Камиони со струмички таблички преполни со шверц на брендирана роба и скапи делови за коли секоја среда и петок се истоваарат на пазарот во Шутка, пред камерата на Алфа открива поранешниот полицаец Никола Бучков.

Тој е еден од групата полицајци што во ноември 2020 стопираа сомнителен камион со струмички таблички за којшто не постоле документи од царина, но како што вели, под притисок на претпоставените, шоферот не бил задржан во станица и пуштен да си тера со камионот.

Бучков тврди дека во моментот кога го проверувале камионот ги провериле и регистерските таблички и тие се воделе на фирма регистрирана на кумот на Вице Заев.

Оваа изјава е дадена пред неколку месеци, но поради активна истрага на МВР, дури сега ја објавуваме. МВР веќе спроведе акција во која според последните информации уапсени се 35 цариници од Струмица и Гевгелија. Пред четири години во Шуто Оризари, Бучков заедно со полициската група по забележување на камионот инсистирале да го проверат шоферот и документацијата од царина. Веднаш по нивното пријавување, следувале притисоци од претпоставените, сведочи Бучков, пренесе Алфа.

Бучков бил даден на дисциплинска постапка бидејќи, според претпоставените, од полициска станица Шутка незаконски го проверувал струмичкиот камион. Исто така тој сведочи дека поради одмазда, МВР му мести ситуација дека не дозволил постапување на полициски службеници на улица, а лично министерот Спасовски му потпишал отказ. Добил клоци и тупаници од колегите од крим техника кои според него не може случајно да се нашле на лице место на улица во Струмица.

Бучков е убеден дека тогашната власт го штитела криминалот на кумот на братот на поранешниот премиер Зоран Заев, а тој случајно го затекнал камионот, па поминал пекол и агонија што му ја направиле, како што тврди, неговите шефови.

Инаку, БЈБ на МВР, Министерство за финансии, УЈП и Јавното обвинителство пред еден месец влегоа во фирмите на струмичкиот бизнисмен Ристо Крмзов. Тој се сомничи за перење пари, двојни плаќања, незаконско постапување и даночни затајувања.

https://www.youtube.com/watch?v=Zs6PH7O8y2I

The post Сведоштво на полицаец избркан од работа откако го фатил во криминал кумот на Заеви appeared first on Република.

Пратеникот Венко Филипче, еден од тројцата кандидати за претседател на СДСМ тера бизниси со семејството на поранешниот лидер на СДСМ Зоран Заев, но заборавил да ги пријави во Државната комисија за спречување корупција (ДКСК), објави ИРЛ.

Во анкетниот лист доставен до Антикорупциската комисија, како што пишува „ИРЛ“ Филиче ја скрил фирмата за недвижности од Бугарија која ја пронајдоа новинарите на ИРЛ. Пребарувањето низ јавните списи во Македонија новинарите ги довело до до нова инвестиција на семејствата на експремиерот Зоран Заев и ексминистерот Филипче. Нивните браќа Вице и Никола се на чекор до пуштање во употреба на фотоволтаична централа која им ја изградил Кочо Анѓушев. Филипче во разговор со новинарите на ИРЛ изјавил дека заборавил да ја пријави фирмата и рече дека веднаш ќе поита до ДКСК да го надополни анкетниот лист за неговата имотна состојба.

Пресметките од последниот анкетен лист на Венко Филипче, доставен на 28 јуни 2024 до Комисијата за спречување корупција како пратеник, покажуваат дека тој поседува имот вреден 850 илјади евра. Тоа значи дека во меѓу периодот откако престана да биде министер, до пратеничката функција, за две и пол години, стекнал капитал поголем за 150 илјади евра.

Пријавениот имот вклучува шест станови во Скопје, патничко возило во сопственост на сопругата и нов мотор Indian Pursuit купен годинава.

Пријавени се и хартии од вредност стекнати во 2008 година, меѓутоа, не е наведена нивната вредност.

Претходната власт предводена од СДСМ, последните неколку години од владеењето на големо зборуваше дека ќе го испитува потеклото на капиталот и имотот на функционерите. За секој имот над 30 илјади евра за кој не може да се докаже потеклото, требаше да има конфискација. Меѓутоа, досега ништо од ова не се примени.

