Со жрепка извршена во седиштето на УЕФА во Нион е одреден составот на групите за воведното квалификациско коло во Лигата на шампионките во кое втора сезона по ред ќе учествува македонскиот првак ЖФК Љуботен.

Жрепката одлучи македонскиот првак да биде дел од групата 3 заедно со Мура од Словенија, кипарски Аполон и грузиски Самегрело.

Квалификацискиот турнир ќе се игра во Словенија, а противник на Љуботен во полуфиналето ќе биде Аполон.

Полуфиналните натпревари ќе се играат на 6 септември, додека дуелите за првото и третото место на 9 септември.

Пласман во втората рунда ќе обезбедат првопласираните екипи од 15 квалификациски групи.

Второто квалификациско коло, кое ќе се игра според системот дома – гости, е на програмата на 10/11 и 18/19 октомври, а победниците ќе обезбедат пласман во групната фаза која стартува на средината на ноември.

The post Македонскиoт шампион Љуботен ги дозна противниците во Лигата на шампионките appeared first on Република.

Откако на драматичен начин ја освоија титулата во женското фудбалско првенство, фудбалерките на ЖФк Љуботен, денеска ќе го добијат и драгоцениот шампионски пехар.

Тетовскиот клуб ја заслужи шампионската слава со триумфот на гости кај Истатов во Струмица со 3:1, со што ја заврши сезоната се еден бод предност пред втората Тиверија и два пред третопласираната Каменица Саса, а денеска ќе бидат и официјално наградени за успешната сезона со пехарот што ФФМ го доделува на шампионките на Македонија.

По тој повод во Тетово ќе се одигра ревијален натпревар межу ЖФК Љуботен и ЖФК Деспина, а по предавањето на трофејот ќе следува и прослава на која се поканети сите поддржувачи на клубот, како и сите вистински љубители на фудбалот.

The post Тетово ја слави титулата: Фудбалерките на Љуботен ќе го добијат шампионскиот пехар од ФФМ appeared first on Република.

Женскиот фудбалски клуб „Љуботен“ од Тетово стана првак во оваа натпреварувачка сезона 2021/2022 со победата во последното коло од Првата женска фудбалска лига. Денеска во последното коло Љуботенки ја совладаа екипата на ЖФЦ СЦ Истатов на нивен терен во Дојран со 3-1.

-Сите три голови ги постигна Присцила Едите Силва во првото полувреме, во 9-та, 26 и 31-минута. Единствениот гол за домаќинките го постигна Петрушевска во 84 минута, информираа од ЖФК Љуботен.

ЖФК Љуботен стана шампион со вкупно 55 бодови. Во 22-те кола овие 55 бодови се обезбедени со 17 победи и четири нерешени дуели и само еден пораз. 

The post Женскиот фудбалски клуб „Љуботен“ Тетово стана првак во македонската женска фудбалска лига appeared first on Република.