роден во 1951 година во Конектикат. Тој се проби во Холивуд во 70-тите, а славата ја стекна со улогата во познатиот мјузикл на Форман „Коса“ во 1979 година, заедно со Џон Севиџ и Беверли Д’Анџело.

https://youtu.be/fO7D4Fh7CvE

Тој беше номиниран за Златен глобус за неговата улога во „Коса“.

Во следните децении тој беше препознатливо лице во бројни филмови. Тој глумеше во „1941“ на Спилберг и во „Беше еднаш во Америка“ од Серџо Леоне, а во последната фаза од кариерата се фокусираше на телевизија, каде беше познат по улогата во серијата „Евервуд“ и настапувањето во божиќните филмови од продукцијата „Халмарк“.

Вилијамс беше оженет и татко на две деца.

The post Во тешка несреќа замина актерот Трит Вилијамс appeared first on Република.

Во белградската населба Врачар се случила сообраќајка помеѓу моторцикл „Веспа“ управуван од актерот Сергеј Трифуновиќ и автомобил.

Во несреќата нема повредени, но причинета е материјална штета.

Трифуновиќ не одговара за сообраќајката, но било утврдено дека нема А категорија, како и дека бил позитивен на кокаин и канабис.

Потоа поради дрога бил приведен во времетраење од 12 часа.

Сообраќајниот инцидент се случил на 28.5. околу 19.40 часот.

The post Уапсен актерот Сергеј Трифуновиќ, под дејство на кокаин управувал мотор без дозвола appeared first on Република.

На 56-годишна возраст почина актерот Трајче Ѓоргиев, член на ансамблот на Македонскиот народен театар (МНТ), соопшти националниот театар.

Ѓоргиев дипломира на Факултетот за драмски уметности, Скопје, на отсекот за актерска игра, во класата на проф. Љубиша Георгиевски, во 1991 г. Дел е од МНТ повеќе од триесет години – започнувајќи од првата улога како Акаст во „Мизантроп“ (1989), преку вработувањето во 1998 г. до големиот број на оддиграни улоги. Во 2005 година ја режира и игра во петте пантомими за една глумечка претстава „Човекот” од Марсел Марсо и со неа се стекнува со титулата магистер по пантомима, на Академијата за театар и филм „НАТФИЗ” во Софија, Бугарија. Дел е и од „Театар за пантомима“, летна школа на Кенјон колеџ, Гамбир, Охајо, 2008 г., а посетува и едногодишни специјалистички студии по пантомима во класата на проф. д-р Александар Илиев, на „НАТФИЗ“, 2005 – 2006 г.

Основач е и главен двигател на ПАНФИЗ, меѓународниот фестивал за пантомима и физички театар, фестивал кој 16 години опстојува, ја анимира публиката, го поддржува и оддржува овој жанр во театарската уметност и ги донесе кај нас некои од најдобрите светски пантомимичари

Тој  ќе остане нашиот Густав во „Надвор од умот“ (1991), Пандар во „Троил и Кресида“ (1993), Ивковиќ во „Народен пратеник“ (1993), Чинели во „Јануари“ (1994), Спасе во „МКС“ (1995), Етјен во „Кројач за дами“ (1996), Сапорта Робесвјер во „Мисија“ (1998), Благоја Ќелавиот во „Немушт јазик“ (2000), Виргински во „Демони“ (2001), Силјан во „Писание“ (2002), Доктор Финаш во „Болва в уво“ (2007), Тетин Јаков во „Госпоѓа министерка“ (2009), Бу змијата во „Самовилско јајце“ (2011), Комесарот во „Подемот и падот на кабарето“ (2013), Фридрих Ниче во „Аферата Елсињор“ (2014), Степан Богданович Лиходеев во „Мајсторот и Маргарита“ (2015), Јанушек во „Прекината одисеја“ (2016), Бил Остин во „МАММА МIА!“ (2017) и Докторот во „Бесачи“ (2019), објави МНТ.

Ѓоргиев беше театарски и видео режисер од 1991 година, претежно како предводник на театарското студио во Културниот центар во Кочани. Како режисер се потпишува на претстави работени кај нас, но и во Србија и Словенија, меѓу кои: „Кралот Иби“ (1991), „Том Соер“ (1992), „Јане Задрогаз“ (1994 и 1999), „Емигранти“ (1995), „Настојник“ (1996), „Убавицата и ѕверот“ и „Домот на Бернарда Алба“ (1998 и 2009), „Горски музиканти“ (2003), „Улица“ (2004), „Раце за пријателство“ и „Зимска бајка“ (2005), „Ромео и Џулиета“ (2006), „Без зборови“ (2011 – 2012), „Љубов“ (2012) и „Омнибус плус“ (2013). Во МНТ, во 2004 година ја режира претставата „Домарот“, а потоа и „Вишновата градина“ во 2010 и последната „Најкратки драми на светот“ во 2019 година.

За својата долгогодишна и исполнета кариера добитник е на Гран при за најдобра претстава и најдобра режија на ДАФ, Кочани за претставата „Кралот Иби“ во 1991 г., Гран при на ДАФ, Кочани, за претставите „Настојник“ во 1996 г., „Домот на Бернарда Алба“ во 1998 г., „Јане Задрогаз“ во 1999 г. и „Најкратки драми на светот“ во 2003 г. Во 2006 година е добитник на две големи награди за претставата „Човекот“ – награда за најдобра сценска игра на фестивалот „Златен рис“ во Бања Лука и наградата на директорите на фестивалот на Меѓународниот фестивал во Габрово, Бугарија.