Целиот текст овде

The post Венко Филипче, претендент за лидер на СДСМ тера бизниси со Заеви, за две и пол години стекнал капитал поголем за 150 илјади евра appeared first on Република.

Враќата Заеви кај престојуваат во овие летни денови? Го дишат ли истиот воздух што го дишат бебињата што се раѓаат во Преспа?, прашува пејачката Тања Царовска, споделувајќи ја алармантната состојба во која се наоѓа Преспа, каде воздухот смрди од отровот во него.

Ќе си легнував. Ама не можам да спијам, зашто надвор не се дише, откако отворив ме запече грло и очи. Не драги луѓе, не сум во Скопје. Во Преспа сум. Во село на 8 километри од Ресен, на надморска височина од скоро 900м, а близу Отешево, местото каде што се лекуваат пациенти во специјализираната болница за белодробни заболувања заради чистиот воздух. Кога бев мала овде мирисаше на трева, сено и лепешки, со воздух кој беше толку чист што просто го чувствуваш на лицето како те лади и “бања”. Рај за сетилата!
Но, од пред неколку години, славните браќа Заеви ја купија фабриката за глина “Слога” во Ресен. Од тогаш градот труе, а еве, и околните села. Кога нема силен ветер, а најчесто нема - смрди до неможење да дишеш! И тоа баш навечер, после почнувањето на третата работничка смена во Слога.
Со ова би сакала да отворам неколку големи прашања - на што гориво работи фабриката? Или поточно - што се гори во неа?
Ресенчани и Преспанци - зошто молчите? Не ви пречи ли да дишете отров? Или ако има некаков отпор а не знам - ве молам упатете ме, да се придружиме сите!
Има ли новинари кои би сакале ова да го истражат???
И последно прашање - браќата Заеви кај престојуваат во овие летни денови? Го дишат ли истиот воздух што го дишат бебињата што се раѓаат во Преспа?
Ај добра ноќ, одам да повраќам од воздухот. Нај, најсериозно! Преспа еееј, воздушната бања!!!
(А ко се пакував во Скопје за навака - го гледам прочистувачот за воздух и си викам: Е, барем ова за таму не ми треба!!😖), пишува таа.

The post Го дишат ли браќата Заеви, газди на „Слога“, истиот воздух како бебињата во Преспа? appeared first on Република.

Панче Заев, таткото на поранешниот премиер Зоран Заев, за кратко време станал сопственик на уште една компанија - овој пат како основач на „Тотал Коп“. Компанијата е регистрирана на почетокот на месецов со дејност „товарен патен транспорт“, објави „Фактор“.

Панче Заев од октомври лани е сопственик на новоформирана компанија за производство на електрична енергија „Солар Грин Енерџи“, регистрирана на истата адреса како и „Тотал Коп“.

Пред неколку години братот на Зоран Заев, Вице Заев, беше обвинет од опозицијата дека наводно негови камиони биле тајно ангажирани за сосема трета компанија за оперативните градежни работи во РЕК Битола, односно за превоз на јаглен со товарни возила кои се со струмички регистерски таблици. Според обвинувањата, тие камиони биле во сопственост на градежната компанија „Тотал Инжинеринг Струмица“, на што Вице Заев возврати со демант.

Освен во прехранбениот сектор, за Заеви познато е дека имаат бизниси во ископот на глина, одгледувањето на канабис за медицински цели, градежниот сектор, малопродажбата и трговија.

Повеќе на „Фактор“.

The post Бизнис империјата на Заеви се проширува со компанија за транспорт appeared first on Република.

Влада со одлука на минатонеделната седница му ја одзеде дозволата за одгледување на канабис за медицински цели на Фарма Медика Канабис, каде што, според претходни медиумски објави, сопствеништво имаат братучедите на поранешниот македонски премиер Зоран Заев - Бобан Заев, Трајче Заев и Катерина Бојовиќ Заева.

Компанијата од Валандово од 18 октомври има одлука за „престанување на важењето на одлуката за давање согласност на решението за давање на одобрение за одгледување на канабис за медицински цели на Друштвото за производство и трговија Фарма Медика Канабис Доо Валандово“.

Одлуката стапила на сила од 22 октомври. Се уште не е објавена на сајтот на Владата како точка на дневен ред, но соопштена е во „Службен весник“. Фарма Медика Канабис лиценца за одгледување на канабис од Владата добила во 2018.

„1.Со оваа одлука престанува да важи Одлуката за давање согласност на Решението за давање на одобрение за одгледување на канабис за медицински цели на Друштво за производство и трговија Фарма Медика Канабис ДОО Валандово 2. Оваа одлука влегува во сила наредниот ден од денот на објавувањето во "Службен весник на Република Македонија", објавено е во Службен Весник.

Заев претходно во 2019, според она што е напишано во медиумите, на пратенички прашања во Собранието, објавил дека инвестиците на неговите братучеди во оваа дејност треба да достигнат десетина милиони евра, бидејќи со закон „е дозволено да се произведува лек од канабис“ Тој ги повикуваше и сите инвеститори, кои имаат можност, да инвестираат во оваа дејност „зошто е профиталбилна“ и дека државата очекува нови работни места и прилив од стотици милиони евра.

Извор: Фактор.мк

The post Владата им ја одзеде дозволата за одгледување канабис на Заеви appeared first on Република.

Криминалниот октопод со Штедилницата ТАТ од Битола, доби нова современа верзија со пропаѓањето на Еуростандард банка, ова денеска преку соопштение до јавноста го истакнаа од ВМРО-ДПМНЕ.

-Новиот криминален октопод во Македонија со Еуростандард банка не добива разрешница. Тоа е така бидејќи високи поранешни, но и сегашни функционери од антимакедонската СДС се вмешани во овој огромен криминал. И овој случај со Еуростандард банка како тој за ТАТ се случува во време кога на власт е антимакедонската СДС, како и тогаш така и сега вмешани се високи функционери од СДС. Власта предводена од антимакедонската СДС јавно да објави кои струмички фирми се вмешани во овој криминал? Исто така да одговори како овие фирми, блиски до најбогатото семејство во Струмица, а и Македонија, Заеви, добивале кредити од банката без покритие и истите не ги враќале?, прашуваат од партијата.

Од таму додаваат дека јавноста очекува одговор како овие фирми биле повластени со тоа што не ги враќале парите и сето ова било премолчувано, дали бидејќи се поврзувани со фамилијата Заеви и истите биле заштитени во криминалот кој го правеле.

-Илјадници штедачи се измамени и истите се уште чекаат разрешница за да бидат обештетени. Човечки судбини се во прашање и за овој криминал не смее власта предводена од антимакедонската СДС да молчи. Одговорност мора да има за овој огромен криминал и клопчето мора да биде размотано до крај, стои во соопштението на ВМРО-ДПМНЕ.

The post ВМРО-ДПМНЕ: Јавно да се објават кои фирмите од Струмица, блиски до Заеви, кои добивале кредити и не ги враќале appeared first on Република.

Што се крие зад суспензијата на обвинителката за организиран криминал Вилма Русковска и под какви притисоци е донесена таа одлука, засега пред јавноста не се отвораат целосно картите, пишува НетПрес во анализа за скандалозната суспензија на обвинителката која гони неколку високи функционери на СДСМ и ДУИ.

Иако, Русковска во куса изјава посочи дека не се сомнева дека зад нејзината суспензија стојат притисоци, таа одби да зборува отворено за тоа, за, како што наведе, да не заврши пред Судот за клевета. Но, напомена дека во игра е политичка позадина и загадочно посочи дека случувањата не биле водени од сегашната влада?

https://republika.mk/vesti/makedonija/dali-joveski-ja-suspendira-ruskovska-poradi-dokazite-koi-gi-poseduva-za-kriminalot-na-muaremi-koi-vodat-do-krimnali-na-visoki-vladini-funkcioneri/

Но, во исто време, Рускоска откри дека била суспендирана само една недела пред распитот на сведоците за случајот „Технички испитен центар Беса Транс“, во кој е инволвиран министерот за внатрешни работи Оливер Спасовски како шеф на Министерството за внатрешни работи.

Процедурните дејствија во истрагата за случајот со Спасовски, кои може да доведат до кривична пријава за најмоќниот човек во власта и во СДСМ, сепак даваат една друга перспектива за суспензијата на Русковска.