Ѓоргиев ќе остане запаметен и по надсинхонизациите и неговите улоги во серии, филмови и радиодрами: „Бумбари“ (1989), „Еурека“ (1991 – 1994), „Совенски Орфеј“ (1992), „Прекалени“ (1994), „Во светот на бајките“ (1997), „Македонски народни приказни“ (1996 – 1997, 2010), „Погрешно време“ (2000 – 2001), „Чекор пред времето“ (2003), „Големата вода“ (2004), „Обични луѓе“ (2005), „Нави“ (2006) „Турни ме да кинисам“ (2011) „Тврдокорни“ (2013), „Инсајдер“ (2017) и други.

The post Почина актерот на МНТ Трајче Ѓоргиев appeared first on Република.

Легендарниот актер Серхио Калдерон почина на 77 годишна возраст во Лос Анѓелес. Во текот на шест децении во филмската индустрија, глумеше во преку 40 холивудски филмови, а меѓу нив најпопуларни се „Пиратите од Кариби“ и „Луѓе во црно“, а покрај сите големи актерски имиња и режосери со кои имал можност да соработува во својата богата кариера, се издвојуваат Џони Деп и Серџо Леоне.

Како капетанот Веланова во „Пиратите од Кариби“, ако и во поголемиот дел од неговите улоги беше негативец, но тој всушност уживаше во нив. Беше познат по својот типичен мексикански карактер и хумор, а во една прилика за „Лос Анѓелес тајмс“ изјави дека најмногу сака да игра негативци, бидејќи луѓето навистина го мразат.

За мене тоа е најголем комплимент, тоа што гледачот сум успеал да го убедам дека тоа што го гледа е ставно и дека кај него предизвикувам еквивалентна емоција.

#RIP Sergio Calderon 🕊️
He played Capitan Villanueva in POTC At World's End 🏴‍☠️
Here's a photo on set with #JohnnyDepp https://t.co/M7HBKY3Nmu pic.twitter.com/TRiDePZ701

— Savvy? 🏴‍☠️ (@Savvy_CapJackie) June 1, 2023

The post Почина легендарниот актер Серхио Калдерон, ѕвездата на „Пиратите од Кариби“ и „Луѓе во црно“ appeared first on Република.

Американскиот актер Том Сајзмор, познат по улогите во „Спасување на војникот Рајан“ и „Блек Хок“, почина на 61-годишна возраст, потврди неговиот менаџер.

Сајзмор се прослави во 1990-тите, играјќи главно споредни улоги како тешки момци, војници, полицајци или криминалци и имаше забележителни улоги во голем број филмови, вклучувајќи ги Перл Харбор и Жештината, пренесуав Би-би-си.

Меѓутоа, Сајзмор имал и сериозен проблем со дрогата, тој е осуден на затвор за семејно насилство.

Медиумите објавија дека тој на 18 февруари доживеал мозочно крварење предизвикано од аневризма и оттогаш бил во кома.

Неговиот менаџер Чарлс Лаго изјави за новинарите дека Сајзмор починал во петокот во болница во Бурбенк, Калифорнија, додека неговиот брат Пол и синовите близнаци Џејден и Џегер (17) биле покрај него.

The post Почина американскиот актер Том Сајзмор appeared first on Република.

Кормак Рот, музичар и син на актерот Тим ​​Рот, починал на 16 октомври од рак, објави неговото семејство во понеделникот.

Имаше само 25 години. Имаше дива  енергија, а неговиот дух беше исполнет со светлина и добрина. Колку и да беше див, Кормак беше и олицетворение на добрината. Нежна душа која донесе толку многу среќа и надеж за сите околу неа. Тагата доаѓа во бранови, како и солзите и смеата, кога се сеќаваме на тоа прекрасно момче низ 25 години и 10 месеци што го познававме. Непослушно, радосно, диво и прекрасно дете. Го сакаме. Ќе го носиме со нас каде и да одиме - објави семејството, пренесува Variety.

Кормак дипломирал на колеџот Бенингтон и бил талентиран гитарист, композитор и продуцент. На својот Инстаграм во ноември 2021 година, тој објави дека му бил дијагностициран рак од трет степен.

The post Почина Кормак Рот, 25-годишниот син на актерот Тим Рот appeared first on Република.

Шкотскиот актер Роби Колтрејн, кој го играше омилениот лик Хагрид во екранизацијата на „Хари Потер“, почина на 73-годишна возраст, јавува „Би-би-си“.

Во соопштението, неговата агентка Белинда Рајт потврди дека актерот починал во болница во близина на Фалкирк, Шкотска и замоли да се почитува приватноста на неговото семејство.

Со улогата на чувар на клучевите и поседите во Хогвортс, тој стана популарен ширум светот и заработи милиони. Тој, исто така, се појави во детективската драма на ИТВ „Cracker“ и во филмовите за Џејмс Бонд „Златно око“и „Светот не е доволен“.

Многу обожаватели на Хари Потер беа шокирани кога актерот минатата година се појави во инвалидска количка на телевизиски специјален јубилеј по повод 20-годишнината.

The post Почина Роби Колтрејн, најпознат по улогата во „Хари Потер“ appeared first on Република.