Основното јавно обвинителство за гонење организиран криминал и корупција од мај годинава истражува зошто МВР со месеци го чувало во фиока решението за привремена забрана за работа на станицата за технички преглед „Виа комерц“, каде бил прегледан автобусот „Беса транс“ кој се запали во Бугарија.

Министерот за внатрешни работи Оливер Спасовски досега не даде одговор за тоа зошто три ипол месеци го чувал во фиока решението за привремена забрана за работа на станицата за технички преглед „Виа комерц“ и го потпишал три дена по трагедијата на автобусот „Беса транс“ кој се запали на автопатот во Бугарија.

https://republika.mk/vesti/makedonija/otstranuvanjeto-na-laze-velkovski-e-najava-deka-odmazdata-na-organiziraniot-kriminal-vo-makedonija-nema-da-zapre/

Покрај првиот човек на Финансиската полиција Арафат Муареми и директорот на Дирекцијата за заштита и спасување Беким Максути од ДУИ против кои Русковска води истражни дејствија се чини дека и министерот за внатрешни работи Оливер Спасовски би можел да има личен интерес од нејзината суспензија.

Исто така, за суспензијата на Русковска е заинтересиран и Вице Заев, кој е дел од истрагата за рекетот во РЕЦ Битола и кој е наведен во кривична пријава за криминал и уцена од 250 илјади евра.

https://republika.mk/vesti/makedonija/prilepskiot-komandir-chipsio-faten-vo-akcijata-od-dea-pushten-vo-domashen-pritvor/

Со Вице не завршува антагонизмот на фамилијата Заеви со Русковска. Во акција за спречување на шверц на дрога предводена од американската ДЕА, беше уапсен Александар Ушилковскии, личен шофер на Трајче Заев, братучед на Зоран Заев. При претрес на комбе пронајдена беше марихуана во вредност од 800 илјади евра. Пратката со марихуана тргнала од Фирмата Медика 420 од Битола, фирма која се поврзува директно со фамилијата Заеви, Трајче и Вице.

https://republika.mk/vesti/crna-hronika/obezbeduvanjeto-na-trajche-zaev-bilo-chistach-na-kombeto-koe-ja-prevezuvalo-drogata-zapleneta-vo-akcijata-na-dea/

Тогаш обвинителката Вилма Рускоска кажа дека акцијата била пробиена и некој од МВР им дојавил на дилерите дека ќе бидат апсени.

Сепак, под нејзина капа во Обвинителството се водат случаи за економски криминал и корупција и за високи фунционери токму од сегашната власт, иако Рускоска се обиде да негира некаква поврзаност со притисоци од власта. Тука, на пример се предметите за поранешните генерални секретари на оваа Влада, Драги Рашковски и Мухамед Зеќири. Но „непрецизното“ негирање, на инволвираноста на „сегашната влада“ намерно или не, фрла уште поголема сомнеж зад целата оваа драмолетка, во која несомнено клучна улога имаат политички моќници.

И универзитетскиот професор Гордан Калајџиев смета дека ваквата усилена интервенција за суспензија на обвинители е по нарачка и дека најверојатно Русковска му има стапнато некому „на жуљ“.

Пред нејзината суспензија, таа очајнички побара надлежните институции во државата, меѓутоа и сите меѓународни институции и амбасади, пред сѐ Амбасадата на САД и Канцеларијата на ЕУ да ги проверат фактите и се расчисти кој во оваа држава се бори против криминалот, а кој го прави криминалот, пишува Нетпрес во анализата.

The post И акциите на американската ДЕА причина Спасовски и Заеви да ѝ се многу лути на Рускоска appeared first on Република.

45 македонски државјани поседуваат имоти во Дубаи, во вредност од 14 милиони евра, додека Македонија се дави во сиромаштија и во инфлација, рече на денешната прес-конференција портпаролот на ВМРО-ДПМНЕ Наум Стоилковски. Додаде дека финансиските власти во Македонија со денови молчат, молчи и Ковачевски, молчат и од СДСМ, и праша - дали зад нивниот молк се крие нечие прикривање?

Во извештаите кои што ги објавија норвешките истражувачки новинари, а со помош на Центарот за напредни одбранбени студии со седиште во Вашингтон се откри голем број на олигарси, политичари и мафијаши ширум светот кои што засолниште за своите матно стекнати пари нашле во оваа земја со заштитничко законодавство кон сите кои ќе инвестираат и ќе ги однесат нивни пари таму. Еден од најчестите патници Скопје – Дубаи и обратно е Трајче Заев, братучед на поранешниот премиер Зоран Заев, тој беше во овој град и кога неговиот шофер беше фатен во шверцот со кокаин во Прилеп, каде што остана во Дубаи и повеќе од еден месец бегајќи од новинарите, соопшти Стоилковски.

https://republika.mk/vesti/crna-hronika/obezbeduvanjeto-na-trajche-zaev-bilo-chistach-na-kombeto-koe-ja-prevezuvalo-drogata-zapleneta-vo-akcijata-na-dea/

Тој праша - Дали презимето Заев е едно од сопствениците на имоти во Дубаи, колку пари чини тој имот и како е стекнат?

Зоран Заев, како поранешен премиер, но и СДСМ кои што се негови пиони треба да кажат дали Трајче Заев или некој од семејството Заеви поседува имот во Дубаи и за која цел?

Дали Заеви, но и дали актуелни политичари од СДСМ покрај имот во Дубаи се сопственици и на фирми во безцарински и нискоданочни зони? Доколку да, дали тие сметки се користени за вадење пари од тендери и од шемите низ Македонија?

Во владата и од СДСМ да не молчат. Ковачевски и Заев да излезат и да кажат дали и како се купени имоти во Дубаи?, побара Стоилковски.

https://youtu.be/NeBY6vdIsII

The post За Дубаи најчесто патува Трајче Заев, се крие колку имоти има фамилијата таму appeared first on Република.

Скромноста на овој Велигден не ја почувствуваа децата на богатите. Магичните празнични денови ќе им останат во раскошно сеќавање на ќерките на браќата Заеви, Александра на Зоран и Ева на Вице.

Ќерката на Вице Заев, Ева Заева, дождливите пролетни денови ги минува во сончевиот Дубаи, една од дестинациите каде што многу често престојува. Ева живее на висока нога и нема морални сопирачки за да го крие тоа. Таа редовно им ги полни очите на своите следбеници од Македонија со раскошот во кој ужива. Знае да се пофали и со учењето, па ете знаеме дека дотуркала до крајот на студиите на Машинскиот факултет.

За разлика од неа, ќерката на нејзиниот чичко Зоран, Александра, за Велигден си дозволи да ја обиколи Западна Европа: Монте Карло, Барселона, Венеција, Рим. Ќерката на поранешниот премиер Зоран Заев постојано ги почестува своите следбеници на Инстаграм со нови фотографии од луксузните дестинации кои ги посетува.

Елегантна и стилизирана како и секогаш, таа на ова патување не ја тргна широката насмевка од лицето. Ева пак преферира да позира со загадочен поглед и филмска насмевка, па делува надмено. Александра, пак, ја наследила непосредноста од татка си, па иако парчињата алишта што ги носи вредат пакети масло или резервоар гориво, таа делува поскромно од братучетка си.

Истенчениот вкус на модните критичари веќе го прогласи стилот на братучетките Заеви за „задолжително парче во орманот“. Па така, скромната Ева од уште поскромното работничко семејство од Муртино, веќе го поседува долгиот летен фустан за кој би рекле дека е задолжително парче за претстојните топли денови кои нè очекуваат.

Во последните години Дубаи се смета за сврталиште за политичари и бизнисмени, кои не штедат на недвижнини во овој богат град.

Македонски државјани поседуваат вкупно 55 имоти во Дубаи, вредни 14 милиони евра, покажува истражувањето на норвешката веб-страница Е24, базирана на „протечени“ документи за имотите на странци во блискоисточната метропола.

Не е невообичаено, ниту незаконски странски државјани да поседуваат имот во Дубаи, но кога станува збор за „офшор“ инвестиции, тогаш работите се менуваат, се вели во извештајот. Според ова истражување, многу граѓани во светот купуваат имоти во Дубаи за да избегнат данок или да перат пари заработени на незаконски начин.

https://republika.mk/vesti/ekonomija/korumpirani-politichari-i-biznismeni-perele-pari-preku-kupuvanje-imoti-vo-dubai-megju-niv-i-45-makedonci/

The post Едната во Монте Карло, другата во Дубаи: Ќерките на Зоран и Вице Заеви ќе го памтат овој Велигден по луксуз и раскош appeared first on Република.

„Тргопродукт“, најпознатата компанија во сопственост на членовите на фамилијата на поранешниот премиер Зоран Заев, доби неповратен грант од 1,4 милиони евра од ИПАРД-програмата преку Агенцијата за финансиска поддршка на земјоделството и руралниот развој, пренесува „Фактор“.

Компанијата од струмичко Дабиље, која се занимава со откуп на овошје и зелечук и го поседува брендот „Мама'с“, на 21 април добила исплата од 86.608.249 денари. Оваа сума следува како учество во инвестициски проект и е втора најголема дадена како грант во историјата на земјоделскиот фонд откако се работи со ИПАРД-програми.

Финансиската поддршка за корисникот ДПОЗ Тргопродукт ДООЕЛ изнесува 86.608.249 денари за набавка на опрема за прием, обработка и преработка на земјоделски производи и опрема за полнење, затворање, пастеризација, пакување и етикетирање на производи, односно 75% ЕУ учество во износ од 64.956.187 денари и 25% национално учество во износ од 21.652.062 денари, се вели во објаснувањето на Агенцијата за финансиска поддршка на земјоделството и руралниот развој.

Годишно агенцијата доделувa околу 500-тини грантови за инвестиции реализирани од правни и физички лица, а има и до 90.000 апликанти.

The post Компанија на Заеви доби 1,4 милиони евра неповратен грант appeared first on Република.

Фирмите Сара инженеринг, Сара јавор и Дравас, сите со седиште во Струмица во кои во одредени периоди косопственик бил Вице Заев, брат на поранешниот премиер Зоран Заев, со години се на листата на должници која УЈП ја објавува за неплатен ДДВ, данок на добивка и персонален данок. Вкупно трите фирми, според последните листи на должници на УЈП објавени во февруари и март, должат нешто повеќе од еден милион евра. Во одговорите на прашањата на МКД.мк УЈП вели дека согласно законските надлежности презема мерки и дејства за даночни обврзници кои се должници по кој било основ.

https://republika.mk/vesti/ekonomija/zdruzenie-na-shtedachi-firmi-na-zaevi-ne-vratile-golem-dolg-kon-eurostandard/

За Сара инженеринг интересни се и податоците кои ги објавува и здружението на обесправени штедачи на Еуростандард банката Правда за штедачи. Тие потсетуваат дека на 29 октомври 2021 година Вице Заев излегол од сопствеништвото на фирмата Сара инженеринг ДОО Струмица. Фирмата има сомнителен и спорен долг во Еуростандард банка од околу 600 илјади евра и нема платено ниту една рата 620 дена пред затворање на банката, август 2020 година. На местото на Вице Заев како косопственик на Сара инженеринг влегол Зоран Марковски, додека другите двајца крајни косопственици, Сашко Брндевски и Ристо Кречев, останале во фирмата.

https://republika.mk/vesti/ekonomija/pravdata-e-slepa-i-pred-izbori-vice-zaev-trajche-zaev-i-zaevi-zele-kredit-od-eurostandard-i-ne-go-vratile/

Целиот текст на МКД.мк

The post Фирмите во кои Вице Заев бил косопственик со години на државата ѝ должат околу 1 милион евра appeared first on Република.

Бадниковата вечера во семејството Заеви и годинава помина во знакот на златниот прибор. Денот кој треба да биде одлика на скромност за семејството на експремиерот е можност да го покажат луксузот во кој живеат. Како минатата година, така и годинава.

Ќерката на Заев, Александра Заева на социјалните мрежи се пофали дека годинава среќата и се наклонила. На масата на која е целиот клан Заеви, токму на Александра и се паднала паричката во бадниковото лепче. На истата фотографија се наѕира и златниот прибор за кој минатата година многу се зборуваше.

И Ева Заева се пофали со истата трпеза и со нејзиното парче од бадниковото лепче, во кое сепак, паричка немаше.

The post Бадник кај Заеви: Златниот прибор на маса, паричката во Александрината каса appeared first on Република.